اول إهداء مني إليكم ..

[مروي السديري]

اتشرف بتقديم هذا اللغز من انتاجي لكم

ارجو ان لا يكون فيه صعوبةً على احد)


انشدك عن بيت (ن) بلا عمد وأرواق=والبيت ما يذري بليا رواقه

نحب آل البيت حب من الاعماق=الله يديم اهل الوطن والعلاقه

يهطل عليه الديم من دون براق=اغليه من راسه الى حد ساقه

بيت (ن) بصيته فاق وبخاطري لاق=ما دنسوه اهل الردى والحماقه

وانا لكم ولشعر الألغاز مشتاق=شوق الصديق اللى يحفظ الصداقه

اخوكم الشاعر/مروي السديري

[مشعل الملحم]

صح لسانك اخوي مروي السديري

ابيات جزله

الله يعطيك العاافيه

الحل :



الكعبه المشرفه

[الوافي]

صح اللسانك

اخوي مروي السديري

كان ماني مخطي حل لغزك

{ مضايف عنزة }

لك شكري وتقديري

[حمود العبيـــــد]

الأخ مروي السديري

بيض الله وجهك على هاللغز

سمين ومليان

أميل لحل أخونا الوافي ..

آل البيت تمويه ذكي
والمقصود بيتنا هذا الذي يجمعنا

وما الديم الذي يهطل عليه إلا مثل هذه المشاركات القيمة

صح لسانك يامروي

واسمح لي أقول:
صح لسانك يالوافي على الحل

والرأي الأخير لصاحب اللغز

تحياتي وتقديري

[مروي السديري]

الاخ مشعل الملحم مرحبا بالحضور الغالي
الاخ حمود العبيد صياااااد ماشاء الله عليك
الاخ الوافي صححححححح لسانك الحل هو مضايف عنزه
والبيت الموقع وهطول الديم مشاركاااات الاعظاء وال البيت
كل من هو تحت مظلة المضايف حاولت قدر المستطاع ما ابعده
ولايكون غامض لكن الجاي راح يكون اصعب وحصري للموقع

[صبار المضياني]

صح السنتكم جميعن

[الوافي]

حمود العبيد


صح بدنك وكلك .. تسلم يالغالي


الشاعر / مروي السديري صح اللسانك يالجزل


لغز مليان .. بيض الله وجهك
من غير سو

تشرفت بالتواجد في متصفح الجميل ..


ننتظر منك القادم


للجميع اطيب تحيه