ديوان الشاعر القدير/ رابــــح الغضيان

ديـــــــــوان الشــــاعر / رابــح الغضيـــان بسم الله الرحمن الرحيم اعضاء زوار شبكة مضايف عنزه الوائليه! السلام عليكم ورحمة الله وبركاته تم بحمد الله افتتاح ديوان لشاعر القدير !!رابح الغضيان واللذي يشمل جميع قصائده والشاعر رابح الغضيان= من الشعراءالمهمين في الساحه العربيه اعطى لشعر والمتذوقين الكثير بحمال بوحه وروعة= كتاباته وفق الله شاعرنا للوصول الى القمم اترككم مع فرايد القصيد امل ان تجدو ما يرضي ذائقتكم =والله يحفظكم ويرعاكم ووقتاً ممتعاً باذن الله

متواضعه امام شموخكم الشعري جنة الروووووح يـاورد يافـلّ ياريحـان يـاكـادي=ياجنة الروح ياعطـري ويشمومـي ياشمعة الحـي ياحيـي ويامـرادي=يامهجتي لك غلا بالقلـب مرسومـي يا احلا من النوم لعيونـي بمرقـادي=في غيبتك جفن عيني حارب النومي ياللي تسيـدة قلبـي والغـلا سـادي=لاماك ياروح روحي تبعد همومـي مع كل طلت فجر لك شوق يـزدادي=وليا اقبل الليل صرت انطرك بحلومي مابين لذة دفـاك وعطـرك الهـادي=اشعلت شمع الغـرام وذاب بهدومـي انتي دواء سقم رابح وانتي الـزادي=وانتي هوايه ومطلوبـي وملزومـي العيد عيدين وانتـي ثالـث اعيـادي=ياقوم حالي علـى لامـاك ياقومـي دخيل خصرك وخدٍ كالبـدر بـادي=والعين عين الصقر والساق مبرومي لوسموا الغير غيرك شمعـة ابـلادي=انتي قمرنا بسمانا وغيرك نجومـي لو الغلا بالأشاعة ينعـرض عـادي=شيعة صدري وقلبٍ منـك مظيومـي ابيك تعرف وش اللي داخل فـؤادي=من بين ذيك الضلوع العوج مكتومي ياما على شارعك سـرداد مـردادي=وان قيل لي ويش عندك قلت معزومي ياليت جدك حدا الجدين باجدادي=لو ليت منها عرفت اني بمحرومي تعال ابا غيـض عذالـي وحسـادي=تكفين ابا قول صار الزين مقسومـي ونهاية العبد يدفـن بيـن اللاحـادي=مايرجّع الميّت كثرة قـول مرحومـي ......

دمــــي المحبره هيه يا للي غرامــك رحلتي للجنــــون = اشعل الشوق قلبي والغرام حطبي خوذي الخافق اللي بالعهد مايخون=الخيانه ماهي طبعي ولا مذهبي خلي الرمش ظلك ورقــدي بالجفــون = ونزلـي يم صدري وبالضـلوع ألعبــي نضديهن فداك اللي علي يسألون = وارجـعي بعثريهـــن زي ما ترغبــي بس تســـلا حـــياتي خلــهم يتعبــــون = دام هالمـلك ملكك قرري واشطبــي وانسجي لك قلم من أي ضلعٍ يكون = خلـي المـحبره دمــي ومنـها اسكبــي وسجـلي ذكرياتك بين ذيـك الطعـــون = أكتـبــي لــي أحبـــه أي شـي أكتبــي وكـان نبضات قلـبي يالغــلا يزعجــــون = اسكــني صـدري الأيمـن ولا تذهبــي ولاهــدا الجو عنـدك ياكحيل العيـون = غـردي مع مشاعرشاعــرك واطـربـي الله اللـي وهبك من الغلا وش يبون=شمس حبك عسى يازين ماتغربي انتي الشامخه والشامخه بي تمون=رهن اشارة بنانك امري وطلبي كل ذره من الاحساس فيك يهذون=خيل شوقي على لاماك بي تهذبي لـو طلبتي أعيـوني فدوتك يرخصــون =الرضا من رضاكم والوفا مكسبي ساقني لك دلالك والدلع يافتـــون = فيك عين المهاة وفيك عنق الظبي ولاانجرفتي مع اللي بالجهل يغرقون=ولالهفتي وراء الموضه ولبس اجنبي كان بالــزين فـن أنتي مـلاك الفنــون = وكـان للزين شيخ أنتي عقيد عربـي لو يشوفك طفل باحضان امٍ حنون=يبتسم لك اعجاب ويندفع لك حبي كيف بعيوني ياللي عن غلاك يحكون=السهر مبتليهن والشقا مركبي كل مامر طيفك وأنت تمشي بهــون = قـمـت اكبـر واهــلل ياصـلاة النبــــي هذي اللـي اعيونـي لجلـها يســـهرون = هـذي اللي سبت حالي وعقلي سبـي عاليه فوق عرش الزين لو يزعلــون = والبحــر مـاه كافـي ياغيـور اشربــي قلتها من قناعه من غلا من جنون=يكفي اني ليا شفتك يزول تعبي

متواضعه امام شموخكم الشعري رحلة هروب رحلة هروب من العنى تاهت خطاي=والشمس غابت واسود الليل حالـك حفنت صبر اضوي بها ليل مسراي=شفّي جنوبك والامـل فـي شمالـك وعلى ضفاف الوجد عطشى مطاياي=ولهيب نار الشوق زاد الضمـا لـك ومن الضما جفت لاهاتي على شفاي=وقارب نجاتي بأسفل اليـم هالـك فراشي حصير احزان والهم مركاي=والشوق مع مجرى الشرايين سالـك جمر التياعي مطرحي والشقا غطاي=ولياغفـت عينـي حنينـي سرا لـك متاعي الذكرى لو الجرح مرسـاي=والصبر مر وخافقـي فيـه شالـك وحبل الامل بالي على كف رجـواي=اخاف اشـده تنقطـع بـي حبالـك والـروح ثكلـى والتنهـاد جـدواي=واسج مع هوجـاس فكـرٍ ندا لـك وعزفت لك لحن الغلا وقلبي النـاي=مره يهيجن لـك ومـره حـدا لـك اسلاك لحظه وارجع اعيش ذكـراي=واكذب على نفسي واعيش بخيالـك عشتك متاع الـروح جنـه بدنيـاي=شوفك نجاتي والروى من وصالـك اغليك والله يالغـلا وانتـي أمنـاي=ارفـق فديتـك وعتبرنـي حلالـك من يشبهـك يابلسـم القلـب ودواي=الزين عمك والدلـع مـن خوالـك كان الغلا يحسب خطا من خطايـاي=ماتوب عن ذنبي وروحي فـدا لـك ادخل على الله كل ماحـل طريـاي=اسجـد لربـك وادع لـي ببتهالـك حـــــر الصقاقير مدخل!! سلام احلا من حليب المغاتير=وألذ من طعم العسل في مذاقه سلام ياللي غير وامجادكم غير=سلام ياصرح الوفا والطلاقه من عصر وايل جدنا وسالم الزير=والعز ورث جدود ساقه بساقه يوم العتاد الخيل والسيف والعير=حنا كسرنا الفرس عند انطلاقه فريس يحمون السلف والمظاهير=يومٍ ولد اللاش توخد انياقه عناز دوله بالسيوف البواتير=من أيام وايل لين عصر البطاقه والشاهد الله والشيوخ المشاهير=وهرجٍ بدون اثبات عيب وحماقه حــــــر الصــقر تهواه كــــل الصــقاقير=وأنـا بـشـــعري حــــر والــجــود مــدي وصــيدي من الجـــزلات ماهي عصافير=وأرقــا على راس الـــطويـلــه واعــدي ولاكــــل صـــيادٍ خبـيـرٍ عـن الــــطـير=ولاكــل صــيـده لــه صــقــورٍ تـهــدي ابــتحــدا فـــيـه نـــــاسٍ مــغـــاريــــر=شـــعـــري وعـــرفــه قــد كـل التحـدي وبعتـــلـي به لــلــنجــوم الــمــشــاهـير=واقــول لـــلــحـســاد مـنـتــم بـقـــــدي وابـشـتــهـربـه شــهـــرة كـلـيب والزير=انــتـــاج تــفـــكــيـري وتـرتــيـب يـــدي وأدراه عــن زلـه وعـن هرجة الـغـير=واحـفـظ مـقامـه مـثل حفظــي الخـــدي ولــيــا مــدحــت امــدح ارجـالٍ مناعير=وكـلٍ لــه حــدوده وانــا عــنـد حــدي ويا قاصر النظره انا نظرتي غير=ويا عابد الوجهين بـشويش هـدي ان كــان هــي بالشــعر الشعـر تـعـبـيـر =احـبـكلـك احـروفــه ذهــب مـا تـصدي وان عودت لمجاد قوم واساطير=ربعي هل الجدعا وانا الجاز جدي وكــل الــقــبائــل مايــجـي فــيه تقصير= وكـلٍ عــلــى حـــقــه يــمــيــنة تـمــدي ولاهـو غرور اقـولـهـا يـامــغــيــريـــر=يــــوم ٍ ســــــدك بـــــاح مـــا بـاح سـدي مي البحر ماينقصنه نوافير=ومن كان عده رس ماهو بندي ادحم بكتفي وارتكي للمعاسير=منضام لي كاهل لو الكل ضدي عـــطــيــتــك الـمـؤجـز و لك فيه تحذير=احـــذر تــكـــررهـــا تــــرى مــا تـعدي

من قال هتلر مات ماعاد به تكفى ولاعاد تنقال=كلمه قديمه من يهزه صداها والغيره اللي كان نلقى لها ظلال=قتلوا عياله والمعلّم وطاها تبدلت يا سيدي حال في حال=حالٍ على الله حلها ومنتهاها زمان معك ريال تسوى به ريال=وتصيّر نجم نجوم فيك انتباها زمان فيه العولمه فعلها طال=ومن لادخل فيها سرح في حماها وبدل عرب صرنا طرب لال يا لال= انجازنا (غنوه) ومن مستواها ولاصار رب البيت للدف طبال=اكيد جاهلها كفيل بعماها راشد يذم رشيد , ورشيد محتال=وحنا الضحيه والهدف ومغزاها من قال هتلر مات هتلر ولازال=هتلر رسم خطه وخيه مشاها يا جيل صدقني ترى العود دجال=خطة صليبي والعريبي كلاها اقوالنا لعبه ولعبتهم افعال=وحنا نردد ياعساها عساها لاوين ياجيل الدعايه والارسال =سلعة ردي الساس من هو شراها قتلن بنات شيوخ لعيون فريال=وفريال بنت الغرب نشّري رضاها شجاعنا يبكي على انقاض اطلال=وهامورنا يرقص ويدفع عشاها ادبك ورى ليلاك واربط لها الشال=والرقص دبكه وارقصوا يا قصراها واشتر عطر لميس يا طيب الفال=تحظى بلميس وخيها واقرباها يلعب علينا تاجر الفقر موال=يالعن ابو لميس واللي غذاها من يفهم اللعبه يدرس له اجيال=ومن لافهمها ضاع عمره وراها ولاكل من ركب على الغتره عقال=قد العقال وكلمته لاحكاها إلا رجال الطيب للعز مدهال=عن الردى تكرم وتحشم لحاها ولازلت اقول رجال باقي به رجال=سيوف مسلوله على من نواها جبال الجزيرة يوم تذكر لها جبال=آل السعود اللي ذرانا بذراها لامال عفش شعيل تعباله حبال=يمشي ورجله فوق راسه ثناها

(((ماجووور بأحسااااسك))) ] ماجور يابايع مشاعـرك ماجـور=ماجور باحساسك وشعرالتجاره الشعر حبك وسبك واهداف وشعور=ماهو تجـاره ياخسـاره خسـاره ويامشترين اشعار والعذر مغمـور=تجارة الاحساس ماهـي شطـاره ماهو لزوم تصيرشاعرومشهور=الرجل في فعلـه وبيتـه وجـاره وش عاد لوتملك من السانك قصور=ماقيل طيب قيـل يملـك عمـاره مشكور ماقصرت مشكورمشكور=وكلٍ حسب رايـه يحـدد مسـاره من فضل ربي وافي الشبرمستور=ولاني بحاجة سمسره واستعـاره دحدر وتلقى شاعرك بيّسر السور=يكتب لك نصوصك بفن ومهـاره ودك غزل ودك حكم منت مجبـور=تختـار لاتحتـار بأيـا عبـاره يكتب لك الجمله وبأحساس مأثور=يبكي على نجوى ويقصد بسـاره الشعر عنده سلق واحيان مبشـور=على الطلب معروض عب استمــاره يابايع احساسك وياضايع الشـور=تجارتـك ياقبحهـا مـن تجـاره

ماودي اقطع تسلسل القصائد في ردي هذا

لكن لازم ابارك لك اخوي رابح على الديون المميز والأكثر من رائع

مبروووك وبالتوفيق


جاري عمل بنر للديوان

بالعكس زيارة الشيخ الاعلامي /الاطرق الهذال

فخر لي لاعدمته يارب


ممنون لك ابوسلطان


تحياتي

{{{{العيادات}}}} ! ! ياليتنـي ماجيـت قسـم العـيـادات=صادفت حوريه على صـورة انسـان مانـي بيمـه بـس قالـت سلامـات=هي قالته : فرفشت من غير جنحـان فكـرت اكسبهـا ببيتيـن جــزلات=قلت اسمعي شاقول ياعـود ريحـان من شـان عينـك باتفنـن بالابيـات=واصير لـك شاعـر وراوي وفنـان بالشعر لـي دولـه تهابـه دويـلات=واهـز واشنطـن ولنـدن وطهـران وعندي على بحور الشعر سبع موجات=واخيـرك يازيـن باشكـال والـوان وبنيت في سطح القمر لـي مـدارات=اقطارها عينك ورمشـك والاوجـان وتـردده يـفـوق كــل القـنـوات=ارسالها همـس ومشاعـر ووجـدان ياللـي اسرتينـي بسـودٍ ظلـيـلات=سبحان ربٍ صـورك جـل سبحـان لو آصفـك قالـو خيـال ودعايـات=معقول فوق الارض يوجد كذا انسـان تقول لـي بالهـون ياابـو الخيـالات=وبعض الخيال بدهورك في خبر كـان تشر علي تقـول دورك تـرى فـات=شف الممرض يزهمك دوركـم حـان هي صادقه نادوا علي خمس مـرات=ماني هنا ياناس .. فيضـت وديـان هي طالعـه وانـا دخلـت الملفـات=ابي عيادة باطنـه رحـت الاسنـان نسيـت مافينـي وعفـت العلاجـات=واصبحت متعافي ولانـي بمرضـان طلعت آبا اعرف وين راحت وبسكات=حصلت خيه يصرف علاج عجـلان حركت وبسرعة قطعـت الاشـارات=الرنج راح وسايـق الرنـج بطـران ضيعتهـا بالحـي بيـن العـمـارات=فلـل تشابـه بالزوايـا والاركــان ضيعت بيته وسـط حـارة بهـاوات=في حي راقي ما سكنه شخص طفران سيارتـي شبهـه , بحيـه همـارات=وفياقرا وجمـوس ماتشـوف نيسـان لفيت حارتهـا يجـي عشـر لفـات=طلع علي جاره يقول انـت سكـران قلت العفو .. مضيـعٍ لـي قرابـات=مامرك اسـم فـلان وفـلان وفـلان اسماء غريبه جبتها كيف هـي جـات=ناظـر وقـال الله يشافيـك تعـبـان الله خلـق خلقـه وفيهـم درجــات=وهي بنت عز وزاد من شانها شـان مصيفهـا بيـروت وإلا الاهرامـات=وانا مصيفي بيـن طلحـه وشعبـان الفرق واضـح بيننـا فـي علامـات=وهقت نفسي كيف انا كنـت غلطـان قصده تعاطف يـوم قالـت سلامـات=وجيتك من اقصايه على غير عنـوان والموعد اللي مـن سنـة بالعيـادات=طوفته بساعة علـى شـان الاعيـان

للـطـيـب بــيــت ولـلـزعـامـه سـلاطـيــن=والــنــايــفــه مــــاكــــل واحــد يـــطـــولـــه
والطيب مايرضى بغير الكريمين=زحول الــرجــال الـــلـي تــقــولـــه تــنــولـــه
حضرت في جمع الشيوخ الميامين=شيـوخٍ عـلـى الـطـولات تسـرج خيـولـه
واسم خمشه يعنـي كـذا بيـن قوسيـن=(بـيـت الشجـاعـه والـكــرم والـرجـولـه)
الـنـايــفــيــن الـشـامـخــيـن الـعــديــمــيــن=والـطـيــب ســنـــدا والـمــراجــل حـمــولــه
ودك تـشــوف الــعــز بـمـجــرد الـعـيــن=نـــاد خـمـشـي لـوهــو بــســن الـطـفـولـه
مــن صـلـب وايــل مخلفـيـن القـوانـيـن=الـلــي لــهــم بـالـمـجـد صــولــه وجــولــه
عــدوهــم يـسـقــى مــــن الــمــر كـاسـيــن=ولو يصـعـد لسـطـح القمر يصـعـدوا لـــه
ولـلــجــار جـنــّـه ولـلـمـوالــي سخيين=لوهي طريفه من بعضها اقسموا لـه
يوم البدو بيته شعر والحضر طين=والـوايـلــي مــاخــاب مـنـهــم عــنــوا لــــه
رضـيــعــنــا قـــبـــل فــطــامـــه بـعــامــيــن=يــســقــى بـفــنــجـان الـــكــرم والــرجــولــه
هــذي عوايـدنـا عـلـى العـسـر واللـيـن=لاقـــيـــل دولــــــة عــــــز عـــنـــاز دولــــــه
تـاريـخـنـا مــعــروف عــبــر الــدواويـــن=قـــبـــل زمـــــان الــبــورصــه والـســيــولــه
ولاهــو قـصـورٍ بالـرجـال الحشيـمـيـن=فـــي كـــل قـــوم رجــــال حــــق ونـقـولــه
اصــحــاب بـالـدنـيـا واخــــوان بـالـديــن=قــبــايــلٍ نـــطـــرب لـــهـــا مــــن فــعــولــه
وارجع واقـول الطيـب مابيـن قوسيـن=(ذيك خمشه ربعي كرم مع رجوله)

من لا عرف مدخله يضيع مخراجه=والناس ماهي سوا يمكن تصدقني
والكذب سلعه رديه عند هراجه=وحبٍ من النوع هذا ما يوافقني
لا صار حبك مزيف في رجا حاجه=من غير تمثيل خذ حاجتك واعتقني
في نعمة الضوء ما نحتاج لسراجه=والنور نور الضماير يا موهقني
خدعتني بابتسامه يوم نتواجه=وصدقت عينٍ بنظراته تلاحقني
وغرّقتني بالكلام العذب وأمواجه=وصبحت بيّدك على كيفك تغرّقني
ولبست ثوب الحرير وسلك ديباجه=ومثّلت دور الحبيب وقلت عاشقني
ماكنت داري عن التمثيل واخراجه=وانتي بطل فلم والتمثيل شوقني
وخلف الكواليس والمكنون بادراجه=بانت حقيقة غرامٍ كان حارقني
واليوم يا زارع البستان وانتاجه=هذي محاصيل حبك لا ترافقني
ولا عاد تشكي ولا تسأل وش تواجه=الله يوفقك وادع الله يوفقني
ومن لاعرف مدخله يضيع مخراجه=ويديّك ماهي سوا .. يازين صدقني