( ديوان الشاعر محمد هايش الرويلي )

اعضاء شبكة عنزة الكرام

السلام عليكم ورحمة الله وبركاته

تم بحمد الله افتتاح ديوان الشاعر الجزل محمد هايش الرويلي

بأذن الله سوف يشمل هذا الديوان على جميع قصائد شاعرنا الخلوق

أتمنى من الله ان ترقى الى ذائقتكم وتنال على أعجابكم

دعواتي للشاعر بالتوفيق والابداع والتوهج

قصة حياتي حلم وتفسيرهـا حلـم=نفس السؤال المـر نفس الاجابـه
ماضيه ظـلم وحـاضره قمة الظـلم=ومستقبلي مع السـراب ايتشابـه

.
محمد هايش الرويلي

يانور عينـي لا غـدى الليـل ظلمـا=نديـم عمـري بالسعـاده والافـراح
نقشت لك ذكرى على صفحـة المـا=وناديت لك بالصوت وين أنت ياصاح
لاغبت عن عيني غدا شوفي اعمـا=ولا جيتني همي عن القلب ينزاح
لا قلت سلمـى ؟ ردّد الكـون سلمـى=واسمع صدى صوتي يناديك وارتـاح
أسمك بقلبي غير عـن كـل الاسمـا=لا غاب طيفك بـارق الوسـم مـالاح
أحن لك وأشتاق لـك حيـل واضمـا=وألقى بقربـك نفحـة الـورد لا فـاح
يا أجمـل تعابيـر الغـرام المسـمـا=واصدق من احساس الغلا بين الارواح
كم لـي أحـاول أجحـد الآه واكمـا =الـى متـى بالله يانـور الاصبـاح
النور غـاب واصبـح الجـو ظلمـا =ولا فيـه قفـلن ينفتـح دون مفتـاح

.
شعر / محمد هايش الرويلي
.

الطيـب خصلـه تحتويهـا رجاجيـل=ولاكل رجلـن لابغـى الطيـب جابـه
الطيـب ضلـعـه للنشـامـا مداهـيـل=ضلعـاً طويـل ويتعـب اللـي رقابـه
دربه صعيب ولا يجـي بالتساهيـل=مايسلـكـه يـاكـود رجـلـن مـشـابـه
ليـثً ليـا منـه حضـر يدبـل الكـيـل=نابه شطيـر ويكسـر الصلـب نابـه
لا ثقلت حمول الزمن شالها شيـل=وان شـال حمـلً مايحّسـب حسابـه
حــلال حلحيـلـن يـحـل الحـلاحـيـل=رجلـن علـى الشـدات كلـن يهـابـه
سـلام للـي بالوفـا يـسـرج الخـيـل=قرمً علـى الطـولات يتعـب أركابـه
ضرغام لامن انتخى يكرب الحيـل=قـوّي عـزم وفـي شموخـه مهـآبـه
دروب الخطر يدوسها بعتمة الليل=ومـن هيبتـه لابــان تجـفـل ذيـابـه
( منصور ) يالـلـي ذاخــره للمقـابـيـل=فعل الكـرم والمرجلـه هـي زهابـه
كفـه نـدي بالطيـب ويسّيـل السيـل=ووقت الطرد يـزداد باسـه صلابـه
يمنـاه ببـذل الجـود مثـل الهماليـل=ديم المزون اللي نشت من سحابه
براقـهـا باللـيـل ضــيء القـنـاديـل=يشـق ستـر الليـل ويكشـف نقـابـه
مـن عادتـه مايتبـع القـال والقـيـل=ولامــن تكـلـم فــي كـلامـه ذرابــه
يحب قول الصدق ومايقبـل الميـل=واصعـب سـؤالً مايعّسـره جـوابـه
للطيب رجْال .. وللرديه رجاجيـل=وكلـن حسـب فعلـه يفـصّـل ثيـابـه

.
شعر / محمد هايش الرويلي
.

يـالـــلـــي جــــرحـــــت الــــجـــــرح مــــنـــــه أتــــألــم =جـــــرح الـجــســد يـــنـــزف شـــديـــدا" صـــوابـــه
جــرحــي نــــزف مــاضـــل بـــــي قــطــــــــرة الــــــدم = نـشـفــت عــروقـــي يـــــوم جــرحـــي سـطــابــه
يــصــيــح جـــرحـــي كـــــــل مــاقــلـــت لـــــــه نــــــم =صـــيـــحـــة غـــريـــرا" صـــاح مــــحـــــدن درابـــــه
أمــــــــــه تـــــوفـــــت واحـــــتـــــوى داخـــــلـــــه هـم =تـوه صـــغــــيــــرا" مــــابــــعــــد شــق نـــابــــــه
مــــــن يــــــوم مـــاتـــت حــالــتــه حــــــال مـــعــــدم = فــــــقــــــد .. حــــــنــــــان الأم لا واعــــــذابـــــــه
مــالـــه أبـــــو أيــضـــا" ولا خــــــال لا عــــــم = و لا ضــــــــل عــــرقــــن يــنــتــمــي لــه قــــرابـــــــه
يــجــض جــضــة مــــن ســــرى داخــلــه ســــم =ســـــم ا لافــاعـــي وسـط جــســمــه ســــــــــرابـــه
يضيق باله لا أقبل اللـــيل الاظـــــــــــلم =ويـــــــن مـالــتــفــت مــايــشـــوف الا الـــــــــــذيـــابـــه

.
شعر / محمد هايش الرويلي
.