مرقاب الغريب

[عناد الغريب]

هنا اشلاء غير قابله للنشر

.
.
.
.
.
.
.
.
.
.
.
.الدمعه اللي توّايق من ورى عيني
.............................ادف عيني وراها كانها طاحـت
معقوله ابكي على اللي ما تدانيني
............................لو انها باغيتني كـان ماراحـت

[الشاهين]

وما أجملها من أشلاء يامبدع


ننتظر المزيد شاعررنا

[عناد الغريب]

تدري وش اصعب جرح يبلش مداويه=جرحن مـع الايـام يكبـر نطاقـه
لياجرحك اللي عـن الضيـم واقيـه=وخان المبادي والرحـم والصداقـه
هذا هو اكبر جـرح يمكـن تلاقيـه=ملعون ابو جرحن يجي مـن رفاقـه

[عناد الغريب]

الشاهين

جمّل الله حالك

ينتظرك كل خير

هنا اعبّر عن شعوري بلا رقابه ناقد

فضفضه مايجول بصدري

دمت بكل خير

[عناد الغريب]

اول احسب ضروف بقعا توافيـق
..............................كذا تطب احيان مـن دون سبـه
اااالين ما مات الرجاء با لمعاليـق
..............................ونبع التواصل وقّف الوقت صبـه
اثر الضروف اللي على خلي تويق
..............................تفـردت بـه واستلـذت بحـبـه
واثر الضروف تحب مثل المخاليق
.............................تعشق ولا تعشق من الغيـد دبه

[عناد الغريب]

م المشكله في طيحتك من عيونـي
.................المشكله طحتي وباقـي خناجـرك
واحد وقف مغروز بيـن الجفونـي
.....................كنّه يبيني غصب عنـي اناضـرك
وواحد بدأ التدمير بشكـلآ جنونـي
............يكمّل على اللي م اندفن في مقابرك

[عناد الغريب]

كذا من الله على الله راح ماودّع
................................رحل رحيل الاماني في طرف غيمه
ماكنّه اللي عبث بالخافق وبدّع
................................ولا كنّي اللي حفظت القدر والشيمه

[هتان]

عناد الغريب
مشاعر راقيه جدا ـــــــ
وكي تكون لك حرية التعبير ـــــــ مارايك لو تم
نقلها للركن الهادئ هناك ستكون لك حريه اكبر
بعيدا عن الردود .
شكرا

[عناد الغريب]

هتان هتونه ياوخيتي بسرعه انقليه

تراني مضيع بسرعه ياوخيتي قبل يشوفه زايد يفضحني

هتونه لاعدمتك انقليه

[هتان]

هتان هتونه ياوخيتي بسرعه انقليه

تراني مضيع بسرعه ياوخيتي قبل يشوفه زايد يفضحني

هتونه لاعدمتك انقليه


تامر امر راح انقله ــــــــــ
رغم اني فكرت اخليه شوي علشان زايد يشوفه ^_^

[عناد الغريب]

لاهنتي ياوخيتي

اشوا بغى يدري زايد لكن مادرى

كل الشكر والاحترام لكي

دمتي بخير

[عناد الغريب]

صبري على نفسي لو اصارع الجوع
...............................اخير من مد اقرب الناس ليّه

[عناد الغريب]

والله اني كنت مخلص له وابدّع في غلاه
.........................مغمّض عيوني عن عيوبه تقول اني عما
لين شفته كل ما اقفي يلحقني حصاه
..................قلتها له مايطيح من النجوم اخف واريح للسما

[عناد الغريب]

هفّي مهف اللي تهذلف ولا شيف

..................اللي على جريف(ن) هيار وتهلفا

تعبت امرر لك خطايا مراديف

..................واقفيت عنك ولاتنادي من اقفا

[عناد الغريب]

مدري لو انه عكَس مدري وانا مدري...يمكن عكسها على الماضي وانا انتظره
يا وجد حالي عليـه و ياكبـر كسـري....كسراً مع الوقت زاد و لا نفـع جبـره
صبري على غيبته يثبت سعة صدري...عذري معه بس مدري ويش هو عذره

[عناد الغريب]

[font="arial"][size="5"][color="darkred"][center]يامن نشد عن قصيدي واخراخباري=الوضع مزري والاجوا غير صحيّه
فقدت لذة غرام وطاحت اشعاري=مكسور قلبي وشعري منكسر زيّه




http://www.youtube.com/watch?v=iaFsnnCXIds

[عناد الغريب]

قال مدري .
قلت كيف.!
وقال مدري وش تكون
قلت روحك
وانت روحي.
ماتقول اني الحبيب؟
قال متضايق.
وش انت؟
وقلت انا الصدر الحنون
قال وش كثر الغلا.
قلت اعكس حروف (الغريب)<<<<<<<< بير غلا

[عناد الغريب]

اللي يحب وراتبه حول الالفين=في ذمتي ماهو بحول السعاده
مادام مهر البنت ياصل لستين=والام عشره قابله للزياده
والقصرعشر الاف ولا بعشرين=وسعر الغنم عدى حدود الركاده
تشري غنم كنك بتشري بعارين=نرجي عسى المعبود يرحم عباده
ان فكر المقرود بالقرض والدين=عليه قرضاً ماقوا في سداده
اول ماداوم بالعمل دق خمسين=حسّن بها وضع اهْله واستفاده
شرى لبوه جويب موديل تسعين=عوضّه عن ددسن تجيب القراده
وشرى لوالدته طقم شكله زوين=خاتم واسواره ومعهن قلاده
وشرى غريفة نوم معها سريرين=لخواته الثنتين حصه و غاده
وشرى لخوه حمود سيكل كفرتين=ودمعه نزل من كبر فرحة حماده
وشرى لمن تملك حياته عطر زين=لو هو رخيص المعذره بااجتهاده
عاشو السعاده بيوم مدري بيومين=ونسي الديون وجوها والنكاده
والقرض خلّص والولد ماشرى شين=فقير يبطي مايحصل مراده
واللي يحب و راس ماله ريالين=ماجور لو جدد لباس الوساده

[عناد الغريب]

اوااااااااااااه ياكثر التعب وين اوديك===ماعاد لي متنن على الحمل قاوي
كل مانقصت شوي وانويت اوطيك===ينساق لي حملاً من الوقت ضاوي

[عناد الغريب]

اذا غزاك الذيب في عقر دارك=قلي وش الصرفه مع مواجه الذيب
لاصار مابك حيل تقدر تدارك=نيبان ذيب الوقت هي والمخاليب

[عناد الغريب]

طبعي كذا ياصاحبي كل ماضقت=ابدد الضيقه بروس المراقيب
لرقبت في راس الطويل وتهايقت=ولعت بالضيقه بحمر المشاهيب
ضيقه من اصحاب الرخا يوم برقت=ماردهم عن الردى مدّة الطيب
ياكثر ماصدو وياكثر ماوقـــــــــــت=ابحث خفا سبة صدود الاصاحيب
لين اقتنعت اني ضحية ردى وقت=وقتن به ادورت المراجل غدت عيب

[عناد الغريب]

اللي غيابه ثمان سنين جارحني=متى يحين الزمن ويقرر اعلاجي
متى تجيني العلوم اللي تفرحني=اتحطم اقيود حزني تعلن افراجي
متى ايتكرم و يرجع لي ايريحني=ومتى يحن وعليه يوقّف اخلاجي
من غيبته والهواجس ماتبارحني=والحزن سوراً علي بدون مخراجي
ضيقه اتمسيني وضيقه اتصبحني=حتى اختلفت وتغير كل منهاجي
من كثر وجدي عليه الوجد ذابحني=وصدري فراه الفراق وضلعي انعاجي
اشتاق له والدموع القشر تفضحني=ياكثر ماجابت الدمعه لي احراجي
ماني بحاجة نصيحن جاء يناصحني=بيني وبين البشر عهدي هو سياجي
لو ان وضعي غلط لحدن يصححني=ليل العمى مافرق لو يشعل سراجي
اما يجيني حبيبي او يسامحني=لو اقتحمت بجنوني برجه العاجي

[عناد الغريب]

تغربت وانا تبنيت الايتام
.........قلبي وتفكيري وعينً تبيها

عناد