صداع مستمر فما هو الحل

[تركي عبدالله العنزي]

السلام عليكم ورحمة الله وبركاته

استشاره لمن يفيدني واكون له جدا شاكرااااا


اعاني من صداع شبه مستمر اسفل الرأس واحيانا فوق العينين

لدرجة بعض الاحيان حتى البندول مايجيب نتيجه


هذا الصداع شبه مستمر ولا ادري مالعمل


لمن لديه خلفيه يفيدني والف شكر


الراس صدع واعذابي من الراس
............... ياوين ابلقالي اعلاج ٍ لراسي

[حكآية نقآء]

الف سلآمه عليك .. مآتشوف شر ان شاء الله
.. الصدآع انوآع( الصدآع النصفي , الصداع التوتري , الشقيقه , صدآع ضغط الدم ..... الــ خ ) واخآف اقولك شي وانآ مآعندي اي خلفيه

يآليت مآتترك نفسك وتحآول تسوي فحوصآت ورنين مغنآطيسي .. حآول انك تستخدم الثلج والنعنآع يخفف عليك شوي ..
والعلك خخخخ <<< نصحني الدكتور فيه اذا كآن صدآع ضغط الدم بعيد الشر عنك .. والعذر منك ياليت اقدر اساعدك ...

لكن اعيييييد واكرر عليك لا تترك نفسك ولا تتهآون على انه صدآع وخلآص

[زايد الدغماني]

اف اف اف تركي سلامتك واللهg2

لاحول ولا قوة الابالله مستمر الله يعينك اعرفه مغثه ها المرض

عانيت منه كثير وعلى ما اعتقد ان احسن علاج عطوني اياه حبوب اسمها بروند باند بلاس

حبتين الصبح وحبتين با الليل وحده بوحده وترى المثل يقول اسال مجرب ولا تسال طبيب

ويقولون وانا ماجربته زيت البريك تدهن به ظهرك ورجيليك لان المشاكل يمكن تكون في ظهرك

والراس يشتكي من اي شي

جرب وانا اخوك ها الوصفتين وان شاء اللهf24f24تصير مثل الحصان وتزيد سرعتك بعد

وماتشوف باس

[تركي عبدالله العنزي]

تسلمين ياهنوف والف شكر لتس ياوخيه

والله ماقصرتي

المستشفيات والله ياهنوف تجيب المرض زياده

مايعرفون غير بنادول وفيفادول كل ماجيتهم اصرفوها لي

اما انواع الصداع والله مدري

لكن هذا الصداع احيانا يجي اسفل الرأس من الخلف واحيانا فوق العيون مباشره

الف شكر ياهنوف ومايجيك الشر يالغاليه

[تركي عبدالله العنزي]

ههههههههههههههه برود باند بلس

الله يرجك يابوفارس هذا وين القاه العلاج بالاتصالات ههههههههههه

اشوا انك مانت دكتور ولا قضيت علي ههههههههههههه

الشر مايجيك يابوفارس لاخلا ولاعدم

[زايد الدغماني]

افا عليك ياتركي وش دخل الاتصالات اكيد الصداع اثر عليك العلاج في الصيدليه

وان شاء الله تهووووون وتعدي

[د بسمة امل]

وعليكم السلام
سلمتك اخي الكريم ماتشوف شر ان شاءالله
ممكن يكون بسبب اتهاب الجيوب الانفيه
او تعب في العيون راجع اخصائي انف وحنجره
واخصائي عيون هم من يفيدك اكثر
دمت بصحة

[AnskaB]

الله يشفيك أن شاء الله أخوي تركي

[» الجَ’ـآدِلْ ~]

,
ـآلفِ لآِ بآسِ عليكِـ ـآخويِ , ومآتششوفِ شرِ ـإنِ شآءـأللهِـ ’
,
لكنِ ـآنِآ معِ ـآختيِ ـآلهنوفِ ,
يعنيِ ضروريِ تروحِ للدكتورِ , وتطلبِ منهمِ يسوونِ لكِـ ـآشعهِـ ’
ـإذآِ مآنفعكِـ مآضركِـ ’
,

وديِ لكِـ ’’

[أخت لورنس]

فاضلي..


أتبع التالي :

أبعد عن التعصيب والتفكير كثيرا فالراحه النفسيه مهمه جدا .وايضا ركز على تناول كل ماهو صحي من خضروات وفواكه يعني بالعامي لاتترك معدتك خاويه ابدا لان ذلك

يزيد من حدة الصداع ..وغالبا ماينتشر ويكون قوي هالصداع في رمضان اذا كان ياخوي هالصداع بس جاك في رمضان اي بمعنى لاتعاني منه قبل ذلك فأنه أمر عادي

وطبيعي بسبب (خلو المعده من الطعام والشراب لمده معينه) وايضا فاضلي اذا كان معك انخفاض او أرتفاع فهذا له حكايه أخرى.

ولابد ايضا من الكشف على الأذن والجيوب الأنفيه ..لانه ربما تعاني من التهاب سبب لك الصداع.

حاول تعطي جسمك و راسك راحة كافيه وقدر طبيعي من النوم مو سهر باليل ونوم بالنهار هذا قد يكون سبب رئيسي لان نوم النهار غير صحي ابدا.

ايضا بعد حاول تبعد عن مصادر التيارات الحاره والبارده اي بمعنى لاتنام امام التكيف ولاتعرض نفسك لوقت طويل لــ الشمس.

ايضا حاول ان تبتعد عن الناس المسببين لصداع لان بعض الاحيان مجرد رؤيتك لشخص ما يأتيك صداع فضيع.

وأتوقع الي معك هو سببه صيام رمضان ومعك فقر دم لازم تسوي فحص او أنخفاض

بما أن الألم فوق العيون..



سلامات ماتشوف شر

لي عوده




هيبة ملك

[أخت لورنس]

حبوب اسمها بروند باند بلاس






مصطلح جديد في عاأإلم الطب

[زايد الدغماني]

فعلاً اختي هيبة ملك هي جديده وصناعه محليه اخترعها واحد رويلي من الجماعه

وتباع في الصيدليات لكن با السر لا أحد يدري بالله وهي تستخدم لزيادة السرعه للبطيئين والصداع المستمر

واطلق عليها الرويلي هذا الاسم لان فيه خدمه با الاتصالات السعوديه اسمها برود باند لتسريع التصفح

للانترنت وممكن يستفيد منها الاخ تركي با امرين

زيادة سرعته باالجري f1

وتخفيف الام الراس ي,,ض,,ح,,ك

والحقيقه انه تم تجربتها على سلحفاه وانطلقت كا الصاروخ خ بـ ي ث

[تركي عبدالله العنزي]

ههههههههههه الله يرجك يابوفارس

اخترعها واحد من الجماعه هاه ههههههههههههه


الف شكر لكم جميع والله ماقصرتم ومايجيكم الشر يالغالين لبى قلوبكم ولايخليني منكم يارب

هيبة ملك الصداع هذا من زمان ولكن احيانا يجيني يستمر معي بشكل مرهق لمدة شهر

ويروح اسابيع وثم يعود واحيانا اقوم من النوم مصدع

قبل سنه كنت من غير الصداع اشكي من اعراض اخرى وقلت اكسبها فرصه وسويت كشف طبي كامل

وعلمت الطبيب بكل الاعراض وسويت تحاليل كامله مع الكشوفات اللازمه

الاعراض الاخرى قال الطبيب ان اسبابه قلون والحمدلله الا مور طيبه
اما الصداع قال الطبيب صحتك طيبه وانشالله يروح بس يبيلك راحه

عاد منين نجيب الراحه

[عناد الغريب]

افا يابو عزام

ماتشوف شر وعسى العافيه ضافيه

ياخوي اعرف واحد نفس حالتك

وطلع معه انخفاض بالضغط الله يعافينا ماينزل علبة الملح من جيبه خخخخخخخخخخ

والله اني صادق لقو معه انخفاض ولايرفعه الا بالملح

ماهو تروح تشتري ملح وتلهم خخخخخخخخخخخخخخ اول رح للطبيب ولاتكتفي بطبيب واحد ترى اكثر الاطباء بنشري

اما زايد وبناخيه سالفه ثانيه برود باند خخخخخخخخخخخخخخخخخخخخخخ

والله يازايد علاجكم هذا منتاز

دام الجميع متعافي

[غريبة الاوطان]

الله يشفيك اخى

[مزون الوايلي]

الف سلامة عليك ابو عبدالله ماتشوف شر
وانا اشوف اكبر سبب للصداع التفكير
او الحالة النفسيه وكل الاسباب الي ذكروها الاخوان سابقا
انصحك بالفحوصات الطبيه وقبلها نريح عقولنا من التفكير ولو انه مستحيل بس نحاول
اسأل الله العظيم رب العرش الكريم ان يشفيك