ركني الخامس !!

[غربي حزام]

في مدهلن تنصاه روس المشاكيل = حطيت خامس ركن لأركان غربي



ساحه من الأبداع بأحلى التماثيل = وانا على جزل التماثيل طربي



وحطيت رحلي ثم جبت المعاميل = وسويت لي فنجال والكيف شربي



الليل والأشعار والبن والهيل = وتاريخ ن افخربه وهو يفتخربي



وانا عضيدك ياعضيد الرجاجيل = من وين ماوجهة فالدرب دربي



انسوقها والله عليه التساهيل = لا تقول لي وجهتك انا معك سربي



انا معك بالمد والصاع والكيل = وشلون ماارضي من يحبون قربي



من لان لي جانب له الجانب ايميل = والحر دايم بالمواجيب ذربي



ودي يصير لغربي حزام تمثيل = بالموقع اللي به محبين غربي

[تركي عبدالله العنزي]

والله ونعم

وصح السااااااااااانك ابيات تطرب وربي

وياهلا وغلا بالصديق والجار

كفو يابوحزام تلومني يوم اشتاق لك وانشد عنك

انا متوكد ان هالركن يبي يلهينا عن الباقي لاني متوكد بحصل فيه اللي يطرب البال

واللي يحفضك اني فرحت بك مثل فرحة البدو بالمطر

ياهلا وغلا

[غربي حزام]

والله ونعم

وصح السااااااااااانك ابيات تطرب وربي

وياهلا وغلا بالصديق والجار

كفو يابوحزام تلومني يوم اشتاق لك وانشد عنك

انا متوكد ان هالركن يبي يلهينا عن الباقي لاني متوكد بحصل فيه اللي يطرب البال

واللي يحفضك اني فرحت بك مثل فرحة البدو بالمطر

ياهلا وغلا



ما عليك زود يابو عبدالله

كلك ذوق لاعدمناك وافي وسباق للعلم الغانم اخوي تركي والله اني اكثر سعاده بوجود امثالك من الأنقياء

جل التحايا لشخصك الغالي

[غربي حزام]

http://www.youtube.com/watch?v=MCFpBktWcn4




،،


حي الله اللي يفز القلب لطريته = الصاحب اللي مكانه عندنا نابي



الصاحب اللي من الوجدان حييته = لو غاب شوفه عن الاعيان ماغابي



اظهرت له من شعوري بعض مااخفيته = وحفظت له مايجمل صفحة اكتابي



كتبت شعري غلاء من كثر مااغليته = وترجمت له والمعاني صوتها منابي



وطلبت شعري يجمل بوحن ابديته = وشرحت له ماحوي صدري وما جابي



وغنيت له بيت شعرن فيه سويته = وهيجنت مع كل حرفن فيه منسابي


غلاه بالقلب ثابت واسعن بيته = قربه علاجي وشوفه غاية اطبابي


ياما من الشوق شعري لأجله ابكيته = وياما من الشوق له تعبن الاعصابي


وياما من حروف شعري فيه غنيته = وياما من الوجد هل الدمع سكابي


لولا حروفي تعزيني ليا اطريته = والله لبقى حبيس لجرح عرّابي


لكن شعري يعزيني وعزيته = ذكرى خليلي وعاش الجو لحسابي


الشعر صاحب وفي ان كان خاوايته = يغنيك في غربتك عن باق الاصحابي


الشعر سحر القلوب وسر حاكيته = ولقيت به ما يعوضني عن احبابي



الشعر معنى دفين اليا تهجيته = بوحه يفسر خفايا بعض الاسبابي



وان كان قصر معي شعري ومااوفيته = يشره على دفتري ان طبه اعرابي

[غربي حزام]

اخلص مع الله نيتك وادعـه ونـاج=عليـك بـه خـل البشـر اومننهـا



لا ترجي العالم ليا صرت محتاج=عليك باللـي يعطـي اخيـر منهـا



الله عـلام الخـفـا رب الافــراج=عالـم مـا بالأنفـس ومايختزنـهـا



والناس ما تعطيك من دون الاحراج=لو حاجتـك معهـا لـك الله عنهـا

[غربي حزام]

انا هنا موجود ياصاحبي وانت = وين انت يااغلى من على الارض موجود



اغليك انا من كنت ومن وين ماكنت = ترجع بي اشواقي لكم كل مااعود

[غربي حزام]

تدري وش اكثر شي يتعبك لا طبت = طيبن تحطه عند من لا يشوفه

[غربي حزام]

وش حالكم يااهل المضايف بهالعيد = جعله عليكم طول الاعوام عايد


قريت هذا البيت بالأهداءات للأخ الفاضل ذيب المضايف !! والبيت يحمل سؤال كبير والكرام اذا سألت تجاب فكان هذا جوابي !!

بهذه الابيات الكيبورديه التي اتمنا ان تنال الاستحسان منكم وتحرك المشاعر والمجال مفتوح على مصرعيه لتعبير ولكلن جوابه !!



احوالنا ياذيب هم وتناكيد = بين الوعود ومخلفين الوعايد

نسهر وليل الحزن مثل الجراهيد = نحييه ونعوّد بليا فوايد

نشوف مايجرح قلوب الأواليد = أهل الشيم واهل الكرم والعوايد

الشامخين الصارمين البواليد = حماية الميقاف يوم الشدايد

اللي نباهم مثل صوت البواريد = ترحيبهم يشبعك قبل الموايد

واليوم يوم السييد عود ماهو سييد = لا عاد به عيدن ولا به معايد

كثرة به اموال القلوب الرعاديد = وخلّيت يدين مشرفين البدايد

حالو عليهم مخلفين المواعيد = عصرن غريب تشيب فيه الولايد

زادو به اللي يعشقون السراميد = وقل الحيا والدين والشر زايد

[تركي عبدالله العنزي]

راق لي هالركن كثيرا

لله درك ياغربي وكل عام وانت بخير وسلامتك من كل شر يابعدي

اعجبني هالبيت كثييييييييييير ياغربي

تدري وش اكثر شي يتعبك لا طبت
. . . . طـيــبــن تــحــطــه عـــنـــد مــــــن لا يــشــوفــه


انشهد

طيبن تحطه عند من لايشوفه

طيبن تحطه عند من لايشوفه

طيبن تحطه عند من لايشوفه

[غربي حزام]

راق لي هالركن كثيرا

لله درك ياغربي وكل عام وانت بخير وسلامتك من كل شر يابعدي

اعجبني هالبيت كثييييييييييير ياغربي

تدري وش اكثر شي يتعبك لا طبت
. . . . طـيــبــن تــحــطــه عـــنـــد مــــــن لا يــشــوفــه


انشهد

طيبن تحطه عند من لايشوفه

طيبن تحطه عند من لايشوفه

طيبن تحطه عند من لايشوفه




ياهلا والله وغلا اخوي الغالي تركي العنزي

ياأخي هذا من كبر حظي ان هالركن يعجب رجل مثلك سامي بحضوره وبشعره وبفكره وبتعامله




يفداك بيت القصيد وركني الهادي = يامشرفن ركن غربي طيب تعليقه

تركي وتركي مروره ماهو ابعادي = موثق الطيب ما نعدم مواثيقه

بسوق لك دعوتي من صادق افوادي = يارب تركي بدرب الطيب لا تعيقه

[غربي حزام]

عزي لمن مثلي حبا بعد ما شاب = مدري بعد ماشاب عوّد يحابي

يقطعك ياوقتن قتل ضحكة الناب = اظهر سوادن مثل لون الغرابي

سواد دربن مالنا عنه مجناب = والبيض شاعن مفرقي لين شابي

وحيد يااعز القرايب والاحباب = الموت ياغربة وحيد الأحبابي !

لي عام وانا بين غايب ومرتاب = لو كنت حاضر مثل حسبت غيابي

ولو القدر نقدره يااعز الأصحاب = كان السؤال اسهل علي من جوابي

محيط مابه غير نظرات الاغراب = غريب لو مريت مااحدن درابي

[غربي حزام]

ياجار سير علي ياجار = وخل العلاقات وديه

دارك قريبه بجنب الدار = والوصل حاجه ضروريه

من محكم القول والأذكار = للجار حق وخصوصيه

[غربي حزام]

يعني كذا تلعب بقلبي والأعصاب = وتشوفني تعبان ولا تبالي


ماتدري ان الود والشوق غلاب = وان الوصل غاية هواي ومنالي

[غربي حزام]

ان كنت صادق في كلامك ياشغموم = واني فخر لك لا تفاخرت بيه

لا تتعب اركابي على غير ملزوم = ورى الضنون بصد راع الحمية

[غربي حزام]

اتعبت الأقدام من شانك = ليت التعب فيك مخلوفي

[غربي حزام]

تعاليلكم ياحبابنا زادة الأعجاب = ياطيب الكلام اللي لكم يوم تطرونه !!

[غربي حزام]

آسف .. حديثي لنفسي ماني شاعربك = اجاهد النفس وآداري مشاعرها

ماعشت اعذرب بشر من شان اعذربك = اموت ماطق بالغره ولا أشهرها

ولو جيت ضامي تأكد ماحتري شربك = لو دافع الطيب والشيمه نقدرها

وأن جيت ضايق فضاء وش دخله سربك = نفسي ليا ضقت نفسك ويش حاشرها

ياجاهل العرف لا تجهل .. قضى ربك = الأمر لله وعباده مدبرها

[غربي حزام]

باح الكلام ! وبحت من كثر مابحت = وبعض الكلام احيان ذل ومهونه

[غربي حزام]

ما عاد به داعي لتوثيق القصيد = دام الحرامي ما اعترف بموثقه !!

[غربي حزام]

روح مابيلك كلام ولا سلام = لا تصالح لا تسامح لا رجوع



انتهاء مابيننا ومسك الختام = بيت شعرن مارده حدب الضلوع



بالصميم ان جاك مضراب السهام = رميتي وانا على الرميه بتوع



يالنعامه ما تعرف الا النعام = ولا معك مرن ولا حشمة اربوع



لا تقدم لي عذر مابي كلام !! = انكشف خافيك ياشين الطبوع



لزمن دوره وللعاقل نظام = لو جهلنا حسبة ايام السّبوع



خابرين النور ياوجه الظلام = ولا حسبنا لرخامه والتبوع



سيفنا معروف قصاص العظام = و لا جهل فينا سو مثلك طقوع



تكره الأبطال وتغش الكرام = وصحبتك دائم قليلين السنوع



قاصرين الشبر واعيال الحرام = والدنوعي مايخو الا الدنوع

[غربي حزام]

ياليت به ركن هادي لأجل اعيش بهدوء = ولا قيل وين انت عايش ؟.. في ركن هادي !!

[غربي حزام]

الله وكبر يامقادير الايام = قمتي على مالا نود اتحدينا
ضاعن امانينا وضاعن الاحلام = وسود الليالي جورها معتلينا
ايامنا وشهورنا ومر الاعوام = تمضي وجور اسنينها معترينا
الوضع مايستحمل احزاب واقسام = الى متى يخدع حدينا حدينا
يا أمة الاسلام القدس منضمام = الى متى نرجي رضاهم علينا
مابه سلام وكل ماقيل اعلام = نخدع وحنا للأسف ارتضينا
انا نكون اتباع لأعداء الاسلام = وانا نعيش بهون مهما حيينا

[غربي حزام]

سلام ياللي له مع الطيب رفقه = ومن وين ماوجه له الطيب صاحب

[غربي حزام]

عسى من حرمني عن وصاله وعن لقياه = يحرمه آله الكون من لذة الراحه

عساني اشوفه يرجي العون ما يلقاه = قصيره احباله تارسه صدره ارماحه

زرعت الوفاء لا شك ما يثمر بشرواه = بوقتن لعب في طيبتي لعب مسباحه

اصارع زمانا يتعب اللي يبي حسناه = هذ الوقت شره سابقاً خير شراحه