انشدك عن بنتٍ لها بالسنع دور

[الاطرق بن بدر الهذال]

لغز قديم لي

ان شاء الله يعجبكم



انشدك عن بنتٍ لها بالسنع دور=
=من دونهـا مـاتـنـفعـك والـدتهــا

ان جيتها بأسلومها فأنت مسرور=
=وأذا عـكـست سلومهـا خـربتها

وليا مرضت ماينفعـك أي دكـتـور=
=هات اختها والبنت عطها رقـبتها

[فــرج الـبـلاز]

صح لسانك ملايين

أحله أبو سلطان قبل يجي صبار ;)

[صبار المضياني]

صح السا نك يا ابو سلطان

والغز انا مطفي عنه لا اني اعرف حله

[الاطرق بن بدر الهذال]

صح لسانك ملايين

أحله أبو سلطان قبل يجي صبار ;)



هلا اخوي فرج


اذا منت سامعه قبل حله لنا

المهم اللي يريحك:)

لاهنت اخوي

[الاطرق بن بدر الهذال]

صح السا نك يا ابو سلطان

والغز انا مطفي عنه لا اني اعرف حله


الله يعطيك العافيه اخوي صبار على المرور

لاهنت

[هيكل الشمري]

صح لسانك يابو سلطان

عندي رمعه وإن شاءالله تكون هي

امراة الجانبيه للسياره واختها اشارة السيارة

[الاطرق بن بدر الهذال]

صح لسانك يابو سلطان

عندي رمعه وإن شاءالله تكون هي

امراة الجانبيه للسياره واختها اشارة السيارة



هلابك اخوي هيكل وسعدت بمرورك

مالك لوا لكن محاولتك طيبه وتخوّف:)

بأنتظار محاولتك القادمه

[ضامن الرويلي]

ابو سلطان عندي رمعه


اعتقد البنشر واختها السبير


يالله الستر من الفشيله

[غريبة الاوطان]

البطارية

[سلطان زمانه]

صح لسانك ابببببببببببببببو سلطان بس معرف احله

[خيال الصفراء]

مساء الخير يابوسلطان والله يعطيك العافيه
وصح لسانك
وش قلت بلنبه الي يركبونه بكبوت السياره

[الزهرة البرية]

البوصله

[عايد الطرقي]

صح لسانك يابو سلطان وش اخبارك ان شاء الله طيب
ماهي مفتاح البراغي مدري وش اسمه عندكم ؟

[الاطرق بن بدر الهذال]

وعليكم السلام ورحمة الله وبركاته

حياكم الرحمن اخواني الغالين وأخواتي العزيزات


مشكورين على المرور وعلى المحاولات الطيبه

الحل هو بطارية السياره كما قالت اختي اماني ( خلود الأمل )




انشدك عن بنتٍ لها بالسنع دور=
=من دونهـا مـاتـنـفعـك والـدتهــا

ان جيتها بأسلومها فأنت مسرور=
=وأذا عـكـست سلومهـا خـربتها

وليا مرضت ماينفعـك أي دكـتـور=
=هات اختها والبنت عطها رقـبتها


طبعاً البطاريه اذا كانت خربانه ماتنفعك والدتها اللي هي السياره

وأذا ماجيتها بسلومها وعكست اسلاكها راح تخرب عليك الظفيره كلها ويمكن تحرق السياره


وأذا مرضت ماينفع فيها اي دكتور

الأفضل احذفها وركب اختها الجديده


فائق تقديري لكم

[ابووليد]

صح لسانك يابو سلطان

عندي رمعه وهي البطاريه لسياره
تحياتي