ياويش بنت إعجاز رب البريه"من نظمي = حاله الشاعر خليل مسفر

[سلطان سعد النومسي]

السلام عليكم ورحمة الله وبركاته
بعد الاحترام والتحيه لقلوبكم النقيه لغز من نظمي لكم

يامحلل الالغاز قرب شويه=ركز معي قبل البدايه برمعات
ياويش بنت اعجاز رب البريه=مارافقت سفن الصحاري ولاجات
دايم سميتها مع انسان حيه=واحيان تبلا دون قصدٍ ونيات
عسى حياتك عن بلاها محميه=وعساك ماتشكي بها كل سيات

[خليل مسفر العنزي]

صح لسانك اخوي سلطان لغز جزل لاهنت


يمرحبا ترحيبت الشاذليه=عداد ماينزل من المزن ذرات
لغزك محسوب من الغوز القويه=ونظمت منظومه بذبات الابيات
الجنه الي عندربي عليه=وسميها نعوذ عنها الايات
يعني جنيه بالوادم خفيه=اكفيت يازبون الونيات

[سلطان سعد النومسي]

لاهنت يالرامع بردك عليه=الله يبيض وجهك بكل حزات
رمعت يالطيب برمعه عذيه=لاكن ماهي هي ياشامخ الذات
يكفي مرورك بالبيوت النديه=من جزل يمناك النديه نديات
واخر كلامي لك سلام وتحيه=وحبه على خشمك بروح المعزات

[خليل مسفر العنزي]

فيك البقى يالي علومك نقيه =الذ من شف الشهد وسط كاسات
كن الدرر ببيوت شعرك مجيه=ولا حليب(ن)من نحانيح خلفات
الله يعزك يارفيع السجيه=عزالله ان خوتك فيها ملذات
وش قلت يارع الوفى والحميه=بالرمعه الي توفي خاطي جات
ظنيت بعصا موسى قريبه لزيه=بعد فصلت الوصف على المقاسات
وقبل سلامي عدنجمه مضئيه=وعداد ماسارالقلم بالكتابات

[سلطان سعد النومسي]

الاخ خليل بيض الله وجهك


حلك صحيح ولابحلك خطيه=يابن الرجال مروضين الأصيلات
من شخصك الطيب برمعه نقيه=صح الله لسانك عداد السجلات