صفحات المضايف على تويتر
عدد مرات النقر : 5,169
عدد  مرات الظهور : 50,284,857
عدد مرات النقر : 287
عدد  مرات الظهور : 13,461,662
عدد مرات النقر : 190
عدد  مرات الظهور : 3,903,483
عدد مرات النقر : 223
عدد  مرات الظهور : 11,040,853صفحات المضايف على الفيس بوك
عدد مرات النقر : 4,043
عدد  مرات الظهور : 50,284,865
فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 1,289
عدد  مرات الظهور : 44,483,0515ملتقى الويلان الثقافي والإجتماعي
عدد مرات النقر : 2,292
عدد  مرات الظهور : 50,284,857موقع المضايف على أنستغرام
عدد مرات النقر : 1,528
عدد  مرات الظهور : 36,261,955صحيفة واصل الألكترونية
عدد مرات النقر : 567
عدد  مرات الظهور : 21,898,393ديوان صوتي للشاعر منصور الرويلي مع نخبة من المنشدين
عدد مرات النقر : 2,399
عدد  مرات الظهور : 42,063,6914
التميز خلال 24 ساعة
العضو المميز الموضوع المميز المشرف المميز المشرفة المميزه
لا صرت ضايق فطيع الشور .... روّح معي يمّها ساعه
بقلم : عناد الروّاد
قريبا قريبا

الإهداءات

« آخـــر الـــمـــشـــاركــــات »
         :: لا صرت ضايق فطيع الشور .... روّح معي يمّها ساعه (آخر رد :عناد الروّاد)       :: هنا مدرسة محمد رسول الله صلى الله عليه وسلم (آخر رد :عابر سبيل)       :: كيف شرع الاذان في الاسلام (آخر رد :عابر سبيل)       :: تفائلوا بالخير تجدوه وعليكم بالدعاء (آخر رد :عابر سبيل)       :: دعاء بين السجدتين (آخر رد :عابر سبيل)       :: تفسير هاروت وماروت (آخر رد :عابر سبيل)       :: حكم الاحتفال بالمولد النبوي (آخر رد :عابر سبيل)       :: مسؤوليــــــــــــة الجميـــع ( خطبة جمعة ) (آخر رد :عابر سبيل)       :: العفـــو شعــــار الصالحيـــــــــــن ( خطبة جمعة ) (آخر رد :عابر سبيل)       :: ( لعلهم يذّكرون ) حطبة جمعة (آخر رد :عابر سبيل)       :: تغطية قناة الشامخ لحفل زواج ابنائي سلطان وجدعان الاطرق الهذال (آخر رد :عابر سبيل)       :: اجمل ترحيب بعودة مراقبنا طلال الميهوبي (آخر رد :عابر سبيل)       :: ((لا تنخدع بالخيل لو هن جميلات)) (آخر رد :عابر سبيل)      


العودة   شبكة مضايف قبيلة عنزة > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع سليمان بن عشيان مشاركات 9 المشاهدات 10317  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 11-02-2011, 05:33 PM
سليمان بن عشيان غير متواجد حالياً
لوني المفضل Cadetblue
 رقم العضوية : 1232
 تاريخ التسجيل : Oct 2010
 فترة الأقامة : 2608 يوم
 أخر زيارة : 01-11-2013 (08:53 AM)
 المشاركات : 120 [ + ]
 التقييم : 10
بيانات اضافيه [ + ]
ورقة إوْرَاقٍ سُلَيْمَانَ العُشِيَانَ



بسم الله الرحمن الرحيم










إهـــلا ً بالقارئ فقطـ !








~*¤ô§ô¤*~ يامعــشر الإنـــس ~*¤ô§ô¤*~




يامعشر الإنس أسمعوا قبل الدهـر لايندمـر
اتيتكم شاعـر يخاطـب للعقـول الخافتـه

باقولها في لهجتي وابسط معاهـا واستمـر
كذا اوضح لجل اشد مـن العيـون الافتـه

اللي طموحه (بالشبح) ولاطموحه (بالهمر)
هذا دليل انه رجـل مبنـي علـى صرافتـه

واللي يسافر لجل يلهى في النساوين الحمر
لابـارك الله فيـه مـدام الشهامه...عافتـه

يامعشر الإنس اسمعوا في داخلي نار وجمر
اللي عرفته بالبشر والعين مبطـي شافتـه

هو ليه نبخل بالضعيف وليه نكرم في خمـر
وليه نحب اللي يضحكنـا علـى سولافتـه

وليه نستحقر فقيـر اللـي مواكيلـه تمـر
وليه نهتم بالغني ونذكـر بعـد مصيافتـه

وليه نسلح سالفة عثمان والصـادق عمـر
وليه نتحفظ جحـا وحمـاره اللـي طافتـه

ليه نسمـع للأغانـي والمووايـل وسمـر
وليـه مانقـرا كتـاب الخالـق وثقافـتـه

كلن يعرف ان الزمن بايامه العسـره يمـر
لاكن يحاول يجهله من اجل يرشـف آفتـه

وكلن يعرف ان القبر بيته ولاغيـره ممـر
اليا طراله راح فـي نومـه علـى مخافتـه

ياليت يعرف هالشعور اللي على صوتي طمر
وياليت عندي لافته واكتب علـى هالافتـه

يامعشر الانس اعقلوا القطف قطفً في الثمر
والمــــوت آت لامـــحالـه لاتعـد مسافـتـه

والعز من ينوي سبيله كان حج او معتمـر
والذل من يستمتـع بشهواتهـي وخرافتـه

والملك ملك لرحيم ماينعصـي وهـو أمـر
نسجد له ُ وهو الذي نزل علينـا صحافتـه

ان كان قولي ساطع ً مثل اكتمـالات القمـر
اعلم بأني مختصر بالقـول عـن اسرافتـه








رد مع اقتباس
قديم 11-02-2011, 05:40 PM   #2


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي بقلم سليمان بن عشيان



صفحه ( 2 )








~*¤ô§ô¤*~ الطــــم ـوح ~*¤ô§ô¤*~




غروب الشمس وادعته وصافحت المساء نده


رمى ثوبه على وجه السماء وإرخى مناكيبه


وضوح الكون يطغيها مسافات السما حده


لفى مثل الحشيم اللي كسى بنته عن الريبه


ترا !! لو الشعر يشكي ضلامك مالك الصده


انا من مر في ضلمك واعاني منه واحكيبه


خطاك انك تنوم عاشقي ملهي على خده


أجل..! تدري فداك اللي جهل وشي عذاريبه


تسمع للخفا ...للبوح واقوله من بعد مده


هذاك انسان وبرغم القسا مابدل الطيبه ؟


بداياته قلم يكسر سطور البوح ويمده


يبي يكتب قصيده مالقى من علمه عيبه


طموحه يلمس الجوزاء ولاكن الثرى شده


تواضع وأقتنع رجله بعلوه في مراقيبه


كبر وتفجر بصدره مواهب واشتعل يده


لو ان الأرض له صفحه خذاها من مكاتيبه


كره خوه على شده (عشق فنه على الشده)


تولم للقصيد وعانقه جرحه وتعذيبه


ألى من كان يقطف من صدور المبهمه وده


الى وجه ً تكسر منه بياض القمر خيبه


ألى ذاك اللي يتباهي بشي ٍ ماعرف قده


خذا شاعر تربي من صغر سنه على الهيبه


عطاه شعور من جوفه ولوانه طلب رده


ولا كـــن اخذته كانت سياسه من اساليبه


(بعــد ماحشم افواه البشر وصراخها ضده


عـــرف ان الغلا راسه عذاب ويده مصيبه)


عرفته يالمسا من هو ..هذاك اللي فـ . بحر جده


شكى همه على موجه وبلل دمعته جيبه




؟


 


رد مع اقتباس
قديم 11-02-2011, 05:43 PM   #3


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي حنا روله والوقت خط بسجله









~*¤ô§ô¤*~ الــوحــش ~*¤ô§ô¤*~




من حقي افخر دام مافيه زله


شاعر ويفخر وافخــري ياقصيده



حنا من الويـــلان وبـــلا ادله


سلايل الــويلان ما حنــا عبيده



نسل عنزه نســل الكرام الأجله


نسل الفخر نســل السيوف البليده



يوم ٍ كل ٍ يعتزي بعـــزوة لــــــه


أنا اعتزي برويــل عزوه فريده



ياعزوتي ياسيف محمي بضــله


ياعزوتي وقت الرخى والشديده



أليــا انتخيت وشفت بالكــون عله


تجي مثل سحب ٍ مداها بعــيده



حنــــا روله والوقت خط بسجله


وأشرس قبيله تنحدر من بديده



شعارنا للطيب مجلس ودلـــه


وشعارنا للموت زند الحديده



وليا زعلنا يرجف الكون كـــله


تخضع لنا كل الخشوم العنيده



نحيا بعزه ولا نمـــوت بـ مذله


ويا حبنا لشــر وقت الوقيده



الله خلــــــقنا لصعب نستحله


وكفوفنا ماتقطف الأ البعيـــده



والضـــيف لا منه تـــباشر بحله


لوهو عدو يلقى الوجيه السعيده



اقلوبنا ما خافت الأ من الله


وغير الاآله أن ثــــــار نلعن كديده



عدونا والسيف فوقه نسله


غصب ٍ على أنفه نمشيه ســـيده



يموت في قهره وبغضه وغله


ويبطي ولا يقدر يرجع فقيده



بالمعركه واللي نشله .. نشله


نجي وحوش ويل من هو نصيده



مطلوبنا راس العدو من محله


ما نتركه ألين نشرب وريــده



وأصغر رويلي لا بدى الحرب خله


يقدر يواجه عكف الاشناب بيده



تــــاريخنا محشوم عن كل زله


وافعــــالنا بين القبايل مجـــيده



حـــنا روله واللــي تعـــقد نحله


وأذا الشـــجاعه جد حنـــا حفيده







 


رد مع اقتباس
قديم 11-02-2011, 05:48 PM   #4


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي ميت عطش واشرب مواريد سمي











~*¤ô§ô¤*~ ميــت عطـ...ـش ~*¤ô§ô¤*~




ميت عطــش وإشرب مواريد سمـي


لاتلومني ماني مع النـاس شـارب


الدمــــع لامـن طـاح يسنـده كمـي


لـو ان دمــــعـي مايواليـــه مـآرب


الله خلـــــقنـي إحمـــل جمـــوع همـي


وإستر لو ان الــهم ...جيش ..ومحـارب


خلف ..خلف وإن قلت لك ( لد يمي )


ترا القرايب كـــل إبوهـم عقــــــار....


شوف الشعر لو إندهه بابـن عمـي


لاتــــلومنـي بعـد الإلـم والتجـارب


وشوف البشر لو كلهم عـرق دمـي


باقولهم .......يالعنبواا هالشوا....؟


 


رد مع اقتباس
قديم 11-02-2011, 05:50 PM   #5


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي ان جلس قبالها صرت اللعوب







~*¤ô§ô¤*~ الــكـــــــوب ~*¤ô§ô¤*~





أن جلست قبالها صرت اللعوب


اقترب واحـاول ألمـس كمهـا


وان تبسم ثغرها وين الهـروب


وأن حكت والله ماني يمهـا!!!


وان بغيتوا الحق تفكيري جنوب


بس اناظـر واتحلـى ..فمهـا


ياعذابي كل ماعضـت بكـوب


ترخي الشفه !! ونوب تضمهـا


واشهد ان الكوب بشفاها يذوب


كنه اللي شـارب ٍ مـن سمهـا


وان مشت دايم يعاندها الهبوب


مـا الومـه دام هـب ولمهـا


والورود اللـي بكفيهـا يتـوب


ماتشمـه الــورود يشمـهـا


ياعيون ٍ تستديـر بـدوب دوب


تحقـر اللـي بالخفايـا ذمهـا


بنت شيخ وجدها خاض الحروب


والكرم في خالهـا فـي عمهـا


بس انا لاجيتها وابغى شـروب


الوحيد اللي لـو ابغـى دمهـا


هاهي تعذب مشاريـه القلـوب


دام قلبي ماشكى..... ماهمهـا


يوم راحت علمت كـل الـدروب


انـي ادري انـي اكبـر همهـا


دوم اخايل بيتها وقت الغـروب


بيتها والشـارع وبـي ام أهـا


أعذروني لو تجاهلـت الذنـوب


من غلاها صرت انافس { امها }


 


رد مع اقتباس
قديم 11-02-2011, 05:52 PM   #6


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي






~*¤ô§ô¤*~ الــــ سر ~*¤ô§ô¤*~


ضايق ولا أدري وين أوديك ياضيق
مدام قبلك ضيق وبداخلي ضاق

والليله اللي جيت يم المعاليق
لك حشمتك لاكن ترا العذر ينطاق

من وين أببدى دام جتني الطواريق
طعن الصديق . وصمت الأشواق وأفراق

وجور الزمان . وحسد بين المخاليق
وخيانة ٍ طالت على كل ميثااق

يعني بلاش من العهد والمواثيق
مافيه لا وافي ولا فيه صداق

والدمعه اللي يبسة داخلي ريق
طاحت قهر !! من غيم مظلم وبراق

أغياب تشكيه الجبال الشواهيق
شلته بعد عشره ولوعات عشاق

(والسر) لو هز الصدور المغاليق
يبقى بصدري لو شكيته بالأورااق

ياضيق لو ضايقت في داخلي ضيق
لا تلومني مدام هذا الفضا ضاق




 


رد مع اقتباس
قديم 11-02-2011, 05:59 PM   #7


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي مرثيه بالشيخ خلف الاذن









~*¤ô§ô¤*~ رثاء القبور ~*¤ô§ô¤*~





[قــصائد الرثاء للأمــوات :
ولاكنـها تكتب,, لكي تنــال أعجاب الأحـيـاء فقط,]








oـوقف للــمرثيه:







نثُرت هذه المرثيه بـ سمـو إلانسان الذي لن ينساه كـوكب الأرض بأكمله !!
ورغبتي في إهتم ـامي بالقصيده........لكي تنــال أعجاب الأمـوات فق ـط ,,
........فـ حين تقف أمام " قــ بر "
وتنثر قصيده , لتحاول تسميع من كان داخل القبــر ,,
تعلم وتتأكد حينـها أن المستمعين للقصيده ليـسوا إلا { أم ـوات ـ.ـ.وقبور }















[[(هوالشاعروالفارس خَلَفْ الأذن (أبا الشيوخ) "رحمه الله "
لا يقتل الا شيخ قبيلة الخصم و قد قتل تسعة شيوخ،
وهي طريقة الصحابي والقائد المسلم خالد بن الوليد في هز ثقة خصومه)]]





جيتك يا " أعظم " شخص عزه يدينه
يــلي افعــالك ســولفتها الاجــانــيب

يا ابو الشيوخ انت الفخر ونت عينه
والمــجد وبلــياك فعـله اكــاذيــب

يــلي مليت الــكون شـهره ثمــينه
ماهي هيــاط ولابها شك ً وريــب

قبــرك ماهـو مثل الـقبور الدفينه
قــبرك يقــدره الـثرا بالمواجيب

ســيفك.. تعــزيه السـيوف اللعينه
"وخـلفه " تعزيـها خيــول ٍ مطاليب

حــتى الزمـن يبكيك وان قال " وينه "
جاوب عليه من الصدى عوية الذيب

لــو اذكــــر افعــالك واعدد سنينه
أليا سمـــعها ورع يطلع به الشيب

مــاتنـــطح إلاشـيخ وبوقت حينه
يايـــــنذبح ولا دخــيل اللمــعازيب

لاجـــــاك جا للمـوت والله يعـينه
يبكن ً عليه المـترفات الرعابـيب
مــا اقـول انك تلـعنه " دين ينه "

اقـول انك تجـعله حـظ ويخـيب
خلف.. خلف... واللي يقلد. ألينه

يبطي عضم ماراح يلقى مكاسيب
{الــعـــز كـل النــاس تـقدر تهـيـنه

والــطيب كـل ٍ مـقدره فعلة الطيب }
بـس... القهر والمصعبه والغبينه

منهو بسيفه ينطح الموت( ويصيب )
يـــاكم راس ٍ تـــشلعــه من بــطــيــنه

ســيفك...يـشـيل الراس..من دون تعذيب !!
مـــن الـعـراق ألــين عـرعـر وليـنه

مــن حد سوري لــين لبنان والـسيب
مـــــــقــابر شيــوخ فكــرها رزيـنه

دفـــــنتهاااااا من يوم كان مراقيــب
قـــــبرك ولاتـــطريه انــك سجينه

قــــــبرك تباها فيك مايعرف العيب
ورويـــل... تفــخربك مدــينه مدــينه

والــراويه سجــلك بين الــمكاتــيب
والــشاعر اللــي دار بيــنك وبينه

جالك بشر مايعرف الغيب ويغيب
لــو كــان راســك حي قــبل جبينه
يلي بنيت من الفخر عرش يالشيب



 


رد مع اقتباس
قديم 11-02-2011, 06:11 PM   #8


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي الـجهل لامنه سكن داخل الراس



قضيه تحدث في الكثير من البشر الذين يعيشون في العالم الآخر
كتبتها بعد ما شاهدت بإم عيني ,,






وقول المثل
(( الساكت عن الحق شيطان ٍ إخرس ))


ولا إريد الأ الإجر من العلي القدير " سبحانه "











~*¤ô§ô¤*~ الــجهل ~*¤ô§ô¤*~





الـجهل لامنه سكن داخل الراس
والفقر.. فقر ..النفس فقر الاحاسيس
والبخل بخل الروح عن زفر الانفاس
والطـيب يسقـى للغصون الميابيس
واللي يهاب الموت يحذف وينداس
والـحر نسله حـر والهيس من هيس

واللي كسب سمعه وعزه ونوماس
اكيد راعي طيب وراعي نواميس
واصدق شعر لو ينكتب فوق كراس
تلقى القوافي مدمعه بالقرا طـ...يس












باقولـــــهااااا ..مدام الوجيه جلاس
وأصحصح .عيون ٍ غشاها النواعيس
عاشـوا ولا عاشـوا مثـل باقي الناس
الســور طاح ..ولايقــومه تلييس
لاصار ابوهم مازرع زرع غراس
هو لـيه يحـصد دام مابه غواريس
يرعى البهايم بقوة العزم والباس
ويصـبح بوجـه الرخوم المفاطيس
يتعب عشان يكون اعلاف واكياس
ويكرم لهن ويحمس النفس تحميس












س / واذا ســــــــــــــــألته عن سببهن وش الساس ؟



ج /




يقــــــــــول






اضـــم







ا





ل

ق



ر








ش
وقت المفاليس !!!!



خايف يموت من العطش والافلاس
يحسب زمانه من زمن عنتر وقيس
واذا العـلف خلـص تكدر ويحتاس
يبــيع ولده عشان يشري لهن كيس
تايه يحسب انه ملك كل الإجراس
عايــش حــياته بالوهم والكوابيس


((عيــاله اللي مالـقوا منه الاحساس
صـــــــــــــــغااااااااااااااااااااار عن جمـيع كل المقاييــس ))



من


حــــــــــــولهم كل البشر زين ولباس ........










ولاهنت










نفوس







ٍ تربة مع { التيـــس } <::::::<<






لاجبتهم بين البشر جنس ..وجناس
باين وجيه المعذره ..والمناحيس

طموحهم بالامن .عسكر وحراس
وشموخهم مثل شموخ الدنافيس
ابوهم اغلط والغلط راكب الراس
جاهـل وعلـق عزته باللوالـيس
يطمع ونفسه نفس حاقد وبلاس
عباد قرش ونوخه شايب ابليس




ماعــز نسـله ولاملى ميه الكاس
جلده ولوشاف البحر والنسانيس
كنه رحم نسله وثابت على ساس
كذاب وهو مكشوف خلف الكواليس
يحــب يذكر ماضـي فيه جســاس
تـايه فــكر ويتـابع مسلسل ..غليس
الحــق يزعل والشعر صوت حساس
والمــساله فيها من الوضــع تمقيس





يالله ياللــي بامرك يهــب نســاس
يلي بذكـــرك يبــعدن الوســاويس
الرزق عندك ماله حساب وقياس
والخـــوف لك ولاهو لسـيف فريس
احفظني من الهم ووجيه الاعماس
وابعدني عن درب الدنس الجواسيس
وحقـق مطالــب رغبتي وابعد الياس
وعــطني ثقه من بعد هم وتدريـــس
طالبك طلبه لايجي الفاس بالراس
.

.
.
!
دامـــك
إلهي
ماعـــليه من...... ابليس


 


رد مع اقتباس
قديم 16-06-2011, 02:48 PM   #9


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي






{ إيام الدراسه }


ياليل إبقضي كل حياتي تعاليل
خلاص كافي خلني في تعاسه
ياما مسحنا دموعنا بالمناديل
وياما ضحكنا بس وين الوناسه
ياكيف ابضحك دام فيني مواويل
إكذب على نفسي وإجامل أحساسه
إذا خنقته يحكي الدمع ويسيل
واذا حكيته مالي الإ التعاسه
كانت بدايه والبدايه مواصيل
حب وغرام ايام وقت الدراسه
كانت تواصلني وتكتب مراسيل
كانت حنونه ماتحب الشراسه
وليا إتفقنا نلتقي بدون تإجيل
كانت تجيني بكل شوق وحماسه
كنا بزوايا البيت نجلس عن القيل
كانو اهلها يشددون الحراسه
كنا لبعض نتقاسم الهم والويل
عشنا جنون الحب وإحنا إساسه
كن الفضا غنى لنا عين ياليل
ونزاحمه واحساسنا في مقاسه
حبيتها ياليل والله بالحيل
لو الغلا رجال لا إبوس راسه
مرة ثلاث سنين ونعانق سهيل
كانت مشاعرنا تسير بسلاسه
لاكن بدون إسباب وبدون تعليل
راحت وخلت زرعها في يباسه
كرهت نفسي مسكني بالغرابيل
أكل قهر وأشرب من الضيق كاسه
ثم دارت الايام ومعها التهاويل
جاني خبر من ربع ابوها وناسه
واللي لها رجال ومن الرجاجيل
اللي خطبها اليوم تلبس لباسه
قال الخبر ثم راح وانا بلا حيل
دمعي حرق خدي من اسباب ياسه
يعني غلاها صار كذب وتماثيل
إو ان حظي يتصف بإنعكاسه
انا الحزن نفسه وانا للبهاذيل
وانا دموع اللي مودع انفاسه
مدام حظي طاح مالي سوى الليل
ليلي وشعري في حياة التعاسه



________


{ لاتصيح }


دمعة الرجال تفرق بالدموع
كان طاحت من عيونه يستريح
رمش عينه ينتخي عند الخضوع
دمعته لاصار عيت لاتطيح
عاد خذها وانحدر بعد الطلوع
مثل دمعة بلة الرمش وتزيح
تنولد من اول العين وتفوع
من ضياق العين تقبل للفسيح
كان طاحت بالثرى مافيه جوع
مالقت مجلاس بالكف الشحيح
تنتظر والوقت عدى بالسبوع
حظها يا بالنفل ولابشيح
يمكن اسقت بالجذور وبالفروع
ويتشربها غصن ويهب ريح
والغصن يغتاله الفاس القطوع
وبالغصن تبقى وتسكن لاتصيح
انكساره للحطب لنار طوع
واللهب شبابه الوجه الفليح
وانت فيها تنحرق وتزيد لوع
لاحرقتك زود بيجيني مديح
لجل وافين الجماعه والربوع
باتركك ماصح لي غير الصحيح
أسأل امك عن خوالك باي نوع
كان صاحت ما الومك لو تصيح
مثلك اللي طمعته في حب كوع
ويل منهو صار في يدك جريح
التعب لاجيت ماجيت القنوع
وان بغيت بلهجتي فيها فصيح
السيوف انكان ماهي بالضلوع
المهم اخطت على راس النطيح


________



{ السر 2 }



قال شوف إصابعك ماهي سوى
قلت شوف الحين صارت لي سوى
صاحبي اذا الاوادم تختلف
لاكن كل انسان يفعل مانوى
لاحظ مطاليب البشر في هالزمن
من بعدها تفهم دفين المحتوى
الحقد وافواه الحواسد والطمع
واكبر دليل المصطفى مما روى
عاد انت تدري ما اجامل استمع
لنسان جرب من بعد ما انكوى
الصادق اللي جرب الدنيا إذا
ياينعزل ولايفضفض للهوى
ياني تعبت وتعبتني سالفه
ماجيت ابيح وجيتلك ذيب عوا
سرا ً دفنته بالضلوع ومختبي
واكتمه من اجل الوفاء والمستوى
ماضنتي بلقى شبيه المترفه
اللي عيوني في محاجرها روى
الجادل اقفت واتركتني واعترف
اني ندمت وحيل جسمي ماقوى
إدري وصدري للهموم وللقهر
وإن طولت ياني اباكل لي هوى


__________


{ لسى فاكر }



شد حيلك واحفظ دروسك واذا بتذاكر
اكتب اسمي بالكتاب ولايتعدى يدك
اختبارك صعب ياربي تزين باكر
بس قبل اقفل الجوال وقف حدك
صفك وطلاب صفك تتحد وتجاكر
ياغلا ابغاك تحرقهم تراهم ضدك
الكتاب وقصة الراعي وذيب ماكر
صار علم المدرس ما عل حدى قدك
انت نعمه جابها ربي وانا له شاكر
بشكر الله دوم حتى مايبدي صدك
لانجحت ان كان تجحد مانت ليه ناكر
البشاره لي انا من قبل ابوك وجدك
احتكركتك يانهاية امنيات الحاكر
اسف إني ما أود إلا يوده ودك
بقفل الجوال لاكن غن لسى فاكر
ولك وعد مني اذا جيتك ابوس خدك







.


 


رد مع اقتباس
قديم 16-06-2011, 02:51 PM   #10


الصورة الرمزية سليمان بن عشيان
سليمان بن عشيان غير متواجد حالياً

بيانات اضافيه [ + ]
 رقم العضوية : 1232
 تاريخ التسجيل :  Oct 2010
 أخر زيارة : 01-11-2013 (08:53 AM)
 المشاركات : 120 [ + ]
 التقييم :  10
لوني المفضل : Cadetblue
افتراضي



{ الموته }


يامكسر خاطري بالله خل العاده
الخاطر اللي تكسره يجبر كسير بيوته
يعني عرفت اني عطيتك شي ماتعتاده
طيب تعال لخافقي وادخل عليه وفوته
كلن يقول انا احبك والغلا لوساده
لو كل من هو قالها يشرط عليه الموته
لاكان مانسمع لها من بوح ريم وغاده
ولا حفظنا نطقها ولا بقت مثبوته
ولا انا طبعي مثل طبع الملوك القاده
تحكم دول لجل الزمن واسماءها المنحوته
إموت في موت ٍ يموتني بعد وزياده
في موتتك موتي وموت الموت يا تابوته
هذا انا قدام عينك لهفتي ومراده
صدري تزاحم بالنفس والمعذره من كوته
لبى عيونك في سجود أهدابها بأعباده
والحاجبين اللي تكبر فوقها مبخوته
وشفاك لاعضضتها بفمك تجي وراده
بلل طرفها لسانك الذايب وسقى توته
الصدر ماهو مستحق ليا زهى بقلاده
من فوقه اهبال الدلع من اسفله بسكوته
فل الجدايل واعتدل لاتعلم القصاده
مالوم لو عقاب يبكي من مفارق نوته
من جيتني والضيق سجل مصرع استشهاده
في معركه بين الغلا والحسره المكبوته
لاتلوم دمعي لانزل من موطنه وبلاده
يحسد عيوني شوفها ثم تستحي وتشوته
لاتلومني لاعاكستني شهقتي وفواده
تبغى تعبر لاكن البحه تكسر صوته
ولاتلومني لامات مبسم ناظري في مهاده
دام الامل بنته يخاف تعذب البنوته
ماجيت ادور حشمتي في مجلسه وشداده
ولاني مقدر ضحكتي في ملتهى بالوته
أما تبشر فرحتي في ضمتك وعناده
ولا اضم الموت في موتتك ياتابوته





______



{ الغرفه }



إذا إنتصف ليلي على حد مسراي
وعم السكون بكل شارع وحاره
هداوته ماتسمح لعازف الناي
ان ماغفى يدري على نوم جاره
والجو نصفه برد والاخر دفاي
احيان ابتحرى بفمي بخاره
اسري لغرفه مابها غير مركاي
والباقيه ماشفت فيها اثاره
غرفه وفيها جو ماهو بهاواي
تفج صدري لين افل الستاره
يالعنها لاصرت اعدد بذكراي
حتى الحزن بطريه تاره وتاره
الخاطر اللي روقه كاسه الشاي
وان مانفع يلقى بشب الزقاره
عكسه انا بلقى بهمي وبلاوي
كل السعاده واسمعوا للعباره
الهم صارحنى واذا الهم معناي
الضحكه اللي بعد همي خساره
وبخافقي ضيقه ولاهي من اخطاي
يبقى معه والنار ناري وناره
لولا اله وبعد لولاه لولاي
لاكان غيري طامع بانكساره
ياكثر حسادي وياقل اعداي
وياعنفهم لاصار فيني شطاره
اشكر عدوي واشكره بعد مولي
لو كان دربي يختلف عن مساره
لنه من اسباب انتصارات مشهاي
ولنه عدو بعاكسه بنحداره
الا يطعني ماطعن غير بقفاي
وانا اندفع مع كل طعنه اشاره
يعني بعاند له وانا كاسب ارضاي
برضي طموحي واعترف بالمهاره
والغرفه اللي ماتمثل زواياي
ماني بقارنها بحجم العماره
لاجيتها فليت حزني من اقصاي
بالذات لاطفيت ظو إلاناره
اعدد اللي راح واراقب الجاي
واللي يجي باستقبله بانتصاره
والجرح يحيا لن ماعندي دواي
ودواي يتعب خافقي بانتضاره
جرح يجيني من فعايل سواياي
يحيه ربي لالفى يم داره
لنه معي بإول بدايات مبداي
عيا يعودني بقطع الزياره
ياليت كل جروح صدري بمخباي
من شان يديني عليها الإداره







.


 


رد مع اقتباس
إضافة رد


الذين يشاهدون محتوى الموضوع الآن : 5 ( الأعضاء 0 والزوار 5)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:54 AM.


Powered by vBulletin Version 3.8.7
Copyright ©2000 - 2017, Jelsoft Enterprises Ltd Trans
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education