|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | عبدالعزيزالطويلعي | مشاركات | 54 | المشاهدات | 17240 | | | | انشر الموضوع |
|
أدوات الموضوع | انواع عرض الموضوع |
22-05-2010, 12:42 AM | #21 | |
|
|
|
|
22-05-2010, 12:45 AM | #22 |
|
من قال ماضيك يا اغلاهن مهو غالي=من قدر يكذب وقال بخاطري غبتي
انتي تعرفين لاهبت على بالي=ذكراك للشرق طارت بي,, وغربتي الدرب أوله مزح لكنه بلا تالي=ولا خفتي الله من القسوة ولا تبتي يا واليتني,, يا علّك مالك الوالي=كأنك اللي بزود البعد,, قربتي حلو الشعر مر لكن بك غدا حالي=كم ذاب لك وصف,, ذوبهن,, ولا ذبتي مديت شوقي وشفت الصد يثنالي=والنفس تجزع وانا صادق وكذبتي يا بنت,, ياللي,, تظن ان الولد سالي =لو مر بك ربع,, ما مر الولد,, شبتي |
|
22-05-2010, 12:49 AM | #23 |
|
العـــــالم المجـــــهول وش دخـــــلـك فــــيـه=ردي تــــرى مــــاني للأشـــــواق تـمــــــثال
دامي بقـــــايا إنســــــان لـيـه اشـتـــريـتـيـه=ودامي طـفـــل مـن عـلمك عـشـق الاطـــفـال لاتـخـجـليني فـي كـــــــــلام المشــــــــــاريه=ولاتـقـتـليني بالمــــــــواعــظ والأمـثــــــــال انـا الجـــــنـون بروعــــــــته وبمـبــــــــاديه=يـشـقـيـك دربٍ معــــــــاندي كـل ماطــــــــال وانــا الــــذي لـــو عــــــــذبـك ما فـهــمـتـيه=عـشــت اغـتــراب الحـب .. شاعـر ورحــــال قــــولي خـــيـالي ياخـــيـالي وأقـــــــول إيـه=طبـــــعي قـبـل لاأعــرف طـــريقك .. ولا زال امــا اهجـــــري لـيـل الغـــــــرام ومســــاريه=والا اقـبليني مـــثـل مـــــاني بــها الحـــــــال قـــلـبي عــــــذاب مصـــارع الوقـــت يكـفـيه=وبعــض الحـكي مـن بـيـنـنا عـيـب يـنـــــقال |
|
22-05-2010, 12:53 AM | #24 |
|
تسال عن ديار الوطن في حينها اشواق وحنين =تلهث وراء رد الجواب اللي يعـرف اخبارهـا
هاذي حكاية طفلـة مشوارهـا دمع وانيـــن=عاشت يتيمة وحدها ذاقت سمــوم اقدارهـا مات الامل في عينها0وجروحها قامت تبين =تشكي من الحظ الردي ليه الزمان اختارهـا صرخة غــريب بقلبها وبعينها نظرة حزيــن =وشمس الامل في دربها باتت تجب انوارهـا راحــت تدور لــقمة تطعـم بهـا ام وجــــنيــن =وترجع بلاجدوي تقول خط الزمان اسطورها في جوفها نخوة عرب يجمع بهم اسم ثميـن =درب الشجاعة والوفا شادوا جميع عصورها ربـع فعايلهـم رست وبنوا لهــا مجد وعريـن =وحب الكرامة والوفـا اصبح عنود اشعارهـا راد الزمن افــقدرتة واصدر بنــا حكـم لـعين =حكـم القدر ياصـاحبي لف السنيــن ودارهـا حصة طوت في جوفها جرح تبادلة السنـين =تنقش علي كف القدر قصة الم مشوارهـــــا |
|
22-05-2010, 01:11 AM | #25 |
|
لعن أبوها.. فاتنه.. بنت الحرام=زينها مجنون .. زين جنونهـا
إن تهادت.. موت حسره ياحمام=وين جنحانك.. ووين ردونهـا كل ماطالـع عليهـا مستهـام=قلت ياربـي دخيلـك صونهـا والله ان عيونها لاجـت تنـام=حرت أي النوم..؟ وأي عيونها إن بغيت اكتب عليها كم عام =لين أوصل حولها .. يا..دونها ياكلامٍ.. يجننها عليـه الكـلام=فيه لونن غير.. يخطف لونهـا يابلا الموضوع تسلم والسـلام=سمني مجنون لأجـل جنونهـا |
|
22-05-2010, 01:12 AM | #26 |
|
والله مصيبه يا زمن شوف الاحكـــام = بالهم نرضى ما رضى الهم فيــنا
بآمالنا وآلامنا نزرع أوهــــــــــــام = وايامنا تمطر مواجـع عليـــــــــنا لا يوعدونا قل لهم فاتت اعـــــــوام = نشرب قهر واحزان من يوم جيــنا الضيم هـــــربنا علشـــــان ننظـــام = هذا قدرنا وش بقى في يديــــــنا هزل غدا تاريخنا جلـــد وعـــــــظام = حنا ولا كـــنا بحــــاله دريـــــــنا ما عاد تخطي لاجل تشبعــه الاـــدام = ولا عاد تسقيه الحوادث يديــــــنا حنا بـــــدو تجاهلينا يالاعــــــــــلام = وانتي بعد يادار تتجاهليـــــــــنا عشنا بظلك حالنا حــــال الايتــــــام= خنتي وحنا بالمواقف وفيـــــــنا ردي علينا العلم موضوعــــنا هــــام =إما لنا يا دار والا عليــــــــــــــنا نصبر صبرنا للقهر حــــــد يااســــلام = قيض لفى طول كثير وضميـــــنا هم خدرونا في مواعيـــــد الاوهـــام = ياويلهم يا ويلهم لا انتخيـــــــــنا هم زرعوا في دربنا كـــــل الالغــــام = يا ويلهم يا ويلهم لا مشيــــــــنا لا ما سكتنا ذل يا ســـود الايـــــــــام= بس الحيا شيه عليها ربيـــــــــنا واذا وصلت لحلوقنا نـــــورد هيـــــام = والله وكيــــلك لا وردنا رويــــنا والله مصيبه يا زمن شـــوف الاحكــام = بالهم نرضى وما رضا الهم فيـنا |
|
22-05-2010, 01:14 AM | #27 |
|
صدقيني أي كلمه تنطقيها=تعتبر في ذاتها معجم غرام
وأي نظره من عيونك ترسليها=ما يترجمها على أوراقي كلام وأي بسمه في شفاهك ترسميها=منتهى أمن المولع والسلام وكان ما نظرات عيني تفهميها=يصبح اسم البوح في شرعي حرام |
|
22-05-2010, 01:16 AM | #28 |
|
لعن ابو الشعـر لـو عمرحكاياتـي =يلعن ابو الحب لو هو كل مـا فينـي
ما خفـف الشعـر ياحلـوه معاناتـي =و الحب يمكن و يمكـن مـا يعزينـي وحيـد بالليـل تلبسنـي عذابـاتـي = ابحث عن انسان في الظلمى يحاكيني الجرح و الحزن و الدمعـه محطاتـي = و الخوف و الفقر و الغربه عناوينـي يبعد رجايا و تقصر غصب خطواتـي =و اموت من ليـل يجرحنـي يبكينـي محتاج شخص يشيل الحزن من ذاتي =يفهمني الضحـك بالفرحـه يداوينـي مليت غربـه و ذلا ملـت مسافاتـي =اطوي دروبي و اشوف الوقت يطويني ابكي سؤال ذبحنـي صـار مأساتـي=من وقف الحلم في قلبي وفي عينـي |
|
22-05-2010, 01:17 AM | #29 |
|
لا......ياعلي ماهمني مستواها
....................ولانيب من يعشق سراب المشاهير صحيح يسرح خاطري في حلاها ....................اللي غلب سحر حكته الاســــــاطير وصحيح انا طير مداري هــــــواها ....................واصــــــل الربيع بملبسه يغري الطير وصحيح انا شاعر خذاني هـواها ....................ومن طـــــــابع الشاعر يحب الغنادير كله صحيح الا اني اطــــرد وراها ....................لو هي قدر وانــــــــــا رهين المقادير والله فلا اخضع لو ملكني غلاها ....................وان طوعتني مـــــــــابقا بالبشر خير |
|
22-05-2010, 01:22 AM | #30 |
|
شفيت مني أبشفى منك..كيف اشفـى=واذا حصل لي ابشفـى مـن حالـي
معافى حبيبي سلامة قلبك الأصفـى="من زاكي الما وانـا علّـه يورّالـي ياما عطاني وقال اعطيت له واقفـى=مايدري اني(.....)ولايدري بموّالـي بي جن ابن كلب لايكشف ولايخفـى= واليني أوّل جهلته وانت الاولى لـي أنا التعب وانت يالأجمـل ويالأوفـى=حملك تعب روح معذورٍ من احمالي ماقلت تكفـى ولانـي قايـلٍ تكفـى=هذا انت غالي قريب وتبتعـد غالـي الصورة بذهني تقول ارجوك لاتجفى=تاقف قبالـك تجاهـل تاقـف قبالـي تجر حلمٍ تأسطر فيـك ليـن أضفـى=هيبة زبيـده عليها..وانكسـر والـي بغيت اجنب،وعياّ الطـرف لايغفـى= بغيـت احبّـك ولـكـن ماتهيـالـي وانا متعوّد خطاي ان حـل مايرفـى=تلقى اوله بس لاتبحث عـن التالـي ظليت تايه واغنـي وانسـج المنفـى=وطن،وأرهن علـى الله ثـم يافالـي لعنة بـداوة واذوب بثلجهـا ماادفـى=تفرعنت بي وانا من خلقتـي جالـي مشفاك؟هين انا اللي وين لي مشفـى=ومابيك يعني تحمّـل هـم غربالـي مو من فراقك صواب الشلع من شلفا=من يـد مغـلًّ بحرقـة ثـار قتالـي بخير أذكرك وانت لوتقتل باقول أعفى=لكن دخيلك دخيلك روح مـن بالـي |
|
الذين يشاهدون محتوى الموضوع الآن : 3 ( الأعضاء 0 والزوار 3) | |
أدوات الموضوع | |
انواع عرض الموضوع | |
|
|