عدد مرات النقر : 267
عدد  مرات الظهور : 4,024,606

عدد مرات النقر : 0
عدد  مرات الظهور : 26,908
صفحات المضايف على تويتر
عدد مرات النقر : 5,047
عدد  مرات الظهور : 47,141,272
عدد مرات النقر : 194
عدد  مرات الظهور : 10,318,077
عدد مرات النقر : 81
عدد  مرات الظهور : 759,898
عدد مرات النقر : 133
عدد  مرات الظهور : 7,897,268صفحات المضايف على الفيس بوك
عدد مرات النقر : 3,951
عدد  مرات الظهور : 47,141,280
فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 1,204
عدد  مرات الظهور : 41,339,4665ملتقى الويلان الثقافي والإجتماعي
عدد مرات النقر : 2,179
عدد  مرات الظهور : 47,141,272موقع المضايف على أنستغرام
عدد مرات النقر : 1,433
عدد  مرات الظهور : 33,118,370صحيفة واصل الألكترونية
عدد مرات النقر : 483
عدد  مرات الظهور : 18,754,808ديوان صوتي للشاعر منصور الرويلي مع نخبة من المنشدين
عدد مرات النقر : 2,315
عدد  مرات الظهور : 38,920,1064
التميز خلال 24 ساعة
العضو المميز الموضوع المميز المشرف المميز المشرفة المميزه
العمل الصالح في الأيام العشر ( خطبة جمعة )
بقلم : محمدالمهوس
قريبا

الإهداءات

« آخـــر الـــمـــشـــاركــــات »
         :: يا مزعلني (آخر رد :متعب لافي العنزي)       :: تلاوة الشيخ محمد أيوب رحمه الله لسورة فاطر (آخر رد :عبير الورد)       :: العمل الصالح في الأيام العشر ( خطبة جمعة ) (آخر رد :عبير الورد)       :: الحج والأضحية والعشر (آخر رد :عبير الورد)       :: واجبات الإخوة للأخوات (آخر رد :عبير الورد)       :: للمعرضين قصة السائل عن الدين (آخر رد :عبير الورد)       :: اليقين بالله ( خطبة جمعة ) (آخر رد :عبير الورد)       :: فانكحــــوا ماطاب لكــــــــم ( خطبة جمعة ) (آخر رد :عبير الورد)       :: الا يالله طلبتك - نامي الوقداني (آخر رد :شمالي حر)       :: .. أهل المصالح .. (آخر رد :عبدالله فارس الايداء)       :: جنون الواقع الافتراضي (آخر رد :شمالي حر)       :: دقيقة من فضلك....... (آخر رد :شمالي حر)       :: الأعلام (المظروب) (آخر رد :شمالي حر)      


العودة   شبكة مضايف قبيلة عنزة > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع فــرج الدهمشي مشاركات 79 المشاهدات 29523  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 28-10-2009, 09:24 AM
فــرج الدهمشي غير متواجد حالياً
Saudi Arabia     Male
اوسمتي
وسام الشاعر المميز 
لوني المفضل Darkblue
 رقم العضوية : 49
 تاريخ التسجيل : Oct 2009
 فترة الأقامة : 2857 يوم
 أخر زيارة : 17-05-2017 (08:20 PM)
 الإقامة : المنطقة الشرقية
 المشاركات : 7,375 [ + ]
 التقييم : 10
بيانات اضافيه [ + ]

اوسمتي

افتراضي ديوان الشاعر/الأطرق بن بدر الهذال





يومنها بالسيف والرمح والخيل
نملك مزايين الأبل مع فـحـلهــا

بصوتي




مغناه بصوت احد الشباب

ياصاحــبـي كـنّـا ونبقــى حــلاحـــيـل =
=للمجــد نرقـى فــوق قـــمّــة جــبلهـا
افـهـم عـــدل لاتـأول الوضــع تأويــل =
=والكلمـه العـوجا مـن المـزح شـلـهـا
يومنهـا بالسـيف والرمـح والخــيـل =
=نملك مـزاييـن الأبـل مــع فـحـــلـهــا
نغير في وسط الضحى واوسط الليل =
=ونجيبها غصبٍ عن خـشـوم أهـلهـا
ويـلان حــنـا فـعـلنـا لـــه دوالــيـل =
=نردم عـلـى كـبـد المعـادي عـللــها
وان زغردت ام الرموش المظاليـل =
=وقامت تناظـر كـيـف ردّة فـعــلهـا
نشوش من زود السطر كالمهابيـل =
=والمـوت احـلا عـندنـا مـن عسلهــا
مـتوارثين المجـد جيـلٍ ورى جــيـل =
=فـتخــيـن الأيـدي كاسـبينـن نفـلـهـا
ويلان حنا أهل الكـرم والمعـامـيـل =
=عــاداتـنـا ماغـــيّـرتـهـا فــــللــهــا
لضيوفنا نذبح من السمّــن الحـيـل =
=وقصـيرنـا مــاراح يشـكـي مـللــها
والحـمـد لله يـوم صــارت تساهيـل =
=جاها السديد بديـن ربـي شمـلهــا
يكفي يمثلنا مـن النفـس حلحــيـل =
=مشعـل أخـو نـوره بجـوده كفلهـا
مادام صارت بالذهـب والتهــاويـل =
=واحيت علينـا عنصريـة جـهـلهــا
ماعـاد نبغى من وراهـا محـاصـيـل =
=وقـلـوبنـا للخـيـر ربـي عــــدلـهـا
نعطي الفقير اللي شكى العوز والويل =
=وام اليتامــا بذلـنـا قـــد وصـلــهـا
وضعيفنا نرفى خماله عـن المــيـل =
=اخير من دفـع الفلـوس بجـمــلهـا
ونذلل ظـروف المساجيـن تذلــيـل =
=ونعتـق رقـابٍ دافـع الله أجــلـهــا
ياصاحبي نقدر وفينـا لهـا حــيـل =
=ونملـك ملاييـن الفلـوس وهـللـها
واذا رغـبنـا بالليالـي المـقـابـيــل =
=تشوف ويلان السعـد وش عـملهـا
قـلته وانـا مـاودّي القــال والقـــيـل =
=حسبي على اللي حيييل كبدي دبلها

صدره شمالي يحتضن كل مهموم
.......من صلب وايل والطـنايا خوالـــه



بصوت ابني عبدالله




يالله يالمعبود يافارض الصوم=
=علـيـك يارب العـباد إتكالـــه
يارب لولا رحمتك صارت علوم=
=صكّت بنا العدوان شرق وشماله
يارب صلّينا لك الخمس باليوم=
=تحمي بلادي أرض مهد الرساله
لك يالمواطن الفرح حل بقدوم=
=صقر العروبه يوم حطّت إرحاله
أبعد همومك مابقى انسان محروم=
=عاد المليك لكل قلبٍ صفالــه
جاكم أخو نوره سند كل مظيوم=
=ريف الضعيف وفرحة اللي عناله
صدره شمالي يحتضن كل مهموم=
=من صلب وايل والطنايا خواله
مليكنا طير السعد حر زيزوم=
=أرواحنا وقت الشدايد فدالـه
نرقد وعينه لاجلنا عافت النوم=
=والد رحوم ومعتبرنا عيالـه
يامرحبابك عد ماتنشي غيوم=
=واعداد ماهل المطر من إخياله
واعداد ماصك بسماها من نجوم=
=واعداد مافي أرضها من جباله
بقلوبنا مسكنك ياسيدي دوم=
=وفراقكم يصعب علينا احتماله
غالي ولا يلحقك يالوايلي لوم=
=وافي بفعلك ياعريب السلاله
للخير في وجهك علامات ورسوم=
=وللمجد بافعالك نشوف الدلاله
كل مسلمٍ ساعدته بشي معلوم=
=لوهو بعيد أوطان ترفـى خماله
طيّب . شديد .وواضح النهج مفهوم=
=أرسيت ياملك القلوب العداله
عادل ويلمس عدلكم كل مظلوم=
=حكّمت شرع الله في كل حاله
يمناك سلطان السعد كلّه عزوم=
=شبل الأسود وكل مجدٍ زهاله
أخوان نوره باوّل العهد لليوم=
=زال الضلال بحكمهم والجهاله
نشرت بجريدة الرياض صفحه كامله
بتاريخ 5/7/2007 م يوم الخميس


ويلان مامن عـن غلاكم مفـرّا
نفخر اليا قلنا المعازيب ويلان

بصوتي

حـل السـعــد والـكـل مـنا استســرّا=
=وعاد الفـرح لقلوبنا عـقب الاحزان
الـحــمـد للـمـعــبود جـهــرآ وسـرّا=
=ربٍ عـلى خـلـقــه رحـــيمٍ ومــنان
اللي رفـع عـن سيدي كــل ضــــرّا=
=وحقق رجانا يوم ندعـوه بأيمـــان
سـلامــتك يامــير مــن كــل شـــرّا=
=يحفظك ربي من صواديف الأزمان
عـمــرك طــويل وفـي ذراك انتذرّا=
=يـدوم عــزك ياســلايل كــحـــيلان
في شـوفــة مـحـيّاك كــلٍ يـســرّا=
=وتسعد بك قلوب لها الوقت مازان
بقـلـوبنا غـالي ولــو كــنت بــرّا=
=غـالي ياخو نوره وفيك السعد بان
ويلان مـامـن عـن غـلاكم مـفــرّا=
=نفخراليا قـلنا الـمعــازيب ويـلان
شيخٍ عـلى كـسب النفـايل مـضـرّا=
=تدوم ياسلطــان للمــجــد عـنوان
مـدة يـمـينـك لاعــطــــت مـاتـدرأ=
=عطاك للمسلم وصل كل الأوطـان
القـاف زانت صـوغـته واسـتمــرّا=
=تطرب حروفه دامها بمدح سلطان
تنطـق عـلى مـدح العـزيزين درّا=
=أللـي لـهــم بقـلوبنا بالغـلا شــان
بقـلـوبنا سلـطــان يـمـلك مــقـــرّا=
=وفي دمـنا يجـري غـلاه وبالأبدان
ياحـي مــنهــو شــامـــخٍ مـاتـورّا=
=والحــمــل لامـنه بركـلــه بلـيهـان
وجـه السعـد والخير منه ايتحــرّا=
=لــه وقـفةٍ يفـرح بهـا كـل انسـان
مــثل المـزون بـغـيثهـا لااســتدرّا=
=يوم استهـلت يرتوي كل ضمــيان
لاجــاه مضهــود الزمن ماتبــرّا=
=يبشر بعـزه من لـفـا طير حـوران
صافي النوايا مايجـي مــنه ضــرّا=
=ويقابل السـيه بعـفـوه والأحــسان
ولـي عــهـــد وبالـدفــاع استقــرّا=
=حامي حماها يوم حزات الأكــوان
سقـم المعـادي لااسـتهـان وتجــرّا=
=لـيثٍ تهــابه باللقـاء كـل عـــدوان
حـل السـعــد والـكـل مـنا استســرّا=
=وعاد الفـرح في عودة الليث سلطان

نشرت بجريدة الرياض صفحه كامله يوم الجمعه 16/6/1429هـ
الموافق 20/6/2008م

ــــــــــــــــــــــــــــــــــ

اهداء الى اخوي العزيز فهد المجلاد
موسس شبكة مجالس قبيلة عنزه

ياكاسـب البيضـا مـن افـعـال يـمناك=
=يافـهـد ابن مـجــلاد يـابـن الحـمـايل
ياسعد عين اللي على الطيب خاواك=
=يسـعــد ليا قــلّـت عــلـيه المـحــايل
المـجـد ساسـك مـن قـديمٍ ويزهــاك=
=طـبعٍ ورثـتـه مــن جــدودٍ اوايـــــل
الطـايلـه تزهـى لـمــثلك وشـــرواك =
=وطـيبك يعـرفــونه جـمــيع القـبايل
بنيت صـرحٍ شـامـخٍ فــوق الأفـلاك=
=وجمعــت اهـل الطيب وعـيال وايل
دوم التواضـع يابن مـجـــلاد مـبداك=
=وتعـاملك نلـقـاه بأحـلـى الـوسـايـل
لله درّك. مــدري شــلــون نجــزاك=
=مـهـما فـعــلـنا مـانـسـد الجـمــايل
عـسى المنايا يابو مـشاري اتعـدّاك=
=ويـدوم عــزّك ياعــريب الســــلايل
وعـسى السعد دايم حـليفـك بدنياك=
=وياقـاك ربـي مـن جـمـيع الهــوايل
صغت القوافي واقبل القاف لاجـاك=
=فـيه الأخــوّة صـادقـــه بالــدلايـــل

شيهانتي روفي ترى الحال مسلول

لاتـذبحي حـرٍ مــن عـيـال وايــل

بصوتي


مهما حصل منك الجفا قلت مقبول=
=اصبر وانا دمعي على الخد سايــل
فيك الرجاء يابنت الأجواد مأمـول=
=وعن غير حبك مابغيت البدايـــــل
يالغاليه في غيبتك صرت مشغـول=
=ضايق وودي مـنك لوهو رسـايـــل
لاتتركيني يابعد زولــــي الـــــزول=
=حيثك اصيل ومن بنات الحـمــــايل
صارالفرح في دنيتي شي مجهول=
=وصارت همومي في غيابك هـوايل
ودي بوصلك ياحياتي على طـــول=
=لاتقطعينه في جــمــــــيع الوسـايل
يالغاليه في قربك همــومي تـــزول=
=يامــنيتي مــن بيـن كـل الأصـــايل
يادنيتي معك الفرح دوم موصــول=
=وغلاك في قلبي مسوي عــمـــايل
معقول ياعمري! تجاهلك معــقــول!=
=وانتي تشوفين الـــغلا والدلايــــل !
كانه تغلّي يامنى الروح مقــــــبول=
=ياخوف قلبي يطلع الحـــظ مــأيــــل
شيهانتي: روفي ترى الحال مسلول=
=لاتذبحي حــرٍ مـــن عــيال وايــــــل






رد مع اقتباس
قديم 28-10-2009, 10:00 AM   #2


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي الا ياطير ماعندك خبر عن عودة الغيّاب ؟



نص متواضع

اتمنى ان يلاقي شيئآ من استحسانكم

الا ياطـير خـبرني وش اللـي صـار للأحـبـاب=
=تـرى قـلبي كثر هـمّــه سبايب غـيبة احـبـابي
غريبه عنّي يسافر ولا اعرف للسفر أسبـاب=
=كذا فجأه يودعـني ولا أدري أيـش الأسـبـابي
ترى بعده عن عيوني يهـد الحـيل والأعـصاب=
=يمر الوقت بغيابه وأنا عايش على اعصـابي
الا ياطــير مـاعـندك خبر عن عودة الغــيـاب؟؟=
=ولا تـقـدر تـطـمـني تجـيب عـلـوم غــيـابي؟؟
ابي ياطير لامـر بسمـاك مـن الطـيور اســراب=
=ابيك تعانق اسـرابٍ تجي من بعـدها اسرابــي
ابـيـك تفـتـّش الـدنيـا . تدوّرلي عن الأصحاب=
=تجـيب العـلـم ياطـيـري وتطـمّـني عـن اصحابي
لك الله ليت جنحانك عـلـيّ وماحـسبت حسـاب=
=اطير بصحـبة الـغـالـي ولا فــكـرت بحـســابي
اروح اسكن على قربه وأخلي الباب حول الباب=
=اشوفــه لافـتـح بابـه وانـا واقــف عـلـى بـابـي
ادنـّق لابـدى حـولــه من اهـله لايجـيه عــتاب=
=وهـو يرسلـّي النـظـره بلـيا خــوف وعــتـابـي
اخـلّـي خـافـقـي يـدلــه بقـربه ماتجيه اتعــاب=
=واذا ناظـرت فـي زولـه نسيت الـهـم وأتـعـابـي
سقــاك الله يايـومٍ بـدت بـه نظــرة الأعـجــاب=
=حضيت بنظـرة اعجابه وهو يستاهل اعجابي
سحرني صوته الدافي حـنون ومنطـقـه جـذاب=
=وفـيت لـقـلـبـه الـوافـي وهــو بالوصف جـذابي
الـه الكون لاتـفـجـع خـفــوقٍ مـن غـلاهـم ذاب=
=تلـوّع سـبّـة الـفــرقى وهــو مـن قـبلهــا ذابـي
الا ياطـير خـبرني وش اللـي صـار للأحـبـاب=
=تـرى قـلبي كثر هـمّــه سبايب غـيبة احـبـابي


 


رد مع اقتباس
قديم 28-10-2009, 10:08 AM   #3


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي امي الحنون الغاليه احيا وأموت بقربها



امي الحنون الغاليه احيا وأمـوت بقربهـا=
=هي جنتي في دنيتي والآخـره بأسبابهـا
ان سيرت أو سافرت في بالي وافكّر بهـا=
=يضيق صدري عقبها ولا أطيق يوم غيابها
يوم ٍ تقدّم عمرها ونوى الزمـن يغدربهـا=
=رهنت نفسي كلّها لأمـي وهـي أولا بهـا
شفت المرض بعد الكبرأمي الحنون اثّر بها=
=وخلّيت نومي عندها من دون كل احبابهـا
بيديني اعطيها الطعام اللي تبيه وشربهـا=
=ولي الشرف كم مرةٍ قمت وغسلت ثيابهـا
حاضر لها باللي تبي واي حاجةٍ تامر بهـا=
=أي حاجةٍ تفرح بها افرح بها وأرضا بهـا
روحي فدى للغاليه لو تنعطى تبشـر بهـا=
=ياليتني من دونها عن كـل شـيٍ صابهـا
ياربي طول عمرها وأبرّهـا وأفخـر بهـا=
=خادم لها طول العمر هي جنتي وأحضابها
خادم لها ولي الشرف اقولها وأجهر بهـا=
=الله عطاني برّهـا رحمـه وربـي جابهـا
طول العمر لجلي عطت كم ليلة تسهربهـا=
=عانت معي وتحملت والظيم كـم سوابهـا
مهما فعلت من اجلها رب العباد أمر بهـا=
=يرضى الأله ليا رضت والمصطفى وصّا بها
امي الحنون الغاليه احيا وأمـوت بقربهـا=
=هي جنتي في دنيتي والآخـره بأسبابهـا


 


رد مع اقتباس
قديم 28-10-2009, 10:12 AM   #4


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي وينك حبيبي جعلك بخير لاباس



ياللي سكنت القلب من بد الاجناس=
=ارحم محبـك يابعـد كـل ناسـه
وشغيّرك ياطيب القلب والسـاس=
=اللي يحبك ليـه شيبـت راسـه
وينك حبيبي جعلك بخير لابـاس=
=وين الرسايل والغـلا والوناسـه
وينك حبيبي طار عقلي من الراس=
=وينك عسى الله مايوريـك باسـه
دايم تلوعني وانا انسان حسـاس=
=أرحم محبـك لاتجيـه انتكاسـه
عقبك حياتي صابها الهم والياس=
=تبدلـت فيهـا السعـاده تعاسـه
مالي بهالدنيا حبيبٍ مـن النـاس=
=الا انت. حبك شل فكري وحاسـه
عزاه ياقلـبٍ أذا حـب ينـداس=
=اخلص بحبه وأقرب الناس داسـه


 


رد مع اقتباس
قديم 28-10-2009, 10:14 AM   #5


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي هي دنيتي والقاف لعيونها انصاغ



لاواعذابي شفتها بسـوق صيّـاغ=
=ولعرسها تشري الذهب والمصاويغ
حطّت على الكفّين نقشات الأصباغ=
=وخلّت قلوب أهل المحبّه مفاليـغ
زود القهر فجّر بي عروق الارساغ=
=ومرّغت اهلها والخواطيب تمريـغ
وعريسها اللي شاف نفسه ولا راغ=
=فرّغت انا كل القهر فيـه تفريـغ
حتى المطوّع ماسمع مني ابـلاغ=
=برّدت قلبي وطحت انا فيه تدميـغ
صحيت من حلمي وانا العقل منزاغ=
=كابوس خلا العقل من راسي يزيغ
ادري بحظّي والزمـن دوم لـدّاغ=
=حتى بمنامي يقلب الحلـم تلديـغ
حبيبتي ماهي عن العهـد مـرواغ=
=بنت الشيوخ ولا تعرف التراويـغ
دنياي ماتسوى بدونـه ولا سـاغ=
=والبعد عنها يملغ القلـب تمليـغ
هي دنيتي والقاف لعيونها انصاغ=
=وعن غيرها قافي منعته ولا صيغ
جمالها عن غيرها زايـد وطـاغ=
=مثل البـدر ماجملتهـا التصابيـغ
سلمتها قلبـي ووقعـت الافـراغ=
=وحكم القدر يمشي ولا عنه ترويغ
حكيت حلمي بالقوافـي علـى آغ=
=وختمت انا عجز القوافي على ايغ


 


رد مع اقتباس
قديم 28-10-2009, 10:18 AM   #6


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي علمي بها بأيام سن الطفوله



علمي بهـا بأيـام سـن الطفولـه=
=عهد البرائه والغلا بيـن الاطفـال
نلعب ونمـرح وانتلاقـا بسهولـه=
=نتبادل الضحكه على كـل الأشكـال
لـو اتأخـر يـوم جتنـي ذهولـه=
=يسوقها لـي الغـلا دون مرسـال
حتى منامي بعض الأحيـان حولـه=
=متعودٍ معها على الضحـك وجـدال
بالليـل اخوّفهـا ولاهـي زعولـه=
=تقول ماني خايفـه وانـت حيـال
لاقلت جاك الذيـب جتنـي جفولـه=
=وليا اشبكتني قلت ياعمري ظـلال
وكم مرةٍ قلـت ادرسـي ياكسولـه=
=تضحك وتعفشني تقول انت محتـال
ماني سواتك وتحسبنـي مهبولـه=
=شطّوره ولابي مثل غيـري هبـال
وكـم مـرّةٍ مثّلـت دور البطولـه=
=افزعلها واسوّي سـوات الأبطـال
كل ماأشتكت من طفل زوّد فضولـه=
=ابهدلـه واعطيـه كـفٍ ليـاعـال
كبرت وصارت نور عيني خجولـه=
=واصبح وجودي حولها يسبب اشكال
قالت تضل النفـس يمّـك ميولـه=
=واشفق لشوفك يابعـد كـل الأزوال
والله ماني مـن وجـودك ملولـه=
=لكن بلاي بعينهـم صـرت رجـال
زولك طويل وصعب حولي قبولـه=
=ومرات اشوفك تلبس شماغ وعقال
ترى الأهل راحو لبـوك وشكولـه=
=وادري المفارق بيننا فيـه غربـال
والله مهمـا حاولـو أو حكـولـه=
=تبقى الحبيب اللي له القلـب ميّـال
ياما منعني والـدي عـن وصولـه=
=وياما على ضهري عطاني من عقال
قال الغلا له حد واعـرف اصولـه=
=واللي مثل سنّك يصيـرون عقّـال
مايدري ان العقـل صعـبٍ حلولـه=
=واجسامنا تنبض بها قلوب جهّـال
وشفيك يادنيـا مشيتـي عجولـه=
=كم ضاع بأسبابـك أمانـي وآمـال
من بعد ماكنت انتظر شوف زولـه=
=قامت تبكينـي صورهـا والأطـلال
الروح صـارت بالفـراق معلولـه=
=وصار الغلا لصويحبي حب بهبـال
ياحظ منهـو فـي حياتـه ينولـه=
=ملاك بعيوني علـى الأرض تختـال
جاهـا حظيـظٍ غيـري ووافقولـه=
=وتحطمـت بقلوبنـا كـل الآمـال
راحت بعيد وصارت بغيـر دولـه=
=لكـن غلاهـا بالحشـا حـي لازل
ماطاع قلبي فـي غلاهـا عذولـه=
=ولايمكن انساها ولا أطيـع عـذال
ليت الزمن يرجـع بنـا للطفولـه=
=وابقى طفل . ماودّي اصير رجّـال


 


رد مع اقتباس
قديم 28-10-2009, 10:21 AM   #7


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي



صبّرت نفسي وعدّا يـوم ميعـادك=وامنّي النفس بوصولك ولا فـادي
طال انتظاري وقلبي ذاب بـودادك=مليت صبري وحارب عيني رقادي
وينك حياتي بكتك الـدار وبـلادك=والحزن لف المكان وشوقها زادي
مر بغيابك حياتـي يـوم ميـلادك=وجبت الهديه وفيني الحزن يزدادي
رغم المسافه وبعدك ودي اسعادك=ياللي غرامك بدابه يـوم ميـلادي
مبروك جعل الحياة تسير بمـرادك=واحد وعشرين عمرك والسعد بادي
في قربك احيا وهمّي زاد ببعـادك=متى بوجودك لي الفرحه بتنعـادي
ياروحي البعد حطمنـي ولا فـادك=عودي وخلّي الليالي كنها اعيادي
عادك على عرش قلبي بالغلا عادك=يجري بشريان قلبي حبّك وسـادي
محلا تغلّيك ومحلا زايـد عنـادك=وحتى عتابك ياروحي غاية مرادي
كاني بقلبك سكنت وداخل فـوادك=وودك بقربي وهمّك كلّه اسعـادي
عودي حياتي بكتك الدار وبـلادك=ملّيت صبري وحارب عيني رقادي


 


رد مع اقتباس
قديم 28-10-2009, 02:52 PM   #8


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي



متى على الله يلتئم جرح بغـداد=
=ونمشي بامان من الزبير لربيعه
متى العراق يعود لأيام الامجـاد=
=وتلقى الاخوّه بين سنّه وشيعـه
ليه الجفا بين العروبه والاكـراد=
=والكل منّا في ظـلال الشريعـه
ليه القتل اصبح يسمونه جهـاد=
=وعلى الهويه يقتلون الرضيعـه
ياناس أبسأل وشبلا الكره يزداد=
=حنا نعيش بحلـم وألا طبيعـه
لاتضيعون عراقنا .أمّة الضـاد=
=خلّو التسامح بالصدور الوسيعه
هذا فكر جابوه الاعداء من غاد=
=هذا مخطـط لليهـود وخديعـه
خلّو العراق موحّد وموطن أمجاد=
=رغم الطعون اللي بصدره شنيعه
وعراقنا فيه النشاما والأجـواد=
=مايتركونـه لليهـودي وديعـه
وعراقنا شامخ بتاريخ الاجـداد=
=كم مرّةٍ باعـداه سـوو فجيعـه
وعراقنا صعبٍ على كل من راد=
=فيه الأسود الباتعه والشجيعـه
بكره يزول الغم ياأمّـة الضـاد=
=أمن وأمان من الزبيـر لربيعـه


 


رد مع اقتباس
قديم 28-10-2009, 03:00 PM   #9


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي



وشنوح قلبي والف الهم وشنـوح


وانا الفرح نفسـي تبيـه وتحبّـه
قلب العنا بين الغناديـر مذبـوح


ماطاعنـي :يبغـى مكـانٍ يربّـه
ريم الفلا اغليته اكثر من الـروح


وحبيت حتى لـون حـرفٍ كتبّـه
يابنت قلبي من عنا الوقت مجروح


وشلـون يابنـت الأجاويـد طبّـه
مالي بهالدنيا تـرى أي مصلـوح


لكن وجودك للأمـل صـار سبّـه
انا بدونك كنـت جسـمٍ بـلا روح


واضيـع لاهبـت علـى أي هبّـه
يابنت قلبي جاك مليانـن جـروح


غـلاك تلّـه والقـدر بيـد ربّـه
تكفين خوذيني من الظيم والنـوح


قلبـي تعـب والهـم زاد ولعبّـه
روفي حياتي واسمعي صادق البوح


زاد الغلا واصبح غـرام ومحبّـه
حبك ترى في خافقي عادل الـروح


وأخاف اموت ان ماذكرتـه بغبّـه


 


رد مع اقتباس
قديم 28-10-2009, 03:01 PM   #10


الصورة الرمزية فــرج الدهمشي
فــرج الدهمشي غير متواجد حالياً

بيانات اضافيه [ + ]
 رقم العضوية : 49
 تاريخ التسجيل :  Oct 2009
 أخر زيارة : 17-05-2017 (08:20 PM)
 المشاركات : 7,375 [ + ]
 التقييم :  10
 الدولهـ
Saudi Arabia
 الجنس ~
Male
لوني المفضل : Darkblue

اوسمتي

افتراضي



طبعـك تغيّـر حبيبـي مايناسبنـي


تقسي عليّه وتظهر فينـي فنونـك
أنا ذبحني السهر والنـوح متعبنـي


وانت اتلذّذ على تعذيـب مضنونـك
ماني طفل يانظـر عينـي وتدّبنـي


وش جاك منّي تزوّد فيني طعونـك
ضحّيت لاجلك عسى الله مايحاسبني


في حب ناسٍ على حبّي يحسدونـك
يازين أرحم وخـاف الله وجاوبنـي


ماتذكر انّك حلفت وقلت ماخونك.؟؟
ياريـم حايـل أمانـه... لاتعذبنـي


إرفق بحالي وعاملني على هونـك
فديت عمرك ترى الهجران يذهبنـي


جيتك حبيبي وكلّي صرت مجنونـك
لاغبت عنّي بربّك ويـش يطربنـي


ناظر بعينك عذابٍ صـاب مفتونـك
كل مانويت أبتعـد غـلاك يجذبنـي


يانور عيني مناتي شوفـة عيونـك
ان قلت أمـوت بغيابـك لاتكذبنـي


هاذي حقيقه.. حياتي موت من دونك


 


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:36 AM.


Powered by vBulletin Version 3.8.7
Copyright ©2000 - 2017, Jelsoft Enterprises Ltd Trans
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education