ديوان الشاعر / عقاب النهار

	السلام عليكم ورحمة الله وبركاته اعضاء مضايفنا وزوارها الكرام يسعدني ان اضع بين ايديكم ديوان الشاعر القدير ((( عقاب النهار الأسلمي ))) متمنياً لكم الأستمتاع بقصائده الرائعه في متصفح واحد وأتمنى منه ان يضيف قصائده كلما سنحت له الفرصه وقت ممتع مع الشاعر ( عقاب النهار ) دمتم بحفظ الرحمن

	السلام عليكم ورحمة الله وبركاته كل عام وانتم بخير مصافحه اولى اتمنى ان ترتقى لاعجابكم وبعض من قبولكم ورضاكم صلوا على رسول الله مدخلــــــ شوف كيف الـدم فـى كفـك سطـا 000من جروحى وانت روحى جب جواب لاتقـول الجـرح منـك جـا خطـا 00000والعتب مايبـري دمـي والصـواب العطـا نعمـه وجـا منـك العطـا 00000خنجرين وصـار بعيونـي ضبـاب ما اشوف اللى علـى ارضـه وطـا 000000والسما مـن دونهـا كـون حجـاب مابقى به شـى مـن ستـر وغطـا 0000000دام بيـدك مـن قفـل باليـد بـاب خذ من المضمون لـو بعـد البطـا 000000ما بقوله تحت وخطـه فـى كتـاب مرسـول- وقـف -وانتظرنـي بحاكيـك ---------------سـا- ألك-بالله-وصـل العلـم راعـيـه من قبـل- مـا- تلمـس يدينـه أياديـك -----------الصاحب اللي - مادرى بـي - واداريـه ابيك- تمضـى- بالعجـل فـى مساريـك -------------وتعطيه -قلـبٍ -لاهـب الغـدر كاويـه قلـه امانـه- مابقـى-شـى - خافـيـك ---------------هـذا النخـل- شحـت- عليكـم سوانيـه اللى قطع - عهد ٍ -فـلا -هـو مخليـك --------------مهمـا - تخـلا الخـل - ماهـو مخليـه من عاش - جوه-تارك الخلـق -شاريـك --------------طبق -مثـل- بالغيـر ( مـا لا بيعنيـه) صادف غرورك-برمجه- فـى -مباديـك --------------ان الغـلا- صفحـه- علـى اليد-طاويـه السلـم مـن - سلمي-سلامـة - معنيـك ----------------الليـل الاظلـم - لـه - نهـار - مقفيـه كنت اكبر - اصروح الغلا- فـى معاليـك ---------------وأساس-ثابـت -بالوفـا- مـن يوازيـه ونكرتنـى- كنـى -عـدو ٍ - معـاديـك ---------------وبكيت - قلب ٍ _ كـان- بعـدك- يبكيـه لاتقول _ وشبك -بسألك - انـت وشفيـك ---------------طبيـب- مثلـك_ مالقى-مـن _ يداويـه باتت - مشاعـر خاليـه_ اولـه- فيـك -------------تبقي- صدي ذكري_على - قلـب غاليـه قاسي زماني _فى -زمانـي _ واماشيـك -----------مشاك_ مع غيرى_لمـن كنـت_ اخاويـه غرك حكـى - معسول-كنـه _ يداريـك ----------------مسكيـن - مثلـك بـس _ ربـي ينجيـه جيتـك وفـا- واليـوم _مانـي بنهايـك ---------------هذا زمان ٍ - فيه- مـا اكثـر _ بلاويـه اعظم غلا_حب ٍ سكـن - فـى محانيـك ------------واعظم خيانه- شخص _ بايع ل/ شاريـه يامجمل_ احساس- المشاعـر_ بوصيـك --------------اصدق _ شعورى جـاك- افهـم معانيـه ان _ كان عينك نظرتـه_ فـى مواطيـك ------------ف/نا- رفعت الراس _ عمرى ما - اوطيه مخرجـــ ليه تجرحنى وانـا كلـى ألـم00000000000 ليـه شتتـه وانـا بعـدك ألـم دام منـت بحبنـا فاهـم ملـم000000000000 تدري ان النار مصدرها الشرار هى كوتنى وانت ما تفقـه بهـا00000000000 وانت همك عز وجاهه وال/بها تضحك ودارى انا رايـح بهـا0000000000 تدرى ان النار مصدرها الشرار امتلكت بدنيتى احلـى الاماكـن0000000000 ماخبر مخلوق غيرك فيه ساكن كيفي وكيفك كفـا لكـن ولكـن0000000000 تدري ان النار مصدرها الشرار وسلامتكم اخوكم عقاب النهار/ الاسلمى http://mdyf.net/vb/showthread.php?t=35727

	مدخلـــ اقسم بحظى صار لمقيط ورشاه= حتى على صوتك تمنيت قربك الحظ بين بالبدايااات عزااااه=كل مابغيتك وقفوا لى بدربك اللى تمنيته جفا الوقت ويلااه= والود مشعل بالمعاليق حربك ماشفت قلبن جدد الهم والاااااه=حظى توقف واللقا هو عثربك http://mdyf.net/vb/showthread.php?t=35895 جيتك تسابق خطوتى لهفة الصوت=كلي امل مفتوح حصنك والاسوار وجت لك معاليق الغلا ميته موت=من قلب لاجلك يحتمل كل الاخطار اصبحت فى قلبي مجسم ومنحوت=تغيب عن عيني وقلبى لك الدار وأن شاتني حظى على بعدكم شوت= اجازف بعمرى ولا اعلم بالاقدار ابغى العنب واشتاق ابي لمست التوت=ويصير قدامى من النحس صَبار مدرى اشوفك قبل انا فايت الفوت=والا يقولوا تـايه الحـب منهار حطمتنى واللى جعل فى بطن حوت= يونس وفكه ملهم الغيـث جبار هم ٍ بقلبى اصبح اليوم مكبوت=تضحك وقلبى محترق يالـغلا نار ياليتنى اعقاب يوم ٍ عشق نوت =شيهانة ٍ جت له على كـف صقار والا زمانى حدني صبر وسكوت=وارجى بشير الخير ياتـى بالاخبار تشتت فينى غلا واجمع القوت=مدرى على هذى وهـذى وش اختار خوفى بلتنى يوم اشوته طلع أوت=وزود الحماس اصبحت مطرود بانذار ترى الحظيظ اللى مع الناس مبخوت=عنده حبــيبه ماسري الليل محتار مخرجــ قيدتنى فى حبل ودك على الكيف= لاقادر ٍ ابعد ولا قادر اوصلك والحب ذو حدين حاله كما السيف= احيا بقربك بس موتى تجاهلك عقاب النهار http://mdyf.net/vb/showthread.php?t=35895

http://mdyf.net/vb/showthread.php?t=36036

السلام عليكم ورحمة الله وبركاته صلوا على رسول الله من اكبر الجروح اللتى لايمحاها الزمن جرح من غالى ولكن ماهو ادهى وامر ان كان من دون سبب يتغير بلحظه ويصبح القاضى والجلاد وينفذ الحكم ولم يأبي حتى ولو بكلمه من بعد زمن ويكابر ويرى انه على حق ولكن للزمن دوره وربما يندم الانسان ولو بعد حين هل لك ان تصفح عنه ام تفعل مافعل بك ام تسامح وينتهى كل شى وان كان ذنبك بالعقاب انك كنت تفعل ماهو بصالحه هل يكون بسهوله تجرع الهم جرعه جرعه حتى تستلذ بطعنات تريد قتلك ولكن على الامد البعيد ليتنى المس منكم الاجابه ويكون الحكم على منكم انتم فانا رغم كل ما فعل باقى على عهدى لن اتغير وهذا طابع فى نفسي ابقى محب ولكن ابقى بعيد لن اوؤذيه ولن اتوسل اليه حتى لو طال الزمن مدخل عزتى والطبع فينى والشموخ --------- مارضيت الذل ولا احب الاهانه كان يرضاها من الخلق الدلوخ ---------- منزلى عالى ولا احب الطمانه لهيب الصيف لا عوُد * ورمضى القيض جت ضدك= فرشت الكبد لك ماطا * عن الرمضي على دربك حسبتك بالغلا الاول * بدون اشعور ما عدك= تربع وسط عرش القلب *وتاتى الخلق من عقبك تمون وتامر وتنهى* قسم بالله ما ردك=لانك قطعه من روحى * ورب البيت انا احبك قسيت بصالحك لحظه*وبان اليوم لى صدك=على كيفك *تحت امرك*ومهما قلت ماسبك بكيت بلحظة اغيابك*ودمعه حارت بخدك=زعل * غيبه* عتب* فرقا*قسي فيها علي قلبك تبي ترحل على كيفك*حبيبي مثل ماودك=أمانه يوم تسأل به*تقول الحق فى ربك اذا كان الجفا طبعى*واذا فى يوم انا ندك=بلهجتنا وبالبفصحى* تقول اليوم ماخطبك نصيحة من سهر ليله*كتم سده قبل سدك=نثر دمعه خفا* لامن باسمك* واحد ٍ نبك ترى من عارضك*فى شى *وعن رغبه اهو لدك=وعاند مايبي خلقه*تضاحك به وتضحك بك يبي لك عز ولا تعتاز*ويحذر قول وش قصدك=بعيد ٍ عنك وبالشده * تشوفه دايم ٍ جنبك تري ثوب الغرور ان كان *فى لبسه يجي قدك=محد فصل مثل خامه*وكل ٍ مايبي قربك تباهى بالعقل لكن *اذا جور الزمن هدك=وطاح الفاس* بوسط الراس*يكون الكي اهو طبك على متن الهوى يلعب *بعقلك جزرك ومدك=من امواج السطر* طوفان*سببها كلمتى وشبك اسامح طيب من عندى *واحسه راح من عندك=عسي الله يرحم احوالى* ويفرج ربنا كربك مخرج لاجل الوفا واهل الوفا والعزيزين 00000ارمى جروحى وسط روحى على الصمت مابى اغثك يامنى القلب والعـين 0000000 وانت الحبيب اللى بـبعدك تألـمت وسلامتكم جميع اخوكم عقاب نهار الاسلمي

الشاعر عقاب النهار

حضور للاحنفاء ولي عوده لهذا الابداع من شاعر غني التعريف

من اجمل ما قرأت للأسلمي ولا تزال في الذاكره

البارحه لاداعين ٍ لى ولامجيب=فى ليل موحش مفتقد للوناسه
شبيت نارى للدلال المجاذيب=واخذت فنجال ٍ يطير عماسه
ذريت وجهى عن سموم اللواهيب=وغصت البحور بقاف شعرى وقاسه
وطرقت انا ابياتى سيوف ٍ محاديب=يطرب له اللى هاوى الشعر ساسه
وفكرت بالدنيا وخظت الاصاعيب=ومريت فى جور الزمن وانتكاسه
لبست جلد الشاة لاشك انا الذيب=اعرف قوانين الحيل والفراسه
اخذتها الدنيا دروس وتجاريب=ماهى شهاده عن فصول الدراسه
تدرى وش اللى يجرح القلب ويصيب=شخص ٍ جحد طيبك بالاقدام داسه
وتدري وش اللى للرجل دايم ايعيب=من يجحد المعروف وعقله براسه
وتدرى وش اكبر جرح دامى ولا يطيب=ان الاسود اتموت وتبقى الـ /بساسه
مات الفرح ماعاد ابي اى ترحيب=دام الذهب قفى وباقى نحاسه
ياوجد حالى وجد من عارضه شيب=باول حياته صار همه لباسه
وافى ولاقصر بفعل المواجيب=وكثروا عليه اهل الحسد والـبلاسه
ياذا السحاب احذر عن النجم لايغيب=ماتجيبه الحيله وكثر السياسه
مافاد ياجساس غدرك مع اكليب=واكليب صاحب ملك وراعي رئاسه
ادمح واجامل كنى ماشفت تخريب=واغضى وكنى من فقد كل حواسه
اضحك على روحى بحيله وتلعيب=على حسن نيه تركت النجاسه
وان كان تجهلنى فغيرى لك ايجيب=وافى مع الاجناب ولابى خساسه
انا ولد من ذاع صيته على الطيب=بين القبايل غير ربعه وناسه
على نهج فعله اخذناه تدريب=كل ٍ على جسمه خذا الثوب قاسه
بعطيك جمله رتبه خير ترتيب=لاتضيع المعنى يقولون حاسه
ان قاله الله شدن الركب يالذيب=مارجع ولو فمك على الكوع باسه

عقاب النهار

شاعر حضوره مشرف

وقصائده اكثر من رائعة ..

تشرفت بدعوته واسعدني بمشاركته

هنا بطاقة أعجاب وتقدير للغالي أبو ضاري

مع أطيب تحية من أخوك منصور نايف الرويلي

.
.

.

فرج الدهمشي
لوجودك هنا فقط شهاده ووسام
كيف وانا ارى مايليق باعجابك من متواضعه
يعنى احس مافيه حد مثل فرحتى
بشهادتك لى
ونورت وربي المتصفح يالبناخى
كن بالقرب

ابو نايف
انت مجرد اقراع اقدامك هنا
تزيد من سرورى
ووسام لى انه انت من يطلب دعوتى
هنا بكل سرور لن ارفض ان اكون بالقرب من مكان تكون فيه
حتما سيكون عالى المقام بوجودك ووجود من هم امثالك
لك تقديرى واحترامى

http://mdyf.net/vb/showthread.php?t=36234

البارحه لاداعين ٍ لى ولامجيب=فى ليل موحش مفتقد للوناسه شبيت نارى للدلال المجاذيب=واخذت فنجال ٍ يطير عماسه ذريت وجهى عن سموم اللواهيب=وغصت البحور بقاف شعرى وقاسه وطرقت انا ابياتى سيوف ٍ محاديب=يطرب له اللى هاوى الشعر ساسه وفكرت بالدنيا وخظت الاصاعيب=ومريت فى جور الزمن وانتكاسه لبست جلد الشاة لاشك انا الذيب=اعرف قوانين الحيل والفراسه اخذتها الدنيا دروس وتجاريب=ماهى شهاده عن فصول الدراسه تدرى وش اللى يجرح القلب ويصيب=شخص ٍ جحد طيبك بالاقدام داسه وتدري وش اللى للرجل دايم ايعيب=من يجحد المعروف وعقله براسه وتدرى وش اكبر جرح دامى ولا يطيب=ان الاسود اتموت وتبقى الـ /بساسه مات الفرح ماعاد ابي اى ترحيب=دام الذهب قفى وباقى نحاسه ياوجد حالى وجد من عارضه شيب=باول حياته صار همه لباسه وافى ولاقصر بفعل المواجيب=وكثروا عليه اهل الحسد والـبلاسه ياذا السحاب احذر عن النجم لايغيب=ماتجيبه الحيله وكثر السياسه مافاد ياجساس غدرك مع اكليب=واكليب صاحب ملك وراعي رئاسه ادمح واجامل كنى ماشفت تخريب=واغضى وكنى من فقد كل حواسه اضحك على روحى بحيله وتلعيب=على حسن نيه تركت النجاسه وان كان تجهلنى فغيرى لك ايجيب=وافى مع الاجناب ولابى خساسه انا ولد من ذاع صيته على الطيب=بين القبايل غير ربعه وناسه على نهج فعله اخذناه تدريب=كل ٍ على جسمه خذا الثوب قاسه بعطيك جمله رتبه خير ترتيب=لاتضيع المعنى يقولون حاسه ان قاله الله شدن الركب يالذيب=مارجع ولو فمك على الكوع باسه وسلامتكم جميع اخوكم عقاب نهار الاسلمي