|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | أكفلهم … ونحن نرعاهم
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | سلمان الخمعلي | مشاركات | 38 | المشاهدات | 30779 | | | | انشر الموضوع |
|
أدوات الموضوع | انواع عرض الموضوع |
#1
|
||||||||||
|
||||||||||
ديـــوان الشــــاعر / سلمان الخمعلي
السلام عليكم ورحمة الله وبركاته 00 اتشرف بأن اضع بين يديكم ديواني الشعري والذي يضم معظم قصائدي متمنيآ ان يحوز على رضاكم واستحسانكم ويرتقي الي اذواقكم 0000 0 0 0 في مجلس العــــزوه ودار النشاما 0000000000 اللي لهم في هامة العـز عنوان اهـــل الفــعول الطيـبين الـــــكراما 0000000000 اللي لهم تـــاريخ في كل ميدان ولاجل المضايف والرجال الحشاما 0000000000 العــزوة اللي تــرفع الراس ويلان جمعت قيــــفاني وعـــذب الكلاما 0000000000 وسويتلي وسط الدواوين ديوان |
09-02-2011, 04:01 PM | #2 |
|
الطــــيب ماكــــــل الرجاجيل تقواه 000000000 طبع الكـــريم وفي حياته مراده من قدم الطـــيب من الــــفعل يلقاه 000000000 دين(ن) على كل النشاما سداده الطيب فعل(ن) وسط الاجواد مرباه 000000000 يسقيه قرم(ن) ماتــحرى جداده سو الجـــميل وخــالق الناس يجزاه 000000000 رب(ن) كريم وفي عطاه الزياده كم واحد(ن) لو كان ضيفه من عداه 000000000 حلو القــبال وعنده الجود عاده كم واحد(ن) تاقف عن الطيـب يمناه 000000000 فعـــــله غريب وكل دربه قراده محد(ن) على درب المواجيب ينصاه 000000000 همه يجـــمع من فلـــوسه زياده همــــه يجــــــمع زايد المال والـجاه 000000000 وقرشه عــــزيز ولاينقص عداده رب الولد في درب الاجــواد ممشاه 000000000 ينفــــعك لابين نهـــــارك سواده مثل الذي طيره على الصــيد ينخاه 000000000 زانت على شوف الحـباري هداده كل(ن) يحصل مازرع وسط دنـياه 000000000 والخــــير يبـــقى للنشاما سعاده |
|
09-02-2011, 04:05 PM | #3 |
|
يابنت تدرين الهـوى يتعـب الـروح 0000000000واللي مثـل حالـي عذابـه عيونـه لاشفت زول (ن) ناحل القـد مملـوح 0000000000واليـا مشـى ودك تراقـب فنـونـه دمه خفيف ويسحر الـروح بمـزوح 0000000000والكحل فـي عينـه حـلاه وفتونـه كنه يعرف انـي هـواوي ومجـروح 0000000000احب شوف الـورد كاسـي غصونـه مريت جنبه والعطر فايـح(ن) فـوح 0000000000زود عذاب القلـب واشعـل شجونـه لولا الحيا واعز نفسي عـن البـوح 0000000000لاخذ معه وقت(ن) لو النـاس دونـه لكـن ابتـرك غايـة النفـس واروح 0000000000وابعد عن اللي فـي دروبـه مهونـه حتى الصبر مايخفي الهـم والنـوح 0000000000يبيـن فـي عيـــــن المولـع طعونـه حب العذارى يشفي القلـب والـروح 0000000000لاجابت القسمه حبيـب(ن) يصونـه وبعض الهوى مافيه فود(ن) ومصلوح 0000000000تطرد ســراب وراعـي الحـظ دونـه |
|
09-02-2011, 04:18 PM | #4 |
|
ياعيني اللي حــارب جــــفونها النوم ؛؛؛؛؛؛؛؛ والــناس كل ٍ تحت راسه وساده نــاموا وانا من لــذة الــــنوم محروم ؛؛؛؛؛؛؛؛ ولــيلي طـــويل ولاتجــلى سواده واليا غــــفت عينــي غدا همي حلوم ؛؛؛؛؛؛؛؛ واركب على سـود الليالي شداده اصبر وانا صدري به جروح وهموم ؛؛؛؛؛؛؛؛ واطلب ولي العرش يرحم عباده الهم في صدري عن النـــاس مكتوم ؛؛؛؛؛؛؛؛ اخاف من هرج ٍ على الـهم زاده ولاني على بعض المخالـيق ملزوم ؛؛؛؛؛؛؛؛ كــــل ٍ على ماقــيل يطـــرد مراده الا الذي في داخل الصــدر محشوم ؛؛؛؛؛؛؛؛ الـلي فــعول الطــيب بيـــديه عاده يجـــيك لو دونــك رجـاجـيل وقروم ؛؛؛؛؛؛؛؛ ويــفزع مثل حــر ٍ يـنومس هداده ويسري بليل (ن) مظلم مابه نجوم ؛؛؛؛؛؛؛؛ رجــل ٍ جمــيله يتـــعبـك في سداده وانا طلــــبت اللي على دايم الدوم ؛؛؛؛؛؛؛؛ الواحـــــد اللي في عـــطاه الزياده لو كان هـــــمك كنه جبال وحزوم ؛؛؛؛؛؛؛؛ وماضي علـيك من الحــياه القراده تهون عند اللي على الناس قيوم ؛؛؛؛؛؛؛؛ رب ٍ كـــــــريم ٍ في رجـــاه السعاده |
|
09-02-2011, 04:29 PM | #5 |
|
يلــي نشدت 000؟ الله عن الحال يدري !! 0000000000 واقـــدارنا تمـشي علـى غـــير راده واللي كتبــــه الله عـــلى النــاس يجري !! 0000000000 امـــر(ن)مقـــدره الــولي في عباده وابشـــرك لــــو مــالـي الهــــم صدري !! 000000000 امشي على الصعبات طيب وسعاده وكـــــلت لله خــــالــق النـــاس امـري !! 0000000000 وصليـــت فــي بيتـــه فروض العباده وابــــديــت لله ضعــف حالـي وكسري !! 0000000000 وان الحـــياة بــدون عـطـفـــك قراده يــــــارب يــــاعـــالم بســري وجهري !! 0000000000 يامــوفـق اللـي يطـلبـك فـي مراده يـــــارب ماعــندي عـن الــذنب عذري !! 000000000 مخــطـي وحــملي من ذنـوبي زياده يـــــارب تـرحـمنـي وانــــا راح عمري !! 0000000000 وانـــت الــذي نــرجـي رضـــاه وداده يـــــارب قـبل المــوت بالــروح يسري !! 000000000 تجعـــل خــواتـيمــي بــذكـر الشهاده |
|
12-02-2011, 12:18 AM | #6 |
|
مــرت سنـين وراعـي الجـرح ماطاب 00000000000 سبة هــوى المجمول طول غيابه من يـــوم راحتــــبه مـقادير واسـباب 00000000000 واقــفى مـعه قلـــبي ولاعاد جابه ماكانت الــفرقى لـها عــــندي حساب 00000000000 حتى غـــديت اطــرد بقـايا سرابه اجلس مع الخـــلان كنــي مع اغراب 0000000000 جسمي لــــهم والقلب خـلي غدابه ودي اشوفه واروي عيــون واهداب 0000000000 علــه يخـفف من جروحي صوابه حتى ذكر لي جــــيته بعـض الاحباب 000000000 قالـــو يجــــي بالعـــيد قلـنا هلابه العـــيد يجمع مـن مواليــف واقراب 0000000000 وانا جمعني بالـــغلا عـــــند بـابه شفته كما بدر(ن) من الـزين جذاب 0000000000 زينه علـــى كـــل الصــبايا عذابه اقبل وليـــــفي تسبقه ريحة اطياب 0000000000 ويـــديــه يزهـاهـا بقـــايا خـظـابه ذاب الخــجل بعيونها وسط الاهداب 0000000000 والصـمت في حمرة خدوده جوابه اخذت من وقته دقايــق على الباب 0000000000 كــــني ملكـــت العمر باول شبابه |
|
13-02-2011, 03:53 PM | #7 |
|
زان الشعر والقلب ترمـيه الاوجاع 00000 وقامت تجيـــــك بيـــــوتها باشتياقي لاني تعــودت الجــزاله والابداع 00000 اجيبها جــــــــزله والاحساس راقي ماهو غـرور الا لي الــقاف مطواع 00000 اســــــري معــه لازان فكري وراقي اسوق قيـفاني على زين الاطباع 00000 غـرو (ن) بلاني بالهــوى والفراقي مرت سنه وانا على الوصل طماع 00000 واقــــــــول يمـــــكن للمحــــبه بواقي حتى دريت ان الغضي للغلا باع 00000 وارخص مواعيد الغـــلا والتلاقي اللي يبي قربي له القـلب مرباع 00000 له الغلا وعشق (ن) نقي المذاقي واللي لعذال الهوى اليوم سماع 00000 ماهمنا وراسي على الارض باقي |
|
14-02-2011, 04:10 PM | #8 |
|
يالــربع فارقني لــذيـذ العيش=جتني ســـهوم الهوى كاشـي
ريم(ن)نطحني رموشه جيش=وانا عـن المــوت منــــحاشي له غرة في طـــــرفها مـيش=وتــــو النــــهد بالصدر ناشي جتني تسوق الدلع بشويش=كن الخــطاوي على جاشـي من حلوها ساقت التطنيش=ومن حــلوها وقف الماشي قلب الشمالي غدا كالريش=وفكري غــدا منه منداشي كلمـــتها ياغالي(ن)مانيــش=جــعل المــقدر لكم حاشي امـــر تــــدلل وقــلي ويـش=مطــلبك دام العــمر لاشي قالت بقلــــبي تــراه يعيش=ولاتفـــارق طـيوفه فراشي حب صفى مادخله الطــيش=وعن حبــنا مادرى الواشـي زادت على راسي التشويش=واخذت منــها البلى كاشي |
|
14-02-2011, 04:31 PM | #9 |
|
بسم الذي وسط السماء يرزق الطير = اللـــي درى بالخــافيـه والسـريره
الله خــلـــــق بقــلوبنــا الشر والخير = وكل ٍ يحاسب عـن خـطاه ومسيره يالله يــاواحـــد ولــــــي الــــتدابيــــر = طالبــك تجـعلي مـن الامــر خيـره امنــــت فــيك وراظـــيٍ بالمـــقاديــر = واجيـك خاضـع والخــواطر كسيره الـوقـت يمـضـي والبشـر حـالـها غير = وكـل ٍ بحــال النـاس عـيـنه بصـيره الـسالـفه قـصـه تبـي شـوي تفسير = لو كان تلمــس هالخـشوم الكبيره بعــض البشــر راحـت حياته مشاوير = لاجـاب خيـر ولاكـفى الشــر غيـره وبعض البشر يمشي على غير تدبير = ورجلــه مشـتبه بالدروب العسيره مضـيعٌ دربـه عكــس خـطـة الســير = وان طال مشيه هي نهاية مصيره حطـــيت لــه في دربـه اليـوم تحذير = وانــا ادري انــه من خبــاله بحيره لكــــن بكـــررهـا نبــي منـه تفـكــير = لانـــه مـع التـكرار تفـــهم حمــيره بعــــض البشـر وده تحـمى مسامير =ويكوى على الجبهه بوقت الظهيره تكـــفيه فـــي وجهه علامه وتشهير = ويبـــين في وجـــه المـنافق نذيره العمر عشتــه ماحسبــت المخاسير = لان الخــساره بالعقـــول الصـغيره اشــــيم رجـــال ٍ نشـــامــا مــناعـير = واعــــزهـم فـي كــل وقــتٍ وديره رجــــلٍ عبــــد ربـــه ولاهـمه الغـير = بينــه وبيــــن الله رجــاوي كثـــيره ورجــلٍ كـــريم ولايجــي منه تقصير = ووده يمــــوت ولايـــزعل قصـــيره ورجــلٍ فرض اسمه كما سالم الزير = ولاثـــارت الهيجـــا يمـينـه سعـيره ورجــلٍ بربـــعه لــه محـــبه وتقـدير = بيــته لهـم مسـكن ومكـثور خـيره ورجـلٍ قبـول رجـال ملفى المسايير = ودايم عيونه لاجـل ضيــفه سهيره ورجــلٍ لفـعل الخـير ســـاق الدنانير = واعتق سجينٍ من سيوفٍ شطيره ابيــــات جتنـي رايـقٍ حــزة عصــير = غرفتهــــا من بحــر شعري غزيره |
|
17-02-2011, 01:58 AM | #10 |
|
ارسلت قلبي للغضي باقــي حطام 00000 مع عاشق(ن) بيديه روحه قبرها وكتبت له مرسال بـحروف وارقام 00000 وقصة لقى العشاق باول شــهرها حبي بقلبه مثل خط (ن) بــمرسام 00000 لاهـــــب ريح العــــمر ضيع اثرها وانا احبك يالـــــغضي زين الاريام 00000 وروحـي تــبيك ولو فراقك دمــرها سهران كني مــنتظر طــاري اعدام 00000 وانا عـــيوني من فراقـــــه سهرها باين على وجهــــي تقاسيم وهــيام 00000 مثل الكــــتاب وفي غلافـــه خبرها مرت على شوف الغضي ياهلي عام 00000 زادت علـــيه من همومــــي كدرها اصبراحساس(ن) مع الوقت منـضام 00000 يمكــن يزيــن من الليالــــي قدرها طيـــفه يطاردنــي مع اللـــيل باحلام 00000 لاصار بعيونـــي خيالـــــه نـظرها محــــفورة في ذاكــــري ذيــك الايام 00000 واحلى ليالي العــــمر خلي قمرها |
|
الذين يشاهدون محتوى الموضوع الآن : 13 ( الأعضاء 0 والزوار 13) | |
أدوات الموضوع | |
انواع عرض الموضوع | |
|
|