عدد مرات النقر : 267
عدد  مرات الظهور : 4,024,577

عدد مرات النقر : 0
عدد  مرات الظهور : 26,879
صفحات المضايف على تويتر
عدد مرات النقر : 5,047
عدد  مرات الظهور : 47,141,243
عدد مرات النقر : 194
عدد  مرات الظهور : 10,318,048
عدد مرات النقر : 81
عدد  مرات الظهور : 759,869
عدد مرات النقر : 133
عدد  مرات الظهور : 7,897,239صفحات المضايف على الفيس بوك
عدد مرات النقر : 3,951
عدد  مرات الظهور : 47,141,251
فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 1,204
عدد  مرات الظهور : 41,339,4375ملتقى الويلان الثقافي والإجتماعي
عدد مرات النقر : 2,179
عدد  مرات الظهور : 47,141,243موقع المضايف على أنستغرام
عدد مرات النقر : 1,433
عدد  مرات الظهور : 33,118,341صحيفة واصل الألكترونية
عدد مرات النقر : 483
عدد  مرات الظهور : 18,754,779ديوان صوتي للشاعر منصور الرويلي مع نخبة من المنشدين
عدد مرات النقر : 2,315
عدد  مرات الظهور : 38,920,0774
التميز خلال 24 ساعة
العضو المميز الموضوع المميز المشرف المميز المشرفة المميزه
العمل الصالح في الأيام العشر ( خطبة جمعة )
بقلم : محمدالمهوس
قريبا

الإهداءات

« آخـــر الـــمـــشـــاركــــات »
         :: يا مزعلني (آخر رد :متعب لافي العنزي)       :: تلاوة الشيخ محمد أيوب رحمه الله لسورة فاطر (آخر رد :عبير الورد)       :: العمل الصالح في الأيام العشر ( خطبة جمعة ) (آخر رد :عبير الورد)       :: الحج والأضحية والعشر (آخر رد :عبير الورد)       :: واجبات الإخوة للأخوات (آخر رد :عبير الورد)       :: للمعرضين قصة السائل عن الدين (آخر رد :عبير الورد)       :: اليقين بالله ( خطبة جمعة ) (آخر رد :عبير الورد)       :: فانكحــــوا ماطاب لكــــــــم ( خطبة جمعة ) (آخر رد :عبير الورد)       :: الا يالله طلبتك - نامي الوقداني (آخر رد :شمالي حر)       :: .. أهل المصالح .. (آخر رد :عبدالله فارس الايداء)       :: جنون الواقع الافتراضي (آخر رد :شمالي حر)       :: دقيقة من فضلك....... (آخر رد :شمالي حر)       :: الأعلام (المظروب) (آخر رد :شمالي حر)      


العودة   شبكة مضايف قبيلة عنزة > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع دهش العواجي مشاركات 44 المشاهدات 30268  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 01-12-2009, 09:51 AM
دهش العواجي غير متواجد حالياً
اوسمتي
وسام الألفية الأولى 
لوني المفضل Cadetblue
 رقم العضوية : 220
 تاريخ التسجيل : Nov 2009
 فترة الأقامة : 2835 يوم
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم : 10
بيانات اضافيه [ + ]

اوسمتي

افتراضي ديــوان/ دهـش الـعـواجــي







[SIZE=6][COLOR=sienna]بسم الله الرحمن الرحيم

اتشرف ان اضم قصائدي هنا في مضايف اعنزه الوائليه

واملي ان تجدو بهذا الديوان مايسر ويرتقي لذوائقكم فلكل من حظر ومر من هنا

اطيب واجل التحايا


اخوكم / دهش العواجي
[I][U]





شرهــــــــة الحبــــر
طابت النفس من ليل السهر وسمحت=قلت اعرض همومي للسهر واستريح
قبل اغمض عيوني في منامي صحت=واستباحت سهرها وصار نومي شحيح
مثل ما امست على جمر السهر اصبحت=لا مساها سعيد ولا صباح ٍ فليح
مجهمة ماتعرف المزح يوم مزحت=لعنة الكذب عرتها عيون الصحيح
ماعليها ملام اليا طعنت وجرحت=عيّنت قلب من طعن الخناجر ذبيح
ويالتناهيد لو هي توّها مانمحت=من بقايا جروح وباب حزن وضريح
حملتني مشاريه الحبر وانتحت=وسال دم العروق بكل نزف ٍصريح
راهنت للوصال وبالرهان ربحت=واستفزت بصدري كل نبض ٍ جريح
قطت الشال عن وجه الحيا ماستحت=فارع الطول يغريها الكلام المليح
رافقتني وفي نصف الطريق اجنحت=واتركتني يباس غصون في وجه ريح
والقصيده على رمضا الضلوع امرحت=من هنا نبْت شيح ومن هنا نبْت شيح
سيرت لي قوافل والكلاب انبحت =ولاثنت هقوة الصامل كلاب ونبيح
كنها مهرة ٍ وقت السباق جمحت=تستحق الصداره والثنا والمديح
كل ماارخى عليها بالعنان أنزحت=لاركبها ذليل ولاثناها نطيح
سابقى للمعالي رايمه وطمحت=تستمدالمعاني من خيال ٍ فسيح
ان لبسهاالغموض من الغموض وضحت=بين قدح الحوافر والعيا والضبيح
لاتهادت على سبع البحور سبحت=كل ماارخى خيالي للدرر تستبيح
ريحة العود من جمر الضلوع نفحت=تشتعل وسط صدري فوق حر الصفيح
عادة الحبر لامر الضلوع ونحت=فيه صملة شجاعة وانكسار ومطيح
طابت النفس ولكل الذنوب دمحت=وآتجرد من ذنوب الورق واستريح




العيطموس
طال المدى والقيض شـحّ أظلالـه=دنـو بنـات الريـح يالخيـالـه
هذا الورق ميدان وانـت الفـارس=ياهاجس ٍ يرقى السحـاب لحالـه
ان مالحقـت النـادرات الـشـرّد=ماجلس على صدر القصايد عالـه
ولمت لـك بالصـدر نـار ودلـه=والنـار نـاره والـدلال ادلالــه
فنجالهـا يقعـد خـوا المتعومـس=طـاب القصيـد وطيّـب الله فالـه
نغوص باعماق البحـور ونجمـع=ونردف من أكبار البيـوت جزالـه
لعيـون مـن عينـه متاهـة وادي=سود الرمـوش العكـش والقتالـه
يذبح سناهـا مـن يقـرّب حولـه=ياويـل والله مـن وقـف بقبـالـه
ماكنـه الا سيـف هنـد مـجـرّد=في معركة ذي قـار يـوم اهوالـه
وإلا النحـر بـرق ٍ تكاشـح نـوّه=النـور عمـه والنجـوم عيـالـه
قمـرا جبيـن ومدلهمـت جـادل=ان مانـزل بـدر الدجـا ترقالـه
في خصرها خصر العسيف الضامر=الـردف يتعـب ساقهـا لاشـالـه
في مشيّها مشي الحمـام الزاجـل=لاسولفـت حـال الكـرز يرثالـه
وليـا تبسـم يستهـيـم اللـؤلـؤ=بسحـر الكـلام وشفة(ن)مختالـه
كلامهـا شرهـت حشيم(ن)غالـي=وسكوتهـا هيبـة ملـوك لحـالـه
لو أختها في يـوم منهـا غـارت=مـا لومهـا يغـار منهـا شـالـه
هي سيدة عرش الجمـال وتاجـه=العيطمـوس الجـافـل الميـالـه
تذهـل عقـول الراكعيـن السجّـد=بجموع من غـي السحـر تبرالـه
قابلتهـا فـي ذات يـوم ٍ صدفـه=وبعض الصدف ياعزوتـي قتّالـه
اول هداياهـا طعـون بـصـدري=واللي هدانـي جـرح وش يهدالـه
اقفت وانا عينـي تخيـل ابروقـه=شحـت عليهـا امزونهـا الهمالـه
عاشـق وخايلّـه بـروق ٍرفــت=لاشاف مـزن ولاحصـل مقيالـه



بنــــت الريــــــــــــــــم

البارحه ضيفة الخفاق حوريه=يوم اقبلت شرع الخفاق بيبانه
غنت لها داخل الخفاق قمريه=تصدح على اغصان قلب مالت اغصانه
احلى القصايد على بحر الهجينيه=لبست عقوده ولولوه ومرجانه
رددلها هاجس الاشعار قافيه=الشعرمنها شعور الشعر والحانه
ديمية احساس ماهي بأى ديميه=باطرافها طيف قوس ٍ تسحر الوانه
جتني على غفلة عيون الحراميه=سود النوايا جنود ابليس واعوانه
ياحي موعد غرام الترف ياحيه=واحلى من الشهد (ياحيي )من لسانه
ترنيمة الصوت في "لكنَه" شماليه=مبطي وروحى على هالصوت عطشانه
فديت صوته وريحانه وجوريه=فديت عطره وجوريه وريحانه
فديت غصنه اليامن مال بيديه=وقام يتهادا ثمر تينه ورمانه
ونهل شلال شعر ٍ (لعنبوحيه)=اسدل عليه الظلام اطراف جنحانه
على جبين ٍ يغار الضي من ضيه=من وين ماجيت شفت النور باركانه
ورموش رحلة ظلام ٍ لا نهائيه=عكش ٍ هدبها تتل القلب نعسانه
والقد مربوع لا هذي ولا ذيه=اقصر طويله نحيفة خصر ريانه
منتوقة العنق بنت الريم ريميه=مركوزة الصدر والارداف مليانه
ارق من نسمة النسناس فجريه=وانعم من القطن بين ايدين قطانه
خطوة حمامه تسابق ظل عصريه=والساق مسجون والخلخال سجانه
وفوضى اوراقى ترتبها بحنيه=رفيعة الذوق واللمسات فنانه
اخر احروفه على أوراقي وداااعيه=توقيعها باخر اوراقي وعنوانه
الجادل اللي تمر البال ليليه=فديتها من مكاني لحد بيبانه



 توقيع :
alawaji9@hotmail.com


آخر تعديل زايد الدغماني يوم 02-12-2009 في 09:18 AM.
رد مع اقتباس
قديم 02-12-2009, 11:38 AM   #2


الصورة الرمزية زايد الدغماني
زايد الدغماني غير متواجد حالياً

بيانات اضافيه [ + ]
 رقم العضوية : 31
 تاريخ التسجيل :  Oct 2009
 أخر زيارة : 30-04-2015 (02:25 AM)
 المشاركات : 10,036 [ + ]
 التقييم :  10
لوني المفضل : Cadetblue

اوسمتي

افتراضي







اخر هدايا رفيق الدرب سكين=يصغر بعيني وأنا اكبر لاجحدها
ودعته البير والمـاء والبساتيـن=وسنابل القمح بغيابـي حصدهـا
راح وتركلي بدال الجرح جرحين=لا والله جروح مدري كم عددهـا
الله يسامح جروحـه بالشراييـن=من كثر مااحبها صـرت أفتقدهـا
تفداه عيني لا والله كـل الاثنيـن=مالي بعين الغـلا حاجـه بَعدَهـا
اشوف فيها من الاوصاف وصفين=تسابقن فـى خيالـي واعتمدهـا
فيها من الريم وفروخ الشياهيـن=شهانة(ن) نـادره بـأول هددهـا
فيها من الريح لا هـز الرياحيـن=وفيها من السحب لا هلت بردهـا
وفيها من الطهر بجبـاه المصليـن=وفيها من الليل ما نـام بجعدهـا
وفيها غرور الكحيلـه بالمياديـن=لا جات قبل الاصايل فى وعدهـا
وفيها من الشعر جزلات المضامين=أخت المنايا منيـة مـن وردهـا
فيها تضاد الوصايف شينها زيـن=سكر حلاها تخالـط مـع نكدهـا
الفاتنـه بالدلـع والغنّـج والليـن=صابت خفوقي وانا ظيف بِبلدها
لها بصدري سماء وعيون وإيدين=تعبث بصدري وتجحد من نشدهـا
تمر بالي وأسج ولا عرف ويـن؟=وأصحى وادور عليها ولا أجدها !
تختال من فوق غي الغـي غييـن=تنساب أحلى القصايد من مددهـا
مياسة الجيـد دلوعـة سلاطيـن=ديمية إحساس ماتسمـع رعدهـا
قولو لها شي بقولـه مـن سنيـن=لازلت الأول وتبشر فـى سعدهـا
لو خيروني بها ماقبـل خياريـن=اخترت موتي على مفرق نهدهـا
ولولا طعون الخناجر والسكاكيـن=لا قول غير البشر خلقـت وحـدها



البال كوّد من سحاب الشعر ديم=وعرّج على سمر الجبال ونحتها
للذبذبة يرسـل اشـارة وتعليـم=والترجمة على حسب ترجمتهـا
الاولة حسـب نظـام التقاسيـم=والثانية حسب الحروف ولغتهـا
تمهيد/وإلأ في نظـام الشغاميـم=المرجلـة حلاتـهـا بأولتـهـا
للغوص بأعماق المعاني مفاهيـم=من لادخلها ماعـرف فلسفتهـا
بعض البنادق حرمت ذبحة الريم=وبعض البنادق ذبحتـه حللتهـا
شلت يدين العابثيـن الازاليـم=تكاثرت بعض الحروف ومحتها
يابو بدر لو مابسماء جونا غيـم=الطاولـة بدروجهـا مهزلتهـا
نمسي مكاظيم ٍ ونصبح مكاظيم=واشفاهنا كن السوالـف نستهـا
من كثر ماحنا على وجهنا نهيم=الغابرة ضعنا بعجـاج غبرتهـا
مابين تحريف الحقايق وترهيـم=عندي شهود اعيان عن سالفتها
حشمة وفا لاهل القبور المحاشيم=التاليـة نضيفـهـا لسابقتـهـا
نقدر نولع بالعـروق المهاشيـم=عن جمرها سولف لهيب السنتها
يابو بدر شفنا وعفنا من الظيـم=كل هقوة تولد تمـوت بسنتهـا
شرهة زمان ثليم راحت مع ثليم=والخيل شرهتها على همهمتهـا






هات اللجام وصافنات امهاره=ولا يمسك المضمار كود عبيّـه
قبا طويلـة سـاق وقـت الغاره=مهـرة شجاع وفايـزه بالهيـّه
يشـبـه عرقهـا درة المحــاره=ما كنهـا الا فضـةٍ مـطـلـيــّه
لامن داعى الداعي وثار أغباره=ضـامـر تـنـومس باللقى راعيــّه
كـزه لا بو شـيـبـه وهات أخباره=ولامـن عطـيـت العـلم رده ليّـه
ياعبيد هل من السحاب أمطاره=رسالتـك ياعبيـد جت وسـمـيـّه
يابن الكرام اللي بطـيـب اذكـاره=تعرف جنوب الدار وبشرقيـّه
قبـيـلــة ٍ عيـبـه تـدلّـه جـــاره=عند العرب هذى لهم ماريــّه
لهم بسوق الطيب رفع أسعاره=للموت سيف وللكرم صيـنـيـّـه
مايخلد التاريخ كود أحـراره=وإلا الزلايب فئـةٍ منسـيــّه
البعد ماهو رغبة ٍ مختاره=ماودي أشرحها وهى مخفيـّه
ياعبيد كن الوقت يطلب ثاره=مني اليامن مـرني ليـليـّه
اعشق سكوتي وأكره الثرثاره=وسياسة التطبيل والدونيـّه
طبيعتي قشرا وهذا أشعاره=ما عرف أجامل بالشعر موليـّه
ماسمع كلام الإمعه وشـواره=نـيـاتـهـم نـيـه وانـا لـي نـيـّـه
ماتسكن العقبان وسط أجـحـاره=ولاتـجـتـمـع غـربان وقـطـامـيـّه
نزف ٍ ماهو صادق تركت أدياره=مـن قـبـل لا تـكـبـر علـى الديـّــه
الصدر باقـي مـحـتـفـظ بأسـراره=وانا بعـد بـاقـي علـى السَـريــه
الله أمـر مـارب تـهـده فـاره=وصار أنيهاره قصة محـكـيــّه
والبندق اللي ما يصيب أعياره=ياعلها تـفـنـاء وهـى مـركيــّه
كسبت من رووس الرجال خياره=نقوة حرار (ن) كلها منقيـّة
رسالتـك ياعبـيـد شـبـت ناره=واضرم لهبها ما تبقى فـيّــه
نخيت شعري لين زاح أستاره=واخترت طاروقه على القافيـّه
نارد على بحره وعذب أنهاره=بالرجز والمنكوس وهجينيـّه
الشعر كبرته وأخذت اكباره=مابي تجي قصيـدتي عاديـّه
حفظت له قدره ومن مقداره =اقدر اللي له شعور ٍ حيـّـه
ياعبيد ابو شيبه أخوك أخباره=حاله بخير ويحـتريك بـجـيـّه
جتك القصيده تطلبك بزياره=توجهت لك قـدر الجـاهـيـّه




عليك الملام وشرهة العين يوم اقفيت=تثاقلت في يوم الوداع الوداعيّة
رحلت وتركت الجرح وسط الحشى وادميت=تواريت عن عين ٍ تحرّاك بالجيّة
تجاهلت صوت القلب واقفيت مارديت=خذاك الغرور من الغلا للأنانيّة
تركته على جمر التباريح ماحسيت=يصالي جحيم الصد والبعد ليليّة
على بالي اردك بدمعي ولارديت=قضى الدمع كله مالقيتك بتاليّة
خيالك معي حتى بصلاتي ليا صليت=ومن وين مااوجه اهوجس بطاريّة
تخيل اسولف بك على دفتري وابكيت=الاقلام و"البحر الطويل" وقوافيّة
تمناك بيت من القصيد وبكا لك بيت=الاول يبي يشفع والاخر يبي الديّة
كتبت القصايد فيك ماني مدوّر صيت=قريتك وغرّقت المناديل وايديّة
قصيدي تناهيد الحشا كل ماونيت=كتبتك قصيده والحق الكيّه الكيّة
تهنا بنزف يتبعك وين ماحليت=عبث بالخفوق وجاك باحساس راعيّة
عليك الملام ان كان داله ولاحنيت=ولاجيت في بالك وذكراي عاديّة


 
 توقيع :

التعديل الأخير تم بواسطة زايد الدغماني ; 07-12-2009 الساعة 01:50 AM

رد مع اقتباس
قديم 21-02-2010, 01:38 AM   #3


الصورة الرمزية دهش العواجي
دهش العواجي غير متواجد حالياً

بيانات اضافيه [ + ]
 رقم العضوية : 220
 تاريخ التسجيل :  Nov 2009
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم :  10
لوني المفضل : Cadetblue

اوسمتي

افتراضي





 


رد مع اقتباس
قديم 21-02-2010, 01:40 AM   #4


الصورة الرمزية دهش العواجي
دهش العواجي غير متواجد حالياً

بيانات اضافيه [ + ]
 رقم العضوية : 220
 تاريخ التسجيل :  Nov 2009
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم :  10
لوني المفضل : Cadetblue

اوسمتي

افتراضي





 


رد مع اقتباس
قديم 06-04-2010, 06:11 PM   #5


الصورة الرمزية زايد الدغماني
زايد الدغماني غير متواجد حالياً

بيانات اضافيه [ + ]
 رقم العضوية : 31
 تاريخ التسجيل :  Oct 2009
 أخر زيارة : 30-04-2015 (02:25 AM)
 المشاركات : 10,036 [ + ]
 التقييم :  10
لوني المفضل : Cadetblue

اوسمتي

افتراضي



الشاعر / دهش العواجي صح السانك على كل حرف

متابع لجديدك


كن بخير دائماً


 


رد مع اقتباس
قديم 06-04-2010, 06:42 PM   #6


الصورة الرمزية دهش العواجي
دهش العواجي غير متواجد حالياً

بيانات اضافيه [ + ]
 رقم العضوية : 220
 تاريخ التسجيل :  Nov 2009
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم :  10
لوني المفضل : Cadetblue

اوسمتي

افتراضي



]



الزيزفون


تواردت فى مرتع البال الظنون=وأستعمرت قلب العنا وحتلته
غفت على حلم التباشير العيون=وصحت على موت الأمل فى حلته
ياكثر مانحلم مثل مايحلمون=لون ذاك الحلم نفسي ملته
نزفٍ مهوب ياصل الى حد الجنون=مايلامس احساسي ويبرى علته
البارحه والليل يغريه السكون=أركى على صالي ضلوعي دلته
ومرت على بالي سنين الزيزفون=وحلم ٍ على ركن التناسي خلته
الله على ذكرى تكون او ماتكون=اليا طولت غيبة لقـاه وطلتـه
وذيك الطعون اللي تقفتها طعون=تغافلت عرق اليباس وتلته
والمزنه اللي ترتوى منها الغصون=ابطى مطرها بالسماء ماهلته
طول جفاف الارض من شح المزون=براق سحب الصيف يشبه قلته
تعال ابعطيك الكلام ولا تهون=ماكل نفسٍ ٍ زل فرض وصلته
أعلم بما تؤمن نفوس المؤمنون=إن الفرج بين السيوف وسلته
يشيل متني ماتعجز عنه المتون=اليا نعثر بعض الرجال بزلته
اربح ديون ولا تثاقلت الديون=بوقت ٍ خياناته سمآت جبّلته
وكسبت لي ليله مثل مايكسبون=طاحت على مّر الحياه وحلته
باقي لها شرهه على صدري تمون=لاضاعت الشرهات دربي دلته
ماعاد هي بظنون رح قل الظنون=استعمرت قلب العنا وحتلته


 


رد مع اقتباس
قديم 06-04-2010, 06:48 PM   #7


الصورة الرمزية دهش العواجي
دهش العواجي غير متواجد حالياً

بيانات اضافيه [ + ]
 رقم العضوية : 220
 تاريخ التسجيل :  Nov 2009
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم :  10
لوني المفضل : Cadetblue

اوسمتي

افتراضي



Quote=دهش العواجي;47325]

أبيات بسيطه قد لا ترتقى لـذائقتـكم ,

ولكنها قريبه لـ نفسي ..




اخطت ارماح وإلا صابت ارماح=جيت مجروح والا رحت مجروح
ماتهز الرواسي هبـة ارياح=ولا تفيد المولع دمعة النوح
أنت ذباح وإلا ما انت ذباح=بس انا قبل ذبحك كنت مذبوح
وش تبي بالخناجر رمشك اسلاح=من هدبها تطيح ابراج وصروح
يالتناهيد تو الدمع ماطاح=باقي ٍ فيه رمشة عين ويبوح
ينحبس بالمحاجر كل ما فاح=تنكره تجحده مفضوح .. مفضوح
بالحنايا نحيب ولمة رماح=بالحناجر بقايا صوت مبحوح
اكثري فى بدايات العمر راح=وأخر العمر خوفي مثله يروح
مابقى غير روح وحفنة جراح=وكل جرح يبا الخفاق مسموح
والخساير تعدت فوق الارباح=كل طيحة خساره تدمي الروح
لا تصحى جروح الوقت ياصاح=لاصحى الجرح فيني وين أباأروح
خنجر الجرح وإلا الجرح سفاح=لا غدى الجرح بين الجد ومزوح
طعنته جد ولا جده امزاح=الشهد من يمينه سم ذرنوح
يحسب أن الشطاره ذبح الارواح=ينهب الروح لمن مر ويروح
مابي اجراح لكن: كلي جراح=طابت جروح وإلا جدت جروح


.[/quote]


 


رد مع اقتباس
قديم 06-04-2010, 06:53 PM   #8


الصورة الرمزية دهش العواجي
دهش العواجي غير متواجد حالياً

بيانات اضافيه [ + ]
 رقم العضوية : 220
 تاريخ التسجيل :  Nov 2009
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم :  10
لوني المفضل : Cadetblue

اوسمتي

افتراضي



اقتباس:
المشاركة الأصلية كتبت بواسطة دهش العواجي مشاهدة المشاركة
تعــاااال إرتـاح ..

,


تروح وكل مافيني يناديلـك تعـال إرتـاح=ترى حمل الزمن صعب ويهدك شيله لحالك
أخافك تتعب وتقضي حياتـك كلهـا سـواح=تضيع بسود وديان الزمان وتتـرك جبالـك
يضيع القلب من دون الورود وعطرك الفواح=ويمشي عينه تناظر يـدوّر ويـن تمثالـك
لأنه شايـف الدنيـا بدونـك كلهـا اشبـاح=ولا ودّه يشوف إلا وفـاك وحـلّ ترحالـك
إذا شد الظلام إحذر من الخطوه بلا مصباح=وقبل لايغرق المركب تأكد واكرب حبالـك
ترى تكثر سكاكين الليالي بالجمل لا طـاح=وأنا ما اشوف لك طيحه بعد ماخافقي شالك
تعال واخسربي الدنيا وانا كافل لك الأربـاح=تعال وبالهنا شفني وانـا بالشـوق مدهالـك
تعال وقفّل ابواب التعاسه وإكسـر المفتـاح=تعال إنزل بوجدانـي غـلا وإلا صعدنالـك
تعال نبدّل اتعاس الزمان بروعـة الأفـراح=تعال ندوّن الفرحة مثل ماهي علـى بالـك
تعال وفارق هموم الزمان وخلهـا وارتـاح=ترى حمل الزمن صعب ويهدّك شيله لحالك
.
.


 


رد مع اقتباس
قديم 06-04-2010, 07:03 PM   #9


الصورة الرمزية دهش العواجي
دهش العواجي غير متواجد حالياً

بيانات اضافيه [ + ]
 رقم العضوية : 220
 تاريخ التسجيل :  Nov 2009
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم :  10
لوني المفضل : Cadetblue

اوسمتي

افتراضي



[QUOTE=دهش العواجي;137330]




غيّر مسار الابجديه بحرفين=وحنا أسياد الحرف والأبجديه
واعطيك لشراع السفينه خيارين=نبحر بعيد برحلة ٍ شاعريه
ونوقف الامواج للشعر صفين=ونرفع أستار وتبتدى مسرحيه
وليا فهقنا من دجا الليل ثلثين=اترك تناهيد القوافي عليه
صدري لها ساحل وعرش وسلاطين=ودولة قصيد عصورها جاهليه
اقلامها ظفّر على البوح جسرين=فى طاعة الخالق وطاعة نبيه
وحدودها تمتد من وين لـ وين=الحرف شط وقافها مزهريه
ياناهي المعنى جزيل المضامين=نعمين بالمهدى ونعم الهديه
والشجره اللي تثمر غصونها تين=بظلالها يرتاح راعى المطيه
وعلى السؤال المر عندي سؤالين=ان كان عندك للأجابات نيه
جذع النخل عاشت عليه البساتين=يخرف رطبها والغصون الضحيه
ولو هب صلف الريح عقب الكليبين=ماهي عن العّد الاساسي غنيه
وبير ٍ تثنى فى مصبه رياحين=صافي قراح ومدته حاتميه
ومداين النسيان مبطي لها دين=رياح الجحود تمرها موسميه
تقول بانيها على بحر غزوين=وبعيون اهلها حسرةٍ المشرهيه
ياناهي الايام مثل السراحين=لو يغفل الناب . المخاليب حيّه
تسوقنا ارياح التجافي من سنين=ونسوقها فى رحلة ٍ سرمديه
نارد بها وقفات ماقبل حطين=ونرضي غرور العزوه الوائليه
من مملكة وائل الى بدر وحنين=وسيوف فيضة جنب والتغلبيه
حميم دحه واستفاضت براكين=لا طاح عز ولا بكت منذريه
غصت رفوف المكتبه بالعناوين=فعل العرب نوماس لليعربيه
وتفخر بعلط ٍ سمهريه ميادين=ارماح تاريخ العرب سمهريه
والا القصايد توجوها المسمين=للشعر شيخات القصايد هويه
وانا بصدري للقصايد شياهين=حجن المخالب مجزلات العطيه
انده لهن فى هجعة الناس باللين=ماجيلهن بالغصب والعنجهيه
واليا استهمت ورفرفن بالجناحين=آخذ سمان القاف واترك رديه
تعال شفني لاقلبت الموازين=الفكر سيفي والقصيده عبيه
اجذب اذواق أهل الجزاله فبيتين=واصبها صبت هل الشاذليه
واشرع الخافق ضحوك الحجاجين=ليلة شعر تقول حس ابرديه
لا مر عاشق والغريب متخاوين=ارضي غريب الدار وارضي خويه
ناهي لو ان الابجديه لها يدين =مافكت ابيوت الشعر من أيديه

وســلامتــــكم


 


رد مع اقتباس
قديم 06-04-2010, 07:06 PM   #10


الصورة الرمزية دهش العواجي
دهش العواجي غير متواجد حالياً

بيانات اضافيه [ + ]
 رقم العضوية : 220
 تاريخ التسجيل :  Nov 2009
 أخر زيارة : 29-05-2011 (03:12 AM)
 المشاركات : 1,290 [ + ]
 التقييم :  10
لوني المفضل : Cadetblue

اوسمتي

افتراضي



,

واللي جعل دم الكرامه بك يفور=يانه غيابك ضيق الكون فينا
ياطاهر العرقين ياجامع النور=فيك نتباشر طيف يسري علينا
واللي جعلني اكتب الشوق مجبور=وحشت غيابك ظلم لا تبتلينا
ماقول مات الشعر حطوه بقبور=دامه فقد روحه وكلت يدينا

المبدع/عبدالعزيز الوادي



( كل قوم ولا عنزه )

كن العتب سجان وضلوعي السور=وانا وسجني بالهجوس ارتوينا
وكن القصيد اموات واحروفه قبور=ونحضر مراسيم العزاء ما بكينا
مدري غياب ايام او غيبة شهور=احييتنا عقب السكوت وحيينا
انا وتالي حلم ظامي ومكسور=جيناك واختار الألم من حدينا
غبنا عن الساحه ومن غاب معذور=ونخفي مواجعنا بقولة سلينا
غياب غالي ضيق آفاق وصدور= طفل ٍ يشيد خيمة الصمت فينا
يالوايلي لو بالزمن ذرة شعور=قدر مواقفنا كثر ماوفينا
وابا اعترف ياصاحبي كلي قصور=ومهما عطينا بالوفا ما عطينا
يبقى لكم دم التباريح مهدور=ومقداركم سامي وباسمه سمينا
من وائل الكبرى زعامات وعصور= تركع زعامات الدول لا زمينا
نفرح صدور وبالمثل نقهر صدور=وتعطي يمانينا ولا قد خذينا
طابورنا يقهر ثمانين طابور=ويلان لاحمى الوطيس ارتكينا
اقولها والعلم ثابت ومخبور=فى معركة ذيقار يوم انتخينا
اسود منها سيد الفرس مذعور=من صوت دحتنا نهار اعتزينا
والمنذريه دونها كل مسطور=ولعناتهم برد وسلام ٍ علينا
نتعب بنات الريح والهجن والكور=ويشهد نهار ٍ دون حصه ثنينا
الفلوه اللي ذبحها كان دستور=لعيونها سنه عليها مشينا
حيل ٍ وظمر للطّرد جالهن دور=لعيون حصه ما لهجهن جنينا
يكفيك عنا قول بيّن ومذكور=كل قوم ولا قوم عنزه لا غزينا
والكنز للرجّال بالخير مذكور=ذكرتنا وحنا بعد ما نسينا
واقول سلملي على كل منعور=منا أو اللي صار منا وفينا
كان الشعر مسجون وضلوعي السور=واليوم انا وياك منه أرتوينا


محبكم : ابو فيصل
[/quote]


 


رد مع اقتباس
إضافة رد


الذين يشاهدون محتوى الموضوع الآن : 8 ( الأعضاء 0 والزوار 8)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:35 AM.


Powered by vBulletin Version 3.8.7
Copyright ©2000 - 2017, Jelsoft Enterprises Ltd Trans
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education