|
التميز خلال 24 ساعة | |||
العضو المميز | الموضوع المميز | المشرف المميز | المشرفة المميزه |
قريبا | أكفلهم … ونحن نرعاهم
بقلم : جمر الغضا |
قريبا | قريبا |
الإهداءات | |
« آخـــر الـــمـــشـــاركــــات » |
|
مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء } |
كاتب الموضوع | زايد الدغماني | مشاركات | 19 | المشاهدات | 25749 | | | | انشر الموضوع |
|
أدوات الموضوع | انواع عرض الموضوع |
04-04-2010, 02:14 PM | #11 | |
|
الكون زحمـه و اعقـل النـاس مجنـون=واكبـر مساحـات العـقـل تمتـلـي شــات كــنــا عــــرب والــلـــي نـــــزل دونـــــا دون=والــيــوم صــــار الــحــي كــلــه عــمــارات والــمــجـــد لـــلــــي بـالــمــلاســن يــفــوقـــون=والماضي الحاضر و مـا فاتهـم مـات طـفــل الـشـعـر بـيـديـن الايــــام غـلـيــون=يلقط ضلوعه من عنا الوقت جمـرات يا شاعري لو ضـاق بانفاسـك الكـون=غـــــن بــفــضــاك وخــلــهــم لـلـفــضــاءات لوتنثـر حروفـك عبـث صـارت لـحـون=لو تنظم انفاسك شعر صارت ابيات تـكــتــب فـــــرح فــيـــك الــحــزانــا يــغــنــون=تـكـتـب حـــزن تــشــب نــــار الـمـعـانـات دامك شعر لا تجلـس بكرسـي الهـون=لا تـمـتـطـي لـلـمـجـد صــهــوة عــلاقــات دام انــت ثـابـت قــل لـهـم وش تـمـنـون=مـانــي بـحـاجــه ادفــــع لـعـرفــي اثــبــات رابـــــح وغــيـــري بـالـمـواجــه يـخــســرون=لــيـــا اعـتــزيــت بــعـــزوة تــرفـــع الـــــذات خـل الفقـر يشـره علـى صيـت قــارون=وحلم الثرى يوصل صفوف المجـرات ورديت بصدى متواضع امام شموخ هذا الشاعر الرائع امل ان تنال بعض راضكم
بــســتــان مــــــن تـــفـــاح والــطــلــع زيـــتـــون=لاتــنـــدهـــش هــــــــذا زمــــــــان الــدعـــايـــات
والــجــو غــايــم ونــمــزج لــــون مــــع لـــــون=ومــــدرّس الـتـاريــخ يــصـــرف عــلاجـــات والـكــون واســـع يـافـتــى الــجــود هـالـكــون=لوضـاق فـي عيـن الـردي كــل الاوقــات مـاضــاق كـونــي يـــوم غـيــري يـضـيـقـون=طلعـي سـمـاء ورجـلـي تــروم الطـويـلات ومن يدعي في شي من غير مضمون=يضـحـك عـلــى نـفـسـه ويـرســم خـيــالات عــمـــايـــرٍ تــبـــنـــا ومــــــــن ثــــلــــج يـــبـــنـــون=والــشــمــس فــضّــاحــه ولـلــثــلــج بـــالــــذات والفـرق بحـرف التـاء نقـطـه عــن الـنـون=لــواخــتــلــفـــنـــا بـــالــــجــــمــــل والـــــعـــــبـــــارات ومـثـلــك يــابـــن ســابـــل رجـــــالٍ يـعــرفــون=لــك بالشـعـر نـظـره ولــك فـيــه بـصـمـات نـبــذه مـــن ابـيـاتـك عـــن الـغـيــر يـكـفــون=تشـبـع شـعـر ماتشـبـع اهـيــاط كـشـخـات والـشــعــر لــولـــه راس والـــســـان وعـــيـــون=كــــان اشـتـكــى مـــــن عـابــديــن الـقــنــوات الـشـعــر مـايـنـسـاق فــــي ســـــوق تـكــفــون=ولاثـــابــــت إلامـــثــــل اجـــــــاء والـــســــروات بــغـــداد تـحــلــم فـــــي فــتــوحــات هــــــارون=وهــــارون مــــات ولابــقـــي بـــــه فـتــوحــات سـمـيـتــنــي بــالـــعـــذب شــــكــــراً ومــمـــنـــون=شــــهـــــادة مـــعـــلّــــم تـــــفـــــوق الـــشـــهــــادات |
|
|
04-04-2010, 05:44 PM | #12 | |
|
|
|
|
05-06-2010, 03:47 PM | #13 |
|
ليله يابن سابل طويله عصيبه=ياطول ساعاته معه عذبتني
والوقت جاير والليالي كأيبه=وبقعاء يابومصعب بجوره رمتني نجمي هوى واضلم سماي بمغيبه=وطفت شموعٍ بالفرح لازمتني اداري العبره بصدري نحيبه=وصرخة ألم تفجرت وجرحتني والنار في جوفي تزايد لهيبه=والحزن خيم يوم بقعاء افجعتني والضيم خنجر والضلوع الضريبه=مع عبرةٍ بلعتها واشرقتني فارقت شبلي والمفارق مصيبه=ودّعت (هيثم) والدموع اغرقتني عقب اتصاله في دقايق عجيبه=كلمه وكنه صاعقه وصعقتني تأكدوا بعض الاسامي قريبه=ورسالته يادوبها واصلتني دقيت رقمه قلت صامت بجيبه=عندي امل لوالعلوم اذبحتني خايف عليه وخوفتي ماتعيبه=حرٍ صغير وطلعته معجبتي تقفّل الجوال بالوضع ريبه=ولاني قريب وحيرتي كبلتني صرخت بوجيه الرجال الشحيبه=قالوا عوضك الله قلت ألزمتني قالوا توفى قلت ربي يثيبه=صغير والدنيا عليه اعجلتني دعيّت ربي خالقه يعتني به=وانا رضيت بقدرته وحكمتني وهللت باسم اللي عليمٍ بغيبه=وكبّرت له تكبيرةٍ عززتني عين الولي فوقي وفوقه رقيبه=ويعلم عن اللي بالحشى ضايقتني لوانها بالهوش محدٍ يصيبه=احط روحي درع وادحم بمتني اضفر بهيثم وانتخي واعتزيبه=ولا انضام لوكل العرب حاربتني والله مايقفي طليب بطليبه=روحي فدا ولجل فداه ادفعتني بس المنايا نوخت بالغصيبه=غصبٍ علي يابوك ماشاورتني غليبتي مامثلها من غليبه=وكل الزوايا عنك ياما اسألتني عزاي بالفرد الصمد نلتجي به=جرحي عميق ولوعتي جرجرتني خذاه من فرق صحيب وصحيبه=مكتوب والفرقا معاها اكتبتني كتبت اسمه فوق ذيك النصيبه=لجل الزيارة كان رجلي قوتني جوني يعزوني جموعٍ مهيبه=وشوف يده بينهم صافحتني ماني مصدق وانتظر من يجيبه=وكلمة توفى بحدها شرحتني ومن قالي ماجور بذهول اجيبه=اجامله لو كلمته خانقتني امنت باللي كلنا نلتجي به=ربٍ رحيم ورحمته واسعتني يروف في قلبٍ توارى حبيبه=عساه يشفع به ليا داهمتني |
|
06-06-2010, 03:52 PM | #14 | ||
|
اقتباس:
الغاااااااااالي على قلبي الشاعر فرج الدهمشي ممنون لك مرورك الذي بمثابت العطر تحيااااااااااااتي لك |
||
|
08-06-2010, 05:22 PM | #15 |
|
لكل من مر من هنا او راح يمر ولو بعد حيــــن
اقوله شرفتني وعطرت ديواني المتواضع وسبب هذه الرسالة اني وبأذن الله تعالى سوف اعتزل الشبكة العنكبوتيه بعد فترة قريبه وبعد ما انزل نص في قت قريب وبجميع المنتديات التي انا مشترك بها بحول الله وقدرته ولا يسعني هناا إلا الشكر الجزيل للجميع تحياتي وصادق مودتي |
|
27-12-2010, 03:10 AM | #18 |
|
حنــــــــا سبــــــاع الليل
سلام اعذب من شخاليل ديموم=واجمل من الألماس غالي ومنظوم
سلام صادق والنوايا سليمه=للابه اللي كوم وامجادها كوم سلام وافي للرجال الوفيه=سلام لجهينه مثنا ومردوم جهينه سنام المجد والطيب بيته=عوق الخصيم وعون من كان مظيوم جهينه لياعدت فعول القبايل=ترقص لها الخيل الاصيله من الزوم جهينه ذرى لمن لاذ يطلب ذراهم=خطلان الايدي سيرة افعال وعزوم جهينه عمى عين الحسود ورمدها=ياطيبهم وان صاحت القوم للقوم جهينه على عصر الصحابه جهينه=من يذكر التاريخ بالصدق ملزوم جهينه هل المنسب سلايل قضاعه=تاريخهم عاطر وبالمسك مختوم من غربي الاردن لينبع وجده=بالطيب خطت مجدها نقش ورسوم حييت ياابن غنيم شيخ الشهامه=اسمٍ مابين الجود والطيب مقسوم قالط ياابومشعل عن الغير قالط=نصيبك من اسمك على العز ملموم انت السخى ياشيخ كنه شقيقك=وبرج المراجل بيت والجود لك توم كفك على الجزلات ياشيخ ضاري=حرٍ مجرب طلعته تجدع الحوم ولك بالوفا بصمه ولك فيه رايه=يامعتق اللي بين الاسوار محكوم حياكم الله مثلكم يعتنابه=واجبكم اكبر من ثنى قروم لقروم حياكم الله هيل مع شاذليه=ولو القدر ينشاف شفتوه مزموم في حفل ربعي تاج راسي وعزي=ضواويه لاعدة علوم لعلوم ضنا حمد ضنا حسن عقب دلهام=رمز الوفا من اصغر طفل لاكبرالقوم ضواويه اسمٍ به المجد لامع=نارٍعلى راس العلم فوق مرجوم لاقلت ضوي قيل ياحي فاله=لطامت العايل وذباحت الكوم عقب المضوي شيخ نخوه ومبدا=ماشاخ فيهم بشت واوراق وختوم مع جمع ابن مرسال راي ومشوره=والعلم لادسناه صامل ومحسوم حنا منازلنا منازل رفيعه=بشوتنا عزه ومعروفنا هدوم حنا الشجاعه والكرم والحميا=حنا سباع الليل لامرح البوم حنا الصقور الجارحات الكواسر=بيماننا رمحٍ على الضد مسموم حنا الهضاب الشامخات الرواسي=حنا الجبل مايشبهه تل وحزوم حنا القراح العذب ياواردينه=ذا سلمنا والناس كلٍ له سلوم حنا ربيع الجار حنا وقاره=حنا الحقايق ماهي اوهام وحلوم حنا ستر من طاح عنها غطاها=يومٍ سور اللاش مرمي ومثلوم حنا منيع البيت نكرم جنابه=ضواويه منيعهم بات محشوم حنا الفعل وان عودت للفعايل=الشمس ماتحجب بغربال وغيوم خوينا كنه شقيق لحدينا=مايلحقه زله ولايحلقه لوم صديقنا ينام مرتاح باله=وغريمنا عينه جفت لذة النوم ضواويه جسره على وردة الماء=وابن الردي ذوده عن الورد محروم وان زغردة بنت الرجال العفيفه=ضواويه عدوهم راح مهزوم ياقرد عين اللي نهاره لقاهم=لازرفلت بنت العبيه بشغموم الياداج سبار العدو في حرانا=انكف وقال رويكب العز موسوم عدونا يهابنا مانهابه=وان جلبت الارواح نفرق بها السوم ولاهو قصورٍ في فخوذ القبيله=وايل سماء وقبايله وسطه نجوم ولاعاش راسٍ مايطوح عقاله=هذاك راس الذل والذل مذموم والنعم في كل القبايل عزيزه=وكلن فخور بلابته مابها لوم ومسك الختام اخوان كل الحمايل=في حكم ابومتعب عسى عهده يدوم الحاكم العادل عظيم السجايا=صقر العروبه ساطي الراي زيزوم سلام ياشيخ الشيوخ الكريمه=لشيخ ابومشعل مثني ومردوم سلام وافي وانت ياشيخ وافي=ياقالط ابن غنيم يمقلط الكوم |
|
04-03-2011, 07:18 PM | #19 |
|
(طيحه _ شنيعه)
ماكل من يرقا وصل للرفيعه=ولاكل روحه تشفي الغل لارحت
وطلقه بلابارود حسبت رجيعه=اسلاحها ديكور لو فيه لوحت سيوف عرضه تجذبك في لميعه=ماهي تكانه غلطتي به تسلحت دميه بشكل سلاح لكن بديعه=شرواك ياللي بالردى امسيت وصبحت تحلم وحلمك صعب ماتستطيعه =والحر يرقا وانت يالبوم طبحت انشهد انك طحت طيحه شنيعه=من عين ماترضى تشوفك لياطحت كنت احسبك صرحٍ حصونه منيعه=اعجبت بالمظهر وبشت توشحت كبر الاسامي نوب فيها خديعه=لو قال جدي كان وش كان مفلحت الطيب ماهو في كلام تذيعه=ولاصرت ماانت بقدها ليه صرحت غرك زمانك ونخدعت بربيعه=وتبعك من يجهلك عنده تملحت بعت الضمير اكيد حظك تبيعه=ردي نفس ويوم شفت الذهب سحت جتني من اقرب شخص ياهي فضيعه=نسف جدار الطيب من تحت لاتحت يانعمة النسيان مري سريعه=لو كان بعض جروحنا منحت نحت مري علينا لاتطول القطيعه=على الردي غلطان ياعين لونحت قوي باس وراس فيني طبيعه=ماني برابح كان من صدتك صحت واضح ولا احب الهزل والهزيعه=ومافيه داعي نسألك ليه جنحت خلاص فارق والشوارع وسيعه=علاقتك مثل الربا سحت في سحت شعب الخليج انصار سنه وشيعه=إلا انت بين البين ياما تمرجحت |
|
01-05-2011, 07:22 AM | #20 |
|
(كــــــذبة _ ابـــــريـــــل)[/color][/size][/center][/font]
مدعين الشعر صفق لهم مدعين=والعروس الجميله شق جلبابها
مرةٍ طالعين ومرةٍ نازلين=ودفنوها بلاتكفين بثيابها حركوا حرف ساكن تتبعه كلمتين=صارت علوم قوم تفتل اشنابها ثلةٍ طابخين وثلةٍ شاربين=دلـةٍ ماتعـدل عماس شرابها دلو جمه ودلو تراب واحيان طين=ضاع مجهود جاذبها وصبابها المصيبه كثيّر إيقال يامبدعين=كذبة ابريل ردوها لكذّابها وسارقين المصارف زوروا عملتين=وصاحب البنك معطبها ولاجابها ضاعت حقوقنا مابين سمن وسمين=كلمةٍ قالها المديون مااوفابها والله اني على الاشكال هذي فطين=لكن ظروفي الصعبه بلشنابها اتعبتني ظروف الوقت والحظ شين=والليالي عليه تبرد انيابها كل ماقلت زانت قال حظي لوين؟!=خيبت الحظ حولي تغلق ابوابها ان سلينا دقايق صاح جرحٍ دفين=جاوبه دمع عيني واغرق اهدابها اخفي الدمع لكن حزن وجهي يبين=فرحة العمر قلبي ماتهنا بها خنجر الظيم هدت حيل متنٍ متين=انهكتني وانا اللي كنت ماهابها دورة الوقت دكت كل حصنٍ حصين=ياالله اني بوجهك بان مضرابها وسير رجلي توقف بين صبر وحنين=وبين شرهة رجالٍ تخفي اعتابها العزيمه وقو الباس والصبر زين=توصيت والدي قبلي تحلابها اطلب العون من ربي وربي معين=زارع الروح فيني ربي ادرى بها خالق الانس من صلصال تربه وطين=جامع الخلق عنده محصي احسابها يوم غابت ضعون اللي نعده عوين=ركعتين الضحى ياقلب تسلابها اشهد انه علاج القلب دامه حزين=سجدتك وانت خاشع تفتح ابوابها احتسبها خدينك يوم مامن خدين=في نهارٍ تبور الناس بأصحابها |
|
الذين يشاهدون محتوى الموضوع الآن : 10 ( الأعضاء 0 والزوار 10) | |
أدوات الموضوع | |
انواع عرض الموضوع | |
|
|