من فيه منكم قبل مايطلع النور

[ناصر الحجوري]

0











0









0






0




بعد الرجاء ماخاب في رد منصور = اللي بخس وزن المعاني وقيه

من فيه منكم قبل مايطلع النور = فالملعبه حاضر ويسمع بقيه

[عايد الطرقي]

سبب هشاش العضم لاصار منخور = والذيب رزقه في طوارف رعيه
الوزن واحد وان تنوعت ببحور= شبل القوافي ينطح اليوم ميه

[ناصر الحجوري]

ياللي ترص الحرف للوزن مشكور = ماانته من اللي يحكمون القضيه
كنت اتمنى يعترض صاحب الشور= حتى اعرف اللي ليّ واللي عليّه

[زايد الدغماني]

نديم القوافي

عايد الطرقي

والله اني توي اشوف ها المحاوره ولكن الحمدلله ماراح شي في البدايه
صحت افئدتكم يا ابطال

متابع وماسك الصفين خخخخخخخ

ونبي نشوف من اللي ينسحب الاول كلكم ارباب سوابق معي خخخخخخ

[عايد الطرقي]

سلكت انا دربٍ قديمٍ وماثور=لان القوافي طيةٍ فوق طيه
والي حقرني يافتى الجود مخطور=اقول انا اكتب للقريب الوصيه

[ناصر الحجوري]

أبغى اسألك يرضيك شاعر ومشهور = يفهم رموز الورد فالمزهريه
ارسلت له مسطور مالد فسطور = وهو الخلف في سالف الوايليه؟!

[ناصر الحجوري]

نديم القوافي

عايد الطرقي

والله اني توي اشوف ها المحاوره ولكن الحمدلله ماراح شي في البدايه
صحت افئدتكم يا ابطال

متابع وماسك الصفين خخخخخخخ

ونبي نشوف من اللي ينسحب الاول كلكم ارباب سوابق معي خخخخخخ



يارجال من غير ماتحلف مصدقك --و على قول عادل امام الدليل -ألوووووووووووله وشكرآ هههههههههههههه
ابو فارس دايم اجدك في كل مشاركات الاعضاء وحضورك على مايقول عادل امام -- متعوده دائئئئمآ هههه
الله لايحرمني من هذا الحضور الغالي ولا يحرمني من روحك الخفيفه وعقلك الكبير -
ابو فارس انت كنت شاويش في ابو زعبل خخخخخخخخخخخخخ
دمت ودام حضورك الغالي

[عايد الطرقي]

شاعرك اعرفه ياخوي مابه قصور=منصور طيرٍ ضارب اليوم نيه
ماني معيديٍ سكن بوسط الهور=ولاني مثل عادل سكنله زويه
عنوانكم تطلب قبل فجة النور = شاعر وجيتك راكبن لي مطيه
فعل عنزه باقي مع الناس مخبور=ارداهم الي ما يخلي خويه
شاعر وقول الشعر من عدة عصور=من روس فخذٍ ماعليهم خفيه
شافو اسرار الورد نحلٍ ودبور=وكلٍ يجي للورد صبح ومسيه
بس النحل في منزل الذكر مذكور=يقطر شهد في مستقر الخليه
جيتك ولاني يافتى الجود مجبور=والمعذره كاني تمثنيت سيه

اشكر اخوي زايد الدغماني على هذا المرور المتميز واشكر لك هذه المتابعه
واسلم عليكم ياربع ما طول عادل اما صار مضرب للامثال
واشكرك اخوي نديم ودمتم بخير ومسره

[ناصر الحجوري]

وين ياخوي ياعايد هذي معلقه الله يهداك ماصارت محاوره
عمومآ صح لسانك وشكرآ على حضورك


واوجودي على اللي يفهمون المعاني = وينهم وينهم لا ياوجودي عليهم

[زيدان العنزي]

صح لساان الجميع



وبيض الله وجهك يا ابو عبدالله


وصح لسانك مليون

[عايد الطرقي]

اخي نديم انت سبق وان رديت علي في المجالس انا على لحن وانت جبت لحن من عندك
ولم اعترض عليك احترام لمشاعرك ارجع واعرف من هوا الي
ما يعرف انا اترك الحكم لمن يسمع مفهوم كل ما قلته ولاكنني لن اقابلك بالمثل
ولن تكون لي عوده بعدها ابد
لانني باسمي الحقيقي والكثير يعرف من انا اسال الله لك الهدايه والتوفيق

[ناصر الحجوري]

اخوي عايد مادري وشفيك من ردك النثري كنك زعلان - ياخو ي انا مقلت لك شئ يزعلك لاسمح الله
وبالنسبه للاسم فإسمي يعرفه الجميع في المضايف والمجالس (ناصر الحجوري) واسئل ابن عمك محمد الطرقي فهو من اعز اصدقائي
اسئله عن حبي واحترامي للرجال مثلك وشرواك -
وعن المحاورة اللي موجوده في مجالس عنزه ياخوي انت اللي مانته على لحن -
حتى ان المشرف الشاعر مشعل القضاب وضحلك ذلك بأن ابياتي على لحن وابياتك ماهي على لحن
وحتى الان لم تدخل وترد على مشعل
واي احد هنا متابع للمحاورات في المجالس بإستطاعته الحكم ويرضيني ابن عمك الشاعر الصديق محمد الطرقي في الحكم
ولايكون في خاطرك شئ ووسع صدرك ياعايد وسامحني إن كان اخطيت دون ان اعلم

[زايد الدغماني]

يارجال من غير ماتحلف مصدقك --و على قول عادل امام الدليل -ألوووووووووووله وشكرآ هههههههههههههه
ابو فارس دايم اجدك في كل مشاركات الاعضاء وحضورك على مايقول عادل امام -- متعوده دائئئئمآ هههه
الله لايحرمني من هذا الحضور الغالي ولا يحرمني من روحك الخفيفه وعقلك الكبير -
ابو فارس انت كنت شاويش في ابو زعبل خخخخخخخخخخخخخ
دمت ودام حضورك الغالي




الله يديم ها الضحكه :

نديم شكلك متاثر بعادل امام بالحيل خخخخخخخخخخخخ
:)

[زايد الدغماني]

اخوي عايد صح السانك ولا هنت

مدري ليه تحولت المحاوره نقاش كان خليتوها شعر

[راجح بن ذيب]

بسم الله الرحمن الرحيم

اسمحولي أيها الشعار بالمداخله أول شي صح لسان كل من الشاعر ناصر و الشاعر عايد أخي ناصر انت عندما وضعت أبياتك توجه لأبيات لي شاعر يعترض أول شاعر يشاهد ابياتك ويرد عليها
وعندما رد عليك أخي عايد قلت تتمنى منصور الرويلي يرد عليك مع أنك وجهت الابيات لجميع الشعار وبعدها قام أخي عايد وكتب معلقه أو قصيده نبطيه وعمرنا لم نشاهد محاوره هكذا هذا النوع يسمى مساجله بين الشعار وأنا اشهاد الحقيقه في هذا القسم واللذي اعرفه ان هذا القسم هو قسم محاوره ليس قسم مساجله أو هجينيات تقبلو تعليقي بصدر رحب
لكم مني جزيل التحايا
أخوكم راجح الولدعلي

[دهش العواجي]

صح السنتكم جميعا

الحقيقه كلكم شعراء كبار

عايد الطرقي


و


نديم القوافي
وأن كنت أرى ان أستعراض الشاعريه
للتفاخر بها على الاخرين ليس من الشاعريه


صراحه محاوره تستحق المتابعه بحينها

تشكراتي

[ناصر الحجوري]

بسم الله الرحمن الرحيم

اسمحولي أيها الشعار بالمداخله أول شي صح لسان كل من الشاعر ناصر و الشاعر عايد أخي ناصر انت عندما وضعت أبياتك توجه لأبيات لي شاعر يعترض أول شاعر يشاهد ابياتك ويرد عليها
وعندما رد عليك أخي عايد قلت تتمنى منصور الرويلي يرد عليك مع أنك وجهت الابيات لجميع الشعار وبعدها قام أخي عايد وكتب معلقه أو قصيده نبطيه وعمرنا لم نشاهد محاوره هكذا هذا النوع يسمى مساجله بين الشعار وأنا اشهاد الحقيقه في هذا القسم واللذي اعرفه ان هذا القسم هو قسم محاوره ليس قسم مساجله أو هجينيات تقبلو تعليقي بصدر رحب
لكم مني جزيل التحايا
أخوكم راجح الولدعلي


اخي الغالي راجح
اولآ اشكر حضورك العطر ومداخلتك القيمه
وثانيآ -- احب أن اوضح لك أنني عندما طرحت ابياتي طرحتها مفتوحه للجميع (من فيه منكم قبل لايطلع النور ) وهنا طلب او سؤال معمم لمن اراد أن يتقدم -
وتقدم اخي عايد ولكن كان رده بعيد كل البعد عن الابيات المطروحه والوضحه لمن يقرأ مابين السطور - - وعندما قرأت الرد قلت (كنت اتمنى يعترض صاحب الشور )
ولم اخصص الشاعر منصور في هذا الشطر - وبعدها طرحت سؤال على اخي عايد - ولكنه اتي بما يشبه المعلقه - وهذا خارج كما تقول عن المتعارف عليه في شعر المحاوره -
واما بخصوص الهجينيات - فالهجينيات بحر من بحور الشعر مثلها مثل اي بحر في شعر المحاورة -
كما أن شعر الهجيني يطلقون عليه النقاد ( السهل الممتنع)
لنه سهل في النظم وصعب في المعنى -
ومن ناحيتي لم ارى فصل بين بحر الهجيني وباقي بحور الشعر الاخرى -
فالشعر هو الشعر ولكن يختلف في البحر
دمت بود

[ناصر الحجوري]

صح السنتكم جميعا

الحقيقه كلكم شعراء كبار

عايد الطرقي


و


نديم القوافي
وأن كنت أرى ان أستعراض الشاعريه
للتفاخر بها على الاخرين ليس من الشاعريه


صراحه محاوره تستحق المتابعه بحينها

تشكراتي


اخي الشاعر دهش العواجي
اشكر لك حضورك العطر والاشاده
واختلف معك بخصوص استعراض الشاعرية -
لم يكن هناك استعراض للشاعريه كما ذكرت - بقدر ماهو موجود إشعار للشاعر المقابل بعدم الخروج عن المعنى-
وانت شاعر وتقرأ مابين السطور - ويرضيني تحليلك للمحاوره - بكل حياديه
دمت ودام حضورك