ديوان الشاعره . نووت الويلان

	الحب فطره اشتاق لك لو يوم ماقلتها لك=تبقى بصدري شي واقع وملموس مادام انا كلي فديتك حلالك=الروح لك موطن ومعجم وقاموس ياسيدي جيتك من الشوق هالك=تفداك روس القوم ياهامة الروس عز الخوي واللي عنا لك وجالك=يعيش في قربك بعزه وناموس تواضعك ماغيره كثر .. مالك=ياكثر ماعلمتني عبر ودروس تدري اذا يطري مجرد خيالك=احس في صدري مثل طعنة الموس وتدري اذا اطول علي اتصالك=اصير مثل اللي مكبل ومحبوس اللي مصبرني وفاك وصالك=غلاك خلف ظلوعي العوج مدسوس ياسيدي وينك عسى الخير فالك=الحب مايشرى وينباع بفلوس الحب فطره وانت تعرف دلالك=حبك جوار الروح ساكن ومحروس بس انت قلي كيف وشلون حالك=ياللي غلاك بداخل القلب مغروس جاني خبر واللي جرالي جرالك=نفس الشعور الوضع لوغبت محسوس جاني خبر واللي ببالي ببالك=امسي على كابوس واصبح بكابوس جاني خبر ياحظ منهو قبالك=الطيف كنه بين الاحباب جاسوس وافي وقلبي من غلاتك وفالك=الحب مابه شي يصعب وميئوس كلمة (عهد ) ماارضى بغالي بدالك=ثلاث حروف وحط مابينهن قوس نووت الويلان http://mdyf.net/vb/showthread.php?t=34426

	ياصاحبي بعــت الغلا والمحبه=بعت الغلا والحب في سوق الاحباب حلفت ,عقب اليوم ماعاد اطبه=من دون ذاك وذاك قفلت الابواااب بـعــت الهـوى واوضـاعنااا! مستتبه=هذي حــيـاتي وافهموا كـــل الاسباااب ولاظـن قـلبـي كـل عــاشق لعـبه=ولله مايــكــذب علي كــل كــذاااب اتـــرك ســفــينــة نــوح للي ركبه=حتى ولو, فيها االف عاشــق وجـــذاااب الجـــرح يعسرني عـــلاجه وطـبـه=والــكــي ماينفع ولا طـــب الأعشـاااب إلى متى...!؟ والـدمـع صــافيً نـكـبه=دمـعــة حزن...دمــعة شقا...دمعة اعتاااب نووت الويلان http://mdyf.net/vb/showthread.php?t=40064

	عادت الشاعر احساسه لطيفٍ ورقاقي=والشعر مع مسار الدم داخل عروقه نكتب الشعربالأبداع وشعاد باقي=شرعنا مايقص إلااليدين السروقه ولله إني حكيمة شعر..والذوق راقي=لاهبطنا لسوق الشعر نربح بسوقه... ما خذينا حقوق الناس بالاستباقي=وكل شاعر حقوق الطبع تحفظ حقوقه لاتغطرس وتتهمنا يامال الفراقي=وأنت تحت السماء ماحطك الله فوقه[ نووت الويلان http://mdyf.net/vb/showthread.php?t=39544

	حاول تقدر موقفي لو تكرمت = مال الزعل في بعض الاحيان داعي لو ألامر بيدي وصلتك وسلمت =لاكنها ضاقت جميع المساااعي أحس فيك بصمت لو ماتكلمت=زعلان اعرفك سم وأمرك مطاااعي ياكثر ماأشتقت وصبرت وتألمت = أشتاق لك شوق الاسود الجياااعي يا شاعري ؟لوتعرف الوضع مالمت = ضاقت بي حدودالبلاد الوساااعي لولا الثقه بالنفس والصبر والصمت = أعلنت من بعدك بداية ضياااعي علمتني قمة وفاك وتعلمت = إنك بشدات المواقف ذراااعي علمتني صدق الغلا_منك واقسمت= على الوفاءلا عاديوم الوداااعي وعلمتني وشلون أحب وتفهمت= وكيف ارفع بوجه العواصف شراااعي أن صد غيرك مازعلت وتعشمت=قلب<ن> تعلق فيك من غبت ضاااعي أن مر طيفك وانت غايب تبسمت= تكفا_قبل تحكم تراجع دفاااعي وإنت السند من سود الأيام لا؛أنظمت= أحكم وبيدك حل مجمل اااوضاعي أشتاق واودع خيالك ليا_نمت = واصحي وصوب أحماك أناظر وراااعي http://mdyf.net/vb/showthread.php?t=39648 نووت الويلان

	ياويل قلب من هم<ن> طواه= جوا الحشا تشتعل فيه نارين لهايب تشتعل بالجوف وحشاه= ما تنطفي لوفزعوا بالملايين مجروح قلبي يامصعب ادواه= وشلون أداوي جرح في قلبي دفين من واحدً غالي ولااقدر أنساه= لو,هو طعني ياجماعه بسكين انا فديته وكل ناسي فداياه=حبه بقلبي له مكانه من سنين اليوم مع الغير أشوف ممشاه=ومن الخيانه أصبح الهم همين بنت الحسب يحب غيره ويجفاه!=,يركض ورا اللي لانسب له ولا زين تصون بيته بالليالي الطويلاه= ماخانت العشره ولاخانت الدين والعش اللي بالمحبه بنيناااه= طاااح وتحطم وعذااب المحبين http://mdyf.net/vb/showthread.php?t=39105 نووت الويلان

	ماني مريضة حب ماني مريضه=ولاني من اللي يخدعه زين إلألفاض الحب غيمه راح واقبل نفيضه=ماله عقب ليلى علامات وأعراض مع قيس مات ولابقى إلا خويضه=مثل السراب لضامي ً طق إلاحواض وأنا ردية حظ ماني حضيضه=الهرج يقرض ضامري تقل مقراض لي والده لاجضت أسمع جضيضه=ولله غيره ماتشربكت بأغراض http://mdyf.net/vb/showthread.php?t=38718 نووت الويلان

	ياليت لو عندي على الناس توكيل=كان اجعل الحساد تجلس لحاله افتح لهم بالحسد جلست تعاليل=ولحالهم يستانسون بمجاله حساد والحساد مثل المهابيل=وكل(ن) على الناس يطلع هباله صلاختن لجلود ناس(ن) مشاكيل=ملت بنوك الحسد من راس ماله وان قلت وش انتم قالوا حلاحيل=شفت الوطن حنا ترانا جباله الشمس تشهد والقمر واسود الليل=ودور الحضاره شاهد(ن) والجهاله نووت الويلان http://mdyf.net/vb/showthread.php?t=35047

	لاولله إلا راح ماعشي الضيف = وراحو رجالن يكــرمون الــضيوفي والنارماتت وإنكفى فوقها الكيف = والنعم يعطي ناقشات الكفوفي ويالله يامشي سحابن مراديف = تلطف بحالن لافه الوقت لوفي وقتن به الراعي رقا عالي النيف = والذيب يرعي معه شاة وخروفي وغدا زمان المنفعه والمواقيف = وغدو رجالن يدحمون الصفوفي وجانا زمان الكذب والغدروالزيف = واللي يبي يسلم يبت الحلوفي ولاعاد ينفع في زمنا معاريف = ولا عاد به نخوه وجه معروفي وقتن رقا فيه الردي للمشاريف = روقــــي بنا يا صدوف الأيام روقي مار الرجاء باللي يدير المصاريف = الله اليا منا طلبناه يوفي نووت الويلان http://mdyf.net/vb/showthread.php?t=34817

نووت الويلان

الف مروك اختي الديوان الرائع وفالك التوفيق

تم تركيب البنر

الأخت الشاعرة/ نوت الويلان

مباركة هذه الخطوة

أشعارك جميلة واحساسك راقي

صح لسانك

موفقة بإذن الله

مودتي واحترامي