|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | عبدالعزيز الوادي | مشاركات | 24 | المشاهدات | 26874 | | | | انشر الموضوع |
|
أدوات الموضوع | انواع عرض الموضوع |
#1
|
||||||||||
|
||||||||||
.. ديوآن الشآعره القديره / الريم الوآيليه ..
بسم الله الرحمن الرحيم .. : السلآم عليكم ورحمة الله وبركآته .. : الريم الوآيليه / قبل آن آقول شآعره فهي اخت عرفهآ الكل هنآ .. لها بصمتها التي ستبقى في الذآكره ما حيينآ .. شآعره كتبت الآلم / الوآقع / الحب / الغدر / الخيآنه .. آبيآتها عميقه .. ومؤثره .. : آنآ ومن بآب الوفآء .. سآتي بما آستطيع ان آحصل عليه من آبيات لهآ : وآدعو الجميع للمشآركه فشآعرتنآ لن تتكرر .. شآعريتها لذآ يجب علينا الوفآء .. :
|
21-03-2010, 07:01 PM | #2 |
|
ابدآ بآول قصيده لها وهي مدح بالشيخ / الآطرق الهذآل بآني هذآ الصرح ..
كم بشت شيخ بهالزمن جابه المال= =والا انت شيخ البشت ورثن من جدود من ورث ابوك وبشت جدك مع الخال= =وانت الفخر للبشت يامصافح الجود كم كلمة لشيخ الاطرق الياقال= =مثل السحاب اللي رحم ميت العود من حد سيف المرجله قولك افعال= =يا مزبن المظلوم بسنينه السود يزبن عليك الشعر من ضيقة الحال= =مثل البحر قيفان شعرك بلاحدود ومهما مدحتك يالبحر والزمن طال= =عذري كما الغواص لاهاباك يعود والريح كم هبت على قمة جبال= =بس الجبل ماظن يدري عن النود أية نفاق الشعر في مدح الانذال= =الي لقت من مدحها عيشة الدود وراس عنزه والشيخ الاطرق لها عقال= =وان مرت الشعار تكتب لي ردود واجزل بيوت المدح يقصر ولازال= =راسك سحابه وامطرت ميت العود للقديره / الريم الوآيليه
|
|
21-03-2010, 07:02 PM | #3 |
|
:
الثآنيه للقديره / الريم الوايليه .. الله هو اللي جابك اليوم واشقاك بايديني الذربات سيرتك سيره ذيبه انا يا ذيب لو تزعج اعواك تبطي ولاتاصل وتشرب غديره صيدك جزل لكن صيدك تعداك منك خطفته يا عسى الامر خيره حره انا ياحر والرب ياقاك بنت الشيوخ اللي لهم كل ديره ابعد طريقي خلك هناك مناك قدر وحشيمه لك وانا بصيره قلبي تمنيته وهو ما تمناك اقول لك شيخه او اعرف أميره وأنت الفهيم اللي لك الفهم يزهاك وما أظن تخلا منك فزعه وغيره ياطير ياللي شاقك الطلع وأغواك ماني بصيدك والعزاوي خطييره : |
|
21-03-2010, 07:04 PM | #4 |
|
الثآلثه / للريم الوآيليه .. : حبيبي لا تزعلني تراني حيل تعبانه دخيلك لا تضيقني ودمعي مغرق(ن) عيني احب الليل وجنونه عشانك ريم سهرانه ما ترحم حالي وحبك سكن فيني ومشقيني كفايه صدود يا غالي لشوفك حيل ولهانه تعال وغيبتك مره تعال وضمها ايديني تعال وبيع خلق الله وشوف الشوق واشجانه تعال وهجرك القاسي كرهته ليه يكويني حرام انك تخليني أواجه قوم جيعانه يبون من الغدا لحمي وأنادي وين مغليني كرهت الناس بغيابك عشقت الهم واحزانه تعال وشوف خلق الله تبي تاكل شراييني يهجروني اذا اطريتك ودمعي معذب اوجانه انا ما ابيهم انساهم ابي عيونك تحاكيني حبيبي وجودك يكفي ترى ماني بطمعانه احس بقربك آماني أمانه لا تخليني أحس احساسك الطاغي يسافر بي مع الحانه يقربني ويبعدني على كيفه يغنيني تعال وشوفها احوالي وشوف شلون زعلانه حرام انك تجافي ريم احبك لو تجافيني من ابياتي من احزاني اهز الشعر حيرانه ابي وصلك ابي قربك طلبتك لا تبكيني |
|
21-03-2010, 07:08 PM | #5 |
|
الرابعه للقديره / الريم الوآيليه .. : انا السكون اللي على الحرف عنوان انا الشموخ وهيبتي وايليه انا السكوت اللي ذهل عين عشقان انا الصباح وكل قطره نديه انا المشاعر والرمش حيل فتان انا الحنان اللي يكفيك فيه انا الحيا اللي رافقه طهر الايمان انا انا حزني دموعه عصيه أقيس فستان(ن) تحالته الالوان والبس قهر والجرح اعظم هديه يا غرفتي والهم طاغي وسكران يظلم كيانك يوجع القلب كيه يا اسوارتي والضيق لا هان لاهان يفزع معي ويفك غاره وهيه يا مرايتي خدي من العام شفقان لدموع عين(ن) خانت طعون حيه ابكي لحالي واشتكي صدر مليان حزن(ن) كتم ضحكي ونفسي شقيه يالضيق انا لي لا بتن شانها شان انطح بهم وجه الزمان وعتيه وشلون لو عادت على دمع واحزان
عادي وانا بنت الشيوخ الأبيه |
|
21-03-2010, 07:11 PM | #6 |
|
الخآمسه للقديره / الريم الوآيليه .. كنت احسب انك عون ليّه اليا جيت
القاه لا ضاقت بوجهـي نصيتـه المرجله ماهي مهايط وتصويـت جزم وعزم مع طيب علمٍ حويتـه المرجله ماهـي تفطـن وياليـت ولولا الوفا والطيب ماذاع صيتـه جيتك على وضح النقا ماتخفيـت ان كان به شرٍ" بدمـك حويتـه !! ياناكر العشره معك كـم تماديـت وقلبي بنار الصـد يامـا كويتـه كان العواذل غيـرت ماتهقويـت لا واخساره ظنـي اللـي هقيتـه أنا الذي بأسمى المبـادي تعليـت ما أبيع خلـن بالخلايـق شريتـه انا على صرح العزيمـه تخطيـت وانت الذي درب الخيانـه نويتـه ماينفعك ياحيف . ياعل . ياليـت ما دام ظلم الناس فينـي رضيتـه نفسي عزيزه بالـردى ماتحليـت ودرب المذله بالقدم مـا مشيتـه |
|
21-03-2010, 07:13 PM | #7 |
|
السآدسه للقديره / الريم الوآيليه .. : اجـر الآه تلـو الآه ووقتـي زايـدن جـوره
من اللي ناوين يرحل وويتـرك قلبـي بهمـه حبيبـي لا تخلينـي ترانـي حيـل مكسـوره تراني في بحر حبك غريقه فـي وسـط يمـه بدونك كيف يطرب لك اعيش بحال مسـروره بدونك طفلتك تصرخ تصيح ولا حد(ن) زمـه احس ان الزمن ضدي وقف والناس مقهـوره واحس ان فكري متشتت ولااحد(ن) غيرك يلمه انـا بغيابـك اتألـم اضـم امـال منـثـوره جريحه وانزف احساس(ن) تخالط همه بغمـه تغطرس حزني بصدري تطتول واطول قصوره يطول العين يلطمها تطيح دموعي مـن لطمـه بدونك كني زهور(ن) تموت وتكـره عطـوره ابد ما عاد له باقي بعـد مـن تحتـري شمـه بدونك ظالم الوحـده جعـل دنيـاي مهجـوره وبردك كافره كافـر ضلوعـي منـه منسمـه حبيبي نشَف عروقي جفاك وصرت مذعـوره اخاف اموت من هجرك قبل ما اعيش لك ضمه حبيبي والله بدموعي جلست ارسم لك الصوره الونها مـن احزانـي وانـا بالحيـل مهتمـه حبيبي والزعل ما ازعل وانا اللي فيم معـذوره عتابك والزعل منك ترى ما اقوى علـى لمـه نسيت انا تعاهدنـا نصـون الحـب وجسـوره نشيدها على ساس الوفـا والوصـل والذمـه يا عمري والله ماغيرك بنى في قلبي قصـوره غلاك وحبـك بقلبـي تـرى للحيـن بالقمـه دخيلة تمك وروحك دخيلـك واكـرم الـزوره تراني جيت باشواقي حبيبـي والخطـا نذمـه حبيبي خذني بيدك وابي تقـرى لـي السـوره ابدفن وجهي بصدرك وابنسى احـزان ملتمـه |
|
21-03-2010, 07:16 PM | #8 |
|
السآبعه للقديره / الريم الوآيليه .. أنا الشمال وكل مافيه وديان ../ .. بيني ونواويره علاقه قويه طبع الليالي لطيب القلب حرمان / .. انشهد ان له في عيوني خطيه يغيب شخص ولايجي مثله انسان / .. وكثير ناسن بالطبايع سويه لاواهني الطير شالته جنحان / .. يكفخ ونفسه بالمشاعر مليه وليا لمح ريما يرفرف وطربان / .. لا صار بين الريم وبينه حميه أنا المليكه وناعس الرمش سلطان / .. عرقي سعودي شيختن وايليه أعذب من الكلمات في بحر الألحان / .. وأصدق من أنفاس الصباح العذيه : |
|
21-03-2010, 07:19 PM | #9 |
|
الثآمنه للقديره / الريم الوآيليه ..
قهر قهر ضيق ومتاهات والام 00000 وجروح عمر(ن) ضاع صبحه وليله وحيده اشكي عايشه بعالم اوهام 00000 ظلم(ن) حواني هد عزمي وحيله ابكي وجديلي شاب والقلب منضام 00000 من فعل وقتي ضاع دربي ودليله مكسوره وعمري بنيته على احلام 00000 غلطانه ادري ذنب غيري اشيله يا الاجودي يالليل لا تلوم من لام 00000 من هيضه نجمك وهل الجديله يا سامعي حزني حكمني من اعوام 00000 لا تغرك الضحكه من اطراف شيله جسمي نحل والقلب في داخلي نام 00000 ما احس انا بنبضه حياتي عليله عطيت قلبي لناس بالحيل ظلام 00000 ما قدروا حبه وخانوا جميله ايه اغدروني والكذب سلم الاقزام 00000 ما ني قليله اصل ما ني ذليله مغدورة(ن) والغدر من طبع الايام 00000 مجروحة(ن) والدمع سيلت سيله يا نجد انا ضيقي محزمني احزام 00000 محكم وثاقه والخصر ضاع ميله يالعاصمه يكفي معانات واجرام 00000 كلك كرهتك اقصرك والطويله الضيق ضيقني وحكمني بالاعدام 00000 الله يرحمني وذنبي يزيله قهر قهر ضيق ومتاهات والام 00000 وجروح عمر(ن) ضاع صبحه وليله |
|
21-03-2010, 07:20 PM | #10 |
|
التآسعه للقديره / الريم الوايليه .. "الريم" انا وإلا القصايد عطيه...
من ربي المعبود مرخي شراعه شيخة بنات وبالأصل وايليه.... بنت الذي ما يوم شاف إنهزاعه بنت الرجال اللي عزيزن خويه.. ما يشتكي من ذل والهم باعه أهل الفخر ويلان واهل الحميه... مثل الجبل صلبين عز وشجاعه الطيب ورثي ومدتي حاتميه... ما احسب عطايه ما دخل بي طماعه يا هيه ابي تسمع وتوحي عنزيه... لا ما ارخي الهامه وربعي سباعه أكوي عدوي لين ينجض كويه... طبعي كذا عندي سلوم ومناعه انا بدويـه ولابتي وايليــه ... يعني الشرف كله انا بإتساعه |
|
الذين يشاهدون محتوى الموضوع الآن : 5 ( الأعضاء 0 والزوار 5) | |
أدوات الموضوع | |
انواع عرض الموضوع | |
|
|