صفحات المضايف على تويتر
عدد مرات النقر : 185,042
عدد  مرات الظهور : 159,085,014
عدد مرات النقر : 180,579
عدد  مرات الظهور : 103,030,769مركز المضايف لتحميل الصور والملفات
عدد مرات النقر : 152,518
عدد  مرات الظهور : 87,166,928مضيف الخيمة الرمضانية
عدد مرات النقر : 151,075
عدد  مرات الظهور : 86,824,355صفحات المضايف على الفيس بوك
عدد مرات النقر : 186,446
عدد  مرات الظهور : 159,085,022
ملتقى الويلان الثقافي والإجتماعي
عدد مرات النقر : 155,605
عدد  مرات الظهور : 140,453,597
عدد مرات النقر : 151,454
عدد  مرات الظهور : 86,824,326فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 187,696
عدد  مرات الظهور : 153,283,2085موقع المضايف على أنستغرام
عدد مرات النقر : 181,135
عدد  مرات الظهور : 145,062,112ليل التعاليل
عدد مرات النقر : 178,269
عدد  مرات الظهور : 101,555,956
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا 27 مارس يوم # مبادرة السعودية الخضراء
بقلم : جمر الغضا
قريبا قريبا

الإهداءات

« آخـــر الـــمـــشـــاركــــات »
         :: الزكاة ( فريضة وأحكام ) (آخر رد :خيّال نجد)       :: أكفلهم … ونحن نرعاهم (آخر رد :جمر الغضا)       :: اللي يسمع خالد يرفع 🇸🇦 واللي ما يسمع خالد يرفع 🇸🇦 (آخر رد :جمر الغضا)       :: وزارة التعليم رسمياً : (آخر رد :جمر الغضا)       :: 27 مارس يوم # مبادرة السعودية الخضراء (آخر رد :جمر الغضا)       :: ومن سيصدقني يا خديجة ؟ (آخر رد :كساب الطيب)       :: وزارة الدفاع قريباً : (آخر رد :كساب الطيب)       :: وزارة التعليم (آخر رد :كساب الطيب)       :: أمطار ورمضان 1445 هـ (آخر رد :كساب الطيب)       :: الشؤون الإسلامية قريباً : (آخر رد :كساب الطيب)       :: طبتم أينما كنتم (آخر رد :كساب الطيب)       :: شكراً ل | " (آخر رد :جمر الغضا)       :: أخصائي تغذية يحذر من تناول الجبن السائل ويكشف الأسباب (آخر رد :معزي العنزي)      


العودة   شبكة المضايف الأدبية والثقافية > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع عبدالرحمن اليمني مشاركات 7 المشاهدات 4839  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 21-02-2015, 08:32 PM
عبدالرحمن اليمني غير متواجد حالياً
Saudi Arabia    
اوسمتي
وسام المراقب المميز 
لوني المفضل Maroon
 رقم العضوية : 260
 تاريخ التسجيل : Nov 2009
 فترة الأقامة : 5236 يوم
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم : 10
بيانات اضافيه [ + ]

اوسمتي

مميز1 ديوان الشاعر / راجي شامان اليمني العنزي « هداج القوافي »



نقدم لكم الديوان الشعري. الشاعر راجي شامان اليمني العنزي عسى أن يحوز على رضاكم واستحسانكم..


انا البارحة سهران ليلي على ذكراك
أردد كلامك واتخيلك يالغالي
أعيد الكلام الي مضا الي انا وياك
وعايش على ذكراك والحب قتالي
تعذبت من حبك وزاد العذاب فرقاك
سولف على روحي وانابالخلا الخالي
دموعي تذارف كل ليله على طرياك
انا ارسلت لك مرسول يخبرك بحوالي
ولافاد مرسولي ولاضنتي قد جاك
ولاادري الخيانه منك او خان مرسالي
أطالع لبيتك واترقب مع الشباك
وقضيت ليلي بين اﻷقفى واﻷقبالي
حزين وشفوقن ياحبيبي على لاماك
أشدمن شفاقت اﻷم على بنها الغالي
تربيت في قلبن يحبك ولاينساك
ولك بالضلوع العوج مسكن ومنزالي
تحملت من جورالمحبه ومن بلواك
وصعب اتحمل كلمتن فيك تنقالي
ولاياقمر قام يتغير علي مسراك
سريعن طلوعك وتختفي بالسماء العالي
🌹🌹🌹🌹🌹🌹🌹🌹🌹🌹
وهذه القصيدة الغزليه

ياروح روحي ترا الايام دواره
ولاتجعل الناس مابينك ومابيني
خلك معي عايشن بالحب وسراره
والحب يجري مع عروق المحبيني
الحب محرق ضميري ولاطفت ناره
محرق ضميري ودوم الدوم يكويني
والقلب يرتاح لامن جتني اخباره
طيفه وذكراه في قلبي يسليني
أعيش دايم على جوه وتذكاره
لوغاب عني ثلاث اشهور وسنيني
تبقا ويبقا الغلا والحب ومقداره
وغلاه يجري مع عروق الشراييني
أدمح خطاء زلته والنفس صباره
واقول مانت أمخطي يابعد عيني
بس المهم لاتغادر وتترك الحاره
وان كان مصمل امانه لاتخليني
خذني معك والسنين القشر غداره
ومن لي غيرك بهاالدنيا يحاكيني
ولاتفرح أعداي بي وتعلن الغاره
أعداي وعداك ياروحي كثيريني
أبي هل الحسد فيك تموت محتاره
ألياأجتمعنا وشبكت أيديك في يديني
ونبي نتمشى ونركب فوق طياره
وليا مشينا نروح لترك والصيني
ندخل على جو ناسآ دوم بحاره
تمشي بوسط البحروخظر البساتيني
وليا شتهيتي السمك جبته بسناره
جبته على شان ياروحي تغذيني
الحب بلوى ومنه الناس ثرثاره
وقبلي معذب له أشيوخ وسلاطيني
🌹🌹🌹🌹🌹🌹🌹🌹🌹🌹
وهذه قصيدة في الشيب

قالو علامك لحيتك كلها شيب
وأنت صغير وكنك اليوم شايب
قلت اسمعوا يامدورين العذاريب
ياللي تحبون الحكي والطلايب
شيبي وقار ولابشيب الرجل عيب
من كثر ماشافت عيوني الغرايب
يسألي ابشر على الرد بجيب
برد لك والكيف والبال طايب
فكرت بالدنيا وشفت التعاجيب
دنيا تورينا العناء والعجايب
واخذت من دنياي دروس وتجاريب
ومايعيش فيها من حياته غلايب
لياأقبلت تسقيك صافي المشاريب
ولياأدبرت حظك من الكسب خايب
والوقت راح وفات يوم المكاسيب
يوم العرب تغزي بخيل وركايب
يوم العرب تطمع بحرش العراقيب
تطمع لجمع وكسب عوص النجايب
أسلاحهم دهم القنا والمصاليب
فعل الشيوخ ولابسين العصايب
أهل الكرم والصدق واهل المواجيب
أهل القلوب الطيبه والحبايب
تحت حمايتهم رعت شمخ النيب
تسعى لشمل ولم جمع القرايب
والحين راحو وتركونا هل الطيب
والكل منهم فوق قبره نصايب
ماباقي الا اعلومهم كالهذاريب
وديارهم تسفي عليها الهبايب
ياالله يالمعبود ياعالم الغيب
تسكنهم الجنه بيوم الحسايب
وجونا مشاركة البني الرعابيب
اللي تدور للمشاكل سبايب
الي مجالسهم تهز المشاعيب
بحضورهم ماغير سرد المصايب
تفرح بنقل الهرج وحش العراقيب
بالسب والنمه ليا صرت غايب
وفي مجلسه يودي الهرج ويجيب
ويولع الفتنه مابين القرايب
ياالله تعرضهم صدوف وعواقيب
ويقطعهم الله ياملين الذهايب
يالايمي لاتلومني يوم بدا الشيب
يومن شيبي بان والقلب ذايب
هذا الكلام ومرتب القاف ترتيب
اخر كلام اللي من الوقت تايب


🌹🌹🌹🌹🌹🌹🌹🌹🌹🌹

غزليه

البارحه فضيت ليلي وانا انوح
نوح الحمام الي تهيض وناحي
من كثر نوحاتي غدا القلب مجروح
والقلب من كثر الحزن مااستراحي
القلب ينزف وازرق الدمع مسفوح
والافيه من جاني يضمد اجراحي
قعدت ثمان اسنين مرضان ماروح
في غرفتي من المساء لصباحي
ماغير اشمخط من القصايد على الوح
واكتب على الجدران ولاني بصاحي
اسباب غرون عذب القلب والروح
انشهدنه شال قلبي وراحي
لوصار ومهما صار ماهو مسموح
غرون أسر قلبي ولااطلق سراحي
معذبن قلبي على غير مصلوح
مايدري ان الحب موتن امتاحي
راع الهواء مجنون والحب ذابوح
كم واحدآ من سبة الحب طاحي
وياالله يالمعبود يامنقذن نوح
تستر علي وتعيضني بالصلاحي
وتعوض الي من عنا الوقت مجروح
باالي بقا والي من العمر راحي


🌹🌹🌹🌹🌹🌹🌹🌹🌹🌹
وهذه عن الشعر مجاراه بيني وبين الشعر


البارحه ساهرن ماغمضت عيني
سهران ليلي ونومي ماتهنابه
شين على خاطري دايم يقزيني
ابا أعترف للبشر ووضح أسبابه
بيني وبين الشعر ثأرت براكيني
صبر عليه اسنين وثأرت اعصابه
ثارت اعصاب الشعر داخل شراييني
مابين نفسي وشعري صارت اطلابه
يقول انا من سجن من عدة اسنيني
داخل ضميرك بسجنن قافلن بابه
أليامتى ياابوياسر وانت مخفيني
والناس بالشعر يم السوق جلابه
والشعر بهالوقت تكسب به ملاييني
تكسب ملايين وكلن يحسب احسابه
اطلق سراحي وابي اثبت لك براهيني
بثبت براهين قدم الشعر وأصحابه
قلت انت غلطان وحاول تفتهم زيني
الشعر له باب والازم تطرق ابوابه
تدخل معه بحترام وله قوانيني
والحر يأخذ مكاسيبه بمخلابه
قال انت تشتم علي ومنطقك شيني
وغروك ناسآ بسرد الهرج كذابه
خلاص والي وصلني منك يكفيني
قلت انتبه من كلامآ شين تبلابه
خلك حذر وانتبه من هرج مسكيني
وهرج المساكين حذرا لاتشقابه
قال انت غلطان وتلعب فوق حبليني
تبغا تجاهل وانا الي فيك بدرابه
قلت توها بينت انك معاديني
تبغى تولع مابيني وبينك احرابه
قال انت مخطي على ودوم توذيني
وإن قلت لك شور وبشوري تهزابه
قلت والله لولاك ياشعري تسليني
لاغاب عني يضيق الكون بغيابه
عن الهواجيس واﻷحزان يحميني
لاضاقت النفس شعرك بتسلابه
من هاجسن بالضماير دوم يكويني
والهم خيم اجيوشه ونوخ اركابه
الاكن سامح وترى ماحاصلن شيني
والي جرا بيننا لاتحسب احسابه
ان كان يرضيك حكم الشيخ ياشيني
الوعد بالمحكمه والحكم نرضابه
قال انت مجنون باي اسباب تشكيني
وشجاك تشكي صديقك وانت اولابه
قلت خلاص ماعاد فيها ولاتحاكيني
والايضيع حقن وراه أرجال طلابه
خلاص ماعاد فيها لو ترضيني
ولاعاد اسامح حبيبآ خان بأحبابه
قال انت خاين وبدرب الموت ترميني
لاكن اشهدو ياجماعه لاتبلابه
له عدة اسنين ساجني ومخفيني
داخل ضميره بسجنن قافلن بابه
الاعاد يسأل علي ولايحاكيني
وخلاص ماعاد بيني وبينك اطلابه
أنهيت كل المشاكل بينك وبيني
والنفس ملت وكلن يريح أعصابه


🌹🌹🌹🌹🌹🌹🌹🌹🌹🌹

وهذه قصيده في واحد غني ويسب ناسا طيبين وهم فقرا

ياالي تعذربلك اشيوخ وسلاطين
احفظ كلامي كان تكتب وتقرا
الفقر ماعذرب اربوعآ كثيرين
عاشت على فعل الكرم وهم فقرا
فقرا ولاهم بالمواقف رديين
افعالهم بقيت مع الناس ذكرا
مايقلطون إلا الغنم والبعارين
والاأنت تأكل من صحنهم وتزرا
تأكل وتزرا وانت عندك ملايين
ولالك مع اهل الطيب والعرف قدرا
وترا الكرم والفعل عند الكريمين
وبعض العرب لازاد ماله تمدرا
فازوبها الي تسبهم يااحمر العين
يوم أنت تدور من وراء المال شهرا
ماهم مثلك بالوازم بخيلين
لامدتن تذكر ولافعل يطرا
تحسب احسابك من احساب الغنيين
ولالك مع اهل الطيب والجود ذكرا
فازوبها قبلك ارجاﻵ شريفين
الناس تعرفهم وبها الناس أدرا
عاشو على الطولات بالعسر والين
وعمار ياطاري هل الطيب عمرا

🌹🌹🌹🌹🌹🌹🌹🌹🌹🌹

الله من ظيقتآ بالصدر مخفيها
أخفيتها بالضمير وبيحة سدي
والنفس ضاقت ومافيها مكفيها
والصبر طول وصبري واصلن حدي
يالله طلبتك تزين لي تواليها
وتزين ايامي الي صايرة ضدي
أيام تصعب على الي عايشآ فيها
تصعب على اللي حضه دوم متردي
والناس تطرد ورى الدنيا ومافيها
تطرد وراها وكلن يبذل الجهدي
أبليس يلعب عليها لين يغويها
ومن زاد ماله بها الدنيا نوى الصدي
في باله أن البشر بالمال يشريها
وكلن على مايبيه يجيب ويودي
النذل يضحك مع اصحابه ويوذيها
يقول انا شيخ في مالي ومتحدي
ولوكان مخطي يقولو مايسويها
كنه ولد شيخ لو مايعرف المدي
ولا جو بيته اضيوفه مايعشيها
يظيق باله ويقضي المدح والسردي
وبالهرج دايم لزوم الناس يقضيها
عساه فدوة عريب الخال والجدي
كريم في منزله والناس مرضيها
حكيم يفرق مابين المزح والجدي
ولو أغتنا المرجله يحفظ مباديها
والرجل فعله لو أنه مات ينعدي
ربعآ تنومسك بحاضرها وماضيها
تبين وقت الرخا وتبين بالشدي
وجبلت اﻻ دمي صعبن يخليها
والحر يأخذ مكاسيبه أليا هدي
له هدتن جارحه ماهو مخطيها
ياالله عسا ايامنا بالخير وتعدي
وتهدي جميع البشر ولدين تهديها
أنت السميع العليم الواحد المهدي
بأمرك وفي قدرتك أموات تحييها
تحيي رميم العظام وتنبت الجلدي
أنت العزيز الكريم والروح واليها
لاراحة الروح مني وصرت في لحدي
نفسي عن النار واﻷهوال تحميها
لاجاء نهار الحشر وصل العرق خدي
تستر علي وجميع الناس تنجيها
وصلاة ربي عدد ماينبت الوردي
واعداد ماطاف في مكه وسعى فيها
واعداد أحروف الكتابة وماكتبت يدي

🌹🌹🌹🌹🌹🌹🌹🌹🌹🌹



ياشوق أركد لايغرك تكبرك*
ترا التكبر لوعة العاشقيني
احذر يغرك حسن زينك ومضهرك
ولاتعذب المشتاق يانور عيني
خلك حنون ولايتزايد تغطرسك
ولايدخل الشيطان بينك وبيني
واحذر عواذلنا تجيك وتدمرك
مادام حطيت العهد واليميني
الصبر زين وربك الي يدبرك
والله كريم ويعوض الصابريني
ياما صبرت وقمت اداري مشاعرك
واقول بصبر وكل خافي يبيني
كله على شانك وع شان ماخسرك
ابااتحمل لو قلبي حزيني
انشهدنك شلت قلبي بضافرك
وخليت سكرات المنايا تجيني
القلب ينزف منك وتبغاني اعذرك
ومن فوق هذا بالظهر تطعنيني
خنت الحبيب الي يحبك وقدرك*
واغلاك والله من غلا الوالديني

🌹🌹🌹🌹🌹🌹🌹🌹🌹🌹🌹

هذ القصيده نصيحه عن النمه

ياصاحبي جنب عن النمه مادام انك بخير
مادام ربك مكرمك خل العرب في شأنها
الله معطيك نعمته والعالم الله ويش يصير
أكبر عقوبه للبشر تكثر بنطق ألسانها
ترا العقوبه وارده والوضع ياالصاحب خطير
قامت تكاثر بهاالزمان بشبابها وشيبانها
جاهم غرور بهالزمن والكل منهم كل الوزير
عند المجالس تستشيخ ويرزها شيطانها
تطغى وتكثر بالكلام من دون حكمه ولا ضمير
والله يحمانا ويقانا شرها وطغيانها
أبليس مغويها وناويها على الشر الشرير
يزيد في سياتها ويقلل والله أحسانها
وللي يطيعه ويتبعه يروح فيها بزمهرير
النار قدمه وللعذاب مفتحه بيبانها
ماعاد يفرق عندها هذا صغير وذا كبير
خلقها ربي لطغاه الي تلوي ألسانها
والكافر ماله عن جهنم لامفر ولامطير
والمسلم معطيه ربي جنته وبستانها
يستغفر الله ويطلبه من الفجر لين العصير
ويحافظ على خمس الفروض بشروطها وأركانها

🌹🌹🌹🌹🌹🌹🌹🌹🌹🌹




 توقيع :
لابتي ويلان أفديها .....بدمي وروحي

رد مع اقتباس
قديم 21-02-2015, 08:34 PM   #2


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

افتراضي



هذه القصيده نصيحه في ابني ياسر عن الوقت


لاتنثر الدمع ياياسر على شاني
احبس ادموعك بعينك لاتبينها
ولا تحرق القلب بدموعك وﻷعياني
أدري ضروف الزمن معنا مطينها
لاكن ماجاك يابني ربع ماجاني
أهتم من همك وروحي محزنها
مهما سهرت وبكيت ونمت جيعاني
الصبر مطلوب وربك لك يبينها
عليك بالصبر مهما وقتنا شاني
وشكواك الله وربك لك يزينها
لاتشتكي وتلتجي لفلان وفلاني
أرزاق اﻷحياء إلاه الكون ظامنها
عليك بالدين وفعل الخير بحساني
وأهل الجمايل وفعل الخير ثمنها
اعمل لدينك وبدينك منت خسراني
ومجالس السوء حاول تبتعد عنها
جنب ولاتحطهم ربعن وصدقاني
الي تثير المشاكل دوم بألسنها
مهما تبعدت عنهم منت ندماني
بالعكس ربحان ونفسك يافتى صنها
من عز نفسه وجدها بكل اﻷحياني
ولاعاد تسقط شرف نفسك وتدفنها
خلك مع اهل الوفاء ولطيب عنواني
والكلمه الطيبه بتجني محاسنها
ولاتدعي بالفقر وتقول فقراني
وهرجتك قبل تقول الكلمه أوزنها
لياكرمت نفسك بدينك صرت سلطاني
بكل المكارم وباﻷخلاق ممنها
اعمل لربك وترا عمر الفتى فاني
وتجمع المال ياما ناس جننها
خلك بتاريخ جدانك وجداني
ياعلهم بجنة الفردوس مسكنها
أهل الكرم والوفاء طلقين اﻷيماني
بفعالهم يشهد التاريخ وأعلنها
ربعن لهم بالفعل والصيت برهاني
من لابتن تقهر العدوان وتلعنها
وصلاة ربي عد همال اﻷمزاني
واعداد ماهلة المزنه همايلها


 


رد مع اقتباس
قديم 21-02-2015, 08:40 PM   #3


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

افتراضي



هذه القصيده

ياشينها لاصرت لناس محتاج
وياقشرها لاصرت فقري ومديون
تقضي حياتك كلها هم وازعاج
وتعيش في دنياك معذب ومغبون
وصعبن تدور للفقر طب وأعلاج
وعمر الفتى ماهو مخلد ومضمون
أحدن يعيش أبدنيته تقل دواج
من الفقر والوسوسه تقل مجنون
فقري ولايقدر يجيب فشطة التاج
ومن الفقر دايم أعياله يجوعون
وأحدن يعيش بدنيته ماهو محتاج
مايسولف ألا في تجارة وبليون
وحدن يدور كل هرجه وهراج
ينقل كلام افلان وقولة يقولون


 


رد مع اقتباس
قديم 23-02-2015, 11:43 PM   #4


الصورة الرمزية جدعان العنزي
جدعان العنزي غير متواجد حالياً

بيانات اضافيه [ + ]
 رقم العضوية : 1118
 تاريخ التسجيل :  Sep 2010
 أخر زيارة : 12-02-2024 (09:34 PM)
 المشاركات : 7,569 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Cornflowerblue

اوسمتي

افتراضي




موضوع وافي وجميل
عوافي على الطرح


 
 توقيع :



رد مع اقتباس
قديم 24-02-2015, 12:18 AM   #5


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي



لاهنت اخوي عبدالرحمن على النقل الرائع

صح لسان شاعرنا راجي اليمني


كل التقدير


 
 توقيع :


  مـواضـيـعـي


رد مع اقتباس
قديم 24-02-2015, 03:29 AM   #6


الصورة الرمزية بنت الكحيلا
بنت الكحيلا غير متواجد حالياً

بيانات اضافيه [ + ]
 رقم العضوية : 955
 تاريخ التسجيل :  Jul 2010
 أخر زيارة : 16-03-2024 (04:38 PM)
 المشاركات : 21,119 [ + ]
 التقييم :  10
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Darkmagenta

اوسمتي

افتراضي



صح لسان الشاعر / راجي اليمني

وتسلم عبدالرحمن على نقل الديوان الجميل

لك شكري


 
 توقيع :



رد مع اقتباس
قديم 27-02-2015, 02:17 AM   #7


الصورة الرمزية خيّال نجد
خيّال نجد متواجد حالياً

بيانات اضافيه [ + ]
 رقم العضوية : 63
 تاريخ التسجيل :  Oct 2009
 أخر زيارة : اليوم (07:30 AM)
 المشاركات : 20,934 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Green

اوسمتي

افتراضي





تسلم اياديك على جمال الطرح
عافاك الله

ودي لك


 
 توقيع :


رد مع اقتباس
قديم 12-03-2015, 02:03 AM   #8


الصورة الرمزية كساب الطيب
كساب الطيب غير متواجد حالياً

بيانات اضافيه [ + ]
 رقم العضوية : 977
 تاريخ التسجيل :  Jul 2010
 أخر زيارة : يوم أمس (05:53 AM)
 المشاركات : 17,615 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
لوني المفضل : Darkred

اوسمتي

افتراضي



يعطيك العافيةعلى طرحك القيم والجميل
وًٍدًٍيًٍ......لًًًٍٍٍكًًًٍ......


 


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:01 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education