سلام ياتركي من القلب للقلب

[راضي حبيني السلمي]

اخوي تركي العنزي مبروك عليك حلول الشهر الكريم
اسعد الله صباحك بكل خير
اثناء تصفحي بالموقع وجدتك متواجد لذلك استلم هذه الابيات


سلام ياتركي من القلب للقلب=وسلام للويلان من ضيف وايل
ان كان تبغى الصعب نمشي على الصعب=بعد مشيت اقول ويش انت قايل


مصافحه من زميلك على طبق من ذهب

[تركي عبدالله العنزي]

ياهلا وغلا ببواحمد ياربي تحييك
والله لولا اتصالك علي اني ماعلمت عن هالابيات وانت تعرفني اني ما ادخل قسم المحاورهه الا نادرا

واللعب معك شرف يابواحمد ومصافحتك اثلجت صدري يابعد راسي


الله الله صح الساااانك

وانا ماقول الا كل خير استلم يالذيب



يامرحبا في شاعر العز يالذرب=بضيافة الويلان اهل الفعايل
عطني علومك دام مابيننا غرب=وانت الخوي والشك بالحيل زايل

[راضي حبيني السلمي]

استلم يالغالي


انا اعرف انك تفهم الجمع والضرب = وتعدل الميزان لاصار مايل
وانت خوي الجنب بالسلم والحرب = ومسجل اسمك دائمأ بالاوايل

مع اغلا تحيه والحمد الله على السلامه نورت جده وضواحيها

[عناد الغريب]

الله الله عليكم

صحت الالسن والقلوب

متابع للابداع الله لايضركم

دمتم بخير

[تركي عبدالله العنزي]

الله يسلمك يابو احمد وجده منوره باهلها

استلم يابعدي


الوقت ياراضي حذفنا على الغرب=وانا لي الخاطر يرود الشمايل
لو كان عيا لايصفي لنا الشرب=تكفيني يابن سليم عن كل عايل

[تركي عبدالله العنزي]

ياهلا وغلا ببوغلا ارررررررررررررحب تراحيب المطر

متابعتك شرف يالكنق

خلك قريب يمكن تفزع لي ابو احمد نويلي على نيه والله يستر ههههههههههههه

[عناد الغريب]

المهلي مايولي

انا افزع لك ههههه ياراجل منك نتعلم

ابو احمد كفو وانت كفو

انا متابع وماسك الصف بس لاتبطون

تراني

m'6

[تركي عبدالله العنزي]

كلنا ندور السحور وثم الصلاة وثم النومه هههههههههههههههههه

بكره لنا لقاء انشاء الله

[عبدالله رجاء العنزي]

صحت الالسنتكم

ابداع وجزاله

[عتيق بن عون السلمي]

صح السنتكم جميع
والله يعينك يابرق الشمال على شاعار العز
وننتظر جديدكم -.m4.-

[راضي حبيني السلمي]

استلم الله لايهينك يا ابو عبدالله

ليا حداك الوقت خلك على الدرب = راع الدليله مايباله دلايل
انا سربني هاجسي ياولد سرب = من كثر مابثت علينا الوسايل

ممنوع طلب المساعده من اي عضوا يا تركي

[تركي عبدالله العنزي]

ياهلا بك يابو احمد

مساعده يابو احمد طيب طيب استلم اجل


مابه خطا والذنب مالاح لي ذنب=استغفر الله كود كسب الجمايل
وليالحقك من الزمن يالخوي كرب=اقرب لخوك وخل عنك الرسايل


تشرفت باللعب معك يابو احمد رغم اني ما اميل للمحاوره لوكن اللعب معك غير

فديت خشمك

الا اللقاء في في طروق اخر ووقت اخر بإذن الله

[تركي عبدالله العنزي]

صحت الالسنتكم

ابداع وجزاله


ياهلا وغلا يابورجاء

صح بدنك وخلك قريب

متابعتك شرف يابعدي

[تركي عبدالله العنزي]

صح السنتكم جميع
والله يعينك يابرق الشمال على شاعار العز
وننتظر جديدكم -.m4.-

ياهلا يابوراكان

صح بدنك يالغالي

شاعر العز من الروح وصديق الروح وشايبنا بعد لاتخاف

[راضي حبيني السلمي]

مشكور اخوي الشاعر تركي العنزي على هذا الابداع ولو استمريت معي انا اعتقد اللي ابى اطلب المساعده


الى اللقاء يا برق الشمال في طواريق مختلفه وجميله وقبل الختام اشكر الشاعر الكبير عبدالله رجاء العنزي


والشاعر المميز عتيق بن عون والاستاذالقدير/ عبدالله سعيد العنزي على متابعتهم وتصفحهم الرائع والمميز



مع خالص التقدير والاحترام

[تركي عبدالله العنزي]

الحقيقه تشرفت باللعب معك يابو احمد

شاعر كبير واخ غالي حيل

تسلم يابعد راسي

[زايد الدغماني]

اضررررررررب

ليش ما نوهتو عن ها المحاوره وعلمتونا

فاتتني بوقتها والحقيقه ابداع

ايه ياراضي اسحبه للمحاورات تراه ماهو هين لكن مايدخل

صح السانك يابو احمد

وتركي ايضا صح السانه

ماقصرتو

[راضي حبيني السلمي]

شاعرنا الكبير/ زايد الدغماني الموقر

عضو مجلس الاداره

ومدير المضايف الادبيه

اسعد الله صباحك بكل خير

باذن الله تعالى سوف نشكل ثنائي ضدك يا ابو فارس ولا ندري نسلم والا نروح فيها كيف تبغانا نعلمك وحنا كل واحد خايف من الثاني

الحقيقه مرورك شرف لنا ومتابعتك دليل على اهتمامك الغير مستغرب من رجل يتقلد منصب مهم في شبكة مضايف قبيلة عنزه

اقدم لك جزيل الشكر والعرفان على رحابة صدرك وسمو اخلاقك وتواضعك ودمت في حفظ الرحمن

[زايد الدغماني]

ابو احمد الله يرفع قدرك والعين ماتعلا على الحاجب

وابد انا قابل التحدي معكم يا اهل جده

لكن الا عتيق ماني قده انت وتركي مقدور عليكم

-.m15.--.m15.-

لاخلا ولا عدم

[ثــامــر الــهــذال]

صحّت ألسنتكم جميعا ً

متابع بــ شغف ...

[راضي حبيني السلمي]

اخوي ناصر الهذال انا سعيد جدآ بمرورك ومتابعتك

الله لايهينك لك ودي وتقديري

[تركي عبدالله العنزي]

تسلم يابوفارس الله لايخلي منك يالعشير

انت استاذنا ومنك نستفيد

بس عاد تكفا خلنا على النبطي ههههههههههههههههه

الله لايهينك يابو احمد وتسلم يالغالي

الف شكر للجميع