الفاضي يدخل .. مسألة رياضية

[عويد بدر الهذال]

صباح / مساء الخير للجميع

شخباركم ان شاءالله طيبين

المهم

عندي لغز او بـ الأصح مسألة رياضية بسيطة بس تلحس المخ شوي م,, س ت غ ر ب

لكن اللي يعرف حله مسبقا ً او سبق ان مرّ عليه الموضوع لايكتب شي

وبعدين البحث بـ العم قوقل ممنوع

ياليت يكون تفكير منطقي لحل المسألة

وان شاءالله مايكون الموضوع قديم او مار عليكم > يدعي


بسم الله نبدأ


لـ نفرض ان عليك دين فاتورة جوال مثلا ً ومبلغها 450 ريال

وبنفس الوقت طفران ومامعك ولا ريال > كـ العادة

حلو ..

رحت تسلفت من أبوك مبلغ 250 ريال

ورحت تسلفت من أمك مبلغ 250 ريال بعد

وأصبح مجموع اللي تسلّفته 500 ريال

بعد ذلك رحت سددت فاتورة جوالك اللي هي 450 ريال

وبقى معك 50 ريال

رحت رجّعت لوالدك 10 ريال من الـ 50 ريال لينقص الدين عليك

أيضا ً رجّعت لوالدتك 10 ريال من الـ 50 ريال لينقص الدين عليك

الحين صار الوالد يطلبك 240 ريال وكذلك الوالدة تطلبك 240 ريال

يعني مجموع اللي يطلبونك الآن مبلغ 480 ريال بالضبط ..

وبقى معك 30 ريال من الـ 50 اللي قبل شوي

>> الحين بدت اللحسة صح g1

الآن اذا جمعنا دينك البالغ 480 ريال مع الـ 30 الباقية من الـ 500

أصبح مجمل دينك 510 ريالات h1.

وأنت ما تسلفت الاّ 500 ريال !

السؤال هو : من وين جت الـ 10 ريالات الزائدة ؟ م,, س ت غ ر ب

أتمنى اني وفقت بـ الشرح واللي يحلّه أهنّيه على عبقريته

أرجع وأقول اللي مرّ عليه اللغز رجاءً لايكتب الحل

وقوقل ممنوع


شدّوا حيلكم

[عبدالله]

اشكرك على اللغز الحلو
مر علي وما ابي اخرب على الباقي

[عويد بدر الهذال]

اشكرك على اللغز الحلو
مر علي وما ابي اخرب على الباقي

حياك اخوي عبدالله .. ما اوصيك لاتعلّم أحد :)da

شاكر لك مرورك عزيزي

[فهد عبداللطيف الغبين]

قسم قسمات من غير ما ادخل جوجل ولا شي لكنك احرجتني بسعالك لاني خريج محاسبه ماليه بس استفدت من واحد خريج كلية الاتصالات الموووهم وصلنا لحل


يوم دفعنا الفاتوره ابوي يطلبني 250 وامي 250 وبقى 50 ريال معي على كذا الماما والبابا كل نفر فيهم يطلبني 250 اوغيه رجعت لابوي 10 ولامي 10 يبقى كل واحد يطلبني 240 فيهم باقي معي ثلاثين لو جمعنا الـ 10 ريال اللي مع ابوي والـ10 ريال اللي مع امــي + 30 ريــال اللي معي + 450 الفاتوره = 500


هذي العمليه الصحيحه بس ولا تحرجنا بهيك اســـأله تشربكت اسلاك مخي من اليوم