لغز لهل العقول الفهيمه..( حله عقيلي المجلاد )

[زايد الدغماني]

سلام عليكم ورحمة الله

وشلوووونكم عساكم بخير

ابي اطرح عليكم ها اللغز وهو صراحه قديم وليس من تاليفي

يقووووووول

جانا ضيف من بلاد تراب مابها / ذبحناه له جوز خراف عظام مابها

والغز له اجابتين يعني الشطر الاول اجابه والشطر الثاني اجابه

[العبدلي]

الله يعطيك العافيه مراقبنا العزيز --زايد


مر عليه اللغز هذى بس نعطي الفرصة للشباب

[زايد الدغماني]

هلابك اخوي العبدلي وفعلاً اللغز قديم جداً

نشوف من يسدح الحل هنا

[الاطرق بن بدر الهذال]

يعطيك العافيه يابو فارس

عز الله انه مطابق مع الحل ميه بالميه

نترك المجال للأخوان

[عقيلي المجلاد]

صح لسانك على اللغز
انا عندي رمعه على الاول والثاني ان شاء الله نتعاون عليه ونجيب راسه
الاول اقول ان الضيف هو المولود

[ضامن الرويلي]

صح قولك عقيلي المجلاد

واعتقد الحل الثاني هو صدر امه

[عبدالرحمن اليمني]

هذا لغز على يكونه
جانا ضيف من بلاد ما فيها تراب

وذبحنا له ذبيحتين ما فيهن عظام..

وركبناه على خيل ما فيها روح

وهذا حل لغز بالكامل التوضيح فقط
الضيف هو الجنين
والبلد هو رحم الام
والذبيحتين
قطع حبل السره
والطهور
والخيل بدون روح
هو سرير الطفل


شكرا لك على اللغز التوضيح فقط