ديوان الشاعر/ زاحـــــــم بن نومـــــس

بسم الله الرحمن الرحيم اخواني أعضاء وزوار شبكة مضايف قبيلة اعنزه بأسمي وبأسم الاخ الشاعر القدير/ زاحم بن نومس احييكم با اجمل تحيه .... السلام عليكم ورحمة الله وبركاته تم بحمد الله افتتاح ديوان الشاعر / زاحم بن نومس واللذي يشمل جميع قصائده النبطيه شاعر غني عن التعريف اعطى لشعر والقصيده النبطيه حقها ويعتبر من اعلام الشعر في الساحه الخليجيه والعربيه نشرت اكثر قصائده في الصحف ومواقع الشبكه العنكبوتيه له حظور مميز دائماً بين الشعراء لجزالته وتمكنه نحن هنا نفتخر بوجود رجل و شاعر بهذا الحجم اترككم بهذا المتصفح الزاهر في ديوان العملاق ابو زاهي متمنياً لكم وقتاً سعيداً لكم مني أطيب وأجمل تحيه أخوكم / زايد الدغماني جزل القصيد مابالشعر عز(ن) ومابالشعر فود = كاني وقفت بموقف (ن) ما وقفلي ان كان ماهو سيف بالوقت مجرود = ومن ندّر إجزال المعاني صرفلي والله ماأفاخر به ولا أقول به زود = ولا قول ياحرفي عن الوقت شفلي لاكن قصيدي له مواثيق وعهود = وغصب على جزل القصيد انعسفلي انا قصيدي يعكس الوضح والسود= بالنايبات ان مافعل ما زحفلي لنساقلي طاروق مع هبت النود = معناه مع كل اتجاه أنحرفلي في وقت ينقص جم حامد ومحمود = من بحر جزلات البحور أيغرفلي بحري سماه يسوق براق ورعود = وإله الشرف وانا الصحيح الشرف لي بنات فكري مالهن عني أصدود = الكل منهن لابغيت أتهنفلي عوبٍ (ن) مواليف معيفات واصدود =فرايدٍ (ن) قبل الحلوف اتحلفلي يا صاحبي خذها من القاف بركود = بالحق راع المعرفه يعترفلي الصديق الحميم مرحبا والروى مفهوم غير الروي=والبحر ماهدى لجل المدى يستقيم وجهك ابيض وقلبك لنقى يحتوي=بوحك اللي عكس روح الصديق الحميم جاك صوتي سوات السيل يدوي دوي=وأحمد الله مع اهل الطيب مجدي قديم وان عذرتك يابن وايل عذرت اسموي=والصديق الصدوق يخاطبك بالصميم بالدسم مايدس السم قلب أحموي=وكانها من فوات الحرص خثعت عديم قوة أيماننا مد الكريم القوي=ومن يطيع العظيم يصير رجلٍ عظيم قالو الحر طعمه مر ماينشوي=قلت انا والخوي يفرق نديم ونديم وقبل لا طبخة المعنى بهدو تستوي=قلت انا زندك الايمن أذا الجو غيم بس لا تشكي من الوقت لا ياخوي=بإذن ربي مايلحقك ان تعزويت ضيم مرباع القصيد على الأطلال واقف احسب الأيام والأيام = سنين العمر تجري ما رجع لي ماتمنيته على ذكراه عايش والهقاوي تبني الأحلام = عسى الله مايخيّب هقوتي باللي تهقويته أعيش العمر رحله والعزاوي صوتها دووام = تلج إبها المحاني وأخذ من الصمت توريته أنا ماني بجاهل !! أتجاهل وألعن الأوهام = واسوق الكيف كيفي غير كيفي ما تقهويته انا يا شرهتي رجال مارضا خوة الأقزام = انا عضد الشجيع ابن الكريم الذايع ابصيته مثل من له معانا طاري الأجواد والأكرام = ابن هذال مرباع القصيد الشامخ ابيته يلج الحرف ياصوت الوفاء وتلبي الأقلام = ويبين الصدق بحروف القصيد اليا تهجيته وانا والله ماخلد بالقصيد الا كفو وحشام = قصيدي وان قصر عن مدح طيب ما تبنيته ياالاطرق وين ماودك تيمم لك سند وحزام = تعزي طيب السيره فعوله لا تعزويته مثل ما تفتخر دولة مصر في شامخ الأهرام = ابن هذال فخرٍ لعنزه وان كان نبيته هنا مربط فرس !! الا هنا صوت وصهيل أكرام = هنا لحظة وفاء !! الا هنا صوتك ولبيته من لا يثمن كلمته اقولها وان قلت كلمه والله اني قدها = احمي حماها ذات من ذاتي اموت ولا تهان اردها جمله واقول لمن سمعها ردها = من لا يثمن كلمته عيب وحسافه به لسان والقول مده مثل طيب مدته ماردها = وأحيان كلمه تجعل الرجال له قدراً وشان واليا اختلط في منطقي حمض العلوم وجدها = برهان علمي روعته في ماتظمنه البيان ماكل كلمه نستحي منها يقلك بدها = الكلمه اللي يرتفع راسي بها نعم الرهان وإن زاد بوحي للقصيده مايبيح سدها = أطلق عنانك يالخيال حروفها سرج وعنان قل للظروف اللي تخذل الحر يلعن جدها = ماراح تكسرني طلبت الله عليها المستعان لو ودها كسري كسر ماني على ماودها = أعلن عليها الحرب شعواء مادخل فيها جبان الانتظار لجل أنتظرت اصحىا على احلى حلم نمت = واحلى حلم مر أن حسبت الثواني تجري ليال العمر كن أني انجمت = لا الوقت ناطرني ولا النجم باني وظاعت اسنين العمر كني بها صمت = وانا ادري ان العمر لو طال فاني والصبر أمر من الصبر مره اطعمت = اروي ظماه وبالعطش مارواني والانتظار الموت طال وتألمت = ارق ملل الله يعين المحاني وصحيت لا حلمي تحقق ولا شمت = لا الحلم حلم ولا زماني زماني كنت انتظر لين انكسر حاجز الصمت = للصوت مليت انتظار الاماني جرح المواني يابحر لو ترنمت = هالموج جرح اكبر من اللي نعاني قال المراكب سافرت قلت ماافهمت = والمر راكب موحشات المواني لوحت راحت بالبحر بعتها وعمت = للبحر عشق احن له لو نساني وابحرت لعيون اللآلي وقاومت = والبحر اعرف ان مارميته رماني وسافرت مع شارد خيالي وبه همت = في نشوة التفكير الأبعد خذاني لي عالمي في سجة الفكر له رمت = اعجبه يعجبني ولي به معاني احلى وطن فضاء الخيال ان تكلمت = اعيش به واعيش له في كياني وطن لغيره ما بقلبي تبسمت = اعشقه واعشق فيه معنى التفاني به شاعريه سحر فيها تيتمت = فيه انطلق تحليق فكري احصاني وبعالمي عالم غريب وتوسمت = عالم به التسبيح كل الاغاني وان عرج التفكير وبالواقع اصدمت = فأنا بشر مجبور مهما جفاني ولجل انتظرت احلى حلم ما بعد نمت = بأضل لو طول حساب الثواني

تهنئة قلب وللسان بسم الله ابدأ واهتدي عالم الشان = منه وعليه ارجي المدد والمعونه وازكى صلاة الله على نسل عدنان = بأبي هو وامي متى يذكرونه أما بعد وقت الشعر والفخر حان = والصد في بعض المواقف مهونه تداحم الشعار حضر(ن) وبدوان = كلن يريد الطيبه هي الحونه وقام ايتزاحم داخلي تقل بركان = شعراً تميز فيه لهجة شجونه جاء يعتزي لعيون حضرة كحيلان = فرحة عيون اللي تقدر عيونه يزها الشعر مدحه وتزهاه الاوزان = مسك وشهد وأجمل من الثلج لونه يستاهل التبجيل شكراً وعرفان = هداج تيماء ري من ياردونه سلطان من مثله على اسمه ليا بان = الباسم الحازم شموخ وليونه وجيت بشعور المنتصر فز نشوان = من خلد اسمه للملاء يذكرونه ابي قصب سبق القصايد بسلطان = لو ما وفيته مدح ما اصد دونه ياسيدي بصدق عبارات الانسان = من هاجسن قافه مثبت اركونه بسم القلوب اللي لها الحب عنوان = وبسم اليتامى لليدين الحنونه وبأسماء عبارة تهنئة قلب والسان = يزفها شعباً كبيره ضنونه حمدن على سلامتك بر وأحسان = يابو الحساني سالماً من طعونه فرحة شفاك من المرض مالها أثمان = للي مفاهيم الوفاء يحفظونه ناس دعولك بالشفاء سر وأعلان = بوضح النوايا مثل مايعلنونه فرحة شفاك اصدق دليلن وبرهان = بوجيههم يوم اللقاء يرقبونه ونعلن ولانا والفداء دون الاوطان = في صف واحد لين تأمن حصونه عهد سبق منا يماني وايمان = ونبرى لرب الكون ممن يخونه ياسيدي كم عدل السيف شامان = وكم راس شراً طيره من متونه كانه غدر ببلادنا نذل خوان = وكشر عن انياب الغدر في سنونه في قوة الحق انطغى كل طغيان = نسحق فلول الشر لو يمكرونه دون الشريعه ننذر الروح بإيمان = حتى رصيد افكاراهم ينبذونه حنا نعيش احرار من ماض الازمان = وعبيد لرحمن فضل ومنونه وفينا التراحم لننا بديننا أخوان = و فينا التكامل كانهم يجهلونه وفينا الوفاء والصدق لدين برهان = وفينا احترام اخلاقنا يعرفونه وفي شرعنا زوداً على العدل الاحسان = ماهو شعاراً للعداء يروجونه وكان اتهمنا اعلامهم ظلم الانسان = بحدث ذرايعهم بشاعة رعونه قالو لدينا ظلم زوراً وبهتان = ضحكن على السذج بما يعرضونه مايخدع المؤمن لتأليب عدوان = تباً لمن قال العداء ينصفونه الظلم شوف الطفل بالقدس ينهان = وقهر العراق اللي تبات مغبونه دولـــة الاســـلام ياإللهي لا إله إلا انت وانت البادي = ياعظيماً تستحق الحمد يالمعبودي رب تهديني لقول الحق و انت الهادي = من لغط اللسان مجهد لم يكن مقصودي ياإللهي تحفظ ابلادي من الحسادي = آمنه دامه بنعمة هالأمن محسودي بعد بانة نية الغد بهدف وأبعادي = لا أمن !! لمن؟ بترويع أمننا مقصودي وإن تحدانا العدو زدنا ثقه وأعنادي = والنصر للدين أذا عمر البشر محدودي قوة الايمان بالله قوتك يابلادي = والشعار برايتك توحيدنا المعهودي أبشري ياأمي يارضي يابلاد اجدادي =دونك لترخص دمنا في نهار الكودي السلاح اروحنا وأقلوبنا إله أزنادي = رب سدد رمينا زدنا ثقه وصمودي الوطن بالدم نفدي تربته ونفادي = لين يصبح دمنا ضد العدو بارودي دولة الاسلام زودي عدة وعتادي = لا يهمك بالكلام مزايد ابلا فودي بعد وحدها المؤسس ثبّت الاعمادي = قام يتفقد فقرها والعباد أرقودي حين قام بدعوة التجديد والارشادي = مده الله بالنصر والله عظيم الجودي ومن هنا كانت بداية سودة الاسيادي =بل هنا كان القرار بنصرته مسنودي ورفرف اشعاراً عرف بالعز والامجادي = يقترن به من بدا الاسلام إلي آل سعودي سره الحق المبين العون والامدادي = قوة للعدل تسعى ما عنه منشودي وفي قدوم أميرنا المحبوب حفل أعيادي = زغرت الشعر الجزيل ورحب الف وزودي مرحبا ياسيدي سلطان صوتي شادي = في لسان الجيش أرحب في عرين أسودي مرحبا بك يابو خالد مرحباً ينقادي = مرحبا بك هيل عد السيل من مجهودي عطرها ذعذاع طيبا مثل ريح الكادي = وانت تستاهل ولا نوفيك مهما نزودي مرحبا ينساق لك فنجال زاد اقنادي = ما يساق إلا لبو خالد ماعنه اصدودي شاعر يصدح بصوت الوايلي بالمادي = يعلن الموقف ببيعه للولاء وعهودي والعزاوي الوايليه حس خيل أكرادي = بالمواقف الله الشاهد وخير اشهودي نحمل الرايه مع التهليل خير اسنادي = ونحتميها بإذن ربي بالليال السودي والقبايل كلها فيها الولاء معتادي = والعرب بأفعالها تاريخها محمودي أعلنوها اشيوخها والشعر له قصادي = ومثلوها بالمحافل واللواء معقودي بالجنوب وبالحجاز وشرقنا المتهادي = وبالشمال وغربها تقل الصفوف احيودي كلنا في صف واحد ماخبرت احيادي = كل منا يفتخر يوم المسماء سعودي مسلمين أحرار بالفطره من الميلادي = وكل حر مارضا في عيشته مضهودي صوتنا مرفوع ماناد لصلاه منادي = ولا نبي حرية والنقص فيها الزودي والسلام إليا قبلنا به ذخرنا اجهادي = ولا رضينا تفرض الأفكار لجل ايهودي كان تغيير المبادي حكم استبدادي = عن قيمنا ما عطينا سمع للتلمودي وكانهم بأعلامهم قامو بحرب احقادي = الثقه بالله وبنفسنا ثقتنا تزودي قافلتنا سايره لو كلبهم هدادي = انبحي ياكلابهم عنا بعيد وعودي الحقائق ما يغيرها الحكي لو زادي = ومن نقدنا ما يعرف العيب والمنقودي أرضنا اقدس شعبنا اعرق والصحيح امرادي = وكان زادو غي زدنا والنقى مردودي ماظلمنا وإن ظلمنا الغير قلنا غادي = ثم علمناه درس الحسم لطم خدودي نحمد الله كيدهم مخذول لبس احدادي = حية تموت فمها بالرمل مسدودي صفنا واحد وسور الدار جيش ابلادي = ما نخاف ورايته شعارنا المعهودي الغضب العضب مرجعه يوم الغضب=وش يفيد التظاهر والصياح يدفع اطفال في وجه اللهب=وبعد هذا نعود للنياح كل شي أخذ منا غصب=ينّوخذ غصب في عزم وكفاح حكي نص العرب كذب بكذب=قمة قمة مابها صلاح ياصلاح العرب ما من عرب=كل موطن لنا فيه اجتياح والشعب ضاع في لعبة نصب= والرموز بخدر حتى الصباح التقارير تحجبها حجب=والقرارات ادراج الرياح لم يعد شي في صورة شعب=لم يعد كل شيٍ مستباح مانسينا عناقيد الغضب=وقبلها القدس واللي راح راح وغزه اليوم في وضعن صعب=انصروها قبل لا تستباح ماطلبونا دنانير وذهب=مدو الشعب بنواع السلاح

ياأمي الارض أحبك بر وإبنك شهم = ياأغلى ثرى ياوطن روحي وروح الخليل
يقدس ترابٍ حباه الله بأطهر حرم = بالدم نفديك والموت لعيونك قليل
ياأعظم شعاراً رفع بالكون وأعظم علم = ياراية العز حبي لشهاده دليل
داراً رسمنا معالمها محبة رسم = بقلوبنا مالها فوق البسيطه مثيل
ياأمي لك أمه جعلها الله خير الأمم = وشعبك يجسد بوقفاته ثبات الأصيل
أعزنا الله بالاسلام سيف وقلم = ونوراً ملاء الكون في هدي الحكيم الجليل
حنا هل الارض والتاريخ وأهل القيم = عاداتنا من دماء أعدانا شفاة الغليل
ياخالق الخلق في مشيته من عدم = الله حسيبي على الظالم ونعم الوكيل
تبت يد الغدر كم حاول بخبث يهدم = صرحاً تنعم بخيراته زماناً طويل
ماينكر الفضل رجلاً فيه دين وشيم = بالدين الأحسان لأهل الفضل رد الجميل
يا من تسلحت مع غدرك حزام ولغم = أقبح من عقوق الأم أغرب من المستحيل
أعلنت حربك ولا لك غير لطم الخشم = شعب الحرمين مايقبل بغدر وعميل
والا انت خارج من الاجماع مثل السهم = تلبس عمامة هلك تُقياء وراسك هبيل
شرذمةً كيدها في جهلها يصتدم = شيطان كيده ضعيف يموت صاغر ذليل
بالحق فكر الضلال وشلته تنهزم = وفي نور صافي العقيده كل جهلاً يزيل
وبعد الهزيمه تبي بكره تعظ الندم = لذل ذيل وتجرجر من هزيمتك ذيل
يالقاده اللي علو بالمجد أعلى القمم = من ينصر الله نعم ربي بنصره كفيل
الله حمى المملكة وأسبغ عليها النعم = الفضل لله ماعاشت بمنت بخيل
بقيادة اللي على المله يصون الذمم = وشعباً على الوحي بايع جيل من بعد جيل
مليكنا خادم البيتين سقم الخصم = مايوفي المدح مدحه لو هدر تقل سيل
في خُلق راقي ولطف للشموخ إحترم = به فلسفة قايد ملهم ومنطق جزيل
يحفل بتاريخه التاريخ مجد وكرم = بالجد جد الملوك وبالرخى سلسبيل
أمر وحنا نقول أبشر وسم ونعم = نصير كاهل لعبدالله لو ارهقه شيل
ولك ياأمي الارض كل الحب وإبنك شهم = ياأغلى ثرى ياوطن روحي وروح الخليل

ديوان يستحق المتابعه والزياره في كل وقت

قصائد كالدرر من شاعر عملاق وغني عن التعريف


ابو زاهي

صح لسانك لين ترضى

المشاركة الأصلية كتبت بواسطة الاطرق بن بدر الهذال

ديوان يستحق المتابعه والزياره في كل وقت

قصائد كالدرر من شاعر عملاق وغني عن التعريف


ابو زاهي

صح لسانك لين ترضى

مرحبا ومسهلا اخوي القدير الأطرق بن بدر آل هذال

الف شكر لك ولمرورك العزيز يابو سلطان

ولوانه مغلق مرورك ماهو عادي لاعدمتك

وشهادتك وسام على صدري

لا خلا ولا عدم

فائق ودي وتقديري لك

بذكر العظيم ابتدي بالجواب = الا جل شان الكريم الولي
وعلى من صدح وحي فصل الخطاب = صلاة وسلامي عسى يقبلي
سعودي عزيز ومهاب الجناب = بطولات وأمجاد سيرة هلي
وصلنا بالامجاد فوق السحاب = ولا نقبل الا المكان العلي
لنا الفخر دستورنا أقدس كتاب = وصافي الرساله لنا منهلي
ومن مثلنا باللقاء مايهاب = وأملنا الشهاده رضا المعتلي
لنا قادةٍ يعسفون الصعاب = دهاءٍ يروض به الجفلي
حَراراً لهم عاليات الهضاب = ولهم فخر تاريخنا الأولي
نعم حلمنا المجد في كل باب = نحث الخطاء والعزوم اصملي
ولنا مايشرف من الانتساب = وكرمنا تقرب لمخرج ملي

ياصوت وجداني شعر لحظة الهام=سحر الخيال ابداع سر الاثاره
غنيت دوّن مازهى حبر الاقلام=جزل المعاني في جزيل العباره
ماترجم احساسي وفي خاطري هام=وما قرر الفكر بتمعن قراره
جميل ماخلد به ارموز واعلام=كل(ن) حسب فهمه وحسب اقتداره
وإن كانه استفتاء فلا يعني ارغام=وانا مني مجبور اعبي استماره
بعض الحقائق صعب يجهلها الاعلام=ولاتنحجب شمس الضحى با الستاره
والشعر لامنه ثنى مابه اوهام=مثل الشجاع اللي يرد اعتباره
ون قلت لي رشحت شخصية العام=تدري من اللي يستحق بجداره
شهماً شجاع حر مسطور ضرغام=نبهاً نزيهاً به دهاء ونماره
به غيرة احمياء وبه هيبة اكرام=وحرارة محيا بنادر حراره
سطّر من الامجاد ماكاد الارقام=ويبين بخلاص وشموخ وقاره
شجاعةٍ با الحق في هدي الاسلام=منه استمد العون واصل الطهاره
طيب الفعول اللي على صدره وسام=تشهد لمدح اللي وفاه استثاره
من مثل عبدالله للانجاز مقدام=ومن مثل ابو متعب بحلم وجساره
ومن مثله اللي با العفو يصدر احكام=ومن مثله اللي للمكارم مناره
ومن مثله اللي للعرب درع وحزام =وبا الذكر والقران يبداء حواره
ومن مثله ادهش منطقه ناسٍ افهام=ومن مثل عبدالله تكفيه اشاره
ياخادم البيتين فينا الولاء دام=با الدم لك بيعه وبا الدين اماره
شعبك معك قدام قدام قدام=حرب وسلام المجد لك والحضاره
ون عودت ترشيح شخصية العام= حضرت ملكنا يستحق بجداره

أهداء غالي وعزيز من اخوي القدير عبدالكريم ابو زهره

الذي يعجز اللسان عن شكره على ماغمرني به من هذا الأهداء الذي

سررت بهي كثيرا فله من الشكر اجزله ومن الود اعظمه

شكرا عبدالكريم ابو زهره

بسم الله الرحمن الرحيم اخواني اخواتي اعضاء مضايف قبيلة عنزه السلام عليكم ورحمة الله وبركاته يشرفني ان اضع بين ايديكم هذه القصيده التي تشرفت بالقائها امام صاحب السمو الملكي الأمير سلطان بن عبدالعزيز آل سعود ولي العهد ووزير الدفاع والطيران والمفتش العام بأحد زياراته للمنطقه الشماليه هلا والله بسلطان الدفاع ورمز عز الدار = هلا وأمية هلا ملي القلوب من الوفاء تقدير هلا حق الأخوة بالله اللي يعلم الأسرار = هلا حق الولاء لولاة الأمر بصادق التعبير هلا حق المروه بالرجال لوافي الأشبار = هلا ترحيبة الأجواد وأكرام الكرام ايجير هلا بنسل الحرار اللي لهم هيبة وشاح وقار = وشاح العز لبسه سيدي من يوم كان اصغير وانا اقول الشعر سيف الكلام ابطاله الشعار = على يمنى ابو خالد ذاخره واللي يصير ايصير وحنا اخوان من طاع الولي ونطوع الفجار = وحنا احفاد ابو بكر وعمر واحفاد جيل الخير وحنا عزنا الله بالشريعه سنة المختار = ولا عزه لنا في غير الأسلام ان جحده الغير على نهج النبي خير البريه هازم الكفار = لنا فيه اسوةٍ حسنه هو الرحمه هو النذير وحنا في سبيل الله جنود وللحدود اسوار = على اجثثنا يهز الأمن ياللي خانه التقدير نذرنا الروح من دون العقيده والوطن والجار = بدستور المحجه رآية بيضاء بلا تزوير وحنا أحرار بالمنهج وبالتفكير والأفكار = ولا نقبل بحرية شعوباً تفرض التغيير ونعلن رفضنا الأرهاب والخوان والغدار = خفافيش الظلام من الجبانه حربهم تفجير أرادو هدم بنيان الشموخ بدون ذنب أو ثار = تخفوا في لاباس الدين لكن فعلهم تدمير من اللي يضرب أمه دآم الأرض أم وهواء الأحرار = الأرض الأم والعرض النزيه بروعة التصوير وأذا زادو بحرب أبلادنا زدنا ثقه وأصرار = وأذا كفو جنحنا لسلام نواصل التطوير مثل ماقال عبدالله وصارة للجميع اشعار = ما نقبل من يساوم بالوطن والدين مهما يصير

الحمد لله مانتبع حديث الظنون = والفضل لله ماسارت وحللت اخطاي
قلبي دليلي وانا مؤمن مع المؤمنون = وكافر بأهل النوايا والحسد وبغضاي
عاقل وعقلي معي واكره اعيش بجنون = واعرف طريقي وافرق بين عدلي وخطاي
اقدم الطيبه واصدق مع الصادقون = ولا ارافق يكود اخيار قوم اشبهاي
لكن وقتي يبي مني وناسي يبون = اعيش مع عالمن مايفهمون لغاي
وحصلت بالدرب عالم جلهم يخدعون = ان جاني يضحك معي وان راح يبحث خفاي
وزعت طيبي وفاء لعلهم يحصدون = ياطالبين المعزه وين هم ازبناي
لاكنهم خالفوني دون لا يحسبون = قدري ومعنى معزتهم وصادق غلاي
ياصاحبي والحقائق واضحه للعيون = ابصر بعينك تشوف الحق واكسب رضاي
لا تحسبني اجامل بالخطاء من يكون = انا كذا صاحبك مارضا تغشك اعداي
ياكثر ماقلت لك مني يبي يتعبون = اعداي تبطي عظم ماجابت اقصى مداي
انت اتعرفني ماخونك كيف ترضا تخون = عهدي وصدقي معك ماكان هذا مهقاي
عجلت في زلتك ياللي علينا تمون = الله يسامحك مااستاهل ماهذا جزاي
مع السلامه وتلقى خير ولا تهون = وانا عليه اصون العهد واحمي ولاي
ولاي لطيب الرجال اللي علي يشرهون = والا انت قاتل لشرهاتي ولا لك معاي
غير الحشيمه لناسك لأجلهم تكرمون = من شانهم شحت عنك روح جعلك فداي
ولو حاولو بالردى اهل الردى يخسؤون = مازادني من رداهم غير كره لرداي
اعف واسمح لهم لعلهم يخجلون = من كره بيض النوايا ضاق فيهم سماي
عزاي انا بالبقى محاربة كل هون = وعزاهم ايحاربوني في اعز اصدقاي
ماكنت اضن الوفاء ضايع وعايش بدون = حتى لقيت اغلب العالم تحارب وفاي

ماانته بحمل المشاريـه الكبـار العظـام=ياراعي الموقف اللي بيـن عـدلاً وميـل
ماهو بانا اللي يجي ان ما حضى بهتمـام=الله ولا قربـة اللـي مـا بقربـه جميـل
جيتك على نيتي مااعـرف دروب اللئـام=اسوق الأقـدام يمـك والهقـاوي تخيـل
برقن لمع لي وسقت اخطاي يمـه اشمـام=اعس وجه الحيا يوم الحيـا لـه مخيـل
ما عندي الا النوايا البيض وحـب وائـام=وطيب السريره وصدق القول معه الدليـل
ليه الخطاء ؟!! الله اكبر !! يابعيد المـرام=قتلـت فرحـة محبـن يحسبنـك خليـل
باني لك بداخله صرحـن عليـه الكـلام=وعليك عنـز مشاريـه الصديـق النبيـل
الله ...من فرحتن ماتـت بسـن الفطـام=مالت عليها الضـروف متوهـات الدليـل
وقتلتهـا بالنهايـه دون سيـف وسـهـام=واظهرت وجه الردى وخفيت وجه الجميل
ياصاحبـي لا تعـذر مـا بعدهـا مـلام=الحر يقـنع وراع الطيـب يبقـى جزيـل
مال الهقاوي ياكـود الصبـر لا لنّهـزام=ولا لرّضا بالقليـل اللـي يسـر القليـل

بعد نهاية عام يارحلت العام = ومواكب ايام العطاء بالمضايف
ماوقفت دورات الايام الايام = تدور مادارت عليها الحسايف
واللي عزاه الطيب مسرى ومجهام = ياعنك ماتشكل عليه الخفايف
ماساق حرف الشعر في غبش الأوهام = يسوق حرفه طيب سوق العسايف
لصوت الوفاء ياصوتنا درع وحزام = يزهاه من بوح الشعور اللطايف
صوت الشعور يترجمه حبر الأقلام = بوحن من الوجدان زاهي وصايف
لعيون من هو للمواجيب مقدام = حرن شهر طيبه بروس النوايف
الأطرق اللي كل ماقلت قدام = يجيك صامل طيب ماجاك خايف
ماله هدف ياكود تحقيق الأحلام = حلم الكبار محاربين السخايف
لم الشّمل ونصّره لدين الاسلام = وحب الملك وولي عهده ونايف
والعز صرحه شامخاً بالوفاء قام = طيبه جمع حوله قلوب (ن) ولايف
راع الحميا والله وسبعة انعام = اللي لربعه مايحسب الكلايف
غنيت وأنّشرها على روس الاعلام = شعري واعرفه وابو سلطان كايف
ويمر عام وتنطوي صفحة العام = ويظل في ذكراي ذكرى المضايف