احترت في بنتين تحت المقاويـس :::::::: ومن بينهن رجـمٍ ولا فيـه فيـه

[أبو عزه الركابي]

::لتحريك القسم الراكد للاسف::

لغز من الارشيف ونبي التفاعل بعيداً عن العم قوقل!!!



أعوذ بالله من جميع الوساويـس=واستغفره من كل ذنـب وخطيـه
راح الزمان اللي شهر امرؤ القيس=وهـذا زمانـي والليالـي مطيـه
ماهو غرور أعوذ بالله من ابليس=ماهـو غـرور الا ثقـه وايليـه
البارحه دارت براسـي هواجيـس=وقلطت من فوق الجمـر شاذليـه
احترت في بنتين تحت المقاويـس=ومن بينهن رجـمٍ ولا فيـه فيـه
من سبة البنتين نـاسٍ مفاليـس=والبعض الاخر ماوقـع بالرديـه
وان كان تبغى الحل عود لبلقيـس=واذا لقيـت الحـل عـود عليـه
يابري حالي لالتقى الفيس بالفيس=مافي يـدي ياصحابنـا مقدريـه
هاج البحر مير افزعوا يالغطاطيس=ترى البحر صعبٍ ولا فيـه زيـه
وختامها لاهل الكرم والاحاسيـس=منـي سـلامٍ مقتـرن بالتحـيـه

الحقوق محفوظه كالعاده لـ أبو عزه الركابي

[أبو عزه الركابي]

لاتعليق!!!!!

[عبدالعزيز الوادي]

والله يا عندي لك رمعه .. يا ابو عزه ..
















ما غيرهن العيون .. ان ما طقيته ماني عبدالعزيز >> امش يالثقه :)

[عبدالعزيز الوادي]

يا رب يطلع صح >>> خاف من الفشله

[أبو عزه الركابي]

والله يا عندي لك رمعه .. يا ابو عزه ..


















ما غيرهن العيون .. ان ما طقيته ماني عبدالعزيز >> امش يالثقه :)

ونعم بك ياعبدالعزيز،،،

وصح لسانك رمعه في محلها،،،

بس وش قصة هالثقه هههه<<<ياخوفي انها ثقة عمنا...!!

يعطيك العافيه ياعبدالعزيز،،،

ودي وتقديري،،،

[عبدالعزيز الوادي]

ههههههههههه

ححرا عليك يا ابو عزه كل انا من البارح حاله بس قلت لا لين ما استشير


يا الله وين الغازك الباقيه >>> والله ما هو بسيط يتحدى

[أبو عزه الركابي]

ههههههههههه

ححرا عليك يا ابو عزه كل انا من البارح حاله بس قلت لا لين ما استشير


يا الله وين الغازك الباقيه >>> والله ما هو بسيط يتحدى

ابشر بسعدك،،

بس ترى الالغاز كلها من الارشيف،،ههه

وانت كفو تقول وتطول،،،

ودي وتقديري،،،