|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | أكفلهم … ونحن نرعاهم
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | زايد الدغماني | مشاركات | 42 | المشاهدات | 47958 | | | | انشر الموضوع |
|
أدوات الموضوع | انواع عرض الموضوع |
02-08-2011, 04:34 PM | #21 | ||
|
اتوه بالدنيا وانا كلي ذنوب=عبدن ضعيف وتعبتني ذنوبي .يارب ساعدني على النفس واتوب=يارب بأمرك تامر النفس توبي . . .
الحمد لله يوم انا حسبت فقير=من فقير المال ماهو بالخصال .اشكر الله يوم انا املك كثير=وهبة من ربي العالي حلال متقي واخاف من يوم المصير=يوم لاينفع بها فله ومال . . .
ماتنفع المخطي حسافات او ليت=ولاتنفع المقفي عيونن تشوفه .الدمع لامن طاح ياراعي البيت=أعرف ترى حمله يكسر كتوفه ماكل مقفي يالخوي له تباطيت=بعض البشر لقفا خفوقي يعوفه وبعض البشر لو غاب ساعات مليت=انشهد ان الوقت دونه حسوفه ضويت من قاف الشواعير لي ليت=وبنيت من جل المعاني صفوفه عسا الولي يدمح اذا كان زليت=وقلبي عن مصافق زمانه يروفه . . .
اذبحـيـنـــي دام أنـــا لك تسليات ودلعنه=وانثريني بين رمش الحب وشفاه الغرام .والخـفــوق اللي بكـفــــك لايهمك اطعنه=والله إنــه مايجـيـك من الخفوق اية ملام . . .
ليت المفارق يوم يطري على البال =يموت قبل إنه يقوم يتحقق وليت الجفا بين المحبين لطال=يشوف جرح سببه ويترفق وليت الزعل لحل في كل الاحوال=يذوب من حر الغلا ويتدفق وليت الوفا بين المحبين يختال=ويبقا قوي مهما زمانه تصفق . . . |
||
|
01-09-2011, 09:27 PM | #23 |
|
الله الله
يابرق الشمال وش هذا يابو عبدالله قضيت هذا المساء أمتع الأوقات وأروعها في حديقتك الغناء بكل مايبهج النفس ويبعث فيها الدهشه والإنبهار الله عليك من شاعر أطربتني وأمتعتني يابو عبدالله سأعود مراراً وتكراراً ولكن باسكات وبدون إزعاج لكي أرتوي ولن أرتوي سجلني بالمدرسه تلميذ // تلميذ واشرح لي دروسك بالبسمله قبلها التعويذ // قرب لي الراس بَـ ابوسك تحياتي وتقديري |
|
11-09-2011, 08:15 PM | #24 |
|
حمود العبيد ياهلا وغلا
والله ان شهادة اعتبرها دكتورا يالبناخي شهاده اعتز بها ومرورك شرفني حيل حيل وتكرارا الزياره شرف واتمناه انت المدرسه ياطويل العمر وبطل تواضع هههههههه بيتين تسوى عندي ديوان تسلم عليها يالغالي |
|
11-09-2011, 08:18 PM | #25 |
|
دعاني داعي القمه
دعاني داعي القمه على القمه وجيت حضور=ملبي دعوة رجالن علوم الطيب تطربها وانا كلي فخر لامن حضرت ولا نجي بقصور=شواهيد القصايد من ضمير الشوق نكتبها بيوت العز من فعل النشاما ساسها معمور=ملاويح السحاب اللي تهكع في مناكبها ندور رفقة الطيب رفيع المرجله والشور=أعده مكسبي يوم البشر عدة مكاسبها على درب النقا ماساق رجله للخطا والزور=ونفسه عن معاصي خالقه دايم يحاسبها وبيته للكرم منشا سحابن بالكرم منثور=هماليله على حوض النقا تروي مشاربها وباله دايم لجاره مخافة لايجيه قصور=ونفسه بالتواضع والبشاشه دوم مدبها حشم نفسه عن دروب الردى والشين والمحضور=وستر الناس لو نفسه تومر مايقربها وعن هرج اللغا حافض لسانه مايحب الزور=وروحه عن هل النمات والقاله مجنبها حفر للمرجله ساسه وشيد باليمين قصور=وخساير دنيته لو هي ثقايل ما يحسبها انشهد مكسبي خوة نشاما فعلها مذكور=وغيره حالفن والله خصايل مانصاحبها سلام الله على نجمن تلالا كنه البلور=جذبني والقصيد يسوقها مضمون جاذبها تعلا راعي القمه على القمه وعاف البور=على منهاج شيبانه حصيل النفس ينسبها قناعاتي على مبداي ماعافت طريق النور=وناسن تحفض الخوه حاشا لله اعذربها ألا يالله ياعالم خفي الكون والمستور=طلبتك ياولي الخلق نفسي لاتعذبها إهداء لاخوي العزيز والغالي سلمان بن فالح الغضوري
اليوم جاني لافح الشعر برضاه=يبدع طرب بالوصف حسن ودلايل
من يوم مر اللي على الطيب مبناه=راع المثايل في عرين المثايل الصاحب اللي دايم الطيب مبداه=سلمان بن فالح عريب الحمايل الصاحب اللي لاتضايقت وانخاه=طوح عقاله وإرتكا للثقايل المرجله ساسه وطيبه ومنشاه=من ساس عود دربه للجزايل وإن جيت بيته بالمواجيب تلقاه=له مجلس بالطيب عامر ونايل تقلط على صفر الدلال المسواه=فنجالها يبري العقول العلايل بيت الكرم عامر عسا الروح تفداه=اقسم وربي والنعم يابن وايل والله ممدح واحد غير شرواه=اللي ليا عدة فعول الجزايل عديت فعلن من مكاسيب يمناه=ماهي لفايق لاحشا .. بالدلايل يجزاك ياعود على الطيب رباه=انشهد إنه مكسبه بالنفايل والله لهيجن وابدع القاف واقفاه=الغضوري لاجاب جاب الجزايل |
|
15-10-2011, 10:43 PM | #26 |
|
ياموت ياميلاد
يــا موت يـا ميـلاد ياهجعة الهمس=يـا عـدام يـا صـوت الطبول العنيفه ابشتـكـي واللي عـرف علة العمس=يروي ضـمــا ضــأيـق وحاله كليفه الـدمــع يرويني وانا مرتوي خمس=تنــاثـــــرت بين الضـلـــوع النحيفه البـعــد والـغـربــه وثـالث لها امس=فـرقـــا وليف الــروح فيـنــي كليفه والشوق وجروح الليالي لها رمس=لاجت وراجت بالضـلــوع الصخيفه يــا نــور يا نـوار يا مطلـع الشمس=يـا قلب تنشدنــي وأنــا فـي رصيفه واقف ولي عله يراعي لها الطمس=الـلــي يـعـديـنــــي وحـالــه ضعيفه أمـــان يـاقلبي من مصافق الحمس=عــذلات مـا تشـفـي قـلـوبٍ شريفه حلـفـتــكم باللي خـلـق نعمة اللمس=وش حيلـتــي والوقت يذبح خريفه .......................
ياهاجسي لا تزيد الجرح بالخاطـر=يكفي عيوني تحارب لـذة النومـي
ياللي تشره وشاطر بالخطا شاطر=دنياك في ثقلها ماثنـت عزومـي عيني تخيل السما وتدور الماطـر=هذا ربيعي وهـذا بلسـم همومـي والشعر ماهمني لو كـان متقاطـر=مـدام قيفانهـا غنت بهـا رخومي ياراس مال المرابح والغلا الباطر=ياشوفة اللي عنه يومين محرومـي والله لولا غـلاك وحبـك العاطـر=لحرم الشعر ياعطري ويشمومـي ماغير اسلي به الهوجاس والخاطر=لضاق صدري وعيني عافها النومي |
|
15-10-2011, 10:59 PM | #27 |
|
مخلفين العوايد
الشعر له هيبه وحافظ وقاره=والراس له طنخة عريب البنايد
شاعر شمالي مايغير مساره=لو كثـروا اللي مخلفين العوايـد والشاعر اللي مايبرهن قـراره=ماله مع الشعار موقف محايد ماجبتها من باب رد الاعـــاره=يوم الشعر يقدح بروس النوايد من يتبع الدنيا وتصبح مــداره=ساسه ضعيف وطيب الافعال كايد ومن يجحد المعروف يلقى دماره=لابـد في يومٍ يــذوق الـنـكـايـد واللي مايبني بالوفا ساس داره=لو طوّل البنيان ماله سنـايـد إزرع وتجني في يمينك ثماره=قدْ التعب تلقى حصيلك عوايد واللي يخالف شرعنا في شعاره=مابه مع الايام صبر وجلايــد جرح القريب أشد وأقسى مراره=ماهو مثل جرح البعيد المحايد ميز خويك دوم واعرف مساره=ترى ردي الساس مابه فوايد صديق كيف الحال مابه جساره=يبيع وصلك لا لقاله شرايـد واللي على الطولات مابه نعاره=ماله من المحصول غير النقايد اشفق على اللي مركزه بالصداره=لامن نخيته جاك نسل الولايد عز الخوي اللي يروم أنتصاره=على الوفا والطيب ناره وقايد ستر البشر وياك تكشف استاره=بكره يجي سرك بكل الجرايد الوقت لو طوّل بياخذ بـثـاره=وعيديتك يوم الخلايق تعايــد ماقلتها مقصود فكري أثـاره=وانا على الدنيا كثير الزهايد مثل العلم من فوق راس المناره=ختمتها والشعر حبك وفـرايـد |
|
28-10-2011, 06:40 PM | #28 |
|
أمير ولا شيخ ولا شاعر
ياصاح ياعز القصيد وطيبه=في ذمتك ماجاك تكفا جيبه صمت الليالي ماتوفي حقي=اللي عليك من اول التغريبه احسسك بعض العتب والشرهه=واميزك لو كان بالترحيبه إن كان طبعك والوفا من طبعك=لاقلت تاخذ بالحكي ترتيبه لو انها بالكيف ولا المنوه=ماشفتها بين الضلوع مصيبه يامير حضي واعرفه متعثر=لو كان عن زين الرغد تجليبه واستغفر الله واتأمل حولي=واقول مقسومي وانا راضيبه لو الصديق اللي تمايل عنوه=مالوم حكيه والحكي يخطيبه ذنبي واعرفه من زمانن فايت=طيب المراجل ورثي ومحريبه نشمي واحب المرجله بافعالي=واطرب لفعل الطيب واهليبه يامحتفض بالزاد ولا العشره=ماني من اللي خانها تدريبه ياما كتمت الجرح بين ضلوعي=لاصار جرحي من سبايب طيبه عيبن على الرجال يتبع غيه=الحسد ولا الكره ولا الغيبه حب الاخيك اللي تحب لنفسك=إعراب للي ماعرف تعريبه ترى التواضع والادب للعاقل=بين الزحوله هي سبب تقريبه ياخي تبسم وانزل من السلم=حتى تجيك من الغلا ترحيبه من يحتقر ناسن ترى تحتقره=قد الفعل تلقا فعل تسريبه أمير ولا شيخ ولا شاعر=من لاتواضع ماحدن داريبه عليك يالجال الطويل الكايد=عنزت فكري والقصيد اجيبه الناس ماترضا يجي طاريها=لوهي نصيحه حملوها ريبه لكن باختمها قبل لزعلهم=واقول ياعز القصيد وطيبه يارب عبدك أثقلته اذنوبه=رحماك عبدك عذبه تأنيبه |
|
05-11-2011, 10:14 PM | #29 |
|
بمناسبة زواج اخوي الاطرق الهذال والتي القيتها بحفل زواجه بتاريخ 9 / 11 / 1432 هـ
أطرق على باب القصيد وهاته=منقية تصعب على الخياله
من هاجس يتعب عليها دايم=يزهالها فكري وهي تزاهله من دار جده ماحسبت لدربي=امشي ورجلي بالمشي مختاله ماهو كبر . لاوالله إلا فرحه=لعيون الاطرق شدني مواله مبروك ياراع الجزيله ياللي=لك الفرح غنا طرب بإقباله نجمك سطع ماله شبيه لله=والشامخه اقسمت هي ترقاله حرن مضري هدته للجزله=شامخ شموخ المرجله بافعاله بعد الولي كلن حمد له فعله=لاضاقت بعين الضرير الحاله أخوان بتلا فعلهم مايوصف=للضيف طيب وللعدو قتاله تاريخهم عهدن قديم مورث=يضرب بهم طيب الفعل وامثاله الطيب فيهم والكرم والفزعه=ورث قديم مورثه لجياله كبيرهم شيخن ينومس ذكره=واللي تعثر بالزمن يلجاله وصغيرهم عينه تروم العليا=من وين ماوجه ينومس فاله إما طلع طيبه لبوه وعمه=ولا أخذ طيب الفعل من خاله قبيـلــةٍ تاريخهــا ما يحصى=إزحول لا مرت عليها القاله إعيال وايل والنعم بالطاري=جالن وكلن مهتني في جاله ينصاهم اللي ما هتنا في وقته=زبن الدخيل وفرحته وضلاله ستر العذارى مانوقف دونه=ونشوش من زود السطر وهباله ويلان واللي ماسمعني ياسمع=رجالنــا ما مال كود عقاله وانا ماخص المدح بس لربعي=كلن حفضت بخاطري منزاله والنعم في كل القبايل والله=من شرقها وجنوبها لشماله قبايلٍ فيها المراجل ياما=والطيب كلن يرتجي مدهاله واليوم حنا في ذرى عبدالله=الحاكم اللي مرهيات اسباله الشعب واحد ما بنا المتحيز=والدين جمعنا بحسن اعماله |
|
15-11-2011, 07:51 PM | #30 |
|
اهداء لاخوي الكبير الشيخ مشل بن رمضان العواجي قال العطيفي
قال العطيفي في جزيلات الاشعار=جزل القصايد من ضميره كتبها
ناديت جزلات المعاني والافكار=وجتني على شفي تلبي طلبها مثل المهور اللي تطارد بالانضار=أصايلن ما كل واحــد ركبها واخترت منها مهرة دون المهار=مهره اصيله تطرب اللي هذبها خيالها شيخن على النعم قيصار=من طيبه اللي بالجزايل كسبها شيخن إلياعدو هل الطيب والكار=له مركزن ما كل رجلن قربها الشيخ مشل راع الطويلات سبار=الشقر اللي كل عليــا رقبها هذا العواجي من طويلين الشبار=اللي خسـايـر دنيتـه ماحسبها راع الكرم دايم وهو موقد النار=فـي مجلسه دايـم مكثـر حطبها كريم متواضع وزيزوم وخيار=شجيع متصــدرٍ معالي رتبها يلقاه من جاله من البعد خطار=قدامه اللي كل حسنه جذبها يقلط على بنن وهيلن ومسمار=ومفطحاتن بالصواني رتبها والجاه مايبخل على الجاه لوصار=يسوق من ماله وينهي نشبها حلحيل حلال الصعيبات مغوار=مقدام خير وكل جزله نهبها والجار مايرضا على الجار لوجار=قليل من مثله سوالف قضبها ياعلني مابكي هل الطيب والكار=اللي لنفسي ذكرهم هو طربها ياعيال وايل ياذرى كل محتار=من هو بعيـد الدار ولا جنبها يوم إنها بالسيف والخيل والثار=عدونا يـا كـــــــم ونه جذبها عاداتنا كسب النواميس لادار=ميدانها والنــــار موقد لهبها عدونا من فعلنـــا ذاق الامرار=قدامه الويــلان تثني اركبها واليوم حنــا في ذرا حاكم الدار=في ضل ابو متعب مشيد عتبها وصلاة ربي عد ماهلت امطار=على النبي المصطفى من عربها |
|
الذين يشاهدون محتوى الموضوع الآن : 20 ( الأعضاء 0 والزوار 20) | |
أدوات الموضوع | |
انواع عرض الموضوع | |
|
|