استشااااره

[سيف الشرعبي]

شعراء المضايف بل ادباء المضايف

السلام عليكم

مشكورين على فتح هذا القسم ولعلي انا وغيري يستفيد منه

يقولون لكي تصبح شاعر لابد ان تمر بمرحلة حب او معاناه

وبصراحه البنات ما يحبٍ واحد ماهو شاعر هههههه

وانا لي محاولات اريد منكم الراي فيها وبصراحه تامه

قلت

الجو غيّم وشفت الغيم من فوقي ** ويوم امطرت طاب لي الشعر ولحونه

انا بدوي والبداوه داخل اعروقي ** وبي طنخةٍ تقول احيان مجنونه

وسلامتكم وسلامة الحاضرين

[أخت لورنس]

انا لست شاعره لكن عليك ان تنتبه لبحور الشعر


حاول مرات عديده واتوقع يجي منك قصيده رائعه



حاول انت مازلت بالبدايه


تحياتي

[عبدالكريم أبو زهره]

صح لسانك اخوي ..

وانا برضو ماني شآعر .. لاكن انت جرب تلحنها .. علشآن توزنها ..

واترك الباقي لأخواني الشعار ..

وبالتوفيق أخوووي

[زايد الدغماني]

سيف صح السان على ها البيتين

وبعدين من الواضح ان نواياك ماهي سليمه تبي

تحب هاااااه ههههههههماني امعلمك


تحياتي

ننتظر الاخ ضامن

[دهش العواجي]

المطنوخ الشرعبي سيف

صح الساااااانك محاوله موفقه بإذن الله
ومدامها علشان حب البنيات ..

انا واثق تجيب راس عشره بدل الوحده ههههه

كمل بس
الوزن مو مشكله ياالله اكتب على ذا الوزن

الجو غيّم وشفت الغيم من فوقي ** يوم امطر الشعر طاب وطابت الحونه
..........................................
................................................
.....................................
...............................................

ياالله يابطل كمل

هيجنها وللي مايجي معك غيره

وبنتظارك

[سيف الشرعبي]

الجو غيّم وشفت الغيم من فوقي ** يوم امطر الشعر طاب وطابت الحونه
واخترت أنا من بحور الشعر طاروقي**بحرٍ بسيط وجميع الناس يبغونه
ملزوم اهدي خفوقي لندفع شوقي**وملزوم اوصف جمال الزين وعيونه


..........................................


دهش الله يطول بعمرك ويسعدك

شكر لدخولك في موضوعي وانا حطيت بيتين مدري

ماشي صح والا لا

[سيف الشرعبي]

الاخوه كيكه وعبد الكريم ابوزهره لا خلا ولا عدم من حظوركم وانافي مدرسة دهش

[سلطان الرواد]

الجو غيّم وشفت الغيم من فوقي ** يوم امطر الشعر طاب وطابت الحونه
واخترت أنا من بحور الشعر طاروقي**بحرٍ بسيط وجميع الناس يبغونه
ملزوم اهدي خفوقي لندفع شوقي**وملزوم اوصف جمال الزين وعيونه


..........................................
..........................................
..........................................


عشرة على عشرة

يالله كمل تهديف يالذيب ابي درزن اهداف

واحسبني مع الجمهور واصفق لك

\
.

[سيف الشرعبي]

ولا عليك امر طالبك عجل يادهش نبي نلحق على المسابقه

[سيف الشرعبي]

لاهنت وبيض الله وجهك فيه كسر شي ياسلطان

[سلطان الرواد]

والله انا شفت الاخ القدير دهش ابطى عليك وحنا هنا اخوان ومكملين لبعضنا قلت افزع لك واعين واعاون

\
.

ما قلت لك 10 على 10 ;)

لا ما فيه كسور

ياللاااااا

قداااااااااااااام

[سيف الشرعبي]

الجو غيّم وشفت الغيم من فوقي ** يوم امطر الشعر طاب وطابت الحونه
واخترت أنا من بحور الشعر طاروقي**بحرٍ بسيط وجميع الناس يبغونه
ملزوم اهدي خفوقي لندفع شوقي**وملزوم اوصف جمال الزين وعيونه
الجادل اللي غلاها داخل اعروقي***بنتٍ عفيغه وعن الشبهات مصيونه

[سيف الشرعبي]

وش رايكم

[سلطان الرواد]

بس شيل الواو من عجز البيت

كالتالي

الجادل اللي غلاها داخل اعروقي***بنت(ن) عفيفه عن الشبهات مصيونه

\
.

يالله ابيك تلعب ب 10 هجوم واترك الحارس دفاع

[سيف الشرعبي]

ابي لا خلصت تغيرون العضويه تحطونها شاعر

هههههههه صدق نفسه

[سيف الشرعبي]

الجو غيّم وشفت الغيم من فوقي ** يوم امطر الشعر طاب وطابت الحونه
واخترت أنا من بحور الشعر طاروقي**بحرٍ بسيط وجميع الناس يبغونه
ملزوم اهدي خفوقي لندفع شوقي**وملزوم اوصف جمال الزين وعيونه
الجادل اللي غلاها داخل اعروقي***بنتٍ عفيغه عن الشبهات مصيونه

[سيف الشرعبي]

قالت ابي لي قصيده ترتقي لذوقي *واعرف تراني بحبك صرت مجنونه

[سلطان الرواد]

الظاهر يا سيف نظرك ضعيف

يبيلك نظاره يبناخي

:cool:

عفيفه الفاء الثانية خلها فاء مو غين

\
\
\

الجو غيّم وشفت الغيم من فوقي ** يوم امطر الشعر طاب وطابت الحونه
واخترت أنا من بحور الشعر طاروقي**بحرٍ بسيط وجميع الناس يبغونه
ملزوم اهدي خفوقي لندفع شوقي**وملزوم اوصف جمال الزين وعيونه
الجادل اللي غلاها داخل اعروقي***بنتٍ عفيفه عن الشبهات مصيونه
قالت ابي لي قصيده ترتقي لذوقي *واعرف تراني بحبك صرت مجنونه


تماااااااام

كمل يابطل

[دهش العواجي]

الجو غيّم وشفت الغيم من فوقي=يوم امطر الشعر طاب وطابت الحونه
واخترت أنا من بحور الشعر طاروقي=بحرٍ بسيط وجميع الناس يبغونه
ملزوم اهدي خفوقي لندفع شوقي=وملزوم اوصف جمال الزين وعيونه


لا لا لا

ياسيف

ماتفقنا كذا .. حنا قلنا اكتب ما قلنا إبدع

سيف لا يجوز للقاضي الحكم بعلمه

لذلك رايح اتعامل معك مثلما ماانت تبي

ليس مثلما انا فهمت ,,

أبسئلك سيف


ملزوم اهدي خفوقي لندفع شوقي

س1 ليش ملزوم تهدي دافع خفوقك مدام تبي تكتب شعر والشعر ماياتي الا من دافع قوي وسبب؟

س2 وشو البحر القصيده هذى او طرقه وهذه ثقافه ادبيه مالها علاقه ان يكون شاعر او محب لشعر ؟

همسه : الظاهر انا الطالب عندك ياسيف ولكن بكل الحالتين انا سعيد جدا وربي

تحياتي وتقديري يالشرعبي

[زايد الدغماني]

ماشاء الله تبارك الله

والله منت هين انت منت مبتداء

عموما لا انتهت جبها لشعر النبطي وماقصرو الاخوان

دهش وسلطان الله يعطيهم العافيه


تحياتي وتقديري

[سيف الشرعبي]

ياجعلك ذخر صارت قصيده يادهش


انا اقصد ملزوم اهدي خفوقي يعني بكتابة الشعر

وانا سويتلها فعاعلتن فعللات فاعلينا

وطلعت على البحر البسيط

[سلطان الرواد]

ابو فيصل دايم سبّاق للطيب


خله يكتب ولا قضى من القصيدة وفرح فيها نحطمه بالنقد


غديه بكره يطرح له شيهانة بحرية

ههههههه


\
\
\

سيف خلك من التفعيلات وهيجنها مثل ما اشار عليك اخوي دهش في البداية

وبالمناسبة وزن البحر البسيط:

مستفعلن فاعلن مستفعلن فاعل

\
\

لا توقف

يالله

[دهش العواجي]

ماهو نقد ياسلطان

اكتشفت إنا نعلم معلم

ركز ياسلطان


سيف سيف

كمل يابطل

[دهش العواجي]

الجو غيّم وشفت الغيم من فوقي=يوم امطر الشعر طاب وطابت الحونه
واخترت أنا من بحور الشعر طاروقي=بحرٍ بسيط وجميع الناس يبغونه
ملزوم اهدي خفوقي لندفع شوقي=وملزوم اوصف جمال الزين وعيونه
الجادل اللي غلاها داخل اعروقي=بنتٍ عفيفه عن الشبهات مصيونه
قالت ابي لي قصيده ترتقي لذوقي =واعرف تراني بحبك صرت مجنونه


قالت ابي لي قصيده ترتقـي لذوقـي
واعرف تراني بحبك صرت مجنونه


من يلومها ماتنلام

[سيف الشرعبي]

الجو غيّم وشفت الغيم من فوقي ** يوم امطر الشعر طاب وطابت الحونه
واخترت أنا من بحور الشعر طاروقي**بحرٍ بسيط وجميع الناس يبغونه
ملزوم اهدي خفوقي لندفع شوقي**وملزوم اوصف جمال الزين وعيونه
الجادل اللي غلاها داخل اعروقي***بنتٍ عفيفه عن الشبهات مصيونه
قالت ابي لي قصيده ترتقي لذوقي *واعرف تراني بحبك صرت مجنونه


هههههههه

لا بالله جد لا تضحكون والله اني محترق واعصر ها المخ

[دهش العواجي]

طيب واصل يالذيب

[سيف الشرعبي]

الله عطاها جمال وحسن منطوقي* عجزت عن تالي البيت هذا الله يقطعه دقر

[دهش العواجي]

الله عطاها جمال وحسن منطوقي* عجزت عن تالي البيت هذا الله يقطعه دقر

هههههههههه

لا ياشيخ

اقوول كمل ياسيف

مستمتعين بالرحله

[سيف الشرعبي]

لو تجتمع مع جميع البيض مزيونه

زين هذا يادهش

[سلطان الرواد]

سيف سيف

نحتريك تجيب بيت أجمل

[دهش العواجي]

ازين من الزين

واصل

[سيف الشرعبي]

الله يجبر بخاطرك والله اني اتعبتكم لكن لي الشرف ان اساتذتي مثلكم اي والله مازليت

[سيف الشرعبي]

والله وقفت

تكفي ان شاء الله بس انتم جادين والا ترفعون بي

[دهش العواجي]

وحنا يسعدنا انك تونسنا وتكمل القصيده

[الاطرق بن بدر الهذال]

سيف الشرعبي
صح لسانك ولا هان منطوقك
مين قدك ياعم
متابعينك هوامير الشعر ابو فيصل وسلطان

الله يسعدهم على تواجدهم وتفاعلهم

كمل ياسيف وأكيد تجي معك دامك جبت قبلها اروع الأبيات

[دهش العواجي]

سيف مبدع يابو سلطان و لا يهون سلطان

ويبي يعجبكم هالحين بس تابعوه

أفا يالغلطه المطبعيه هههه

[سيف الشرعبي]

صح بدنك يابو سلطان والله تشرفت وطلتك هذي تبي لها قصيده جديده بس خلني انهي ها الغزليه

[سلطان الرواد]

الله يعطيك العافية

يا سيف

وصح لسانك

وفالك الجادل


والله انا نفرح لا شفنا واحد مثلك حريص على التعلم

وان شاء الله تكملها

وإلى الإبداع والجمال

دمت بخير

\
\

[سيف الشرعبي]

عليك قلبي طوال العمر محروقي **والي وافى لي انا يابنت ماخونه

وسلامتكم

[دهش العواجي]

سلطان الرواد


وش رايك بشاعرية سيف بأمانه؟

[سيف الشرعبي]

اي والله بامانه

[دهش العواجي]

وانت سالم وغانم وصح الله السانك

ومقصرت وجهك ابيض رايتك ترفرف خفاقه ياشاعرنا

[دهش العواجي]

لكن لحظه لا تروح ياسيف نبي نحقق معك !

انا وسلطان بس بعد مانسمع راي سلطان

[سيف الشرعبي]

ماعاد باقي بقلبي كود معلوقي*عليه روحي غدت ها اللحين مرهونه

[سلطان الرواد]

صح لسانك يا سيف

والله يعطيك العافية

\
\

هلا ابو فيصل

والله اشوفه موهوب وموهبته راح يصقلها بالممارسة والمثابرة

سيف يجيد الوزن

يبيله شوي يركز على تسلسل الفكرة وعمق الصورة

\
\

اتمنى له التوفيق


وتراك ما قصرت يا ابو فيصل بيض الله وجهك

كان عندك ملاحظات اضيفها لانها بلا شك تخدمه وتفيده

وسيف اخونا وما نكمى عليه شين

[دهش العواجي]

ياالله روووح ياسيف من قدك شهد لك سلطان الرواد

هذى شهاده كبير وانت تستاهلها

[دهش العواجي]

صح لسانك يا سيف

والله يعطيك العافية

\
\

هلا ابو فيصل

والله اشوفه موهوب وموهبته راح يصقلها بالممارسة والمثابرة

سيف يجيد الوزن

يبيله شوي يركز على تسلسل الفكرة وعمق الصورة

\
\

اتمنى له التوفيق


وتراك ما قصرت يا ابو فيصل بيض الله وجهك

كان عندك ملاحظات اضيفها لانها بلا شك تخدمه وتفيده

وسيف اخونا وما نكمى عليه شين



اكييييييييد ياسلطان

انا ماعندي الا ملا حظه وحده فقط

انه ( شاعر حقيقي )

[سيف الشرعبي]

بيض الله وجيهكم و وهذي شهاده منكم

ولاكن وين القصيده اللي انت زينتها المرتبه كيف احفظها

[سيف الشرعبي]

هين تشيعك يابو فيصل هو اللي يخلي الواحد يكتب غصب عليه والله ما اخبر كتبت 3 ابيات ورى بعضهن

[سيف الشرعبي]

ابو فيصل وش رايك وش نسميها ها المبروكه ابي اسميها سلطان ودهش

[دهش العواجي]

المبروكه مشاعرك واحساسك

والبركه بأستاذنا الكبير سلطان

[سلطان الرواد]

الله يبارك فيك

ما عليك زود يا ابو فيصل

تخجلني بطيبك دائما

كبير باخلاقك

لا خلا ولا عدم


\
\

والمبروكه بين الشرعبي وملهمته

[سيف الشرعبي]

ياجعل عمرك طووويل مو بكره انشرها تجي يادهش تقول بحر ما بحر من ها اللحين صالحه والا لا

ترى ماينعرف لكم يا ها الشاعر اشك انها المساله تشجيع

[سيف الشرعبي]

غرنوقي

يبيله بيت بس لين يزيد الشوق هههههههه

[سيف الشرعبي]

يارجال الحب مصيبه والله مصيبه

واللي ماهو شاعر مايسلك هههه

[دهش العواجي]

ياجعل عمرك طووويل مو بكره انشرها تجي يادهش تقول بحر ما بحر من ها اللحين صالحه والا لا

ترى ماينعرف لكم يا ها الشاعر اشك انها المساله تشجيع

هههههههههههه

انت من يقدر يتعرضك

انت مو بحر انت محيط

[زايد الدغماني]

هاه بشر اخوي سيف لعلك استفدت

من ها الدرس اتمنى انا نراك في المضيف بقصيده جديده

وترى انا ملاحظ ردودك وتفاعلك بالقسم واكيد عندك هوايه

الله يوفقك والف شكر للاخوان اللذين تفاعلو معك با الموضوع

سلطان الرواد ودهش العواجي

اسماء بحد ذاتهم مدرسه شعريه

تحياتي لك وللاخوه

[ابو الدعس]

صح لسانك ياسيف....

ودام أبو فيصل وسلطان هم من شجعوك وعلموك فأنت شاعر

وبيض الله وجيهكم يابو فيصل انت وسلطان وعز الله نتعلم منك وانا متابع لكم

وتعلمت منكم شي كثير ومن قدك ياسيف دام أساتذة الشعر معاك......

وصح لسانك ياسيف وبيض الله وجيهكم ياأساتذتي......

كل الشكر لكم .....

تقديري واحترامي

[سيف الشرعبي]

ابو الدعس

الشاعر القدير زايد الدغماني

ابوسلطان

الشاعر القدير سلطان الرواد

الاستاذ ابو فيصل

والله مدري وش اقولكم بصراحه انتم ناس غير با اخلاقكم

وتفاعلكم

مشكورين وماقصرتو وتعبتكم معي والله

[هيثم محمد العنزي]

صح لسانك ياسيف
عزالله مبدع

قصيده رائعه