..أنشدك عن بنتن تحكَم برجال ..( طخه ابو ضاري)

[عبدالعزيز الوادي]

:



أنشدك عن بنتن تحكَم برجال
غصبن عن الرجال يتبع نظامه ..


تلعب عليه وتدخله طرق الاهوال
ويبي السلامه مار ما من سلامه ..

وده يحيايلها ولاهو بمحتال
وان خلته ماعاد يفهم كلامه ..




ما لكم لوى هههههههههههه

[ابو الدعس]

ياهلا ويامرحبا يابو وااادي


من طول الغيبات جاب الثمينه


ولغزك هذا يبيله تصفيه مخ فهمت


غليووووووووووووون



لي رجعه

[عبدالعزيز الوادي]

:


انا قايل من أول ان مخك بغليونك ..


يالربع داري انه يبي يطخه .. عوذه من ابليس ..

:\

[طلال الميهوبي]

http://www2.0zz0.com/2010/01/23/20/715845229.png



انا اقول ان شاءالله ( الديمقراطية؟؟ ) والله اعلم






تقبل مودتي وتقديري لكم

[عبدالكريم أبو زهره]

انا اقول .. كيف حالكم يالربع .. ما اطخه دام ابو الدعس ناويه
..

<_ لا ياشيخ تكفى طخه ..

[ابو الدعس]

كريم للحين ماولعت الغليون


وللحين نفكر مير ارمع اغديك تقرب الحل لي هههههههه


جاري التفكير

[عبدالكريم أبو زهره]

ابو الدعس والله ماورا الغليون رمعات .. مير وانا اخووك ابو وادي وينه اغديه يغششني <_ ماله نفس يفكر

[ابو ضاري]

ابو زهره يالغالي

وليه ماتفكر

عز الله اني لقيته ان شاء الله

الفاره(الماوس )حقت الكمبيوتر

ابو وادي اول مره ارمع ياشين قل صحيح

خل ابو الدعس يفحط مكانه

خالي ابو زهره

اذا عجزت عن الالغاز علمن اقولك حله

[عبدالكريم أبو زهره]

صح لسانك ياخالي

جبتها .. وابو وادي ماهو كاسر كلمتي ههههههه

[عبدالعزيز الوادي]

عوذه عوذه عوذه ..


ما الله كاتب لي اتهنى بلغز ..

صح السانك يا ابو ضاري

[ابو الدعس]

صح لسانك أبو ضاري


بس مايخالف لنا لقاء قريب