اتعبني الوقوف

[بحر الحنين]

هناك فالركن البعيد شمعه تنور هالمكان..

ترسل سناها للزوايا ..للمرايا للرفوف..

بس للاسف قاتل حلمها غبار السنين..!!

مسكينه أتعبها الوقوف ..

وهناك في آخر متاهات الحزن ..في آخر متاهات الكهوف
قلب عطوف..


وهنااك في داخلي بين الحنايا والضلوع حلم وانسان شغوف..

جرحه ملا هالكون ونات وحروف...

ورغم الظروف تبقى الاماني حالمه..عصفور.. وأوراق ..وقلب يروف...

ورغم الظروف يصرخ بداخل داخلي حلم عجوز..!!

يااااحلم اتعبني الوقوف..

ملت اقدامي من كثر الوقوف,,,,مرت الايام وإنت في غياب

إنتظرتك طالت سنين الكسوف,,,, والمعذب ينتظر منك جواب

يبعد الاحزان عن قلب شغوف ,,,,, في حياته صارت احلامه سراب

ضاع حلمي في متاهات وكهوف,,,,والاماني صار كاسيها الضباب

هب الهبوب وماتت الشموع الواقفه

وماتت بقايا السالفه.. بحلول الظلام..!!

وفعز الظلام

البرد كسر اضلعي.. وبقيت في الغرفه ادور ..ادور

ابحث عن احساس وشعور..!!

ابي دفا

يعوض سنين الجفا..!!

قاتلني الحرمان ..محرومه لحظات الحنان..

وفجأه..ذاب الجليد..ولمحت بأطراف الخيال..

ملاك في صورة انسان..شع المكان

وشفت العيون الحالمه..وجد وحنين

وناديته.. يمي ركض..

ضميته لصدري وبكيت ..

وتعانقت ارواحنا..!!

وبقيت اناجيه بقصيد..وهو يغني لي بنشيد

ويرقص من الفرحه سحاااب!!

وفعز الجنون..

نامت عيون ..ونام المكان..

ونامت بقايا احلامنا..!!


وفعز الشروق....

ناديت للحلم العجوز..يااااحلم صدقني بتعود

صدقني بتعود

منقول

[نواف العنزي]

بانه
الله الله عليك وعلى هالانتقاء الرائع
مشاعر صادقة
وبوح اكثر من رائع
دمتي مبدعة بسماء المضايف

[أصايل]

أن شاء الله يعود الحلم ويتحقق
غاليتي بانه الله يحقق كل أمانيك وأحلامك
مشكوره على النقل الجميل
والأجمل ذكرك بأنها منقوله
أحيي فيك الصدق والبساطه
محبتي لك يالغاليه

[خــالد العــزاب]

بانه لا اعلم اهي منقول ام لك "

انا اعجبني السجع الموسيقي "
وتحياتي لروحك الماطره"

[بحر الحنين]

نواف العنزي ........... الرائع هو مرورك لاعدمتك

[بحر الحنين]

أصـــــوله...... يكفيني أعجابك بها يالغاليه محبتي

[بحر الحنين]

خالد العزاب ........" منقوله " لك مني من الشكر جزيله ومن الورد عبيره

[بحر الحنين]

خالد العزاب ........" منقوله " لك مني من الشكر جزيله ومن الورد عبيره