|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | ناعم العنزي | مشاركات | 67 | المشاهدات | 39784 | | | | انشر الموضوع |
|
أدوات الموضوع | انواع عرض الموضوع |
06-03-2010, 09:56 PM | #11 |
|
الحل والترحال
على ذكرى الزمان الي مضى والحل والترحال=ذكرت ايام عثرات الزمان الماضي الفاني وذكرت اني بغيت ارسي ولاكن ماعرفت الجال=وتهت فبحر ضلمات الزمان فقارب احزاني اشوف ان الزمن جادل يزين حلقها سلسال=معاها تاج من لولو وخاتم فص مرجاني سريت فدربها اطلب هواها والدروب طوال=ولاكن حظ من يطلب هواها قلت الشاني على الله يامداين خاطري بعزفلك الموال=من اهوال الزمان الي تجي بشكال والواني من اهوال الحزن ولا ترى حتى الفرح اهوال= اذا مايفرح السارق وقاتل او بعد زاني وانا مع كل دربن في حياتي راحل ونزال= لك الله ماشي فدربي وانا فالدرب وحداني تخاطفني بحورن في خفوقي اسمها الامال=واغيب فداخل امواج البحور وصعب تلقاني يمر الوقت وبحوري تجف وهالأمل همال=لجل يسقي بذورن في صحاري وسط وجداني تمر ايام والدنيا مثل عود القصب ميال=يميله البخت مثله وانا قد مالت اغصاني وسلامتكم
|
|
06-03-2010, 10:12 PM | #12 |
|
لم تكتمل لعدم التفرغ حضي المايل
يمر الوقت والدنيا مثل عود القصب ميال=تميل وحضنا معها يميل وماوقف فيها وانا ميل خفوقي ميلتن قشراء شهر شوال=عقب مامدت الضحكه يديها كفت يديها مواقف تنحت همومي على جال الحشا تمثال=وتبرك يالله الخيره على عضمة محانيها وتسهر عيني افليل المواجع والسهر موال=وتدمع من مواجعها حروفي في قوافيها وانا يالي عرفتك من قبل عامين حالي حال=تجرعة المواجع والليال العوج اخاويها تبي تعرف وش الي كدر الخاطر هموم ثقال=هموم ثقال في صحرا خفوقي شف مواطيها هواجيس الزمن كانت ولا زالت وسيعة بال=لقت في مركز افكاري مكانن خصب يكفيها اهوجس بعد ماكانت تعلق صدري الامال=اهوجس بعد ماكانت حكايا الهم طاويها اهوجس والدموع الي نثرت فليلة الترحال=رحل فيها فرح عمري لدار الهم يبغيها نسا بيت الشعر مطوي وروح فالخلا رحال=ومات فديرة همومي عقب ماجا يضويها تقفت بيته المطوي رياحن والعجاج اميال=وشالت باقي الذكرى معاها من عراويها وسلامتكم
|
|
06-03-2010, 10:21 PM | #13 |
|
مسامير النعش للتوضيح فقط لا اقصد فيها اشخاص في بدايتها حتى لا تفهم خطأ
اخر مسامير النعش دقه ابيات=من بعدها سم الحنش في قصيدي من قبلها ........... و....... والأت=..................... في رسايل بريدي ضبطلي التابوت فاشهر ومدات=واقفل عليّه عقبها بالحديدي قبل امس حرفي نايم(ن)فيه بسكات=واليوم نايم في ضواحي وريدي صحصح عقب مامات واليوم مامات=فز وتبسم للزمان العنيدي ياجاهلًا بسمي تراني ابانات=ثابت ولا هزه عجاج(ن)شديدي ماغير واثق فالقوافي والابيات=والمرجله والبنعمه والعضيدي ماهو مهايط لاكن اسمع بدايات=ابيات(ن)اغلا ماحسب في رصيدي لنا على درب المراجل بنايات=سدنا يوم(ن)الناس تصرف مجيدي ومن قبلها كسرى كسرناه كسرات=تحكا الين اليوم وامس البعيدي ساقو لنا جيش(ن)عرمرم مسيرات=وقلوبهم مابين نار وجليدي حتى رجع مكسور وسطه علامات=خيبه وكسرى مات ماهو سعيدي حنى بني وايل ولابه مراوات=كم من كسرنا شيخ قوم وعقيدي لاجالنا ضيف(ن)قطع له مسافات=نفرح وكن اليوم ذا يوم عيدي لو كان مابه غير مي(ن)وتمرات=لزوم نذبح واحد(ن)مانحيدي صفر الدلال مبهره بالبهارات=شقر ومعاها ياحلات النشيدي بين النشاما والجبال المنيفات=اقصد بها شيبان وايل واشيدي هذا قصيد وذا سوالف قديمات=عن مجدنا للي بغا يستفيدي عقب القصيده والفخر والطناخات=تعال ابحكي وشبقى من جديدي تعال والي قد مضا مابعد فات=تعال ياروح المسا فك قيدي حرام تهجرني وانا قلبي اشتات=شتت مابين الي بغيته واريدي دمع الوفا ياما نزفته من الذات=يوم(ن)غيري فالمشاعر بليدي مات النخل في خافقي والتنهات=هبت على رمل النخل والجريدي وسلامتكم
|
|
06-03-2010, 10:41 PM | #14 |
|
قصيده لم تكتمل لعدم التفرغ ولعلها تكتمل يوما ياصاحبي
البارحه ياصاحبي لايابري حال الرفيق=يشكي من ضروف الزمان الله يخرب بيتها يشكي ولو كابر من الي يونسه حر وحريق=ماعاد فيها من صبر تفضح ليا خفيتها ماعاد فيها غير هم وطول مشوار وطريق=مع ضيق يسبق ضحكتي لايسبقه توقيتها من عقب ماكان الصدر مجلس على قمة طويق=صار الصدر مركز هموم ينضم اتيكيتها ياصاحبي والصاحب اليا ماوقف دون الصديق=سكين تطعن فالمحاني حاميه لاركيتها لاصار دونك فالرخا وانكرك فالجرح العميق=وش فايدة بندق معارك فاسدن كبريتها وسلامتكم
|
|
06-03-2010, 10:48 PM | #15 |
|
كروت عبور
يمر الليل والذكرى تلملم شعرها المنثور=عقب مافلت الذكرى جدايلها على بالي تذكرت السنين الي مضتلي والسنين تدور=لك الله والسنين الي مضتلي ثوبها بالي ذكرتك حينها كنك سحابه والمحاني بور=بغت تمطر ولاكن ردها ياهيه عذالي صفقت الخمس وابحرت فهواجس دربي المهجور=على كف القدر ماشي ودربي موحش وخالي مسافر لو تبي تزعل حبيبي ماعليك قصور=ترى حتى انت سافرت ونسيت الناس ياغالي نسيت الي على باله تجي وتروح خمس شهور=ياخمسه كنها خمسة سنين(ن)قاطع وصالي على باب المدينه كانت الظلمه بعيني نور=سراجي كان فيديني بعض من بعض امالي تحريتك تحت ذيك النخيل وتحت ذاك السور=مأمل شوفتك لاكن حقيقه ما تهيالي تذكر موعد السدره شمالي زيرنا المكسور=هذاك اليوم ماشفتك وربي عالم بحالي خطايه ماعرفت انبش خطاك وسايبه مقبور=تقهويتك حنين وكانت الهقوه هي دلالي سريتك والليالي كنها ياهاجسي تنور=تقلبني على كف المواجع يابري حالي غريبه هذي الدنيا بلا خانه ولا دستور=تعز رخومها حتى تكرم كل بطالي عجزت اقلب اوراقك وادور لك كروت عبور=ولاكن للاسف كرتك سراب(ن)لايح قبالي بكيت الوقت وابكاني زماني والزمن مشكور=يوريك البشر قدر وحقيقة قلب واشكالي ودمعي ويش دمعي لا ياليت الدمع ياعصفور=يرجع من فقدته او يرجع عمي وخالي يولي دور نبكيهم وياتي من وراهم دور=وياتي دور يبكونا حريم رجال واطفالي كذا هذي ترى الدنيا مسافه كلها ديجور=نهايتها على حدبا حساب وقبر بلحالي طويت العمر في لحظه كذا مرت بدون شعور=غريب ديار فالدنيا قصر هالوقت او طالي وسلامتكم
|
|
06-03-2010, 10:54 PM | #16 |
|
افا والله يامجراك
لجل ذكراك ياروح القصايد بحتمل فرقاك=ولو طال الزمن ماني بناسي فيه نظراتك ولاكن يابري حالي عقب مرت بلا لقياك=شهور(ن)قبلها قفت عن العينين خطواتك ينشّدني خوي الدرب وشبك تايهات خطاك=شهور وحالتك صعبه ويمزح ايه وحياتك يسولفلي ويضحك والبكت فيده ويمزح هاك=زقاره تنفث همومك معاها سج سجاتك واناظر فيه واضحكله واقول الله لايبلاك=بدرب الحب ودروب المحبه في تنهاتك واقوم وأسحب رجولي على خط المطار هناك=واناظر رحلتٍ راحت وهذي رحلتن جاتك واقول الله ياتيبك من اقصا الارض لين القاك=مسامح وانتظر ردك وبنسا كل زلاتك تغيب الشمس واتخيّل طيوفك والامل يشقاك=وتشرق شمس في ارض المطار وخافقي باتك وانا لو ينفهق صدري تشوفك داخل ومركاك=خفوقي والصدر حوله تناضر كنه مراتك فقدك الحي والشارع وناس(ن)يتبعون رضاك=فقدك المسك والعنبر وعطر(ن)في عباياتك فقدك الطير لارفرف ورى بركة غلاك وماك=فقدك الديم لاغازل سقوطه صوت ضحكاتك فقدك الطل لاصبّح نهار العيد فالشباك=ينام الناس وعيوني تخايل غيم ذكراتك خذتك جنيف والنمسا وروما تحتري ماطاك=وانا حظي معاك انتي مأمل شوف جياتك تهب رياح وتلاعب صحاري خافق(ن)طراك=يخاف انه يبي يصبح بعيد(ن)عن حساباتك يجوز الوقت ياقلبي شغلك وعننا نسّاك=ولاكن ماينسّيني زماني كل كلماتك سواليف الغزل والا سوالف شوقنا بشفاك=كلامك نظرتك صوتك يدينك كل لحظاتك جديلك لانتثر فوق المتون وبسمة محياك=تكفّيني عن الدنيا ثواني ابتساماتك عقب هاذا تخليني افا والله يامجراك=وانا كانت شموعي تشتعل في ظل شمعاتك حسبت ان الهوى كلمة عشقتك وارتجي لاماك=واثاري هالهوى ينحت على روحك نهاياتك وسلامتكم
|
|
06-03-2010, 10:59 PM | #17 |
|
ذيب الهواجس
ياوجودي كل ماهبت علي من الشمال=ريحة الفرقا وانا جالس واراعي للهبوب وجد شيخن حده الوقت لرديين الرجال=عقب ماكان الشيوخ تزاوره من كل صوب وياوجودي وجد من صلى على كل العيال=ومابقاله من عياله غير صوره فالجيوب والتفت في مجلسه فالصبح وحده ثم سال=دمعه الي سيله بفراقهم في كل نوب وياوجودي كل ماطالعت شماخ الجبال=قبل ماتدخل صلاة الحي في وقت الغروب ثم هبت نسمة الذكرى عليه والسؤال=لي متى ياوقت تطعني وتحذفني بطوب وانت عيب الي من الدنيا خلي ولاتزال=عيب منهو ضن بن الوقت مايرث عيوب ياكثر ماشلت بسباب الزمان من الثقال=مادرى في حجم حملي غير علام الغيوب اتضاهر بالفرح والضحك واميل عقال=ويتسع صدري مواني والشرايين الدروب والحقيقه غير هذي فالصدر مليون جال=ضيعة ضحكة سنيني جالها وسط الكروب واعذابي حينها لاستبدلت شمسي ضلال=وانتصف ليل العنا والعمر واحد ومحسوب ثم سجيت القدم صوب الشوامخ والطوال=في مكان(ن)نايد(ن)عن هالاوادم ومحجوب في مكان(ن)مابه الا ضو قمرا من خيال=لاعوى ذيب الهواجس حاول الدمع الهروب ثم اهيض كل مافيني من هموم الليال=وامسح هموم السنين الي على صدري تذوب والطعون الي على صدري واذا طال الجدال=بينها وضلوع صدري فالشمال وفالجنوب زادت الطعنه عليها كل ماحان المجال=واصبح الصدر بسببها ساحت(ن)لاعتا الحروب ما أقول الا عساها تنجلي والليل طال=كل مامرت ليالي فليالي من ينوب ياعجيب الوقت همك هيل والعمر الدلال=والمقادير المقهوي والاوادم فيك كوب بعد ماكانت صداقتنا كما المي الزلال=غثبرتها ساحت الاقدار ماصارت شروب ياوجودي والتوجد لو يقال او مايقال=وش بينفع دامها في داخلي مثل الشعوب انقلابات وحروب(ن)داميه عقب اغتيال=للخفوق الي عقب مالد خالفه الهبوب ويش اسوي دام هذي حالتي في كل حال=برجع لربي واصلي والعن ابليس واتوب وسلامتكم
|
|
06-03-2010, 11:54 PM | #18 |
|
سقا الله خطوتن كانت عليه تسبق الساقي
وقفت فسكة الفرقى على دربي كذا شهريـن=معايه شنطة الذكرى بها حبري مع اوراقـي بعد ماراحت العذرى وقلبي داخلـه دوريـن=بكلم عقلي الباطـن يقفـل باقـي اعماقـي كذا يازينة المبسم على بابك تقـل مسكيـن=احذف من ورى سورك تحياتي مع اشواقـي وباصبر والامل عندي ترى مبني على شيين=يحن قليبك القاسي على الذكـرى وخفاقـي وضحكه ساكنه بالي بها كثر الدلـع والليـن=تردد في صدى روحي على غربي ومشراقي وغصني بعد عصفورك يغردبه غراب البين=يحن الغصن لطيورك ويشكي لوعة افراقي يصوم الخافق لعينك عن عيون البني يازين=ويفتح سوق شرياني عليك ويعلن اغلاقي تهز الصمت في ليلي طبول فراق هز(ن)شين=وانا لو كنت ماحبك بودع حبك الباقي وباارحل والامل عندي ترى مبني على الثنتين=سقا الله خطوتن كانت عليه تسبـق الساقـي وسلامتكم
|
|
07-03-2010, 02:48 AM | #19 | ||
مبروك وألف الف مبروك
ديوان رائع لشاعر نعتز بوجوده وبقصائده الرائعه والمميزه سيتم تركيب البنر بأقرب وقت بأذن الله اتمنى لك التوفيق اخوي العزيز |
|||
|
07-03-2010, 02:56 AM | #20 | |
|
اقتباس:
الشيخ الاطرق الهذال وانا اسعد بان يكون ديواني الخاص هنا في منتديات المضايف بيتنا الثاني ومرورك بحد ذاته فخر وكيف لمن رديت علي والله يسلمك ان شاء الله ويوفقك دنيا واخره تقبل فائق الود والتقدير وازكا الاحترام دمت بالف خير |
|
|
الذين يشاهدون محتوى الموضوع الآن : 11 ( الأعضاء 0 والزوار 11) | |
أدوات الموضوع | |
انواع عرض الموضوع | |
|
|