صفحات المضايف على تويتر
عدد مرات النقر : 185,060
عدد  مرات الظهور : 159,103,238
عدد مرات النقر : 180,597
عدد  مرات الظهور : 103,048,993مركز المضايف لتحميل الصور والملفات
عدد مرات النقر : 152,536
عدد  مرات الظهور : 87,185,152مضيف الخيمة الرمضانية
عدد مرات النقر : 151,093
عدد  مرات الظهور : 86,842,579صفحات المضايف على الفيس بوك
عدد مرات النقر : 186,465
عدد  مرات الظهور : 159,103,246
ملتقى الويلان الثقافي والإجتماعي
عدد مرات النقر : 155,624
عدد  مرات الظهور : 140,471,821
عدد مرات النقر : 151,474
عدد  مرات الظهور : 86,842,550فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 187,715
عدد  مرات الظهور : 153,301,4325موقع المضايف على أنستغرام
عدد مرات النقر : 181,154
عدد  مرات الظهور : 145,080,336ليل التعاليل
عدد مرات النقر : 178,288
عدد  مرات الظهور : 101,574,180
التميز خلال 24 ساعة
العضو المميز الموضوع المميز المشرف المميز المشرفة المميزه
قريبا 27 مارس يوم # مبادرة السعودية الخضراء
بقلم : جمر الغضا
قريبا قريبا

الإهداءات

« آخـــر الـــمـــشـــاركــــات »
         :: الزكاة ( فريضة وأحكام ) (آخر رد :خيّال نجد)       :: أكفلهم … ونحن نرعاهم (آخر رد :جمر الغضا)       :: اللي يسمع خالد يرفع 🇸🇦 واللي ما يسمع خالد يرفع 🇸🇦 (آخر رد :جمر الغضا)       :: وزارة التعليم رسمياً : (آخر رد :جمر الغضا)       :: 27 مارس يوم # مبادرة السعودية الخضراء (آخر رد :جمر الغضا)       :: ومن سيصدقني يا خديجة ؟ (آخر رد :كساب الطيب)       :: وزارة الدفاع قريباً : (آخر رد :كساب الطيب)       :: وزارة التعليم (آخر رد :كساب الطيب)       :: أمطار ورمضان 1445 هـ (آخر رد :كساب الطيب)       :: الشؤون الإسلامية قريباً : (آخر رد :كساب الطيب)       :: طبتم أينما كنتم (آخر رد :كساب الطيب)       :: شكراً ل | " (آخر رد :جمر الغضا)       :: أخصائي تغذية يحذر من تناول الجبن السائل ويكشف الأسباب (آخر رد :معزي العنزي)      


العودة   شبكة المضايف الأدبية والثقافية > ►◄المضايف العامه►◄ > ملتقى الويلان الثقافي والإجتماعي

ملتقى الويلان الثقافي والإجتماعي موآضيع وتغطيات خآصة بملتقى الويلآن الثقافي والإجتماعي ومواضيع اخرى عن القبيلة

كاتب الموضوع عبدالرحمن اليمني مشاركات 24 المشاهدات 4007  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 02-10-2016, 12:19 AM
عبدالرحمن اليمني غير متواجد حالياً
Saudi Arabia    
اوسمتي
وسام المراقب المميز 
لوني المفضل Maroon
 رقم العضوية : 260
 تاريخ التسجيل : Nov 2009
 فترة الأقامة : 5236 يوم
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم : 10
بيانات اضافيه [ + ]

اوسمتي

مميز1 🌿"نـادي عٓـنـزه الأدبـي"🌿



نقدم لكم المقر الاول النادي عنزه الادبي والذي سوف يطرح فيه ابياتهم وقصائدهم
السبت 30 / 12 / 1437هـ
ومع اول موضوع 👇👇👇
(.. أهل الحكي ..)
‏=•=•=•=•=•=•=•=•=•=•=•=

‏اهل الحكي والحقد والهمز واللمز
تـقــول قــولً مــايجـمـل الـحـاهـا

الـلـي سـوالفهـم تجـي بينهم رمز
الله يـحـاسـبـها يامـكـثـر غثـاهـا

# عطاالله سريح الدخين #
‏‏=•=•=•=•=•=•=•=•=•=•=•=

اتــرك هل الشكات والهمز والغمز
والله تشــوف المعـضـله من وراها

انـت الفخـر للجـاه والطـيب تـرمز
وانـظر وخلي نظـرتك في سماها

# حمدان خلف الملساوي #
‏‏=•=•=•=•=•=•=•=•=•=•=•=

الـلـه يكافـينا مـن الغـمـز والـلـمز
ويكفينا شر منهو يمشـي بذراها

طبـع العجـايز فالمجـالـس تمـزمز
الـلـه يقـطـعـها ويـقـطـع رجـــاها

#احمد سليمان المسيكي#
=•=•=•=•=•=•=•=•=•=•=•=

ياليـت راعـي اللـمز السـانه يجـز
اللـي ورى العـالـم كثـيرٍ حـكاها

مجـالـسٍ ياجـعلـني مالـهـا التــز
يالــلـه يامـعـبــود تقـطًـع نـمـاها

#ظاهر معيوف المسيكي#
=•=•=•=•=•=•=•=•=•=•=•=
يالابـتـي دايـم على الطـيب والعز
ربـع على الطـوله سريع اخطاها

وراع الـردا مـسكـين ماهزهم هز
شـذابت العـرقـوب محـدن وراها

#عويد الوثيري#
=•=•=•=•=•=•=•=•=•=•=•=
قـفلـتها بالصدر وجتنا على امز
اهـل الحـكي للنـار يكسبه فاها

الناجي اللي لاحصل حكي به شمز
تـشـوم نفـسه لوتمـوت بضماها

#زيادالنعمان المسيكي#
‏ ༄(( بحرالشمال )) ༄
=•=•=•=•=•=•=•=•=•=•=•=
ترى الشجر من هبة الريح تهتز
وتـرى الجـبال الـراسيه ماقواها

والـطـيب المطنـوخ هـو فيه تعـتز
والخـيب الـمثبـور مـحـدا بـغاها

#نهير الدهمشي#
=•=•=•=•=•=•=•=•=•=•=•=
الشــين شـين ولو يجيك يترزز
اهــل النقايل والمشاكل معاها

واهـٰل النمــيمه اللي للخلق تبتز
يارب ِ تجعل كيـدها فــي بلاها

#نواف ابراهيم الميهوبي#
=•=•=•=•=•=•=•=•=•=•=•=
اهـل المراجــل تكـره اللمز والهمز
على المبـادي حــي والله نباها

الكـلـمه العوجـا ﻻجتهم بها لمز
حقرانها عند النشاما دواها

#عـبـدالعزيزقالـط الطـويلـعـي#
=•=•=•=•=•=•=•=•=•=•=•=
يبقى التكاتف يا نشاما هـو العز
واهــل المكــارم ما يتـغيـر لـقـاها

والالسن اللي بالمجالس تجز جز
واجـب عـليـنـا يـارفـاقـه جـفـاها

#خلف دهش#
=•=•=•=•=•=•=•=•=•=•=•=
🌿"نـادي عٓـنـزه الأدبـي"🌿
=•=•=•=•=•=•=•=•=•=•=•=



 توقيع :
لابتي ويلان أفديها .....بدمي وروحي

رد مع اقتباس
قديم 02-10-2016, 01:40 AM   #2


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

افتراضي



..........ساااااامحيني............

قلبي وفي يآبنت لاتجرحيني
حب الوفى مآخون لوصارماصآر

حبي كبير ولوعتني سنيني
امشي بدنيا كلها حب غدآر

ابي الوفى بالحب بينك وبيني
ودي نوآجه مآيجينا من اخطآر

يكفي الحزن والهم والضيم فيني
بآقي معي يآمهجت العين تذكآر

مآبي تلوعني وقلبي حزيني
وقلبي على جمر توقد به النآر

كلما ذكرت الغدر بآول حنيني
يروح فكري صوب ميلآت الاقدآر

مدري اصدق مانظرته بعيني
ولا اطيع الهرج يآبنت محتآر

نويت انا اترك حبكم سآمحيني
ومليت انا من كثر ماجبتي اعذآر

ماكنت اظنك بالغلى تستهيني
واثري عوايدك الخيانه والانكآر



حمدان خلف الملساوي


 


رد مع اقتباس
قديم 02-10-2016, 07:37 PM   #3


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

افتراضي



اسعد الله مساءكم بالخير والمسرات


 


رد مع اقتباس
قديم 02-10-2016, 07:38 PM   #4


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

افتراضي



لذيذالشوق .............


حبيبي لآتخليني انا مدري وش اللي صآر
وش اللي حآيل بيني وبينك مآ تحآكيني


انا مآاظن زعلتك وفكري تآيه ومحتآر
افكر بالجفى اللي صآير منكم معنيني


انا حبك يقويني بدون الحب انا انهآر
تعالي يابعد عمري بجنبي لاتخليني


تعالي نجتمع في قلب وآحد ننهي المشوار
وابطفي شمعة الدنيا لجل نورك يكفيني


تعالي وافتحي قلبك وبيحي خآفي
الاسرار
ولاتكمتم بقلبك هم وافرح يانظر عيني


انا لامن تبسمتي من عيوني عليك اغار
اذوب بصوتك وهمسك وبسلوبك تشديني


انا لجلك حياتي ذقت انا في دنيتي امرار
وانا ماظن ياعمري بهالحضه تجافيني


انا لجل الوفى اوفيت ولاني بالهوى غدآر
اصون الحب لك وحدك ولاغير يهنيني


ولامره تشك اني حياتي غيركم اختار
انا لك وانتي لي مانفترق يابسمة اسنيني


اعيش الحب واسعدبه واعاند لجلك الاقدار
ولوا كان القدر ظالم لذيذ الشوق يكفيني

............................................

حمدان خلف الملساوي

🔰🔰🔰🔰
يابو رباح اسلم وبلغ سلامي
على الرجال اللي علينا عزيزين

اهل الضفر واهل الكفوف الكرامي
خلايف مفضي عيال الهبادين

وان صار بالميقاف بارد وحامي
تلقى مواقفهم مواقف سلاطين

مدابس الهيجا نهار الزحامي
حماية الساقه بيوم اللقى الشين

عندك خبرهم يوم مرمي ورامي
من ضمنهم ضاحي وعايض هاكالحين

ربعي وانا اثبت في قصيدي كلامي
وتقديرهم دايم على الراس والعين

الشاعر ؛سعود عويد العنزي

🔰🔰🔰🔰


زاد الوله..................

هيضت فيني شوق واحساس وشعور
زاد الوله من بعد مضنون عيني

غاب ورحل واقفى عن القلب مجبور
قسوة ضروفه خلت الهم فيني

من روحته والعين ماشافت النور
والحزن غطى باقي احلى سنيني

والدمع يجري بين الاوجان منثور
لهفة مشاعر بالهوى تحتويني

عايش حياتي كني انسان مقبور
عايش ضلام القبر وحدي دفيني

ولامثل من كان يبحث عن النور
واضوي شموع العمر بينه وبيني

واكتب حروفي من عنى الوقت مقهور
تبقى معي تروي عطايا حنيني

واصبحت انا لعيون الاشواق مآسور
احترت انا بمره وهو احتار فيني


............................................

حمدان خلف الملساوي

🔰🔰🔰🔰

يالله عساهذي السنة غيرالسنين
اكتب،، لنا فيها السعادة و الهنا

يامقسم الارزاق يا الله يامعين
غير حياة المرهقين من العنا

ويا الله عسا اوضاع الآمه تزين
و تهدي بها اهل النميمه والخنا

و رد الضلالة بالهدى رد" مبين
وارحم بها منهو عن الدنيا فنا

يالله تخسي كل شيطان" لعين
وتكفينا شر اهل الدنائه والدنا

و في عامنا هذا عسانا سالمين
واكتب عليها الخير ياربي (لنا)

سعد هليل

🔰🔰🔰🔰

اجمل قوافي الشعـر صدره معجز
والعجز كمــــل روعتــه على اها

خير الكــــلام اللــي راعيـه يوجز
حكيـــم يوزن كلمتــــه ليـا حكاها

وبعض البشر بمواجه الناس يعجز
وهــــرج النميمه قالها في قفاها

فرحان الزارع

🔰🔰🔰🔰
ياجنتي تبقين تاجً على الراس
يالغاليه يفداك حالي ومالي

ياجعل مايلحقك ضيقه ولاباس
والله يبعد عنك هم الليالي

اشوف بك معنى المشاعر والاحساس
والغالي اللي شاب لعيون غالي

طهرك سوات الغيم والمعدن ألماس
ودامك بخير بدنيتي ما أبالي

محبتك تجري بدمي والأنفاس
وانتي ذراي عّن الهموم وظلالي

وانتي رجاء عمري ومن يقطع الياس
احس في شوفتك يطيب فالي
مفضي محمد الربيلي
🔰🔰🔰🔰

الظروف اللي تحداها الغياب
........ والغياب اللي تحدته الظروف

لو شكا الضميان همه للسراب
.......ما شكا الجيعان همه للظيوف

#سعد هليل
🔰🔰🔰🔰

من لا درس في مدرسة سود الايام
ماينفعه في بيضها حفظه الدرس

وقت الرخا واثق بها ان نام وان قام
سر الخوافي يبحثه موقف شرس
زياد النعمان العنزي
‏༄(( بحرالشمال )) ༄

🔰🔰🔰🔰
اهداااااااااا

ماكل شارب ينفل من الشوارب
ولاكل غير يصير مثله من الغير

ولاكل محارب صايرا هو محارب
ولاكل طير يشابه الطير للطير

ولاكل قارب يركب من الاقارب
ولاكل خير يجمع الخير للخير ..

هذي حياة الناس كله تجااااارب
واللي يسير يدهله يوم تسيير .


الشاعر .نهير الدهمشي ....

🔰🔰🔰🔰
الصمت في بعض المواقف هزيمه
والهرج في بعض المواضيع منقود

بيتٍ مقوّل ياالعقول الــــحكيمه
حكمة زمن يبلغ بها كل مقصود

ومن ساير اهل الشذب واهل النميمه
لاكـــاسبٍ حسنه ولاكاسبٍ فود

والكذب لوطال الزمن لـه شكيمه
حبـله قصّيرلو بقاء وقت ممدود

والــوقت لويكثرسحــابه وديمه
مهماضمنت البيض لاتامن السود

واشد ادانه في خيوط الـجريمه
لاجابك الله للنشب وانت مقرود

ومقسى من الدمعه بعين اليتيمه
الا الفقر بعيون من يعشق الجود

يبغى الجماله واليالي عقيمه
لكن يزود بشيمته راعي الزود

والرجل تعرف قيمته من لــزيمه
والطيب ورث جدود يورث من اجدود

والا الحكي مـايركّب اشداد ريمه
لاصارمــال للفعل برهان وشهود

رجلٍ فعولــه مــــاتعدا حريمه
ورجلٍ الميلات الزمن كتف وعضود

وصــدك عن اللي مايودك غنيمه
لـــون دربه بحمر اللورد ممــهود

والمجلس اللي تنقصك فيه شيمه
خـله لــونه يعتمت بزرق العــود

والشعرله عند اهل العرف قيمه
ارسالةٍ تروي ضماء كـل مضهود

ولاضاقت الوجهه نذب الـخريمه
افجوج الارض معالجة كل ملهود

لــون ماليه مـــواشي وخيمه
ومقصره مـاليتي عن شرا الذود

لكـن نـمرك ياالرسوم القديمه
اطلال ذكـرى بين قلبان وعدود

ياعــل سكانك بجنه نعيمـــه
اهل الوفاء والصدق والطيب والجود


فــالح عقيل الــركابي..

🔰🔰🔰🔰


الصمت في بعض المجالس جبانه
و الهرج يغنيك الندم والحسافات

كلمه تسد من الطلب في مكانه
اخير من صمت عن الحق بذات

نواف ابراهيم الميهوبي

🔰🔰🔰🔰
بعض هرج" لا كثر مافيه خير

عز نفسك بالسكوت و صونها

بالمجالس بعضهم هرجه كثير

و الخفايا مبيح (ن) مكنونها

لا لقيت اللي لزلا تك ستير

خوته شروى الوجيه وعونها

هاك مني بيت ركز ب الاخير

{ خوة } اللي مثلكم يشرونها

سعد هليل
🔰🔰🔰🔰

هذا النـبـيُّ الـذي أهـــدى لأمـتـةِ
شـفاعـةَ اللهِ كي تحـظى بصحـبـتةِ

اقـرأ لهم قصـصَ الأخـلاقِ في كـُتُبٍ
واضـرب لهم مثـلاً من عـطرِ سـيرتةِ

صلوا على المصطفى المختار قدوتنا
اهدى لـنا الـدّينَ في إتمـامِ نعـمتةِ

رسـالـةُ اللهِ للإنــسـانِ خــالــدةٌ
احـيـاءُ ذكـراهُ فـي إحـيـاءِ سـنـتةِ ،،،
ٌ
محمد خليف العنزي
🔰🔰🔰🔰

اسوآ جريمة بالزمن غدر الانسان
واكبر قهر لا من غدر بك ولد عم

تاريخ ما يرحم على مر الآزمان
مايغفر لمن هو سفك رابط الدم

سعد هليل
🔰🔰🔰🔰

ضعيف الروابع كل يوم على منهاج
يساعد هل النمه على نقلة النمه .

هدور المجالس قلبه اسود سواد الصاج
يعذرب رفيقه ويتفاخر على ذمه .

يعيد إلى شاف السنافي وقع بحراج
وياتيك يابلفيت بالعرف مزتمه .

يجي له على زلة حميد السجايا أخلاج
ويفرح بها ويزيل في ذكرها همه .

يقول انا العارف ومن عرفي بنيت ابراج
وانا اللي على العليا لي الطول والقمه .

أصبح مع الغبشه ولي مسرى بدون سراج
ولا فيه عد" ما وردنا على جمه .

انا سيف ابو زيد الهلالي وانا الحجاج
وهي تزعلة مدحة بعيد لأبن عمه .

يصور لك الأمثال في دبلجه وإخراج
ويحط العرب من كثر هرجه تحت كمه .

وإلى من بدا لازم لكسب الجمايل ماج
يجيه البلا لا شاف الاجواد ملتمه .

عناه وشقى عينه طلاقة طليق حجاج
ورضاه وسعد عينه إلى من حدآ ذمه .

عسى الله ما يكثرهم تراهم عنا و ازعاج
على مدح راعي الطيب ما تبري الذمه .


#متعب_الشبوي

🔰🔰🔰🔰
خويك الوافي ... لونه _ لحاله
اخير من عشره .. بليا نفعه
اللي تعزك .... باللزوم افعاله
واحد ويغني بالمواقف جمعه
يسوي بعيني _ عالمن بطاله
مزروعتن فيها الفتن والطمعه
ناس تحب ... العيل والعياله
وأصواتهم وقت الرخاء مرتفعه
سلم علي اللي يحتويك قباله
طلق الحجاج اللي يسرك طبعه
ان جيت له في لازمك يشتاله
يشوش بالطيب ويحب السمعه
ولا الردي لا جمل الله حاله
في كل يوم وكل حزة جمعه
نااايف الهويدي...
🔰🔰🔰🔰

.. 🌿"نـادي عٓـنـزه الأدبـي"🌿 ..
الثلاثاء 4 / 12 / 1437هـ
..(( بــنـي عــم ))..
=====================
بعض الحكي مامنّه لاهل الوفاء خير
وانــتٰم بــنـي عــم ورفٰـاقــه وصدقان
شــيـمـوا عـن الهـزله ياروس المناعير
بعــض السـوالف لـرجاجيل نقصـان
# عطاالله سريح الدخين #
====================
يابو سـريح ماعـكـس سـايـد السـير
يآآآكـود مـتـردي ///وهـافي وخـوآآن
وحـنا عـلى ماقـيـل ربـعـن مخـاشـير
وعـلى بعضـنا مابنـا طـايـل الـسـان
حامد الساري
====================
من يـدمـح الزلـــه اذا صـار تقصير
هـو الذي مــن منـبع الطـيب رويـان
ومـن يحـتـــرم ربعـــه ينــال تقـــدير
يتعامــل بطـيبــه واخـلاق واحـسان
فـرحــان الــزارع
====================
حي الرجال. الطيبين. النـوادير
اللي على بعض ٍمثل صـدر ديوان
والكـل منهم يجمعـون الطـوابير
واللي يبي النمات نـادم وخـسران
نواف ابراهيم الميهوبي
===================
العين مصدر جمـها داخـل البـير
والرجل حكيه دايمـن عالي الشان
يشوم عن هرج العقـول المصاغـير
شريف هـرج ولايجـي فـيـه بهـتان
(فواز الخمعلي)
===================
الحكي لا جاء دون معنى وتثمـير
نشـوم عــنه وكـن ماعــنـدنا اذان
واللي يحقر الناس يجزى بتحقير
(وماقل دل وزبـدة الهـرج نيشـان)
#خلف_السياد
===================
بـعـد الخـطـاء ماينفـعـن المـعـاذيـر
والذم في مجمل هل العرف نقصان
عـنه ارتفـع خـلك كما طـاير الجير
دامـه وهـبك المعـتلي عـقـل والسان
التغلبي/ حـسـين القراري
===================
النادي اللـي بـه رجـالن مشـاهـير
يحشم عـن المنقـود ياطـير حـوران
ارســل لـهـم مـني تحــيه وتـقــدير
صـبيان وايـل دوم لطــيب عـنـوان
#عـبدالعزيز قالـط الطويلعي#
===================
بعض السوالف ياعـرب مابها خـير
ابنـقــلـهـا تـاثـم ولانتــى بـربحــان
اما تجــيب اللـي بثــقـل الدنــانـير
ولاالسكوت افضل لياصرت بلشان
# أحـمـد_المـسـيكي #
===================
الصـدق منجـي يالرجال المناعـيــر
واكبـر سفالـــه قـولـة الــذم بهـتـان
اقــــولـهـا واحبّــر الـقـــاف تحبـيـر
بعض الحكي يرقا على حد شامان
#بندرعصري القماصي#
༄ (بركان الشعر)༄.
===================
..🌿"نـادي عٓـنـزه الأدبـي"🌿..
🔰🔰🔰🔰

..🌿"نـادي عــنـزه الأدبـي"🌿..
يوم الاحد 1437/8/22

... ( اكمل الأبيات الأتيه) ...
==================
الوفاء فطـره و عـنها ما نتـوب
لو يتوب الغـدر من طعن القفا
ما تفرقـنا المـناطق و الـدروب
{.....اكمل ...... الشطر......}
سعد هليل
=================
مشاركة : المثنى عوض ..
ما تفرقـنا المنـاطق و الـدروب
[حافضين العهد ما ننقص وفا]
=================
مشاركة : زياد النعمان ..
ما تفرقـنا المـناطق و الـدروب
[اجره على الله من اصلح وعفا]
=================
مشاركة : خلف القرش ..
ما تفرقـنا المـناطق و الـدروب
[دام جـو الحب والخـوه ضـفا]
=================
مشاركة : شريف الخالدي ..
ما تفرقـنا المـناطق و الـدروب
[ المـوده عـنـدنا سـر وخـفـا ]
=================
مشاركة : حامد اليمني ..
ما تفرقـنا المـناطق و الـدروب
[لو يموت الـود مامات الصفا]
=================
مشاركة : نادر المضياني ..
ما تفرقـنا المـناطق و الـدروب
[ولاتـشتـتـنا هــروج المـرجـفـا]
=================
مشاركة :نواف الميهوبي ..
ما تفرقـنا المـناطق و الـدروب
[والجفا ما نعرفه ايش الجفا]
=================
مشاركة : احمد الشميلاني ..
ما تفرقـنا المـناطق و الـدروب
[جمعنا بالطـيب والعـز اكتفا]
=================
مشاركة : محمدالفدعاني ..
ما تفرقـنا المـناطق و الـدروب
[ومن يصير بدربنا خاب وهفا]
=================
مشاركة : بندر عصري ..
ما تفرقـنا المـناطق و الـدروب
[[ للجـماعه كلـنـا عــز ودفـا]]
=================
مشاركة : سعود السيف ..
ما تفرقـنا المـناطق و الـدروب
[وْمانهوط دْروبٍ أتلآهــا أفــا]
=================
مشاركة : باسم الخمعلي ..
ما تفرقـنا المـناطق و الـدروب
[بالصدوراحباب وقلوب انضفا]
=================
مشاركة : فرحان الزارع ..
ما تفرقـنا المـناطق و الـدروب
[لو نغيب كـثير ماغـاب الوفـا]
=================
مشاركة : نهيرالدهمشي ..
ما تفرقـنا المـناطق و الـدروب
[من غاب عنا نرقبه فوق الشفا]
=================
مشاركة : احمدالمسيكي ..
ما تفرقنـا المناطـق الــدروب
[قدركم في وسط قلبي ماهفا]
=================
مشاركة : راضي المعاهد ..
ما تفرقـنا المـناطق و الـدروب
[عـزوتن نمـوت ونعـيش شـرفا]
=================
مشاركة : سيف المليحان ..
ما تفرقـنا المـناطق و الـدروب
[نكرم الضيفان مزبن من لفا]
=================
مشاركة :جميل الفلاج ..
ما تفرقـنا المـناطق و الـدروب
[لو عليها سافي السافي سفا]
=================
مشاركة : عبيد العجلاني ..
ما تفرقـنا المـناطق و الـدروب
[وضونا من فضل ربي ماطفا]
=================
مشاركة : سالم مطلق ..
ما تفرقـنا المـناطق و الـدروب
[ مـن يعـز انسـان للـزله رفـا ]
=================
مشاركة : احمد الدودلي ..
ما تفرقـنا المـناطق و الـدروب
{دامنــا بالمجـد والـعز حـلـفـا}
=================
..🌿"نادي عنـزه الأدبي"🌿..


 


رد مع اقتباس
قديم 02-10-2016, 07:49 PM   #5


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

افتراضي



#مجارات # ...
#يوم الاربعاء# ..١٤٣٧/٠٨/١١هـ
#موضوعها #.... ( غــزل ) .....#
=====================
.. ��"نـادي عــنـزه الأدبـي"�� ..
=====================
يالعنـبوه الرمــش لاعــانـق الرمـش
منظـر يسـبـب للاحاسـيـس دوشــه
وقفـت لكـن شـي فـيـني يـقـول امـش
والـلـه ما تـقــوا ســطــاوة رمـوشــه
#سلطان النعمان المسيكي#
حبر القدر ..
=====================
قلبك تحسه بالحشى ينخمـش خمـش
تحـس قـلبـك يرتجـف مـن عـروشـه
شريان قـلـبك تونـسه ينكـمش كـمـش
وان رحت سالم منه فـ اذبـح رشـوشه
#ضيف الله صالح الضوي#
=====================
لبـى شـفـاهن نطـقـها جـابـلي نمـش
يرضي خفـوقي من عقـب كم هـوشـه
واذوب لامـن قـال لـلامـس هـو أمــش
صافـي دلعـهـا لا ولا هـي غـشـوشـه
#باسم مشعان الخمعلي#
=====================
من سـبـته لاكـل ولاشـرب وبـي دمـش
هــذي تـنـاظـره ومـمــنـوع نــوشـــه
في عــينه الفتـنه وعــيني بـها غـمـش
لـاواهـنـيـه مـن هـو حـظـه يـحـوشـه
#زياد النعمان المسيكي#
‏ ༄(( بحرالشمال )) ༄
=====================
حبيت انا في ماضي الوقت لي رمش
رمـش العـيون اللـي بعـيـنه يشـوشه
لـو شـافـها سلـيمان لا قـول لـه امش
من شـانها لاسـوي الـيـوم هـوشه
#نهير بن محمد الدهمشي#
=====================
عينً تصـيب وحتـفة العـاشـق بـرمـش
لحـظـه بـهـا مـوتـه ايـجـهـز انعـوشـه
احـدن نجى واحـدن تغشوابه النمش
اطــراف رجــلـه لـلــوطــاء ماتـنـوشـه
# معجب ناصر الحجاب #
=====================
كـل البنـي مـن دونهـا تعـتبر هـمش
في كتفـها حنّـا الغـنــج فـي نقوشـه
حب الركاده غـير من ياخـذه حمـش
حـلــوه وفـــيّـه لا ولـاهــي ربــوشـــه
#بندر بن عصري القماصي#
=====================
ياعـزتـي للـي شـكا عـيـونه القـمـش
مـن وصـفك اللـي ماقــدرنا نحـوشه
حـنا تعـودنا على الجلـف والحـمـش
نـعـم الا نـامـل ماقـدرنـا نـنـوشـه
حـتى ان لقـينا زين تقـول لك امـش
لاتبلحـق عـيونك ترى تصـير هـوشه
التغلبي
#حسين عوده القراري#
=====================
عمرالهوى ماصار بالغصب والجمش
واحلى ليالي الحـب قصـرا و كوشه
ريمية ليا سلهـمت رعـشة االرمـش
ادووخ وكني ضايعآ وسـط طوشه
✍�� فرحان.الزارع.tt
=====================
الجادل اللي رمشها محاربه خـمش
وليا سلهـمت المـوت مرسـل اطـروشه
مالـوم قـلـبٍ حـبهـا مـنكـمش كمـش
ولالوم روحن من غلاها مخشوشه
#راضي هلال المعاهد#
=====================
.. ��"نـادي عــنـزه الأدبـي"�� ..
=====================


 


رد مع اقتباس
قديم 03-10-2016, 02:35 AM   #6


الصورة الرمزية جدعان العنزي
جدعان العنزي غير متواجد حالياً

بيانات اضافيه [ + ]
 رقم العضوية : 1118
 تاريخ التسجيل :  Sep 2010
 أخر زيارة : 12-02-2024 (09:34 PM)
 المشاركات : 7,569 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Cornflowerblue

اوسمتي

افتراضي




سلمت الأنامل على الأيراد الجميل
*ودي لك..

.أخوك جدعان العنزي


 
 توقيع :



رد مع اقتباس
قديم 03-10-2016, 02:35 PM   #7


الصورة الرمزية عاشق الورد
عاشق الورد غير متواجد حالياً

بيانات اضافيه [ + ]
 رقم العضوية : 3033
 تاريخ التسجيل :  Dec 2013
 أخر زيارة : 01-03-2024 (10:39 PM)
 المشاركات : 60,564 [ + ]
 التقييم :  10
 الدولهـ
Saudi Arabia
 الجنس ~
Male
 MMS ~
MMS ~
 SMS ~
لااله الا انت سبحانك اني كنت من الظالمين
لوني المفضل : Mediumseagreen

اوسمتي

افتراضي




صحت السن الشعار

يعطيك العاافيه على جهودك

تقديري


 
 توقيع :


رد مع اقتباس
قديم 03-10-2016, 11:04 PM   #8


الصورة الرمزية عابر سبيل
عابر سبيل غير متواجد حالياً

بيانات اضافيه [ + ]
 رقم العضوية : 1475
 تاريخ التسجيل :  Jan 2011
 أخر زيارة : 14-03-2024 (10:08 PM)
 المشاركات : 9,546 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkslategray

اوسمتي

افتراضي



شكراً من الأعماق
على الموضوع الطيّب والمفيد
تسلم الأيادي


 
 توقيع :



رد مع اقتباس
قديم 03-10-2016, 11:13 PM   #9


الصورة الرمزية عبدالرحمن اليمني
عبدالرحمن اليمني غير متواجد حالياً

بيانات اضافيه [ + ]
 رقم العضوية : 260
 تاريخ التسجيل :  Nov 2009
 أخر زيارة : 08-04-2021 (09:41 PM)
 المشاركات : 1,910 [ + ]
 التقييم :  10
 الدولهـ
Saudi Arabia
لوني المفضل : Maroon

اوسمتي

مميز1 الذيب



#مجارات #
#يوم#..الأثنين..1438/01/2هـ
موضوعها# ..( الذيب ) ..
=•=•=•=•=•=•=•=•=•=•=•
🌿"نـادي عــنـزه الأدبـي"🌿
=•=•=•=•=•=•=•=•=•=•=•
الذيب هقـواته مـن الجـال ترميـه
ليـت المصـور جـاب وش تاليـتها
قلبه جسـور ياعسى الله يحمـيه
اخـر هـمـومه مـعـرفـة عاقبتـــها
زيادمحمدالنعمان
‏ ༄(( بحرالشمال )) ༄
=•=•=•=•=•=•=•=•=•=•=•
نهـايتـه متـوضـحة مـن مبــاديـه
يازياد عـاف اللـقـمـة وسالفـتها
الذيب لطبوق سـمـا وش يـوديـه
عـيـونه بـروق الطـمـع معمــيتها
#خلف غريب الفقير#
=•=•=•=•=•=•=•=•=•=•=•
عن مايريده ماتكن كن خطاويه
عينه سما ماتنظر اللـي تحتها
تضرب به الامثال صيته ايكفيه
ذيب الخلا كم جو رجـله مشتها
#ضيف الله صالح الضوي#
=•=•=•=•=•=•=•=•=•=•=•
مــن طـــاع نفسه للمهالك توديه
لــو ذمـتـه (50) قـيــقا سعتهـــا
والطيرطش الذيب من راس عاليه
لـو صـورته متـوضحه فـبركتهــا
# فالح عقيل الركابي#
=•=•=•=•=•=•=•=•=•=•=•
ياربعــنا. لـاتكـثـرون المـشـاريه
عـلى نفـوسٍ جـوعـهـا حـاديتـها
من الجوع يفـدع اما تسأله لـيه
امـا غـنـات الـروح ولـا اخـرتهـا
#مشعل خلوف القماصي#
=•=•=•=•=•=•=•=•=•=•=•
الذيب يفـكـر ان طـويره يعشـيه
مافـكـر بالـهـاويه وحتـفـــــــتها
الذيب ذيب وبالخلا من يماشيه
كم راس شـاةٍ يانشـامه عفـتها
#ابو طلال منزل صكب#
=•=•=•=•=•=•=•=•=•=•=•
الذيب كانه ذيب يعرف مـساعـيه
قبل الهجوم النفس ويش آخرتها
وان كان ما يعـرف طماعه توديه
درب المهالك ثم يشوف احسرتها
#نواف ابراهيم الميهوبي#
=•=•=•=•=•=•=•=•=•=•=•
يالله تنجـي الذيـب وتسـلم يـديه
من صيدةٍ راحت سما ماخـذتها
هاذي مواري الذيب ياجاهلٍ فيه
يرمـي بروحـه لو حـياته خـذتـها
# ظاهر معيوف المسيكي# ..
=•=•=•=•=•=•=•=•=•=•=•
لاتسالون الذيـب وشهـو مـوديـه
دام البشر قبل الذيـاب افعلتـها
اثرالطمع يهوي على الموت راعيه
ويروح روح امقـيـط فـي تاليتـها
#فايز خلف الفدعاني#
=•=•=•=•=•=•=•=•=•=•=•
الذيب به شيٍ على الطير حاديه
مقدم على الصيده وناوي يغمتها
اللهُ اعلم يمكـن الجـوع طاويه
والا عـــلامـه مايناظــر .. تحتها
# أحمد سليمان المسيكي#
=•=•=•=•=•=•=•=•=•=•=•
لاحد يلوم الذيب ويقول وش فيه
العمر عافه مـن عرف تاليتـــها
اول طليـقٍ ماتحــدد ممـاشــيه
والحين روحه بالقفص خاتمـتها
#سالم مطلق القماصي#
=•=•=•=•=•=•=•=•=•=•=•
كلٍ علـى ماقـيل فـكـره مـقـديه
والناس ماني عـارف مشكلـتها
المقٰفـي خـلـه اتـركـه لا تنـاديـه
ناس كثـير اظروفٰـها متعبـــتها
#عويد عبدالله الوثيري#
=•=•=•=•=•=•=•=•=•=•=•
الذيب اللي مبعــــدات مساريه
صيد الثمبنه نظرتـــه مافختـتها
ومعودا شبعان من كسب اياديه
كفوو اليديـــن الغانمه حوشتها
# فرحان الزارع#
=•=•=•=•=•=•=•=•=•=•=•
الذيب جايـع مالقـى مـن يقـديه
وللتهـلـكه والمـوت رجــلـه عفـتها
والذيب ذيب وتالي الوقت مرديه
على الدروب الي حياته مشتها
#حمدان خلف الملساوي#
=•=•=•=•=•=•=•=•=•=•=•
الذيب هو الذيب لا تـزدري فـيه
رجلـيه ضلـعـان المراقـب رقـتها
هقواته اكبر من عتاب ومشاريه
وكم صيدتن ياخوان كفه رمتها
#خلف دهش الساري#
=•=•=•=•=•=•=•=•=•=•=•
الذيب له دربٍ من الجوع يمضيه
ماحسب لرجله وش اللي وطـتها
مايدرك دروب الخطر وين تهفـيه
رجله على درب المخاطر ضـرتها
#راضي هلال المعاهد#
=•=•=•=•=•=•=•=•=•=•
بعد الشبوح بطارف الجال مغريه
وحول ب عـزمٍ ماحسب هاويتـها
الذيب ذيب، إليا عـوآ من يجـاريه
و ثبت شجـاعٍ ماحسب لآخرتها
#سعد هليل الفدعاني#
=•=•=•=•=•=•=•=•=•=•=•
الذيب ذيب ماخسر من يخاويه
تطلق عليه الغانمـه مع صفـتها
ياخـذ عـشـاه ولـايفـكـر بتـالـيه
كم حايـلاً يمــناه له صـايدتـها
#حامد.بن عنادالعنزي#
=•=•=•=•=•=•=•=•=•=•=•=•=
هي كذبت الصوره على الذيب تمويه
ماشافـته باالعـون شـاش اعدسـتها
الذيب ذيب ولابــه احـــدٍن يغــويه
والطـير خايف من عــقـاب كـشـرتها
#نهيربن محمد الدهمشي#
=•=•=•=•=•=•=•=•=•=•=•=
الذيب عبره صورته درس تنبيه
بعض النفوس اخطاءها ناكبتها
مثل البشر منهم تغره هقاويه
يقدم و يبلش بالضرر تاليتها
#سليم السالم#
=•=•=•=•=•=•=•=•=•=•=•=
..🌿"نـادي عــنـزه الأدبـي"🌿..
=•=•=•=•=•=•=•=•=•=•=•=


 


رد مع اقتباس
قديم 04-10-2016, 08:47 PM   #10


الصورة الرمزية الاطرق بن بدر الهذال
الاطرق بن بدر الهذال غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Oct 2009
 أخر زيارة : 25-03-2024 (04:01 AM)
 المشاركات : 34,622 [ + ]
 التقييم :  10
 الدولهـ
Saudi Arabia
لوني المفضل : Crimson

اوسمتي

افتراضي



متصفح مميز وأكثر من رائع

لاهنت اخوي عبدالرحمن على الجهد المميز


صح لسان شعرائنا الكرام



تقديري


 
 توقيع :


  مـواضـيـعـي


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 02:18 PM.


Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education