|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | 27 مارس يوم # مبادرة السعودية الخضراء
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | غريبة الاوطان | مشاركات | 31 | المشاهدات | 28174 | | | | انشر الموضوع |
|
أدوات الموضوع | انواع عرض الموضوع |
01-05-2010, 10:46 PM | #11 | |
|
الريـــــــاح المـــــــوسميه
ارتحلت الهم والعزله وظلـي مـن عصايـه=غرب ولا شرق وأنشد يا الرياح الموسميـه
يا عنيده سيف عشقي له معك قصد وغايـه=لا يطيح أن طاح طـاح ولا يشيلنـه يديـه لا يزيد الجرح جرح اللي خذا جرحـه كفايـه=لا تماديتـي مشاعـر حافـق تزعـل عليـه يا عنيده بالقسى واللين طبعي مـن شقايـه=لا تواعدنا طلوع الشمس يوم الشمس حيـه للولى ولا سراب اللال مـا يقطـع ضمايـه=لا تخلينا نعـود لسـوق عصـر الجاهليـه لا تغضين النظر يـا الريـم قـدام المرايـه=عوديلي بالعيون اللـي كمـا سهـم المنيـه ناصفيني من ضمير وافي ن وأعلـن برايـه=والله إني ما نقضت العهـد والخيـره خفيـه لا حلمتي حلم صـادق لا خيـال ولا روايـه=اعتليتي في سنام المجـد و أحـل القضيـه إن وصلتي من على باب الهوى زود غلايـه=وإن رجعتي حب قيس أنصاف ليلى العامريه وإن طويتي صفحة الماضي بعد ما هو خطايه=وإن شكيتي حظ عاثر ما كتبت إلا الوصيـه لا قهرتي نا عسات الطرف في لبس العبايـه=يشهد الله غير أغنـي باللحـون السامريـه سمي النيـة مطيـه وأتريـح مـن عنايـه=الله الله يا العنيـده مـا عليـك ومـا عليـه أقهـري كـل العـذارى بالبدايـة والنهايـه=شوقك اللي كل ما قـال اعتـزى بالوايليـه |
|
|
03-06-2010, 02:16 PM | #12 |
|
الشيم قدر الشيم
يامشاعر هاتي القاف والمطلع سنـود=يوم صعب المفـردة خاطـري غنابهـا
جاوب أطراف النوادر صوادرها الورود=اعتلت مـن سـاق فنجالهـا شرابهـا خيلت سحب القوافي وبارتها الرعـود=أخضرت بيض الفيافي وروس اشعابها النسيم يسوقها والنفـل ريحـه ينـود=السماك من الثرى غـارس بهضابهـا القراح يداعبه ومن ولى الجزلة يـزود=سلسبيل عذب جمه صريـح إعذابهـا مارجيته بين حزب النصارى واليهـود=محتزم بالسيـف والمعركـة ماهابهـا ماحنيت الراس لأجل المنافق والحسود=كود للي يملك ا لروح يـوم حسابهـا ماعلي من اللفايق قصيريـن الزنـود=الغصـون اليابسـة مـحـد ذرابـهـا يضحكون أوجيه بيضاً خفي أقلوب سود=خايبه والخايبـه حـظ مـن يسعابهـا لو هو بكيف الثعالب مشت جنب الأسود=والحداياعشـت الحـر مـن مخلابهـا بالرخا ياكثر من قال بالشـدة صمـود=وباللوازم شبت النـار جـوف أثيابهـا من لا جاب الطيبة في يمينه لا يـذود=يرسم الحسره على كف مـن يشقابهـا خلف تيار العواصف ومالـه بالوجـود=يترك الزلة عـن النـاس لا يسعابهـا القرادة تقتبس نارها مـن رأس عـود=والسعادة كـل حـي يبـي يرضابهـا والردي ماحاش بكرة ولا حصل قعـود=وإن لقى خيل العرب قال أنـا ركابهـا والأصابع تختلف من عصر عاد وثمود=والشيم قدر الشيـم والحكيـم أدرابهـا |
|
07-07-2010, 12:20 PM | #13 |
|
كنها جـوهـر ذهـب مع شقايقها
التوقع صعب من بندق الرامي=نوب يخطيها ونوب ن يحققها
والمعاني كنها ميسمن حامي=من جروح اطيب وجروح تحرقها لظروف احيان تجبرك الاحكامي=لوتبين بغربها مثل مشرقها من نظرت ام الخلاخيل وزمامي=قلت من حظي وانا اليوم عاشقها عاهدتني قلت انا العهدقدامي=مهرة ن من طيبها رحت اسابقها مهرة ن بحزام ماتلبس احزامي=مايعرف احزامها من يصادقها العرب من حبها صابها اهيامي=كنها جوهرذهب مع شقايقها وقفت في منتجع محمل الشامي=تقرب الساعة وتاقف دقايقها مايحل عقودها بهام ضرغامي=قلت فكري صامل الرأي وثقها كلمته حكمه كما السيف سطامي=نادرة فكره ضريفآ تناسقها يادستور المفردة مابها أوهامي=من بحورك سبعة بحور طارقها افتخر من تاج تاجه لي اوسامي=دام طلع السنبله من حدايقها تطلع الشجره من العام للعامي=لوتطول اغصونها مانفرقها من طوارف نجد لشام لتهامي=نكسب الجزله ونترك لفايقها للعدى كيد وللحق لازامي=من عصر كسرى ترفرف بيارقها حافظينآ قسمنا بين القسامي= الله الله والشريعه نطبقها |
|
13-10-2010, 02:47 AM | #14 |
|
من جاد بنتاج المجله علـى اغـلاف=يمسي تمام ويصبـح الصبـح زايـل
يا(00م00)نص القاف مايسري القاف=خوذيه عبـره فـي بريـد الرسايـل انجازميثاقه سبـاء النـون والكـاف=مجده تعـدى موضـة اخـر مدايـل ميثاق دستوره كفا حكـم الانصـاف=حاميه عن مـد الضعـاف الهزايـل اناحكيـم المفـرده بيـن الاطـراف=خيالهـا بيـن المهـار الاصـايـل |
|
13-10-2010, 02:53 AM | #15 |
|
معاد باقي شي في دنيـاي يستاهـل غـلاك=غير الهموم اللي بقت في خافقـي متربعـه
اسقيتني سم الافاعي مـن ورى واد الهـلاك=لوكان مالي في زمـان العولمـه والاامعـه حتي غروب الشمس يالغالي عجز يلحق مداك=ابعثر احروفي على شانـك تجـي متجمعـه ودعتنـي وانـا انتظرولهـان ودور رضـاك=اقول يمكن لوبطيف الحلـم اقـف واسمعـه |
|
13-10-2010, 03:00 AM | #16 |
|
جــــــــــوهــــــــر المــــــــاـــــــــــــــــس
مابي حـلاوة عيـد بالله ياحسـاس=وش عـاد لـو صبولـي الشاذليـه
والله لو عيت مانـي مـع النـااس=عيـد الفطـر لـه قصـةٍ سرمديـه مبطي كتبت اعزاي في صفحة اليااس=والله يعينـك يالـجـروح الخفـيـه الهم ودانـي علـى مـر الاتعـاس=ياخـذ مايعطـي والنوايـا مـديـه ايست لاكن مانفـع طويـت اليـاس=روح ن تعيـش بـروح والنارحيـه تبقين فـي حبـك كماجوهرالمـاس=باقه مـن الاحـزان واغلـى هديـه اتوق مع حرفك ولو شيـب الـراس=غصن ن لدن واوراق طلعـه نديـه تغيب شمسي وارتوي صبح الافلاس=اكتب حروفـي والمشاعـر ضحيـه وش عاد لو العين مصابها انعـاس=حكـم القدرماهـو بيـدك ويـديـه |
|
13-10-2010, 03:09 AM | #17 |
|
ودعتها العام واحزاني تواسينـي=واليوم طيفه يردي هقوة العانـي
عزوني العام لكن مـن يعزينـي=عن حبها اللي يعيش بداخل اكياني لومت معهامحارالدمع في عينـي=ماطال ليل الكئابه داخل احزانـي عشتي مدينة غلاباقصى شراييني=لولآك ماكان مُـر الحلـم ودانـي |
|
13-10-2010, 03:13 AM | #18 |
|
بطاقه
مرت على عام وانا اكتب عن غيابك=والعيدقرب وعايد مين مـن بعـدك
ياليت ريجع زمان0ن0فات واحيابك=لومات حرف القصيده عاش من ندك |
|
08-02-2011, 07:50 AM | #19 |
|
الكحل زينه فـي عيـون البناتـي
ياصاحبي صبحت مسيت بالخير=منته بقادر تصنع المعجزاتي
انا جديدي بنتظاره جماهير=وانته جديدك سلت المهملاتي رميح مع ساكر سيوف(ن)بواتير=وانا بعد منته مسوي سواتي اعلام للقمه وعاشو اساطير=ماتو وعاشو في صدور الرواتي تاريخهم ماشوهوه المعاثير=قفر(ن) خلا مادوجه الرعاتي ماكر حرر وكل ابوهم نوادير=وجودهم في حزة المعظلاتي من مدرستنا كم تخرج طوبير=منهل شعر وبيوتنا محصناتي ولا انت لو تقصد لك الله معيثير=ظح ظاح فكرك مايرد الغزاتي عمرك سمعت الضلع حس بعصافير=وعمرك سمعت الضلع ماله ثباتي احذر تقربلي تطيح بزمهرير=واحذر تقرب بالقا من تلاتي حطيت لك علمن يكفي عن الغير=واسمك لو احطه يسبب شماتي هذي نصيحه وانتبه للمحاذير=الكحل زينه في عيون البناتي ترى النصيحه تنشري بدنانير=اهديتها لجلك وهذي وصاتي |
|
12-06-2011, 03:30 PM | #20 |
|
ان ضاق صدر الشمالي يانسيم الشمال=على هنوفـاً يتـل القلـب مجدولهـا
راحت وانا انظر من الواقع جديد الخيال=على شياطين فكـر كيـف اب اقولهـا ذكرى غلاها على بالي يشـد الرحـال=عزاي نفـح المشاعرجـف معذولهـا اطلق عنان القصيده واسمها لا يـزال=والعبره اللي تكـن الـروح ياهولهـا على جريـح المشاعرمايفيـد الظـلال=شابت حروف القصيده قبـل ماقولهـا مؤمن واعرف الزمن حلٍ وفيه ارتحال=لاكن كلمت صغيره ضايـق ن جولهـا تقول يابوي وين أمي مـارد السـوال=تلعثم الهرج كيـف اقنعـت معقولهـا متدري اني طويت الياس في كل حـال=واليوم عـزالله انـي مانـي بحولهـا بكرة على دربها حنـا نشـد الرحـال=ونسكن بيوتأ يشيب القلب من هولهـا |
|
الذين يشاهدون محتوى الموضوع الآن : 11 ( الأعضاء 0 والزوار 11) | |
أدوات الموضوع | |
انواع عرض الموضوع | |
|
|