ذكرى وأشتياق \ديوان ابراهيم حرير العنزي

السلام عليكم ورحمه الله وبركاته

أخواني وأخواتي شعراء واعضاءمضايف عنزه يشرفني أن أضع بين أيديكم ديواني (ذكرى وأشتياق)


هنا في هذا الصرح الرائع والذي سيضم مُعظَم قصائدي وكتاباتي الأدبية ..

مشتاق للربع العزيزين وأحباب = هاضت أ شجون القلب زاد أشتياقي
طعم السعادة عقبكم دوم ماطاب = والهم من فوق المعاليق راقي
من عقب ماكنا محبين وأصحاب = واليوم يصعب شوفكم والتلاقي
دايم أصبر عبرتي لاجل الاسباب = ماشي على عهدي وعند أتفاقي
ماكنت أظن البعد يفتح لي الباب = يدخل سموم منه لاجل أحتراقي
نار شديد حرقها ترهب أرهاب = ومنها قوي الصبر ماعاد ياقي
بس أتذكر بالطفولة والالعاب = وأرض منها منشائي وأنطلاقي
بالبادية عشنا بها بين الاعراب = أهل الكرم والجود حين التلاقي
في وسط ربعك مابهم غرب وأجناب = ياصيتهم بالمجد والعز فاقي
لاشالو ا العربان وطقوا بالاطناب = وحطوا بقش البيت عقب الرواقي
تشرع الديوان من فوق الاهضاب = تسمع دنين النجر له أصطفاقي
والما من عقب المطر ينحدرصاب = ينزل مع الوديان للروض ساقي
تشابكت به الزهر هي والاعشاب = يازين صوت البهم له تثاقي
وبيض القطا يوجد على شكل مسراب = دافي توة للطبيعة طلاقي
تعيش بالصحراء مرتاح الاعصاب = لاشفت أنا فيها الغنم والنياقي
زاد الحنين من الزمن صابري شاب = الله يجمع شملنا والتلاقي
وصلاة ربي عد ماأخضرت اعشاب = على رسول ليل وشفاقي

طير بر وناحـر ٍ يـم الجزيـرة =يطلب المقسوم من رب العبـادي

ربنا الـرزاق عـلام السريـرة =عالمٍ بالكـون رحمـنٍ جـوادي

خالق الارواح داري في مسيـرة =عالم باصولها لو هـي بعـادي

طير شلوى مازبن وسط الحظيرة =يحتمي في ظلها ضـد المعـادي

ساكن راس الجبل عينه سهيـرة =دايم يصيد ماهو مـن يصـادي

امن بهذا الوطن من عقب حيـرة =عقب مايكفخ مع الخليان غـادي

منوته عش و يفرش به حصيـرة =ويترك الترحال كلـه والهـدادي

القى ربعي والاهل هم و العشيرة =ديرتي فيها معاشـي والرقـادي

افتخر لاقالـو البحريـن ديـرة =هي بلاد العز هي احلى بـلادي

واسعه في نظرتي لوهي صغيرة =يلتجي في جالها من جاه حـادي

بظل حكام الوطن قادوا المسيرة =ال خليفه تاج راسي هم سنـادي

عيال وايل وقفوا حين العسيـرة =ينثنون اخوان نجلـى بالعتـادي

ومن تحضر استقر نوخ بعيـرة =اندمج في المجتمع ثم استفـادي

وما نسى عادات ربعه باي سيرة =ماشي فيهـا وماخذهـا مبـادي

داخل بدمه على الاسلام غيـرة =ماتمثل بالعـدو ويقـول عـادي

اماشي التيار عميـان البصيـرة =ناسي عادات ربعـه والجـدادي

خاضوا الصعبات باوصاف مثيرة =يقعدون العدل مقعـاد الهـوادي

يرحمون الشيـخ والام ضريـرة =الكرم والطيب من طبع البـوادي

والعفف والجود وحماة القصيـرة =يجتنب لاكان ماشـي بانفـرادي

والصبر والحلم صاير له ذخيرة =يضربون امثال في صبر المهادي

والشجاعه في المهمات الخطيرة =يكسرون الضد لانادى المنـادي

لازبن مضهود باوقـات مريـرة =زبنوه ولاذ عن حـر وبـرادي

صادقين الوعد ووجيـه سفيـرة =لا عطوا ميثاق عز الله وكـادي

ولو نعد اوصافهم صارت كثيرة =واختلاف الطبع من وادي لوادي

استقرينا عسـى بالامـر خيـرة =بفضل رب البيت حقق لي مرادي

ونحمـد الله مامشينـا بالمعيـرة =مبعدعن قول من نقـص وزادي

ماشي بالحق في وقت الظهيـرة =وغيرنادي الشعر ماطبيت نـادي

هذه القصيدة مهداة الى صاحب السمو الملكي الامير خليفة بن سلمان ال خليفة رئيس الوزراء في مملكة البحرين حفظة الله
(اقبلت احييك )

سميت باسم الله واقبلت احييك = وانت الذي ياسيدي للملك عم
وعم الجميع وما تقدم اياديك = تستاهل التقدير والمدح لا الذم
يا مساعد المحتاج لاجاك ناصيك = فرجت عنه الكرب والدين والهم
يقوم يدعو جعل ربي يخليك = عقب الكدروالحزن دنياالفرح عم
وتساعد العاجوز والعود يرجيك = وطفل ضرير او معوق وابكم
وشباب بالديرة اقبل يهنيك = كملت فرحتهم ويا شملهم لم
الشعب جاهز في جميع المساليك = يمشي على القانون والناس تفهم
بين الدول لاجابوا الناس طاريك = بقيام دولة بالحضارة بها اسهم
دولة حديثة و بالتطور مبانيك = والمرفى المالي بعما ير ة زم
وجسور تربط بين هاذي مع ذيك = اعني المحرق والمنامة لهم ضم
طورت بالحاضر وبالفخر ماضيك = نبع الوفى ماقيل طول الزمن جم
وارجو السموحة ماحصينا حسانيك = وانت الذي تامر وانقولك تم

من بلاد الخير جبت اجمل هــــــــــدية =من ثرى البحرين هي اجمل محاصــل
اقطف المشموم وردة مـــــــــــــحمدية =وسط روض من عذاري صار واصل
للجبال الشم للارض العـــــــــــــــــذية = ارض حايل تتجه كل البواصـــــــــــل
للشعر للعلم صار اكاديمـــــــــــــــــية =تجمع الشباب قناة الفواصـــــــــــــــل
تجمع الشعبي مع الفصحى ســـــــوية = والتطور بالادب والشعر فاصـــــــــل
مهرجان يظهرابيوت خفــــــــــــــــية = من معاني والهدف هــــــــو التواصل
في بلاد العرب لغتنا هــــــــــــــــوية =والقبايل يفتخــــــــــــر مـن كان اصل
افتخر في عزوتلي وايلـــــــــــــــــية =وربعي الفدعــــــــــان لصار المفاصل
في بيوت الشعر كلمتنا قــــــــــــوية = قالوا الشـــــــيخات مجموعة فواصل
والمراتب والظفر ماهي قضــــــــية =والفخر بالفــــــوز هو تحصيل حاصل

النفس هامت بالمشاعر والالام = ياحاكم البحرين والله فقدنا
ابو حمد اميرنا نسل الاكرام = ال الخليفة عزنا هم سندنا
جانا الخبر مثل الصواعق بالاعلام = حين سمعنا العلم وحين شهدنا
بوكالة الانباء جانا خبرهام = الحزن خيم بس نصفق ابيدنا
على هل البحرين من اهل واعمام = واهل الخليج المتركونا وحدنا
تربطنا القربا من اجداد اقدام = دايم على الشدات يدهم ابيدنا
مجالس تعاون اسسه لين ماقام = صرح بناه وشدبه من عضدنا
سرنا وراء قايد عظيم وذرغام = نعم الزعيم بنور فكره ارشدنا
فقيد للامة من العرب واسلام = حامل قضيتهم القاصي والادنا
شيال لحمول الصعيبات واجسام = قاد السفينة واعتلى في بلدنا
حضارة تشهد لها كل الانام = وفى بكل ماقال يومه وعدنا
وتحقق الامال عام باثر عام = من جهدة وعزمه حنا اجتهدنا
واصبح بها واقع عقب ماهو اوهام = شفنا الامان وتحت ظله رقدنا
واليوم ابو سلمان حكمة عسى دام= عليه من بعد الكريم اعتمدنا
حمد ابن عيسى شجاع ومقدام = حنا اجنوده لامرنا وجدنا
ويبقى لنا عيسى لنا ذكر واوسام = مهما تقربنا ومهما ابتعدنا

أزف احلى التهاني وابتدي في اجمل الالحـان = بعيد الجيش احاسيسي علىالتوصيف اوضفها
اوصف قوة صارت بدرب المرجلة عنــــوان = تصنف باحدث القـوات تطـــــــــورها يصنفها
تطور من بدايتها تواصل تكمـــل البنــــــــيان = تمر اسنين واسنين اربعـــــــــين اليوم تشرفها
نحي قوت صارت تصان ابـــظلها الاوطــان = بحر والجو والصــحراء ادافــــع عن طوارفها
ترد الخصم ليــمنه تـقلط لارضنا طــــــمعان = يبي ايحققله اهداف مخطط قبـــل شــــــــــايفها
بعون الواحد القاهر فشل ومخططه خســران = مادام ابه الرجال الكفــــــو صــار الكل عارفها
مسيرتنا تبي تواصل عسى الله يحفـظ الربان= حكيم الراي يامــرنا الياشانت مـواقفــــــــــــــها
عاش القايد الوالد حبيب العشب ابــو سلمـان = يسلم فـارس البحرين هي الــمهـــــــرة وعاسفها
مربيها على العــزة الياجت تكسح الميــــدان = اصيلة فعلها ماضي تــدلـــــــــــــــل في سفايفها
وخليفة طور الديرة وصارت زهرة البلــدان = بها اللامـــــــــــــة تفـاخر بالمحافل راح شرفـها
ولي العهد يامرنا ابو عيسى رفيــع الشـــان = يحمل الحمل يمشي بالامـانـــــــــــــــه ماتكلفهـا
ايحفظ الله القائد العــام موسس الميــــــــدان = ابو محمد قول وفعــــــــل رواسي العـز يشرفها
يسلم قادت القــوة ويســـــــلم ريس الاركان = فعايلهم بكل اخلاص مسجـــــــــل في صحايفها
عسى الله يحفظ الديرة عزيزة بمدىالازمان = بحرين الخيـــــــــــر والطيبه تكرم دوم ضايفهـا
ولانرضى عليها بالردى كاين مــــــن كـان = بلاد العــــــــــز تبقى دوم اتنافس في ولايفــــها
نذرنا الروح للواجب جهزنا حاضرين الان = لاجانا الامر نمشي به وفـــــــــلول الحقد ننسفهـا

صقر الرفاع اليانهض بالفضاء ثم طار = يوجه للهدف حر يصيد الصيد ويجيبه
ما خاف المخاطرمنحدر ناوي باصرار = ياما يوصل اهدافه وايخمه في مخاليبه
يخم الخرب وايجيبه لوايلوبد تحت اشجار = جاه الموت من حينه مع الجنحان يوميبه
رعاك الله ياحامي الوطن بالسماء طيار = تفنن فوق ببلادك وحب الدار غنيبه
واليوم بفضل ربي تعايشنا بظل احرار = حكام من نسل وايل هل المعروف والطيبه
بلاد الخير تستاهل وابوسلمان قاد الدار = على درب التقدم للوطن راح يمشيبه
كانت بلدة المليون نخلة موقع استقرار = واليوم البلد زاهر مع العالم نماريبه
بدل مليون جاها ملايين البشر زوار = يشوف السحرفي عينه يصبحبه ويمسيبه
واطيب شي بالديرة اهلها بطيبه الازهار = مع المشموم دهن العودبخورمن معازيبه
وقهوة بدلة الرسلان تقدم كيف للخطار =هلا باللي لفانا زود مع الترحيب ترحيبه

مشاعر الحب والاخلاص نهـــديها= للديـرة اللي سكنا في ضواحيها
بحرين ياسدرة ظل نخـــــــــــايلها =نبع الوفا من عيون الخير تسـقيها
ام الشعوم وعـــــــذاري والحنينية =عذب العيون لرياض الخير ترويها
بارض دلمون مع التاريخ سجلـها = اقلاعها سور للديـــــــــرة تحاميـها
مرت عليها مراحل من حضارتها = وهي على الدوم ثابـــــــــتة مباديها
استقبلت دعوة الاسلام والتزمــت = ورسالة الديــــــــن والواجب تاديها
استبشرت من اتى الفاتح لموطنها = تفتحت في يدين الجــــــــود اياديها
عهد توالى المكارم بيد حاكمــــها =واليوم في عهدها الزاهـــــر نهنيها
الله يديم الامان بديرة حـــــــــــرة = ويسلم مليك على الخـــــطة يمشيها
قادالسفينة على الامواج وارنفعت = لبر الامان وعلى المرسى يرســيها
ولي عهدة يجددفي تطـــــــــورها = قواعد العـــــــز بارض العلم يبنيها
وابو علي يطـــــــــور من بدايتها = حتى اصبحت هيئة العالم تحييــــها
في الحاضر الخير ومستقبل لها زاهر = لعشرين عــــــــام مخططها يباريها
واليوم هذا سعيد وبه تباشـــــــرنا = شمعة امل في ديار الخير نضـويها

يالله عسى انك دايما تحفظ لنا البحرين =تاريخ لها بالعز واقلاع مبنيه
تسجل لها بالسابق وطورت الحين = بنوها الرجال وصارت اليوم عصريه
حموها بني وايل بفعل الكرم والزين = تردد فعايلهم بين الناس مرويه
وظهر عهد ابو سلمان ملك له علينا دين= نصون الامانه دوم ونصفي النيه
ولي العهد يامر نوقف بامره بصفين= رجال الدفاع بصف والكل معنيه
ادافع عن بلدها كل امرا دعا للشين = شعوب الوفاء درع لمنهو نوى سيه
ورئيس الحكومه طور وعاصر العهدين = بنى من عهد عيسى وعهد اليوم مجنيه
ثمار التطور واستوت واصبحت خيرين = اليوم البلاد بالخير واراء حريه

بعيد الوطن والمواطن فخر واسرور = ملكنا زهى بالتاج والتاج يزهاله
نبع الوفى دارج سيله لخلف السور = ملكنا كريم وعايش الشعب باظلاله
قاد السفينة واعلان الميثاق من دستور = بالعدل مايقبل بزيف يسواله
طريق واضح الرايا ولامظلم ولامحظور = امانه للمقيم وللمواطن امن اعياله
ومن هو تخلف انعزل خارج الطابور = عصر التطور شال غيرة وماشاله
عصر الحضارة يبني الدور فوق الدور = وشوارع سريعة والوطن لملم اوصاله
انفاق ومرافق طرق من فوقها واجسور = درب مع الظلمى له النور يبراله
مجموعة مترابطة في بعضها وامرور = ينظم الطريق ومن يخالف تصداله
وخفر السواحل بالبحر جهدهم مشكور = واللي تسلل للوطن تقطع احباله
وعلى المنافذ كم خطير رجع مدحور = ايحاول ادخال الشر وايطيح ابفعاله
امن وامان ومن حسدنا قعد مقهور = غبار مع الداعوس ماهز هز اجباله
يموت الحاقد الحاسد المجرم الماجور =وراس الوطن مرفوع والشين ماطاله
دونه اجنود فعلهم واضح بالنور = وقت اللواز للوطن دونه ارجاله