(شاعرة الخليج الاولى) ديوان الشاعره الجفول

مرحبا بكم أيها الأحبه هنا سيكون ديواني وفيه شي من روحي قصائدي والتي لن أجد لها مكانا أبرح وأوسع من قلوبكم ومأقي عيونك فأنا بين أهلي وناسي وعزوتي التي أفخر بهم دائما وأبدا وعلى رؤس الأشهاد ويشرفني أنتمائي لأعرق القبائل نسبا ً والتاريخ خير شاهد على ذلك وهذه بطاقتي التعريفيه بشخصي المتواضع الجفول الوايليه من الكويت كتبت الشعرفي سن صغيره جدا منذ أن تعلمت أبجديات الحديث فالشعر يسري في عروقي مع دمي وفكرت الأبتعاد عنه هي فكرت خروج الروح من الجسد من عائلة شعريه نشرت في العديد من الصحف الخليجيه قمت بالأعداد لأكبر ملف نسائي في مجله خليجيه هي نخبة المختلف مثلت بلدي الكويت في محافل دوليه خاصه بالشعر النسائي من مثل مهرجان قصائد ألماس في المملكه العربيه السعوديه وأيضا المهرجان الثقافي لدولة قطر أطلق علي العدد من الألقاب والمسميات مثال خنساء الخليج ،شاعرة البدون ،شاعرة قبيلة عنزه ،شاعرة الأنسانيه ،عميدة الشاعرات ،كحيلة الشعر ، شاعرة الخليج الأولى الشعر بالنسبه لي رساله علينا أحترامها

أنشودة النصر هنوني يا أصحاب عمري يا بعد عمري= =اللي يعرف الجفول أيقول وش فيها ؟؟ أنصفني الرب هو اللـي رفـع قـدري= =من بين ناسن ظـلام الحقـد معميهـا يا ما على نزف جرحي دوروا غـدري= =ويا ما أرقصت شامته ربـي يجازيهـا ويا ما طعنوني برمح الكذب في ظهري= =وأنا التـي مـا تغيـر فـي مباديهـا عودت نفسي على الناموس من بدري= =وأشـوش للمـدح وللعليـا أضريهـا أبي أكتب الشعرلين يشب من صـدري= =نـارن لضاهاتبيـح ســد خافيـهـا يا عزوتي وأن كتبت الشعر من صغري= =ماهوب أانا اللي تخيب ظـن أهاليهـا أموت ماوالله أحـدن قـرب لخـدري= =لعيون عودن على الحشمـه مربيهـا وأبي أسمع اللي يدور عثره بشعـري= =رح قلهم مـا وطـاك اليـوم واطيهـا ما أقول أنا النايفه وكل العرب حـدري= =حشمة نفسي عـن الزلـه وراعيهـا الشمس وأن عذربوها دايمـن تغـري= =والخيل مجد العـرب بـان بنواصيهـا يارب رحماك وأن زليت وش عـذري= =ألـوذ بحمـاك يـا عالـم خوافيـهـا أنت الذي عالمـن بالسـر والجهـري= =أني لجل عين أكـرم عيـن وأغليهـا وأني على الحق ما زليت لـو شبـري= =وعنـدي قناعـات لا يمكـن أخليهـا الصدق منجاه ومنهو مـا درا يـدري= =أني أفاخر بأرضـي وأعتـزي فيهـا لكويتنـا والأميـر وبعنـزه شـعـري= =وأفخـر بويـلان قاصيهـا ودانيـهـا سلام يا دار أخو مريم ولـك شكـري= =يادانتن فوق هـام السحـب طاريهـا وسلام يا شعبهاسـلام مـن صـدري= =يفـوح بأمجاهـا وأبطيـب بانيـهـا الـدار هـذي غلاهـا بدمنـا يجـري= =ولو تطلب الروح والله غيـر نعطيهـا لو طال ليل الظلام بيشـرق الفجـري= =وتطير بيـض الحمايـم فـي أعاليهـا واليـوم يحـق لـي بوفـي بنـذري= =وبحني الكف وعيـن السـو أبعميهـا وأن كان زليـت بالله أقبلـوا عـذري= =النفس هاضت وأبي الطاروق يحييهـا وأن قاله الله أموت ولا أنطفا شعـري= =والـرأس مـا ينحنـي ألا لواليـهـا الجفــول من الكويت

السلا م عليكم أيها الأحبه صلوا على صفوت الخلق سيدنا محمد وعلى أله وصحبه أجمعين أأاتمنى أن يرقى النص لمستوى شاعريتكم وأن يحضى ولو باليسير من ثنائكم والكثير من أنصافكم لن أطيل اليكم النص / / حبني حب السلوم الأوليه حب أمك حب وحده من خـــواتك حبني حب الشرف والغايريه حبنــي وأنا أتذرا فـــي عباتك حبني حب عنزه للوايليه وحب عــذرا تنتخي بك يوم جاتك حبني وأبشر بأنثى عسوجيه ماتهاب الموت ما تخلف وصــاتك حبني حبن يفوق الشاعريه خلني أقــرب من أنفاسك لــذاتك معك أنا مهره مثل شوح العبيه وغيرك مـن الناس ما تعشق مهاتك أسعفيني يا الحـروف الأبجديه كيف أعددها مزاياك وصفــــاتك أن زعلت وغرت وأسرجت المطيه ومن نشدني مــا حلفت ألا بحياتك يا شبيه الحـر يازبن الونيه منهو اللي يقدر يســـوي سواتك أن هويتك ماهـو ذنب ولا خطيه وأقصى أحــلامي أكون أأأم لبناتك أيه أأأحبك حب ليلى العامريه وحب أبن زيدون مـا يعادل غلاتك تحياتي الجفول من الكويت

لليـل وطيـور السمـا والقنـاديـل=
=وللشعر وأحلامي وأساطيـر سلمـى
وللغـي ف خصـور العذارالمفاتيـل=
=وللحب وأسراب القطا وجغمة المـى
وللهمهمه في شعر فـاق التفاصيـل=
=ولأحساس مرهف في دياجير ظلمـى
وللعاشق اللي كل ما هام بـي حيـل=
=أبحر من طيوف الغلا منه وضمـى
وللعيد وضيـوف المسـا والتعاليـل=
=وللأنتظـار اللـي تبـدده أسـمـى
ياسيـدي غنيـت كـل المـواويـل=
=وأطربت كل الكون وهالشوف أعمى
صوتك نغم يسري بسمعـي هلاهيـل=
=وصدرك وطن يجتاحني حيل وأظمى
صوت الربابه بداخلي هـدت الخيـل=
=وميلة أعقال وبيـرق العـز يحمـى
ودحة شيوخ وريحـة البـن والهيـل=
=ومشاعـر العشـاق وقلـوب تدمـى

مع أرق تحياتي

الجفول من الكويت

اليكم نصي المتواضع والغير متكلف والذي أتمنى أان يرقى لمستوى كتاب وشعراء هذا الصرح الأكثر من رائع والذي وجدت فيه ضالتي وأنا كلي أمل بأنصافكم لك مهرتن من بد الأزوال تهواك ولاغير شخصك فاز ورخى رسنها علمتها تلعب على الكيف وياك وروضتها ولاغير شخصك فتنها أمحجله تورد عدوك للأدراك تاطا شخانيب الرضم مادفنها لك هيبه العاشق بطلت محياك ولك عنفوان الفارس اللي زبنها تقبع على غيرك وتطرب لملقاك ويمكن تحدت وقت ماهو زمنها أكحيلتك رثما فلا يوم تنساك وتحرم على غيرك يلامس بدنها أن جيتها كل المشاعر تمناك وأن رحت عنها يافتى الجود صنها تطرب لصوتك وأاتمنى حلاياك أما معك وألا تولم كفنها تحياتي الجفول من الكويت

جيتك مثل مهره على صهوة الريح =
=ترثع تجول بمسرجات الأعنه
جيتك بياض الورد مع ريحة الشيح =
=جيتك فراتن عذب محدن يشنه
جيتك وفا جيتك سلوم الطحاطيح =
=جيتك غرام ومطلقتله أسنه
جيتك شموخن ما أقهروه المشافيح =
=جيتك زباد وخالطه ريح حنه
جيتك مثل حب الفخر للزحازيح =
=جيتك مثل فرضن تلته ألف سنه
أستحضر الصوره تبي منك توضيح =
=وأطلق عنان الفكر مع كل ونه

تحياتي الجفول
من الكويت

قصائد مخلوطة بعبق الطهر ..
شموخ وائلي منقطع النظير
افتخر بتلك المبادئ كوني من بني وائل

تطرب لصوتك وأاتمنى حلاياك
أما معك وألا تولم كفنها

قمة الوفاء ايتها الوائلية

اسجل اعجاب بتلك النصوص الشامخة


حسين الصويدر

قالوا طمـوح ؟ وقلـت مـا يطمحونـي
أهـل النمـايـم والــردا واللكـاعـه
قالوا جموح ؟وقلـت شوفـوا أضعونـي
صفـر ومغاتـيـر ٍبعـالـي رفـاعـه
قالـوا تحبيـن الغـزل ؟قلـت لـونـي
ماهـو بعيـب ولا شريتـه بضـاعـه
قالوا وش أعذب طـرق سيداللحونـي ؟
قلـت الهلالـي أنطـرب لأستمـاعـه
قالـوا أجـدودك ؟قلـت لا تنشـدونـي
اهل الكـرم وأهـل الصخـا والبتاعـه
قالـوا جريـه ؟قلـت والحـق دونـي
علـى النقـا ماهـو حديـث الدناعـه
قالـوا أبـوك ؟وقلـت قـرة أعيونـي
لـولا وجـوده مـا كتبـت أبـراعـه
قالوا أخـوك ؟وقلـت قرمـن حنونـي
اليا أنتخابـي فـي حضـور الجماعـه
قالوا سعدك ؟وقلـت شـوف المزونـي
في خايعن قفـرن مـن النـاس ساعـه
قالـوا تحبيـن الهـدد ؟قلـت كـونـي
اليا قلـب ثـم حـام بأقصـى أرتفاعـه
قالـوا حبيبـك؟ قـلـت لا تعذلـونـي
يفـداه قلبـن لاعـه البـعـد لاعــه
قالـوا يحبـك ؟قلـت مثلـه يمـونـي
قلبـي وعقلـي فـي أيدينـه وداعــه
قالـوأ أميـر؟ وقلـت لا تحرجـونـي
شيـخ ٍ بطبعـه ولا أمـل أستمـاعـه
قالـوا يحبـك ؟قلـت هـذا جنـونـي
يدري وانا أدري . . . طاري البعد راعه
والله ما أرخص صاحبـي لـو جفونـي
كـل القرايـب والأهــل والجمـاعـه

مع أرق تحياتي
الجفول من الكويت

</b></i>

تبعد وأنا أبعد وأنتلاقى علـى خيـر=والعالـم الله شـي مـا هـو بيـدي قسمـه قسمهـا الله وتصيـر للغيـر=وأنـا لـك الله مانويـت التـحـدي قالوا تزوج صار حـظ الغناديـر !!=شوفي نصيبك دوري لـك مقـدي !! قلت العفو والدلـو لا طـاح بالبيـر=وتقطعـت دونـه مقاضيـب يــدي أنا أعرفه !أكثر من الناس بكثيـررر=ولو زودوا في ذمـه اليـوم عنـدي ما أسمع،ولا أوحي هرج نفاخت الكير=اللي على طيحـت غريمـه مـودي أبي أنطره،،،، لو أقعد العمر تحجير=ولو يا أخذ من البيض مليون بعـدي هو صفوة الفريـس ذيـب المناعيـر=الباتـع الـلـي لـلـوازم يـسـدي يقول أحبـك كثـر ورد النواويـرر=وأنـا لمهـرك حاضـرن مستعـدي لو تطلبيني مـن حليـب العصافيـر=من شأأأأن عينك والله انـي مجـدي ولو كان مهرك صفـر وألا مغاتيـر=أجيبهـا وأنــا قبـلـت التـحـدي ولو تطلبين الشمس مامـن محاذيـر=ومـن الجواهـر طلبتـك ماتـردي به هيبة أبن سعود وبه طنخت الزير=ومن طيب أبن ثاني لمن جـاه مـدي نفسـي لغيـره سايقـه للمعـاذيـر=ولا غير شخصه بيح اليـوم سـدي يرده اللـي رد يوسـف مـن البيـر=ولا بـد مـا ليـل المفـارق يعـدي واليـا لفـا والله لسـوق التباشـيـر=هو عين أبوي وهو خلف جد جـدي الجفول من الكويت

أنت ألغروب وحروتي يمت الشـرق=وااناالشمال وطبـع خلـي جنوبـي ان قلت هاودني حرق خافقي حـرق=ون قلت تمت..صارت أكبر ذنوبـي ان شفت نجم(ن)بالسماء واعتلأ البرق=هذيك انا وهـاذي معالـم أدروبـي أنا أنا بينـي وبيـن النسـاء فـرق=اشيـل حملـك لا ثقـل يامحبوبـي في غيبتك يسهر معي نايـح الـورق=وافرح بشوفك فرحتي بـا الهبوبـي ياطيب السيـره ويازاكـي العـرق=مثلك يروم المجد من كـل صوبـي ايو الله ان حبك منّزه عـن الـدرق=وايوالله أن شخصك خلـي العيوبـي تحياتي الجفول من الكويت