صفحات المضايف على تويتر
عدد مرات النقر : 5,169
عدد  مرات الظهور : 50,284,830
عدد مرات النقر : 287
عدد  مرات الظهور : 13,461,635
عدد مرات النقر : 190
عدد  مرات الظهور : 3,903,456
عدد مرات النقر : 223
عدد  مرات الظهور : 11,040,826صفحات المضايف على الفيس بوك
عدد مرات النقر : 4,043
عدد  مرات الظهور : 50,284,838
فضيلة الشيخ محمد المهوس وفضيلة الشيخ عبيد الطوياوي
عدد مرات النقر : 1,289
عدد  مرات الظهور : 44,483,0245ملتقى الويلان الثقافي والإجتماعي
عدد مرات النقر : 2,292
عدد  مرات الظهور : 50,284,830موقع المضايف على أنستغرام
عدد مرات النقر : 1,528
عدد  مرات الظهور : 36,261,928صحيفة واصل الألكترونية
عدد مرات النقر : 567
عدد  مرات الظهور : 21,898,366ديوان صوتي للشاعر منصور الرويلي مع نخبة من المنشدين
عدد مرات النقر : 2,399
عدد  مرات الظهور : 42,063,6644
التميز خلال 24 ساعة
العضو المميز الموضوع المميز المشرف المميز المشرفة المميزه
لا صرت ضايق فطيع الشور .... روّح معي يمّها ساعه
بقلم : عناد الروّاد
قريبا قريبا

الإهداءات

« آخـــر الـــمـــشـــاركــــات »
         :: لا صرت ضايق فطيع الشور .... روّح معي يمّها ساعه (آخر رد :عناد الروّاد)       :: هنا مدرسة محمد رسول الله صلى الله عليه وسلم (آخر رد :عابر سبيل)       :: كيف شرع الاذان في الاسلام (آخر رد :عابر سبيل)       :: تفائلوا بالخير تجدوه وعليكم بالدعاء (آخر رد :عابر سبيل)       :: دعاء بين السجدتين (آخر رد :عابر سبيل)       :: تفسير هاروت وماروت (آخر رد :عابر سبيل)       :: حكم الاحتفال بالمولد النبوي (آخر رد :عابر سبيل)       :: مسؤوليــــــــــــة الجميـــع ( خطبة جمعة ) (آخر رد :عابر سبيل)       :: العفـــو شعــــار الصالحيـــــــــــن ( خطبة جمعة ) (آخر رد :عابر سبيل)       :: ( لعلهم يذّكرون ) حطبة جمعة (آخر رد :عابر سبيل)       :: تغطية قناة الشامخ لحفل زواج ابنائي سلطان وجدعان الاطرق الهذال (آخر رد :عابر سبيل)       :: اجمل ترحيب بعودة مراقبنا طلال الميهوبي (آخر رد :عابر سبيل)       :: ((لا تنخدع بالخيل لو هن جميلات)) (آخر رد :عابر سبيل)      


العودة   شبكة مضايف قبيلة عنزة > ►◄الـمضـايـف الأدبـيـّه►◄ > مضيف دواوين شعراء المضايف

مضيف دواوين شعراء المضايف بالنَّدَى يُكتب الشِّعْر، وَبِالنُّورِ يُعرَف، وبهِ تَنتَشي الأرواح { دواوين الشعراء }

كاتب الموضوع قمر ليلة العشاق مشاركات 36 المشاهدات 14859  مشاهدة صفحة طباعة الموضوع | أرسل هذا الموضوع إلى صديق | الاشتراك انشر الموضوع
إضافة رد
 
أدوات الموضوع انواع عرض الموضوع
#1  
قديم 24-03-2010, 01:42 PM
قمر ليلة العشاق غير متواجد حالياً
لوني المفضل Cadetblue
 رقم العضوية : 586
 تاريخ التسجيل : Mar 2010
 فترة الأقامة : 2843 يوم
 أخر زيارة : 04-07-2010 (12:05 PM)
 المشاركات : 780 [ + ]
 التقييم : 10
بيانات اضافيه [ + ]
افتراضي &&ديوأن الشــآعــر المبدع والمتألق عبدالعزيز الوآدي&&





اخواني واخواتي اعضاء مضايف عنزه

سيكون لنا وقفه مع شاعر عذب ورائع يمتلك عزف خاص وجزاله ومعاني جميله

لن اطيل عليكم لان مقدماتي لن تفي شاعرنا حقه

اترككم مع اجمل قصآئده~

اختكم&&قمر ليلة العشاق&&




 توقيع :

رد مع اقتباس
قديم 24-03-2010, 01:47 PM   #2


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي






طبعي بدوي .. وان ضيَق الوقت فينـي
سجيت رجلي .. موسع الصدر والثوب




أزعـل وطنخـات .. البـداوه تجينـي
أمشي الخطر .. والعمر لا بد منهـوب




أطقهـا لطمـه .. وأعـود حزيـنـي
لامن عشقت .. وشفت بالعشق عذروب




ايه بدوي .. والدمـع باطـراف عينـي
ابكي رحم .. والخوف مالي بـه دروب

أستقبـل الضيفـان .. وأذبـح سمينـي
طبع (ن) لنا .. يا هيه والبن مصبـوب

أسرح مع نياقـي .. وأغنـي هجينـي
لا طاب كيفي .. وأطيب الدر محلـوب

محروق جلدي .. والتعب مـا يعنينـي
قلبي بياض .. وكل نطقي انـا اسلـوب

اصدق مع الصادق .. وابي اللي يبينـي
وأقسى على الكذاب .. لين انـه يتـوب

أحب منهو حـب .. قربـي ويجينـي
ومن عافني .. كيفه ولا هو بمغصـوب

أشتـد بالشـده .. وعـرقـي متيـنـي
لامن نخاني .. فاتـن الخـد رعبـوب

خيلي اصيلـه .. افخـري وأوصفينـي
تنومسي يا بنت .. والمـوت مشـروب

أسكر وأخلي .. القاسيـه لـي تلينـي
لأني بدوي .. والورث من جدي حروب





أنطح فحـول القـوم .. فعلـي يبينـي
واثق خطا .. ادحـم ولانـي بشـاذوب

ما اخيَب الهقوات .. ما احـد ايحدينـي
أحدهم وانا .. علـى اعـداي لاهـوب

أنا على الطولات .. ما أقصـر يمينـي
أتعب لها .. والعز هو خيـر مطلـوب

طبعي كـذا .. ويـزداد فينـي حنينـي
لا طاح ليلي .. وضوي هناك مشبـوب

هـب الشمـال .. اللـي يبيـح كنينـي
هيَض علي الجرح .. والجرح مرعوب




طقيتهـا لطمـه .. ودمعـي بيديـنـي
والله يعين اللي .. عن الخل محجوب ..




 


رد مع اقتباس
قديم 24-03-2010, 01:53 PM   #3


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي ^^عشرين ثلاثه موعد الحجز ياخال^^



عشرين ثلاثه .. موعد الحجز .. يا خال
وش حيلتي ويديـن .. فعلـي قصيـره
لاني قريب(ن) له .. ولا القلب لي مـال
ما ادري متى يشعر .. ويصحى ضميره
اضيق انا بليلي .. وهـو ريـح البـال
سالي وانـا همومـي .. عليـه كثيـره
أعـد رمـل القـاع .. والدمـع همـال
حزيـن والفرقـا .. علـيـه عسـيـره
اداعب نجـوم الظهـر .. ماهـو هبـال
لا ترتجونـي دام .. هــذا مصـيـره
المشكله يدري .. ويعـرف وش الحـال
في غيبته دنيـاي .. مـا هـي سفيـره
وين اشتكي من ظلم .. منهو علي عـال
ضاقـت علـي .. ولا لقيـت الذخيـره
مشكاي للمعبود .. هـو مهـدي الضـال
هو ربـي اللـي .. كـل كونـه يديـره
ارجوك لا تهتم .. وش صار .. وش قال
ادري مجـرد فلـم .. تبغـى تثـيـره
لا معطين ضحكه .. ولا مرخي الشـال
تقسى علـى قلبـي .. وتعطـف لغيـره
يا مسافر(ن) عني ترى الهم .. بي طـال
وشلون ترخص ديرتك .. بـأي ديـره
قرب رحيلك .. وازعج الشعـر مـوال
اسمع صدى صوتي .. وتكشف سريـره
خذ ما بقا لك من ملابس .. مـن آمـال
خذ ذكريـات مغلفـه .. بألـف سيـره
يمكن تذكـر .. واحـد(ن) كـان خيَـال
يقنص غرامـك .. والحصيلـه سعيـره
عاديت كل الناس .. عاديت انـا ظـلال
جسم(ن) نحل .. والحال منـك كسيـره
صادق نوايـا نيتـي .. مثـل الاطفـال
اليا حلفـوا والدمـع .. هلـوا غزيـره
مع السلامه .. ليـت اعانقـك بوصـال
والا مصافـح .. ياليـديـن الحـريـره
يا هلال انا طالبك .. يا هلال يا هـلال
ونـس عشيـري .. لا تكـدر غديـره
تو الشهر والشـوق .. مربـوط بحبـال
يبغى الوصل .. وهمـوم بقعـا تديـره
بتصير بيني وبينـه .. بحـور وجبـال
لا صوت انا اسمع له .. وعيني سهيـره
عشرين ثلاثه .. موعد الحجز .. يا خال
قرب وانـا ضايـق وحالـي خطيـره


 


رد مع اقتباس
قديم 24-03-2010, 02:16 PM   #4


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي !!هذي سوات الخل لاغـــــــــــآب خله!!






درب المحبه .. شوك .. لا تزرع الشوك
يعني .. افتهم لا تزيد .. زلتك .. زلـه
ياورد ماأخبرك كـذا .. كيـف قسـوك
بمقابلي ... سيـف العـواذل .. تسلـه
ما أرجوك انا .. لان العواذل ترجـوك
وحطوك في وجهي .. عـدو(ن) وعلـه
فارس .. ولكني ضعيـف(ن) ومهلـوك
قدامـك انـت .. وغيـرك انـا أذلـه
أنا معاك .. موقـع عهـود وصكـوك
ما أخونها لـو خـان .. قلبـي محلـه
ماني ردي .. ولا ني انسـان صعلـوك
ولاني خوي رخوم .. يـا طيـر قلـه
أنا ملك .. لاني ولد .. عـم .. لملـوك
فينا الوفا .. طبع(ن) .. وسلم .. وجبلـه
أنا كـذا مـا أقبـل العلـم .. مشكـوك
واضح ودربي لا بغيتـه .. مـا اظلـه
هـذا انـا .. يـا عاشقـه لا يغـروك
أكتم حـزن والدمـع عينـي .... تهلـه
وحيد .. في دنيا عصابات .. وشيـوك
فقيـر مـال ... ووارث العـز كـلـه
هذا عزاي .. ووضعك الحين مربـوك
جتك الحقيقه .. رغـم عـذر(ن) تفلـه
طارت .. اماني حبك شلـون ابدعـوك
ترجـع لماكـر قلبـي ... اللـي تدلـه
ماني من اللي .. من المخاليـق باعـوك
انا الـذي نـام الوفـا .. تحـت ظلـه
تصدق بأن .. ضلـوع قلبـي يعـادوك
لا زاد هجرانـك ... وبعـدك تبـلـه
وفي جيتك .. لا جيت جولك يراضـوك
وأهدوك قلبـي .. وانـت قاسـي تغلـه
هذي ضلوعي .. شفت وشلـون حبـوك
رغم الاذى منـك .. وحقـد(ن) تشلـه
كنت اتمنى ... بداخلـي يـوم نـادوك
في جيتك لـو جيـت .. وتطـل طلـه
تلبي نداء .. منهم على الـروح بـدوك
يا قاطع(ن) حبل الوصل .. مـن محلـه
جاوب ... سؤال اللي انغروا وعـزوك
هذي .. سوات الخل لا غـاب خلـه ؟؟





 


رد مع اقتباس
قديم 24-03-2010, 02:20 PM   #5


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي $$خلك وفي لاتسبب الجرح وتروح$$



خلك وفي .. لا تسبب الجرح وتـروح
خلك شجاع .. وشـف نتايـج فعايلـك
خلك كريم .. ومد وصلـك ولا تشـوح
عني بنظر عينـك .. عسانـي فدايلـك
كل ما انجرحت .. اقول يا حلوها جروح
حتى هقيت الجـرح .. اعظـم هدايلـك
علمتنـي اسامـر .. الليـل وابــوح
واشكي همومـي .. للقمـر واتخايلـك
انا صويب الحـب .. للحـب مطـروح
هذا اعتراف .. اللي شكى من رسايلـك
والحين صوتي يشتكي .. منك مبحـوح
ما ادري تجاهل .. من لفا مـن ناديلـك
فان كان ودك بالبعد .. فانـت مسمـوح
باحمل جروحـي .. واتحمـل عمايلـك
الله معـاك .. الله يسهـل لـك سفـوح
جبال حلمـي .. مـع بقايـا رجايلـك


 


رد مع اقتباس
قديم 24-03-2010, 02:22 PM   #6


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي ~~ماكــــــــــــأنت الهقوه~








ما كانت الهقوه تجي صدمتي فيـك
ما كنت أظنك ناوي(ن) لي خديعـه
أثرك تفرح لا اشمتوا بي وانا ارجيك
تحمي قفاي اليـا حكـوا بالهزيعـه
يا صاحبي باشكي لربـي يجازيـك
بسواتك اللي ما رضتهـا الشريعـه
يا صاحبي كيـف الليالـي تنسيَـك
والا الردى يا صاحبي لـك طبيعـه
أنـا وفـي ولا كسـرت بهقاويـك
بياض وجهـي حافظـه مـا أبيعـه
أرفـع مقامـي وأتجنـب مماشيـك
ما أرضى الهوان وعيشتي بالطليعـه
ما ني عدو(ن) لك ولا ني معاديـك
وماني رفيق(ن) لك وعقلي بأطيعـه
يا هيه انـا رافقـت ليلـي بأخليـك
مع ربعك اللـي يعشقـون النزيعـه
يا صاحبي يا ليـل جيتـك مناديـك
زابنك انا وخطـاي يمـك سريعـه
أبغى سهيلك بأشتكـي لـه واسليـك
وأسامر نجومـك وقاعـي وسيعـه
يا ليل ما أقشر خوتك كيف اجافيـك
انت اسود(ن) وسهيل ما ابعد لميعـه
يا ما حلا صبحي اليا أجلا تجنيـك
وسهيل مقفي مورث(ن) لي ربيعـه
يا خاين الخوه عسـى الله يجازيـك
بسواتك اللي ما رضتهـا الشريعـه





 


رد مع اقتباس
قديم 24-03-2010, 02:26 PM   #7


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي ""حـــــــــآن الفراق وكل دمع تخفى""






حان الفراق وكـل دمـع(ن) تخفـى
يبي ينهمر في غيبتك غصب مو طوع
مع السلامـه ليـه دمعـك تضفـى
بأهدابـك اللـي بلله وادي دمــوع
هذي ثـلاث ايـام والحـزن زفـى
بشرى غيابك عازم(ن) هم به جـوع
حتى عـدوي بغيبتـك جـا تشفـى
واصدق خوي يقول بالحب مخـدوع
البارحـه ورمـوش عينـي ترفـى
والليل مظلم ما ضوى ليلـي شمـوع
أبكي ندم ما أدري قهـى ليـه قفـى
وخلاني لحالي انا وحزنـي ربـوع
ليلة شتا بارد عسـى المقبـل أدفـى
وانعم بحظن الوصل ماهو بمقطـوع
أحطب بيـوت الشعـر والهـم وفـى
أشعلـت ليلـي واترجـاك برجـوع
يكفي غيابـك يامنـى الـروح كفـى
هذي ثلاث ايـام وشلـون باسبـوع






 


رد مع اقتباس
قديم 24-03-2010, 02:28 PM   #8


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي !!العود والطير!!






ياطير ارحم .. حالـة العـود لا تطيـر
عقب المبيت .. تهـوم تبغـى ارتحالـي
يا طير هذي .. حالـة العـود يـا طيـر
لامن رحلـت .. تضيـق فيـه الليالـي
بالامس ضاق .. وجيت له انت بعصيـر
وسليت خاطر .. عود مبطي مـا سالـي
وهـو جمـاد ولا يعـرف .. التعابيـر
شفه انحنـى .. يبـي ينكسـر بانفعالـي
هذاك عود وراجي .. الطيـر لا يطيـر
وانا بعد .. ما ابغاك ترحـل يـا غالـي
يا اللي ملكت القلب .. واعطيـت تهجيـر
ناس(ن) لهـم بالقلـب .. مكـان عالـي
من بعد ماأنت حـاذف الدلـو .. بالبيـر
شلت الدلو .. ثـم اصبـح البيـر خالـي
يوم الظمـا جيتـن .. بكـل التصاويـر
تبي الـروا .. منـي وانـا لـك زلالـي
وانا انخدعت .. وجيت مـن دون تفكيـر
واقول في نفسي .. زمانـي صفـا لـي
اوطا اشواك الحب .. فـي كـل تقديـر
واقطع دروب .. الخوف سود(ن) لحالـي
كله لعينا واحـد(ن) .. قلـت هـو غيـر
راح وتركنـي .. فـوق ذيـك التلالـي
صبح وضحا والليل .. والظهر وعصيـر
والمغرب اللـي .. فيـه نشـوة خيالـي
ما غير اهيجن يقطع .. الصوت ويغيـر
اول نهـاري لال .. واخــره لالــي
اطالع نجـوم السمـا .. واسمـع العيـر
تحن ترجـي .. حويـر(ن) تـو جالـي
يومه سمع .. ما خيـب الظـن بالخيـر
عود لها وحينه .. طـرا اللـي طرالـي
ماعـاد ابيـن .. ضيقتـي للمسايـيـر
اللي تجـي وتقصـر .. اطـول احبالـي
ولا عاد اهوجس .. وش ترى باكر يصير
دام البـراد .. يخـون عـز الظـلالـي
يامطوح(ن) صوتك .. للاصوات تفسيـر
ما احد(ن) سمع لك كود .. ذيك الدلالـي
انص الدلال وبهـره .. خـوش تبهيـر
وانس الهوى .. واهل الهـوى للزوالـي
واقدع مـن التمـره .. ودوك القواريـر
وامله قهـر .. حزنـك وشـد الرحالـي
واذا نويـت تحيـر .. الـدرب تحييـر
امش بزعـل .. ليلـه جفاهـا الهلالـي
واذا تعبـت .. مـن السفـر والمشاويـر
واعينـك الاهـات .. مـن دون والـي
ازبـن علـى الغربـه .. بليـا تشاويـر
وابدا حياتـك .. ناسـي اللـي مضالـي
يا عمـري .. اللـي راح كلـه معاسيـر
من وين ما وجهت .. مـا لـي مجالـي
يا حيلي .. اجبر كسـرة الوقـت تجبيـر
لا تنحنـي للوقـت .. والوقـت مـالـي
دامـي انـا .. ويـا السحـاب المزابيـر
بياتيكـم الماطـر .. يـعـز المفـالـي
ودام الهوى .. يعشـق ملاعـب نواويـر
لا بـد مـا .. ياتيـك ريـح الغـوالـي
جرح الزمن مهما .. كبر عندي صغيـر
لا ما غدالي شي .. لـو هـو غـدا لـي
ومادام تكرهنـي .. فبعـدك لـي اخيـر
لاني ما احب .. اللي كره قـرب جالـي
ويا شين .. خـدك يـا اليالـي المغابيـر
لك قبلة(ن) سـودا .. عساهـا الزوالـي
ويازيـن .. ماطـر هالغيـوم المباكيـر
ما كنها .. الا دمـوع حـز(ن) رثالـي
وحظ القلـم .. حظـه بحظـن المحابيـر
ما كنـه الا يقـول : كـف العنـا لـي
ويا شين .. حظ العـود حظـه معيثيـر
عاش الحيـاه بمـر .. مـا ذاق حالـي
حيث انحطب .. واهموم بقعا بـه اتديـر
قالوا: يبس .. والوقـت بالعـود طالـي
يبـون شبـة نـارهـم .. للخطاطـيـر
ويبون لا اشتـد الشتـا.. جمـر صالـي
حطوه وسط النار .. وهو يرجي الطيـر
والطير عنده .. مبرقـع(ن) مـا يبالـي
اصعب عذابي خونـة(ن) .. ثـم تبريـر
واصعب عذاب الشوق .. قطع الوصالـي





 


رد مع اقتباس
قديم 24-03-2010, 02:31 PM   #9


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي شدوا ويمتهم جنوبن عن الديره






(شدوا ويمتهم جنوبـن عـن الديـره
واقفوا وانا قلبي من الهم مرضانـي )
ابكي وراهم والصبر احسن وخيـره
وانا قدم رجلي مـن المشـي تعبانـي
دارت علـي امــور يالله تدبـيـره
ارفع لك ايديني مسافـر وضميانـي
يا الله عليك اصعب ظروفي تيايسـره
انت الوحيد اللي ابـد مالـك الثانـي
هلت عيوني دمع يـا كبرهـا حيـره
ضايق واحس الكون مالي به امانـي
الخوف كله من قريبـن نفـخ كيـره
والا البعيد ابعيـد انسـاه وينسانـي
لوم الصديق اصعب ويا شينها سيـره
لا جيب تبغى اللي يواسيك لك خانـي
شلنا جروح الوقت والجو بـه طيـره
والظلم يجرحني اليا جا مـن فلانـي
هيبة جيوش الحكم كثـرة طوابيـره
والذيب له هيبـه وللقـول برهانـي
راعي الشجاعه بان مالي بتصويـره
ما هاب كثر الخلق للموت جا عانـي
يشبح سما حرن على ايدي صقاقيـره
له هدتن ترهب وتسحـر بالأعيانـي
اطرب اليا شفت البطل مع مغاويـره
دافع عن الاعراض ما هاب عدوانـي
حبيت اوضح لكـن العقـل تفكيـره
منه شرد والناس مـا ترحـم الفانـي
بكيـت ليـن الدمـع بيـن معاذيـره
وبـدل بدالـه دم يـا ويـن خلانـي
كان اغلى من سكن قلبـي واساريـره
وللحين انا احبه مـن كـل وجدانـي
همت بغرام اللـي قليلـه مشاويـره
سنه صغير وطاغي الزيـن ربانـي
واحلفلك ان الكون كلـه باعاصيـره
لامن لمحك يطيب ريحن ومسكانـي
يعجز شعور الشعر يوصف تعابيـره
بافراحه وضحكه وبوقت الاحزانـي
تكفى عشقتك عشق ما اقبل مصاديره
خلك رحوم اعطف ترى الحب عنواني
كفيت قولي والمخاليـق بـه غيـره
يكفي تعرف الحب من كـان عنانـي






 


رد مع اقتباس
قديم 24-03-2010, 02:34 PM   #10


الصورة الرمزية قمر ليلة العشاق
قمر ليلة العشاق غير متواجد حالياً

بيانات اضافيه [ + ]
 رقم العضوية : 586
 تاريخ التسجيل :  Mar 2010
 أخر زيارة : 04-07-2010 (12:05 PM)
 المشاركات : 780 [ + ]
 التقييم :  10
لوني المفضل : Cadetblue
افتراضي اظلم من سكن ارض الجزيره






أ نت اقسى .. واحد(ن) عشت وعرفته
أنت اظلم .. من سكن ارض الجزيـره
انت اكذب .. من نطق هرج وكشفتـه
انت اغـدر .. يـد يمنـاك الحريـره
انت ادمى .. جرح في قلبـي سترتـه
انت احَير .. دمع بالعيـن الضريـره
أنت أطول .. ليل في عمري سهرتـه
أنت اسود .. فعل واعـذارك كثيـره
أنت اعظم .. سر في صـدري دفنتـه
انت اكبر .. ذنب لضلوع(ن) كسيـره
انت اول .. شخـص بالدنيـا عشقتـه
انت اخر .. شخص يصحى به ضميره
انت خاين .. ليه عهدك مـا حفظتـه
حسبي الله .. سيرتك جرحـي تثيـره
جابك اللي .. جاب دمع(ن) ما نثرتـه
لأجل أعرف .. الوقت من شره وخيره
أنت صيد(ن) .. يوم بالمخلب خطفتـه
خاب ظني .. فيـه والهقـوه كبيـره
ضاع صوتي .. في خفوقي ما سمعته
طاح حيلي .. والعزا دروبـي سفيـره
هم غم(ن) .. ضمها لاسم(ن) نكرتـه
غطها عن .. برد وأطمـاع المغيـره
صد وأرحل .. كل شي انـا كرهتـه
لا وفا لا حب .. لا الـورد وعبيـره
ما بقا بالجوف .. جرح(ن) ما جرحته
ما بقا باحزام .. وقتـي مـن ذخيـره
أنت اول .. شخـص بالدنيـا عشقتـه
انت اخر .. شخص يصحى به ضميره






 


رد مع اقتباس
إضافة رد


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 11:53 AM.


Powered by vBulletin Version 3.8.7
Copyright ©2000 - 2017, Jelsoft Enterprises Ltd Trans
HêĽм √ 3.1 BY: ! ωαнαм ! © 2010
Ads Organizer 3.0.3 by Analytics - Distance Education