|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | بحر القصيد~ | مشاركات | 207 | المشاهدات | 54052 | | | | انشر الموضوع |
|
أدوات الموضوع | انواع عرض الموضوع |
05-06-2018, 02:38 AM | #171 | |
|
ياهوه ماحنا خواجات ودروز
حنا بني وايل ابعاد الخطاوي عدونا يرجع ذليلن ومهزوز من ضربنا تكثر عليه البلاوي ناطاعلى روس الافاعي ولانجوز وعدونا تكثر عليه النعاوي يومنها بالسيف والرمح مركوز تاريخنامعروف ماهي هقاوي عبدالرزاق المطرفي |
|
|
05-06-2018, 02:39 AM | #172 |
|
البارحه اونست بالصدر قداد
صدر القصيد اللي همومه تلوفه لا والله الا باعوا الجيب يازياد كلن مدح اكسنت يشكي ظروفه والله مابيعه لو حرمني من الزاد ابو الجمايل كيف ننسى معروفه نكرم جنابه مثل شيخن وقصاد واهل السوالف ماعليها حسوفه #عـبــدالعزيز_بن_قــالــط ::::::::::::::::::::::::::::::: مجاراه متواضعه اخوي الشاعر المبدع دائيماً عبدالعزيز قالط العنزي ابووسام :::::؛:::::::::::::::::::::::::::::::::::: هذي هي الدنيا على دور الاجداد ودنياك هذي ماعليها حسوفه مادامها بالجيب ياقرم الاولاد الحال. ترجع ماعليها كلوفه ياصاحبي انظر لصنعاء وبغداد ولا ابلاد الشام وشي اظروفه راحت ابلاد العرب بيدين جلاد وحنا نشوف وكننا مانشوفه نشجب ونستنكر كما كان معتاد وهذي افعالٍ من قديم معروفه تبقين يابلادي على روس الاشهاد في ظل سلمان السعد يالهنوفه يبطون عنك اهل الدسايس والاحقاد اللي على الاسلام صارو لفوفه عبدالرزاق المطرفي |
|
05-06-2018, 02:40 AM | #173 |
|
ماعاد بالدنيا ونسات وفراح
والصدر ضاق ودمع عيني تهله قلبي على عويد تقل فيه ذباح قطع معاليق الظماير وتله وياكثر ماخذنا مع البر مسراح مستانسين ولا لحقنا ممله ولا حسبنا للخساير والارباح والرزق عند الله دقه وجله ولا ابوماجد دوم بالبال ماراح واليوم زاد الجرح عويد وشله واليوم ماضنيت ايامي أملاح قامت هواجيس اليالي تمله ومن عقبهم ماضنت البال ينساح هواجسٍ من كل يمه تعله ولاضاق صدري جيت في راس ملواح عمردن من ضاق. صدره. يدله مرحوم ياعويد صديقٍ ومزاح وعساء اجنان الخلد هي مسكنله عبدالرزاق المطرفي |
|
05-06-2018, 02:47 AM | #174 |
|
يافاتنه حبك ترى ماله اسباب كذا من الله ينقسم دون سبه . وان مايجي في حبنا ذنب وعتاب سلم على باقي الغلا والمحبه #بوحي.. :::::::::::::::: مالوم قلبك من هواء الزين منصاب ياصاحبي عب الهواء ان جاك عبه وان شفت لك غرون ضحوكن ولعاب العب معاه وباقي الهم كبه وخل المواصل دايمن بين الاحباب واصل حبيبك بالغلا والمحبه عبدالرزاق المطرفي |
|
05-06-2018, 02:48 AM | #175 |
|
أخذت لي مع جرهد الفكر مشوار
وتلعبي الذكرى على جرهد البيد لاضاق صدري رحت يم ذيك الاقفار في ديرةً يوجد بها شرد الصيد ياهاجسي ليه مع البر تذكار. أمشي وحيد ولا مرافق مقاريد نبي أنتفضى قبل الايام تندار والعمر يجري وليالي سراميد يامحلا المقناص طيحات الامطار والطير يضرب والحباري ملابيد فروخ الحرار أن شافت الخرب لاطار عوق الخريش أن طار عساه مايفيد نبي مع الوديان سندى ومحدار وخوت أرجالٍ بالمواقف صناديد وليا نقصنا شي جيناك حدار وثم أنحدرنا يم حزم الجلاميد عبدالرزاق المطرفي |
|
05-06-2018, 02:50 AM | #176 |
|
سبحان خلاق القمر له شعاعي
في قدرتك يامهلكن جيش فرعون ياالله ياللي لك من الخلق داعي لافات ثلث اليل خلقك ابيدعون سبحان ربٍ كل الاوقات واعي يسمع دبيب النمل وناسٍ يلبون وانت الذي بيديك حسن المتاعي وياغافر الزلات لناسٍ يحجون من بعدها مديت بالقاف باعي واشري من الجزلات وغيري يبيعون ياهيه ياللي تبتغون السناعي الحب بلوى والخلايق ايعرفون الحب مبطي للخلايق ضياعي كم واحد من سبت الحب مطعون وياليت يوجدفيه قلبن صناعي وطش انا قلبن من الحب مفتون والحب يذكربه كثير الوجاعي وهذا الصحيح وكل ناسك ايخبرون واليوم مال الحب يالقرم داعي وياكثر ماسمع به والناس يقرون عبدالرزاق المطرفي |
|
05-06-2018, 03:21 AM | #177 |
|
لقيت انا بالشعر اصلي وتقليد
يابوسعد بعض القصايد سقيمه يابوسعد بعض القصايد مناقيد لافيه لامعنى ولا فيه قيمه وبعض البشر يالقرم شعره لهاميد ولاهم على ماقيل ناسٍ حكيمه تصفيف هرج بلا معاني ولايفيد ياصاحبي بعض القصايد عقيمه وعن الجزاله بعد حزم الجلاميد عن الفرات وعن مصر القديمه عبدالرزاق المطرفي |
|
26-08-2018, 04:31 PM | #178 |
|
راكب اللي لادعست البنص نزا
مثل نز الحر لاشاف الحباري لا كشفوله برقعه بالعين خزا شاف خربٍ يدرج مع المذاري نوع لكزس لا مشاء تقل ايتمهزا بالمواتر لا مسك خط المساري ناصي اللي لا نخيته ثم فزا من صغرسنه على الجزلات ضاري يابوسعد صاحبي بالعين قزا نظرته ياصاحبي فيه العزاري كن نظرت عينها سيفٍ يحزا تل قلبي وانتحى ماهو ابداري والله اني غصب يالقرم اتلزا والله اني للغضي يالقرم شاري خاطره غزليه عبدالرزاق المطرفي |
|
26-08-2018, 04:34 PM | #179 |
|
ياراكب اللي لامشى عجه انماط
وضرب الحصى خلفه اسوات النبابيط جمسٍ حمر ماطب في بديه ارباط شد الوكاله ما ربطوه امرابيط من عندنا يمشي سريعٍ ليا نماط يقطع بطانيج السهل والمهابيط يلفي لبوصالح على الطيب محتاط امحوط ادلاله على النار تحويط وتلقاه بالمجلس كما الذيب يقتاط ومفطحات ( ن ) بالصياني محانيط جنك احروفي يابعد كل خراط ويفدونك اللي بالمجالس مفاريط ياهولتي يالقرم ناسٍ بها هياط وسوالفٍ مابين سرد ومهاييط بالكذب خراطه وبالفعل خراط وعلومها بعارض خلقه معاريط احذرك لا تباشط الشبط ياشباط تاتيك ادفوشٍ بالمجالس ماشابيط هملشٍ تجمعت كلها صقاط خردة عرب يالقرم ناسٍ مصاقيط وياصاحبي جهز معاميل وبساط والعفش ربطنا بالجمس تربيط ونبعد عن اللي هرجهم به تنباط عفون الرجال مجمعين الخرابيط نبي مع الحماد ناخذ لنا اشواط ونط الرجوم العاليات الشماحيط وخوت ارجالٍ مابهم كذب وغلاط وخويهم يقلط ابعز ومصافيط عبدالرزاق المطرفي |
|
16-09-2018, 08:41 PM | #180 |
|
ياعيني اللي لانامو الناس تسرين
بينك وبين النوم حرب البسوسي مدري انا غادي ولا الناس غادين وعين الشقا عيا يجيها النعوسي يالهرش مدري وين ناسي وانا وين مدري مع المسراح ولا العسوسي دنيا. تغير بين يومٍ ويومين هداج راح وجت عقبه ارسوسي حنا بزمان الكذب والدجل ماشين وتغيرت عند الجميع النفوسي وصلاة ربي عد ماترمش العين على رسوله كثر رمل الطعوسي عبدالرزاق المطرفي |
|
الذين يشاهدون محتوى الموضوع الآن : 5 ( الأعضاء 0 والزوار 5) | |
أدوات الموضوع | |
انواع عرض الموضوع | |
|
|