تسجيل الدخول

مشاهدة النسخة كاملة : .. ابو زهره .. ابو الدعس .. الرجوع الى المستقبل تعالوا هنا .. محاوره حريقه

عبدالعزيز الوادي
19-12-2009, 01:08 AM
السلام عليكم ورحمة الله وبركاته



....


الليله ذبحه يالربع ..




:
:



لا من قلتوا حنا قلنا .. والقذايف منكم منا .. ما ظني فيها سلامه ..

هجا هجا ماني مادح .. هذا وانا لكم سادح .. رشاش وسيف (ن) سليته ..

:
:


وينهم وينهم ..


ابو زهره اليوم .. عليهم سودا ..



ارررخو ابووووووووووي
عبدالعزيز الوادي
19-12-2009, 01:19 AM
ما اشوف احد منهم وين راحوا ..

لا حوووووووووووول
أخت لورنس
19-12-2009, 01:22 AM
Where are the
عبدالكريم أبو زهره
19-12-2009, 01:23 AM
<_ داخل وهو يدح ..>> شااااايش يابو وادي .





يابو وادي .. جيتك جيتك .. وهذا سيفي لك عطيتك .. كله نخوه مع شهامه

ماني جازع ياعضيدي .. وانا درعك من حديدي .. وهذا عمري لك هديته





لعيناااااااااااااااااك يابو وادي .. رووووووح وانا و معك ...





...
أخت لورنس
19-12-2009, 01:23 AM
Let's talk instead of them
ابو الدعس
19-12-2009, 01:23 AM
ليه غيرتوا القاف بتاعنا

خلوكم على هذا




يالله يالله.. كب الدله ..وينك وينك يالروسيه


قرب قرب.. خل نجرب.. والله لاخليك تغص
عبدالعزيز الوادي
19-12-2009, 01:24 AM
اخت لورنس هم فزعوك .. انا داري ابو الدعس وابو المستقبل الا يطلبون فزعت الانقليز ..



ابو زهره .. يا بعد راسي ..

شفهم حدر .. خخخخخخخخخخ
عبدالعزيز الوادي
19-12-2009, 01:27 AM
ابو الدعس ارجع على قافنا يا شين لا والله يصير علمن ثاني ..


اخلص عدلها هالحين ..
الرجوع إلى المستقبل
19-12-2009, 01:29 AM
ابوالدعس ذلوا الرجااال خلهم على قافهم...............
أخت لورنس
19-12-2009, 01:30 AM
على بالكم بس انتو تعرفو تعملو محاوره؟؟


الخير جاي
عبدالعزيز الوادي
19-12-2009, 01:31 AM
انا ولد ابوي ...


انكسوا على قافكم .. انكسوا ..

المشكله توي مكلمكم ..
خالد الهاجري
19-12-2009, 01:34 AM
متابع ,,,,,
عبدالعزيز الوادي
19-12-2009, 01:37 AM
انكس انكس .. لا تعوكس .. جاتك من عندي عكسيه

ما ني مبالي .. ما هو صالي .. رميك عادي مو مختص


كيفكم
أخت لورنس
19-12-2009, 01:37 AM
خلووووووووووووووووها

ميه..ميه ......ياريميه خوذي لي حق وعطيه


ابو وادي وابو زهره جابو لي ذبحه صدريه
ابو الدعس
19-12-2009, 01:39 AM
ابشر يامستقبلي
جيناهم على قافهم



جاكم طاير.. حرا غاير..وين البومه والحمامه

يضرب بيده..يفني صيده..وابو زهره مالقيته
عبدالكريم أبو زهره
19-12-2009, 01:40 AM
ارخووووووووو ابوووووي ابو وادي .. ماعليك والله لو يجي اوباما براسه .. مايرفع رايةالنصر إلا انت ...
أخت لورنس
19-12-2009, 01:41 AM
متابعين بشغف
عبدالعزيز الوادي
19-12-2009, 01:42 AM
ههههههههههههههههههههههههه

اخت لورنس .. انتي فتحتي جبهه بعد ..


استلمي ..

هدي هدي .. قافك شدي .. يم الدار الجنوبيه

شوفي شوفي .. لص يحوفي .. ناوي له نيه ملويه . .



:
:
الرجوع إلى المستقبل
19-12-2009, 01:46 AM
وينك ياعزوز الوادي.. قرب وانا ولد هادي .. والله لاخليبك شامه

لاخلي كلن يعرفها.. حتى بنكك مايصرفها ..لو سويت اللي سويته
عبدالعزيز الوادي
19-12-2009, 01:46 AM
الله يعينه .. جات بعينه .. طاح السانه عند سهامه

وينك رايح .. حظك طايح .. مسكين وقافك نخيته ..

:
:




اشلع اشلع
خالد الهاجري
19-12-2009, 01:47 AM
:eek:

ماحمى الشغل للحين ,,
عبدالعزيز الوادي
19-12-2009, 01:48 AM
هلا هلا بولد عمي .. دمه دمه نفسه دمي .. وانا ضربته بالهامه

والله لو شفتوه بزوله .. خبل(ن) يركض بس بطوله .. فسقان بناري شويته


:


:


وينهم
عبدالعزيز الوادي
19-12-2009, 01:49 AM
ابو عادل يا بعد راسي والله .. يا حبيبي شلونك ..
خالد الهاجري
19-12-2009, 01:52 AM
بخير يابعدي ,,

احرق احرق ,,,, هههههه

والله اني مستانس ,,,


حموهااا فديتكم ,,
أخت لورنس
19-12-2009, 01:52 AM
ابو وادي.... مالك جافي.... تسمع حكيات المصريه

خل ..صدرك دايم... وافي ..بطبع الروح الشماليه
عبدالعزيز الوادي
19-12-2009, 01:53 AM
ههههههههههه

الله يرج ابليسك .. يا ابو عادل ..

ما عليك دامي موجود الا اشعللها ..

:
:
خالد الهاجري
19-12-2009, 01:55 AM
كفوا والله خابرك ماتجيب الا الثقال ,,, انا متاااابع ,,
الرجوع إلى المستقبل
19-12-2009, 01:55 AM
جيتك راهي.. وانت الفاهي.. واللي مثلك سود ايامه

ضربي قاسي..وشده باسي..مافي شخص ماكويته
عبدالعزيز الوادي
19-12-2009, 01:56 AM
استلمي يا اخت لورنس ..




هذا جالي وهذا جالك .. طيب فالي طيب فالك .. والدعوى كله عاديه ..

هذي مزحه مني جاتك .. وعصاتي ما هي بعصاتك .. والليالي سرمديه ..



وين الزقرت ..
عبدالعزيز الوادي
19-12-2009, 02:00 AM
مادح نفسه .. يا خذ رفسه .. من عدامه لعدامه

شوفه حالك .. دوم(ن) هالك .. ما عطيت ولا خذيته



خخخخخخخخخخخخخخخخ
عبدالكريم أبو زهره
19-12-2009, 02:01 AM
أبو الدعسسسسسسس ..


عندك عندك هذا حدك .. وينك رايح يرحم جدك .. وانتا حرن كالحمامه..

منظر زين وصفن غير .. لايغرك شكل الطير .. فرعت شماغي وهديته ..



......
عبدالكريم أبو زهره
19-12-2009, 02:02 AM
........

ارحبوووووووووو


ابو وادي جاك جاك ...



وين ابو الدعس اغديه اخمر ياولد ههههههههه
أخت لورنس
19-12-2009, 02:05 AM
ابو وادي اليله هي اخر اليله وسهيل اعلنها وداعيه
لاتزعل و,,,,, سامح مقصر,,,, واغفر له كل خطاويه
الرجوع إلى المستقبل
19-12-2009, 02:09 AM
قلته صادق..لوهي رمين بالبنادق.. حطيتك عندي علامه
ثم جربعتك..ثم صرقعتك.. واللي مثلك ماخليته
عبدالعزيز الوادي
19-12-2009, 02:11 AM
:
:

انا مسامح .. ما ني جارح .. والنيه دايم مطيه ..


طبعه هادي .. ولد وادي .. روحه دوم(ن) شماليه ..

:
:
عبدالكريم أبو زهره
19-12-2009, 02:14 AM
وينه اللي يمدح نفسه .. هاته يمي ابي اخفسه .. وشهوا قوله بالفهامه ..

ماضنيته يفهم هرجه .. خلك منه ذاك الدجه .. شوفه ميت يوم دربيته ..
ابو الدعس
19-12-2009, 02:17 AM
استلم جاااااك يابو زهره
حاظر حاظر...جيتك ناظر..جيتك واضفيت الغمامه
هجو هجو..والا دجو..والا كلن يدخل بيته
أخت لورنس
19-12-2009, 02:17 AM
.................................................. ..........
عبدالعزيز الوادي
19-12-2009, 02:19 AM
ههههههههههههههههههه الرجوع ..

راكب قاري ... قولك عاري .. وصروحك بأيدي هدامه


بكره مداوم .. ما أنت مقاوم .. وسلاحك عندي حطيته ..
عبدالكريم أبو زهره
19-12-2009, 02:19 AM
وينه اللي يمدح نفسه .. هاته يمي ابي اخفسه .. وشهوا قوله بالفهامه ..

ماضنيته يفهم هرجه .. خلك منه ذاك الدجه .. شوفه ميت يوم دربيته ..
عبدالعزيز الوادي
19-12-2009, 02:22 AM
راعي الجمس .. يهاب اللمس .. خواف وراعي ملامه

شوفه راغ .. مني زاغ .. عض ثويبه ما كليته
أخت لورنس
19-12-2009, 02:27 AM
ابو وادي ..كانك حاكي ..وعارف بسلوم الماريه

ارجع ونكس اعلامك ماهو عيب لخسرتك بنيه
عبدالعزيز الوادي
19-12-2009, 02:29 AM
:
:

أخت لورنس ..



انتي رحتي .. ولا صيحتي ... والليله ما هي قمريه ..

ما ني خاسر .. ماني عاسر .. مابي أعوفك الرديه ..

:
:
الرجوع إلى المستقبل
19-12-2009, 02:32 AM
جات الخيل..مثل السيل..وكلن يشد حزامه
حمي الموس..وطاحت روس..والفارس منكم رميته
خالد الهاجري
19-12-2009, 02:33 AM
خخخخخخخخخخخخخخخخخ
ابو الدعس
19-12-2009, 02:34 AM
يابو وادي يمك يمك..خلك على ولد عمك..كانك تبغى السلامه

انت الخايف..وهو الهايف..والشعر بصدري حويته
فهد عبداللطيف الغبين
19-12-2009, 02:36 AM
كفوووووووووووو كفووووووووووو والله

ااااااااااخ بس ووووين ريميه طافهااااااااااااااا هالابداع
عبدالعزيز الوادي
19-12-2009, 02:37 AM
شفتك مقفي .. خفت الحتفي .. خسران وطاحت عمامه ..

ضربي براسك .. هده باسك .. روحت وهمك جريته

:
:
أخت لورنس
19-12-2009, 02:37 AM
اسمع اسمع كانك تفهم بحلول جبه قوميه

اليله مهزوم ومن حكيك يابو وادي ماعليه
عبدالعزيز الوادي
19-12-2009, 02:41 AM
شوف بريكك .. ماكل كيكك .. وامورك ضاعت زمامه

شوف الميت .. يومه بيت .. خويك ضاق وكبيته
الرجوع إلى المستقبل
19-12-2009, 02:43 AM
اخت لورنس

كاني ماني والروماني فالدكاني ماشريته
جاني جاني يمه جاني مالقاني ومالقيته
عبدالعزيز الوادي
19-12-2009, 02:44 AM
اخت لورنس ..


وش يصير .. ضاع الطير .. جنحانه ماهي قويه

جاه الريح .. قام يطيح .. ودموعك توه نديه


:
:
أخت لورنس
19-12-2009, 02:45 AM
ابو وادي خلك وافي واترك الروحه والجيه

انا خابر ومثلك خابر تراها محاوره شعريه
عبدالعزيز الوادي
19-12-2009, 02:51 AM
ههههههههههههههههههههههههههههههههههه

انا داري ما ني شاري لا يا جاري ما عطيته ..

حقك جالك ثم وفالك لو عطالك ما عصيته


اخت لورنس
أخت لورنس
19-12-2009, 02:53 AM
يابو وادي الي مايعرف لصقررررررررر يشويه

والخيل الاصيله ماترضى لها غير خياله
ابو الدعس
19-12-2009, 02:55 AM
ابو هادي
انا جيتك..مانسيتك..وهذا شعري لك وسامه
وضعي عادي..ليث(ن)عادي..والذيب ان جاني خميته

ههههههههههههه الله يرجك ياكاني ماني
أخت لورنس
19-12-2009, 02:56 AM
ابو وادي خسران واعلن بحروفه لخبطه

روح شوف لك من يقط الفال او بصاره
أخت لورنس
19-12-2009, 02:58 AM
اوباما والاتحاد السوفيتي يابو وادي انا بحروفي قويته

يالله هات حروفك لاتوخر ياهلا والله فيهن وحيالله
عبدالعزيز الوادي
19-12-2009, 03:01 AM
اخواننا ..


ولد عمي الرجوع الى المستقبل ..

ولد عمي ابو الدعس ..

ولد عمي عبدالكريم ابو زهره ..

ابنة العم .. اخت لورنس ..


الكل يعلم اننا نمزح وكلنا اخوان ..

ليست محاوره بالفعل بل هي مجرد .. مداعبه بيننا ..

أتمنى ان يكون لها القبول .. في قلوبكم ..

ابو زهره شايش يبي يرد وانا قضبته ..

قلت حنا تعاهدنا اخر رد لابو الدعس ..

لكم منا كل الحب والاحترام ..

نتمنى اننا امتعناكم بهذه المحاوره الطريفه ..


والسلام في الختام ..

:
أخت لورنس
19-12-2009, 03:01 AM
لا رخامه ولاغشامه حنا هل الحميا موحيالله

من القريات لاقصى الخفجي بمرجله مستحلينه
أخت لورنس
19-12-2009, 03:02 AM
لا خله يرد هههههههههههههههههههههههه اوما شايش
عبدالعزيز الوادي
19-12-2009, 03:06 AM
لا حنا تعاهدنا ..

ونحفظ العهد ..

هههههههههههههههههههههههههه انتي للحين شايشه ههههههههه
أخت لورنس
19-12-2009, 03:07 AM
لا خلاص طفينا المبات خلاص ههههههههههههههههههههههههههههههه


خلص العرس
خالد الهاجري
19-12-2009, 03:11 AM
يعطيكم الف عافيه والله انكم وسعتو صدرونا لاخلا ولاعدم ,,,,
ابو الدعس
19-12-2009, 03:14 AM
يعطيكم العاااااافيه ابو وادي ...وابو زهره..وابو هادي...اخت لورنس

والدعوه كلها مداعبه.


بس بصراحه كانت حاميه المحاوره



ويابو زهره ان كانك تبي تحاورني انا جااايك للقهوه الحين


وابشر باللي تبيه





















يعطيكم الف عافيه


وان شاء الله لنا لقاء اخر..
عبدالكريم أبو زهره
19-12-2009, 03:34 AM
اخت اورنس ,,,

والله انها حااااااااازة بخاطري ....

ايه ايه ياشينه .. قردنيه اغديه يوافق ..


ابو عادل منووور فديتك


ابو وادي تو ما اذن الفجر .. <_ رفع ضغطي الاتصال ... لا لا مايصرف هههههه
خــالد العــزاب
19-12-2009, 11:13 PM
هههههههههههههه


اهل الجدعاء ايا بعد راسي

وووه بس

انشهد اني اللي مايشوش هنا انه ياكل الطيط

بس محيوسه

لا لا نبي نرتبها ونخليها رباعيه ونتفق بيننا "

والله شي وناسه صراحه "

طبعا << فارط للحين يضحك
عبدالكريم أبو زهره
20-12-2009, 04:35 AM
هلابك الخال ... منووور يابعدي ..

والله ياخووك تقل للحين فيني محاوره .. بس العهد بيننا .. ومانقدر نخلفه ..

منور يالبناخي .. وماهنا خلاف نتفق ليه لا ... ^_^
تركي عبدالله العنزي
21-12-2009, 02:21 AM
الله يعطيكم العافيه

اعجبتني جداا

دايم سوو هاللون هههههههه


الرجوع للمستقبل اعجبتني بهذي الله يرجك

كاني ماني والروماني فالدكاني ماشريته
جاني جاني يمه جاني مالقاني ومالقيته

الله يعطيكم العافيه جميع
عبدالعزيز الوادي
21-12-2009, 07:26 PM
هلا يا تركي ..


ابشر ابشر عن قريب ..

الربع يتفلتون .. واعجبتهم المحاوره .. يبون يشاركون بشاعر المليون .. يحسبون حق محاوره خخخخخخ