يــا وقـت ............ محاوله ج ــديده

[فهد عبداللطيف الغبين]

السلام عليكم ..

هذي ابيات ان شاء الله تنال اعجابكم وانتظر نقدكم الهادف واذا شفتوا انها تستحق النقل للنبطي لا تبخلون بنقلها


يا وقت قلي وش تبي ما بقى حيل

وش عاد باقي حمل حتى اشيله

انام واصحى واختنق تالي الليل

نومي بعيني اشتكى من قليله

من همومـ(ن) بصدري مقضّيتها تعاليل

صاير لهم ديـوان شيخ القبيله

تقلط على فنجال علوم الرجاجيل

وسيوف ورماح ونار وفتيله

هذا تجيبه قولت القال والقيل

وهذا يحط الحمل وهذا يشيله

هذا جروحي في عيوني مواويل

يجرهــا ويـقول واعزتيله

وهذا الاقشر بيده الحط والشيل

يقتل ويمشي مع جنازة قتيله

واقولها ومثلك يحل الحلاحيل

يحل حيل الهم ما حل حيله

يا مسندي يوم الليالي غرابيل

شفني تعبت من الحمول الثقيله

وســلامتكم

اح ــساس شـمالي

[عبدالكريم الضبيب]

وعليكم السلام ورحمة الله وبركاتة

هلا بمشرفنا الإعلامي الغالي .. فهد الغبين .

مااقول إلا صح لسانك ..
ومايميز هذا المحاولة .. إحساسك الصادق .
وجميعنا يكتب محاولات .. لاتوجد قصيدة عصماء منزهة من النقد والتعديل .
لاكمال إلا لوجهه الكريم .

ولاأرى ماكتبت إلا محاولة رائعة .. على طريق كتابة القصيدة الجزلة .


كل التحايا والتقدير .

[فهد عبداللطيف الغبين]

هـ ـــلا فيك اخ ـــــوي الغالي ع ــبدالكريم الضبيب

لا هنت على هالتواصل والمرور وصح بـدنك

صدقت بكلامك .... ولاأرى ماكتبت إلا محاولة رائعة .. على طريق كتابة القصيدة الجزلة .
تحيه ع ـــذبه لك ومشكور على كل حرف كتبته هنااا

[قصص الدرب]

صــــــــــــح لسانك فهد وبارك الله فيك

[فهد عبداللطيف الغبين]

صح بدنك اخووووي منور متصفحي المتواضع

[عبدالله]

فهد الغبين

انا لست ناقد لكني متذوق للشعر الجميل

ما كتبته شيء رائع تطرب له القلوب قبل الأذان

بكلمه واحده

قصيده روووووووووووعه

لا تحرمنا من محاولاتك الجميله

[بحر القصيد~]

الشاعر/ فهد الغبين



صح لسانك وتسلم يمينك على الابداع والجزاله



تحيتي لك

[فــرج الـبـلاز]

الرائع فهد الغبيين

صح لسانك مدد بلا عدد ولا هان منطوقك على هذه الرائعه

بأنتظار ما يفيض به قلمك ..

[فهد عبداللطيف الغبين]

الروعه بمرورك اخوي عبدالله منور يالغالي

[فهد عبداللطيف الغبين]

الشاعر/ فهد الغبين




صح لسانك وتسلم يمينك على الابداع والجزاله



تحيتي لك





لاهنت اخوي ابو كسار على مرورك المشرف منور يالغالي

[فهد عبداللطيف الغبين]

فرج منور يالغلا لا هنت

[الملثم الصامت]

الاخ/فهدالغبين
اولا"اشكرك على مشاعرك المرهفة
بنبرات الشموخ؟؟
ثانيا"لم اشاهداحدمن الاخوة الافاضل نقدولوكلمة
لاادري هل تعودنااذاشاعرماالقى على مسامعناان نقول
صح لسانك بعدالتصفيق الحماسي لمن تعودناعلى مجاملته
ارجوان يتسع صدراخي(فهد)والاخوةالكرام لادلي بدلوقدقطع رشاها
ملاحظتي لك حبيبنامراجعة(يامسندي يوم الليالي غرابيل)اذاكان الكلام على ظاهرة
فليست الليالي كلهاغرابيل لان فيهاافراح تنسي من جائتة على ماقيل مصائب الدنيا
والبيت/من هموم"بصدري قضيتهاتعاليل/لاادري هل الخطاباالكتابة اوراجع وزن الشطر
ثالثا">وهذا(الاقشر)"""""""""""""""""كذلك اعدصياغته ووزنه واترك الحكم لنقاد الشعر
تقبل وافرالحب والتقديرمن ناصح وليس ناقد

[فهد عبداللطيف الغبين]

الملثم الصامت

لا هنت على نقدك الهادف او نصيحتك المقبوله كل الشكر لسموك الكريم على هالاطاله الرائعه

[ملكة الإحساس]

هنا السطور تنسج لها ربيعا خلابا بين

هده الحقول الغناء لتاخدنا معها في عالم

التميز والجمال بل الجادبيه عبير سطر

نداه العدري ببساتين الزهر المخملي

يال روعة ماوجدت هنا من ابداع الف

شكرلك ارقى واسمى تحياتي ...


http://m002.maktoob.com/alfrasha/up/683018923430462320.gif