ياناصر الأيداء نبي معك طاروق = دامك تقول انك خبير المعاني

[شاعر المغتره]

ياناصر الأيداء نبي معك طاروق = دامك تقول انك خبير المعاني

عيّنت لي بيتن مع القوم مسروق = حالو عليه اهل الردى والهواني

[ناصر المشعل الايداء]

وين السلام ,, اللي مع الناس موثوق = رد السلام اللي ,, يقوله لسااني 00
هات الحقيقه ,, والأمر جاك من فوق = قل لي وش اسمك يافلان الفلاني ؟00

[شاعر المغتره]

راحت علي وكل مطرود ملحوق = وعليكم السلام يابن الحصاني


والأمر من تحتي ماهو فوق ياذوق = خلك يابن مشعل وسيع البطاني

[ناصر المشعل الايداء]

صح لسانك وصح بدتك ياشاعر المغتره لك من اسمك نصيب
مازلت اسم مستعار امامي لاصررحت بسمك تعال وابشر بالخير

خذ الختام

.
.
.



الكلمه اللي جبتها ,, مالها سوق = خذها دفن ,, والظاهر ابشكل ثاني ؟! 00
باواحدن اسمك ,, مصندَـق بصندوق = هذا ترا اسمك ,, ياحكيم الزماني ؟! 00

[شاعر المغتره]

الأخ الشاعر ناصر مشعل الايداء

شكراً على هذا الرد الجميل والأنسان بسم مستعار او اسم صريح يجب ان يراقب الله سبحانه وكما وضع قبل اي رد مايلفظ من قول الا لديه رقيب عتيد

استاذي انا اقصد باليت المسروق (( القدس )) وتوقعت شاعر مثلك لا يهتم لكون الأسم مستعار او صريح ايضاً توقعت انه مايفوتك المعنى على كل

حال بيض الله وجهك وتضل شاعر قدير يابو مشعل والاسم المستعار ان كان اللي خلفه رجل صدقني مايجيك منه الا الطيب والعلوم الطيبه واللعب على المعنى

وليس على الاسماء وانا عندما قلت ياناصر الأيداء لم اكن غلطان وهو نوع من الندى اي استاذنك باللعب معي لأنك كفو ولأني قريت بالمحاوره السابقه افتخارك بشاعريتك

ويحق لك ومن هذا المنطلق فضلت اللعب معك وعلى العموم رغبتك واحترمها ولك جزيل الشكر على وسع صدرك على اخوك الصغير شاعر المغتره وصدقني تضل عزيز وغالي

تحياتي لروحك الطيبه

[ناصر المشعل الايداء]

تمام معناك لكنك ماعرفت تفصل المعنى على البيت عشان اتحكر المعنى !
خليت المعنى مفتوح وله عدة تأويلات
عينت لي بيتن مع الناس مسروق ؟
الشطر هذا عليك ماهو لك !
.

ولو رمزته للقدس مايجي لأن القدس بيت الله ماهو بيتك انت ؟!
ماهو بيت مجهول عشان يرمز له بـ بيت ن !

.
.

لكن ارجع لردي عليك تلقاه على معناك اللي ماحكرته زين
وين السلام ؟ انا اقول ؟
السلام
خطة السلام
عرفت يعني معناك صايدينه صايدينه

.
.

هذي محاوره يااخي الكريم
لكن نصيحه اذا لعبت المحاوره تقيّـد بأصول المحاول ابدأ بالسلام أول عشان تبيّـن احترامك للشاعر المقابل لك عشان يحترمك ,,وثاني شي لاتفسر المعنى لأي شخص
لان المعنى ماينفسر!
لان هناك متابعين وكل شخص يفسر على كيفه


لاهنت واتمنى لك التقدم


تحيتي وتقديري لك

[شاعر المغتره]

الاخ الشاعر ناصر الايداء


اقسم بجلال الله وعظمته اني لم اقصد ازعاجك واني هقوتي بك كبيره للأسف !


واما بالنسبه لسلام وانه شرط من شروط المحاوره فسمحلي ليس صحيح فليس للمحاوره شروط او قيود


بل حسب مايستدعيه الموقف فلذالك سمية محاوره واما ان السلام سنه والواجب تقديمه فهذا صحيح ولكن العمليه نداء وطلب للمحاوره

بالبدايه ولم اكن غلطان ابدا ولكن من باب التجاوب معك ومع ردك وضعت ردي كما يحلو لك اني غلطان وكل مطرود ملحوق وهذا مايستدعيه الموقف


والقدس صحيح بيت الله وثالث الحرمين الشريفين واسمه (( بيت المقدس )) اليس كذالك اخي الكريم


ولو وضحت اكثر لكن كما قلت ان المعنى واضح ومفسر وهذا كما قلت يجب ان لايكون


ارجع واقول سامحك الله ووالله اني لم اقصد ازعاجك ولكن من ردودك يتضح لي منك انك منزعج وهذا والله مالم اقصده


على كل حال ربا ضارة نافعه فالتجارب خير برهان وانا هنا استفدة الكثير الكثير صدقني وكل هذا من باب الصدفه

شفت كيف الصدفه خير من الف ميعاد !!