اقرب شاعر

[حاسب الرويلي]

السلام عليكم

مساكم الله بالخير

يا سلام الله عليكم من ضمير ونيه = ردة ٍ من هاجس الي يصخر القيفاني
الدروب الكايده تصعب على الطرقيه=والعوارف تفرق الاصلي عن التايواني

[حاسب الرويلي]

اليوم روّح مقتفينا النوم=يمكن على الليل نلقاها
يوم السما ما عبرها غيوم=البدو شالت رعاياها

[زايد الدغماني]

حاسب صح السانك طاروق راائع وننتظر اقرب شاعر

تحياتي وتقديري

[محمد ابن الحميدي]

وعليكم السلام
الله يمسيك بالنور



مرحبا ترحيبة ٍ مكتوبه ومقريه = في محل العزوه اللي طيبها عنواني
العوارف يعرفون الكلمه الملويه = لد عينك في معيض وزايد الدغماني

[حاسب الرويلي]

صح بدنك يا زايد
السموحه يالربع والله ما دخلت البارح

العذر منكم كلكم

البقى بك يا مرحب والحما محميه=لا تبلاّك الهجوس وبعدها تبلاني
عارف ٍ بالي علي وعارف الي ليّه=من ورد للبير لا يرجع وهو عطشاني

[ஜ نــادر ألـولدعے ஜ]

سلمتـــــــــــــواأأأأ شعراء مميزين...

متـــــــــــــــــــابع بصـــــــــمت !!!!!

واذا انتهى الطـــــــــــــاروق الي بينكم أزهمــــــــــــوني تراني جاي اتــــــــحدىٍٍٍٍٍٍٍٍٍٍٍٍٍٍ...

[محمد ابن الحميدي]

انت رجال ٍ معاك الرخصه الدوليه = وش عليك ان زلة اقدامي وزل اللساني
عندكم مسجون والثاني معه منقيه ؟ = وضعكم لافكّر العاقل يجيه اجناني




نادر الولدعي الله يحييك
زايد الدغماني حياك مولاك وشوفوا معيض يجي يشهد ههه

[زايد الدغماني]

الله الله

متابعه لهذا الابداع

سلمت افئدتكم يا عمالقه

[حاسب الرويلي]

السلام عليكم

هههههه محاوره ما لها وقت

استلم يا ذيبان

الغرايب يا ملاذ الطير بالكميه=وانت ما شفت الشيوخ بجانب الفناني
جبتها يمي شمال وريحها شرقيه=وان دخلك الخوف ازبن نايد الضلعاني

[محمد ابن الحميدي]

انتبه لاتدعس برجلك على الزوليه = الكلام اللي نقوله جاك بالمجاني
جاتك الكلمه عقب ماجبتها مخفيه = مادخلني خوف واعيونك تشوف اعياني

[محمد ابن الحميدي]

صح لسانك ياحاسب وصح بدنك

[حاسب الرويلي]

صح بدنك يا ملاذ الطير وصح لسانك

[معيض بن عريفج]

الله الله الله الله الله

صحت السنتكم جميعاً طاروق رائع

[هزاع العواجي]

ابداع في ابداع صحت السنتكم جميعا

[معيض بن عريفج]

الله الله عليييييييييييكم وصحت السنتكم
ابدااااااااااااع لاحدوووووود له اتحفتونا الله يعافيكم