|
من الارشيف
ياعويد الكسار ماشفت ضافي أشقر وله فوق المخالب سراويل لامن كشفت الراس وطلع وشافي ماتخوفه يالقرم كثر الازاويل شره الياشاف الحباري مقافي سوا عليهن يابن وايل تهاويل والخرب لاشافه يصيبه أرجافي لو يرتفع جابه على الارض تحويل برض الحماد وبين ذيك الضفافي البرق يشلع والردعد له هلاهيل صبت على الوديان والسيل طافي وكم واديٍ يشكي أجروحه من السيل وعقب المطر سج القدم بالفيافي وباليل شب النار وأدن المعاميل عبدالرزاق المطرفي |
ياالله يارازق بهالكون ذره
عقب الظلام أنزلت لعبادك النور يارب ياباسط صحاصيح بره ورافع سماه وخالق أنهار وبحور ويالادمي مالك عن القبر فره ولاتنفعك كثرت عمارات وقصور ولا ينفعك بشت طويل تجره ما تدري أن القبر جاهز ومحفور بس أذكرالله كل مره ومره وخالف هواء نفسك ولاتصيرمغرور يارب عفوك من لواهيب حره لا غادرت روحي وأنا داخل السور عبدالرزاق المطرفي |
محمد ولد نايف قوي العزيمه
من نظرته فيها سواليف وعلوم فصيلته من الفصايل كريمه يعطي ولا يعطى عن الكبر والزوم ولي عهد وجعل ربي يديمه عضيد سلمان السعد جعلهم دوم خدام بيت الله ملوكٍ عظيمه تاريخهم في صفحة المجد منظوم وياالله عسا عدوهم للهزيمه والفرس ياتيها من الله لاهوم اللي أتنظم للاسلام الجريمه وترمي بها يم واحدن كان مظلوم يالرافضي هذا محمد صريمه من نظرته يالرافضي صار معلوم هذا ولد نايف أيضايق خصيمه واللي مثل شرواك مهزو مهزوم يامدع الاسلام مافيك شيمه منكر جميل وضايع الفكر منجوم محمد ولد نايف المثلك شكيمه هذا ولد صقر العروبه وشغموم حراً ولد حراً يذب الخريمه ولاأنت بوم ونايمٍ من وراء بوم والمعذره على جعاله بعد ماشاهدت المقطع بين ولي العهد والرافضي هاضت القريحه بعجاله وأذا فيه خطا أعذرونا عبدالرزاق المطرفي |
بالامس لقيت رساله بهذا القروب
من الاخ عبد الرزاق المطرفي ويقول شبيت ناري بالفياض العراضي وصلحت فنجالي وثمٍ تقهويت برضاً قفر خالي من الناس فاضي بس أم سالم صوتها له زغاريت يشوقني برقٍ من الغرب ناضي أبدن يابوصالح ولا عنه أغضيت قعت أخيل البرق والفكر هاضي ودزيت من صدري كثير التناهيت وخذت لي سجه بذيك الفياضي في ديرتٍ ينعش هواها تمشيت ومن بعدها لملمت باقي أغراضي وغصبٍ عليه يابن وايل ورديت ومن جيت قالو رح نبغا مقاضي عزالله أني يابوصالح توذيت يالويلي يازين ذيك الرياضي ولا البلد يضيق صدري الياجيت خاطره يابوصالح عبدالرزاق المطرفي ::::::::::::::::;::::::::::::::::::::::::::::::;: البر زيـنـه فـي خـضـار الفياضـي بالصيف ماترتاح لـوانت سـجـيـت وش طلعك للـبـر وقـت الـرمـاضـي بالقيض تكشت بالسهـال السباريت مـكشـاتكـم ليه عليه اعـتـراضـي يابو الشريف القيض مابه مكاشيت رح اعتمـر بالبيت كان انت فاضـي واد الفريضه كان ماقبل حـجـيـت واغراض بيتك جيبهن وانت راضـي وخلك حبيب ولاتزعـل هـل البيت ياصاحبي ترا الصـبـر والتغـاضـي يوصلك للـي فـي حـياتك تمنيت يالمطـرفي دنياك هذي تـمـاضـي دار البـقـا بالاخـره كـان نـجـيـت طالب ونيس العنزي |
يامرحبا عداد رش السحابه
وعداد رمل جبالها والسطيحي واعداد ماسارالقلم بالكتابه وعدادحبر"مع حروفه يسيحي بالشاعراللي هزقلبي جوابه حسبت بنفسي شي ماني ماني نصيحي شاعرمعودنا بقو الخطابه يازين منطوق الكلام الصحيحي المطرفي مقبول كلمة عتابه من مابقلبه بان من النضيحي عبدالرزاق الي عزيزا" جنابه من نسل وايل كاسبين المديحي وايل لهاجمعا" كبير المهابه لاراجن الصلفات حول الجريحي وايل هل الردات يوم الحرابه الياختلط صوت البكا النويحي لسلم سلم ولطلابه اطلابه ودخيلهم ينساالعنى ويستريحي ياحيها والله عزوه ولابه وسترالعذارى لابسات الشويحي يوم الزمان الي كثيفا"ضبابه والزاد لايذ بالزمان الشحيحي اول مايلقى الضيف كلمة هلابه تجي مناسفهم عليها المليحي وان عاضبت يكفيه هرج البابه والجود من الماجود قول" صحيحي وكل القبايل تتصف بالذاربه رجال الطيب الي تحب المديحي من لايحب الطيب بان الردابه يصير عرضه للكلام القبيحي الحريصعد مانبا من هضابه والبوم بدغال الخرايب يطيحي بقلم.خليل مسفرالطلوحي |
رد على ابيات الشاعر عبدالرزاق بطاح المطرفي ...
يابو شريف أن كان تبغى الاجابه على الكلام اللي كتبته فصيحي اقولها عن لابتي بالنيابه عن ربعي الويلان ماني شحيحي يالمطرفي بعض السوالف تشابه وبعض الفعايل تستحق المديحي وبعض السوالف في نهار المجابه تصير مثل تمنيات الوضيحي والوقت هذا وقت حرب وعصابه وقتن خطير وله علينا فحيحي الله يعدينا مخاطر اسبابه ويفكنا من كل شين وقبيحي وابشرك لك لابة ينتخى به ويلان فزعة من يجيهم يصيحي وختامها عدة حروف الكتابه سلمت يارعي الكلام الصريحي اخوك فرحان ضبعان المطرفي |
صلح لي الفنجال وزود به الهيل
والياجهز صبه وعطني قدوعي من دلة تلمع كما لمعت أسهيل فنجالها يشفي جميع الصدوعي وعقب المهيل عدل القاف تعديل ولع على جزل القوافي شموعي البارحه جني أجنون وهرافيل والقاف ياتيني على كل نوعي يالمطرفي جنك أحروفي زرافيل يالشاعرالمبدع وخيرة أربوعي لفرحان ابن ضبعان ولع قناديل المطرفي من دون ربعه جزوعي يالوايلي دنيا العنا والبهاذيل شين على الاسلام شفته يروعي مابين تفجيرٍ ومابين تنكيل ولا وين حنا في عماها نسوعي حنا بلانا من بعضنا مهابيل اللي على بلاده يدور الفزوعي شف العراق وسوريا شين أيهيل تلعب بهم شلات شيعي وشوعي ياالله يامنزل تبارك مع الفيل ياواحدٍ يرجع لك الامر طوعي يارب تحمينا بقدرك عن الميل ياخالقٍ وديانها والفروعي وصلاة ربي عد رش الهماليل وعداد ماحجة المكه أجموعي عبدالرزاق المطرفي ................. قم يانديمي شيل زين المعاميل وجهز لنا جيبً يبوج القطوعي مـن دارنا حـنا نوينا تشــامـيـل ومرواحنا عرعر وهاك الفروعي نلفي لابن بطاح قرم الرجاجيل قرمٍ على صعب المراجل بتوعي في مجلسه تلقى كرام الرجاجيل حيثه كريمٍ من خيار الـربـوعـي بيته لعصمان الشـوارب مـداهيل يفـداه منهـو باللـوازم جـزوعـي من لابةً يوم الملاقـا حـلاحـيل رجالهم وقت الملاقا قطـوعــي مطارفه يوم الملاقا على الخـيل خيالهم بالكون ينطح جمـوعـي اعـد ماشـفـناه منـهـم ومـاقـيـل حاضر مجيد وماضياً كا الشموعي يالمطرفي هذا زمان الغـرابـيـل شراً على الاسﻻم من كل نـوعــي من غربي الدجله الى غربي النيل كـﻻً على وضعـه يهـل الـدمـوعـي ومن حد تركيه الى مطلـع سـهيل شف فعلة الحوثي قليل السنوعي مير العوض بالفيصلي صفوة الجيل الصيرمـي بـوعـه ورا كـل بـوعـي الحازم الجازم سياسي وحـلحـيـل خـلا جهـابـذة السياسـه ركــوعـي في نصف عامٍ عدّل النقص والميل وتعـاودت لـه رومـهـا والشـيـوعـي ورسـم وخطط لليـال المـقـابـيـل نهجه عدال وسـايراً في طـلـوعـي طالب ونيس السلمي العنزي مجاراه للشاعر عبدالرزاق بن بطاح المطرفي قم يانديبي هات حملنا الشيل ونوع لنا الزهاب من كل نوعي وشل الدلال البيض وحرص بهن حيل وجودهن قبل ضمايه وجعي وكثر من الخولان مع طيب الهيل وقدوعهن من يانعات الفروعي تمر الودايا الفاخرات المجاهيل عذوقهن على الجرايدهزوعي وشل الكلاش وشيل معه الدرابيل نحتاط مع الدرب غدرالطموعي حنان وينا لشمال المراحيل اماشهر ولانزيده سبوعي لاجت من المنشاصدقوق المخاييل لميع برقه مع ظلامه يروعي يهل من مزنه غزيرالهماليل تصحبه الريضان مثل الزرعي نمسك طريق"لايتعرج ولايميل من دون عرعرمانوينا الهزوعي يالله عسا درب. المطايا تساهيل سمينا بسم الله قبل الشروعي للمطرفي ناصل قبل عتمت الليل الوايلي زين النبأ والطبوعي لطيب في وجهه رسوم ودواليل عبدالرزاق الطيب يخضع خضوعي لاشح بالواجب قليل المحاصيل مثل القطامي الطرائد يفوعي وفرحان يستاهل مع المدح تفضيل يستاهل ابو سعود نجمه سطوعي فرحان يحسب من حساب المشاكيل الي على الجزله طويلين بوعي من الابه اللي يفعلون الافاعيل رجالهم عن الملاقى بتوعي فكاكت العاني نهار الاصاويل وقت المزاحم بلتطام الجموعي وليوم بحكم مانبي عنه تبديل حكم ال سعود موطنين النجوعي صاروشعب واحد بكل المسائيل دون الوطن نشب شبت ولوعي مع خادم البيتين حشمه وتبجيل لطام بالشدات خشم الهلوعي كفه على العدوان ويل وزلازيل يلطم بها خشم الماجوس الدنوعي سلمان سلمان الحزم عزمه مهيل روس" عنيده تنحنيله خضوعي ولي عهده للعداء طيرابابيل دون الوطن تجئ النشامافزوعي ومحمد السلمان من نقوت الجيل الياضرب يفرا متين الضلوعي وزير جيش" للمعادي بلا ويل الى تقدم مايعرف الرجوعي على اللعدو شبولهوم المشاعيل عيون المعادي ماتعوف الهجوعي بقلم خليل مسفر الطلوحي مجاره مع قصيدة عبدالرزاق المطرفي |
الشاعر القدير/عبدالرزاق المطرفي
صح لسانك على هالدرر الثمينة ديوان رائع ويستحق المتابعه بنتظار جديدك تقبل مروري المتواضع |
الله يعطيك العافيه أختي الغاليه
وشاعرتنا القديره ومرورك لديواني شي كبير وأسعدني مرورك طال عمرك واناتشرفت الحقيقه بمرور أخت وشاعره كبيره مثل بنت الكحيلا والله يسعدك على هذا المرور العطر منك تحياتي لك أختي القديره على مرورك لديواني |
الطيب زرقة رمح بين الرجاجيل
أما كسبت الطيب ولا الفشايل رجلٍ يحل المعضلات المقافيل ورجلٍ على ماقيل مابن صمايل ورجلٍ الياجيته يحوف المعاميل مجلاس عز ومدهلٍ للحمايل ورجلٍ على ماقيل مابن محاصيل غير النقيلي ماذكرله فعايل واليابلاك الله أبعض أبعض المهابيل دفوش الرجال ولاتعرف الجمايل لا تغرك الكشخه ابعض الازاويل واليانخيته صدعنك يتمايل تهتال بهياطه اليابرد اليل تلقاه بالمجلس مسوي هوايل عساه فدوه لرجال الحلاحيل أهل الكرم والطيب واهل الفعايل عبدالرزاق المطرفي |
بسم الله الرحمن الرحيم
أسناد الى الشاعر/عبدالرزاق المطرفي يا المطرفي حييت في كل اﻻوقات اعداد من صام الشهر والقيامي واعداد من صلى افروض الصﻻوات واعداد من طاف الحرم بالحرامي ربعك لهم بالطيب والفعل وقفات يوم اﻻمن معدوم مابه نظامي فكوا اشياه الجار في ماضين فات موقف شريف وجارهم ما يظامي عبدالله سعيد الخالدي |
من مصنع أفكاري أبا عطيك الانتاج
نقحتها وعطيك أخر أنتاجي مسلسل أفكاري لها أنتاج وخراج وأخترت جزل المفرده من أخراجي باصاحبي وقتن على الناس منعاج قامت تنهشهم فروخ الدجاجي لاجاك بالمجلس كذوبن و هراج وهو الوحيد اللي من الناس ناجي وهو الذي باني محطات وبراج وهو الوحيد اللي لربعه أسراجي من زود كذبه أيتعرض للاحراج من كثر ماتاتيه ناسٍ أفواجي وهو بالحقيقه داج من خلقته داج غير المهايط والكلام السماجي ولاهو مع الحجاج ولاضنتي حاج والسر مايكماه قلبه هجاجي هذاك جعله من وراء ديرة أنباج ومن صكت الدنيا يدور الملاجي وعساه يغرق في عريضات الامواج وعساه يغرق مايشوف المناجي وعسى غراقه في بحر ساحل العاج تحول دونه عاتيات المواجي عبدالرزاق المطرفي |
ياصاحبي ماعاد فيها معاذير
وش عاد لو بعد المسافه عوافي بعد المسافه تنطوي بالمشاوير لا صار حنا ماعلينا خلافي ياالله تجعلها علينا تياسير ياواحدٍ خيره على الخلق ضافي من بعدها نكتب حزيل التعابير مادام عندي جوهر الفكر صافي لعيون رايد نصخر القاف تصخير وأهديه جزلات البيوت النظافي نسوقها سوق الدلال المباهير فنجالهن عن دوخت الراس شافي وثم عدها لسلطان ظاف الاشابير ياشوق من قرنه على المتن ظافي لفراحكم جينا نسوق التعابير ونبغى أنشاركم بجزل القوافي سلام ياروس الرجال المناعير أهل المكارم والسيوف الرهافي عبادله من خلفة كليب والزير يوم السيوف ويوم ضرب الشلافي فوق المهار معسكرات المسامير يوم السنين المسملات العجافي من صلب وايل محتمين المظاهير في ساعةً ياقل فيها العوافي عبدالرزاق المطرفي |
ياصاحبي ماعاد فيها معاذير
وش عاد لو بعد المسافه عوافي بعد المسافه تنطوي بالمشاوير لا صار حنا ماعلينا خلافي ياالله تجعلها علينا تياسير ياواحدٍ خيره على الخلق ضافي من بعدها نكتب حزيل التعابير مادام عندي جوهر الفكر صافي لعيون رايد نصخر القاف تصخير وأهديه جزلات البيوت النظافي نسوقها سوق الدلال المباهير فنجالهن عن دوخت الراس شافي وثم عدها لسلطان ظاف الاشابير ياشوق من قرنه على المتن ظافي لفراحكم جينا نسوق التعابير ونبغى أنشاركم بجزل القوافي سلام ياروس الرجال المناعير أهل المكارم والسيوف الرهافي عبادله من خلفة كليب والزير يوم السيوف ويوم ضرب الشلافي فوق المهار معسكرات المسامير يوم السنين المسملات العجافي من صلب وايل محتمين المظاهير في ساعةً ياقل فيها العوافي عبدالرزاق المطرفي |
يابوفهد قلبي تمزع تمزاع
تمزيع غيمٍ من هبوبه مزعيا وش عاد لو دنياي أفجوجها أوساع مارتاح بالي من بلاوي وجعيا على الذي زوله تمريع تمرياع أنشهدنه بالمحبه وشعيا قالو علامك قلت من كثر الاوجاع والناس ماتدري بسبت ولعيا عبدالرزاق المطرفي |
يالربع ابونواف قليلٍ أطلوعه
أغديه عاشق جعلنا ماعدمناه خليل بونواف حلوه أطبوعه عز الرفيق وطيباتن سجاياه الوايلي ضافي على الطيب بوعه اللي على جزل المعاني أمحياه من روس قومٍ بالحرايب قطوعه ولادعه بالطيب والعفل والجاه من صلب وايل بالمعارك بتوعه والولدعي في ساعة الضيق تلقاه أهدأ لبونواف خليل مسفرالطلوحي والمعذره عن القصور أخوك/ عبدالرزاق المطرفي ________________ حي الجواب اللي جذبني شموعه يامرحبا عداد خطن كتبناه واعداد من شاف القمر في طلوعه وعدادمايشرق على الكون بضياه عبدالرزاق المطرفي قل نوعه الطيب حاشه والوفى فعل يمناه من لابت" جمع المعادي تصوعه نطاحة الكايد نهارالملاقاه المجد عدو في عوالي فروعه مطارفه على اللفعايل مضراه قبيلة" عندالمضايق جزوعه عييل ماتقبل على الجار مذاه تشب شبت ولعة" في ولوعه لاصاح صياح الضحا وسمعو انداه قبل الفجر والنور يعلن شروعه شالواشياه الجار مابه مراواه ويلان هم لجم النفوس الطموعه عدات وايل تلحق الخصم ماذاه وزبن الضعيف الي سلاحه دموعه وزبن الدخيل الي عدوه تبلاه وعداد حب" ينحصد من زروعه اقبل سلامي والتحيات تقفاه رد ومجاراة على قصيدة الاخ عبدالرزاق المطرفي اخوك خليل مسفر الطلوحي ابونواف |
يالربع ابونواف قليلٍ أطلوعه
أغديه عاشق جعلنا ماعدمناه خليل بونواف حلوه أطبوعه عز الرفيق وطيباتن سجاياه الوايلي ضافي على الطيب بوعه اللي على جزل المعاني أمحياه من روس قومٍ بالحرايب قطوعه ولادعه بالطيب والعفل والجاه من صلب وايل بالمعارك بتوعه والولدعي في ساعة الضيق تلقاه أهدأ لبونواف خليل مسفرالطلوحي والمعذره عن القصور أخوك/ عبدالرزاق المطرفي ________________ حي الجواب اللي جذبني شموعه يامرحبا عداد خطن كتبناه واعداد من شاف القمر في طلوعه وعدادمايشرق على الكون بضياه عبدالرزاق المطرفي قل نوعه الطيب حاشه والوفى فعل يمناه من لابت" جمع المعادي تصوعه نطاحة الكايد نهارالملاقاه المجد عدو في عوالي فروعه مطارفه على اللفعايل مضراه قبيلة" عندالمضايق جزوعه عييل ماتقبل على الجار مذاه تشب شبت ولعة" في ولوعه لاصاح صياح الضحا وسمعو انداه قبل الفجر والنور يعلن شروعه شالواشياه الجار مابه مراواه ويلان هم لجم النفوس الطموعه عدات وايل تلحق الخصم ماذاه وزبن الضعيف الي سلاحه دموعه وزبن الدخيل الي عدوه تبلاه وعداد حب" ينحصد من زروعه اقبل سلامي والتحيات تقفاه رد ومجاراة على قصيدة الاخ عبدالرزاق المطرفي اخوك خليل مسفر الطلوحي ابونواف |
تدكنا الايام ياصاحبي دك
والجرح عيا بين الاضلاع يبرا من سبت اللي بالهواء شكنا شك وقالو تصبر قلت مافيه صبراء شفت الغزال اللي تجفل من الدبك أناشهدنه صار للقلب ثبراء ياصاحبي ماضن بحبه لنا شك ولاشك حبي صار لناس عبراء عبدالرزاق المطرفي |
الله على اللي يقبل البنص لارص
يزود شره كان لا مست بنصه من نوع لكزس تو واردلنا خص ولطالب أبن أونيس يالقرم خصه من الشمال وخل مشيك على حرص وخلك حذر لا تجيك بالخط قصه لا تامن السرعه وخفف على البنص وياماسمعنا من السواليف غصه هاك الرسله كاتبينه على أص وصل سلامي لبوصالح نصه قله زميلك داخله هم مرتص ولاجيت أبدله جاه همٍ ورصه من شوفتي وقتٍ علينا أبن عرص وفرخ الدجاجه قام يلعب بنصه فرخ الحديا قام يشره على القنص والحر يفهق بار بالوقت شنصه والله من همٍ قام يقصنا قص سود الليالي كل حين تقصه عزاه ياقلبٍ به الهم مرتص لاجيت أبدله جاه همٍ ورصه عبدالرزاق المطرفي حييت يالي مرسل القـاف والــنــص الــي بـحــرف الـصـاد قيفــان نــصــــــه الـــي بـخـــط رســالـتــه خـصـنا خــص وحنا بـجــزلات الــمــعــانـــي نـخــصـــه نـكان لك مــع الــزمــن عبر وقصص ليه مـــع الاحـــداث قــصــه وقــصــه يابو شريف الناس مالك بـهـــا خــص مــن لايـخـصــــك جــنـــبــــه لاتـخـصــــه نشوف ليث يسكن الكوخ والخص وبــن الـثــعـل يـقـلـط بصـدر الــمـنـصه والوقت وادواره بـه الــرب مخـتص ولايــســـأل الخــلاق عــن مايخصــــه اصبر على دنياك والصـبـر بـــــه وص والـــي تـــــوده مــــن حــبايبك وصـــــه الــصــبــر بالقراءن بالـحــرف والـنـص تـلــقــــــاه بـالـقــــــــراءن مــذكـــور نصــــه طالب ونيس |
ياماسك الرشاش لاهنت لاهنت
أحذرمن الرشاش يجرح أكفوك لن النعمومه باينه فيك يابنت خوفي عليك من البشر لاتشوفك أنتي عذاب الناس بالحسن ياست تحتار شعار النبط في وصوفك عبدالرزاق المطرفي |
ياصاحبي وأسهيل قرب طلوعه
وأهل الولع ياطيب الفال شفقين كلٍ نوا المقناص وجهز متوعه لديره اللي معبرٍ لشياهين يم الحماد اللي أتونس أفروعه وخوت هل الطنخات لطيب عجلين روس الرجال وبالصعايب فزوعه أهل الكرم والطيب تحشم عن الشين متواضعه بشان القنص وسهيل عبدالرزاق المطرفي |
ياصاحبي وأسهيل قرب طلوعه
وأهل الولع ياطيب الفال شفقين كلٍ نوا المقناص وجهز متوعه لديره اللي معبرٍ لشياهين يم الحماد اللي أتونس أفروعه وخوت هل الطنخات لطيب عجلين روس الرجال وبالصعايب فزوعه أهل الكرم والطيب تحشم عن الشين متواضعه بشان القنص وسهيل عبدالرزاق المطرفي |
بعض البشر في كل الاوقات كذاب
ديدانهم بالكذب مدح المعازيب لجل المصالح صار هايف ونصاب ومن هانهم صارو لشخصه أصاحيب وين الرجال اللي يعزون الاشناب اللي أتقدر عند عكف الاشانيب يابوهليل جعل يمناك ماتعاب ترا العذارى معذبات الاصاحيب قيس الملوح صابه الحب ونصاب من همها نومه أبروس المراقيب وعندك خبر وش وسوت البنت بعقاب من حبها يشكي على حجاب يالذيب والحب مايعذرب عريبين الانساب أهل المواقف بالسنين المحاديب مجاراه متواضعه لبوهليل الغالي عبدالرزاق المطرفي |
مريت بيام الشباب وتعديت
واليوم شفني مثل ماأنت شايف الشيب بالعارض ولاعاد ياليت وبانت تجاعيد الزمن يابونايف عبدالرزاق المطرفي |
عسى الخوي الي همومه طوابير
تمد له ضحكات الايام يدها ٰ وعسى محب الخير ومدور الخير مايعرف الضيقه ويعرف نكدها :::::::::::::::::::::::::::::::::::: ياالله يارحمن يارازق الطير مدات جودك يالكريم نحمدها حنا جنود الله ناتي طوابير وعدونا لاغير يشرب نكدها يقودنا سلمان نسل المشاهير والمملكه تبقى وحنا سندها ولاهمنا الحوثي وشلت طراطير هملشن تجمعت مع أقردها شلت خنا ومجمعين الخنازير الله يفرقها و يقلع ضمدها عبدالرزاق المطرفي |
الله من قلبن تقل فيه حشاش
ماكنه الا والمناجل تحشه ياصاحبي من جايرالوقت منداش دنياك هذي كل حين تقشه حنا صبرنا صبر ولاكن على ماش وأشوف ناسٍ عايشه بالمغشه الحق ضايع بين هافي وغشاش وناسٍ أتحاول كل حين تغشه حناغدينا بين عامش وعماش أهل الردى ومجمعين المقشه عبدالرزاق المطرفي |
ياعيون موحشن شاف الحباري
أكشفو له برقعه والشمس حيه شاف جولٍ منتحي يابومشاري تل سبقه ونطلق وقت أضحويه تل قلبي وأنتحى ماهو أبداري يابن وايل عطنا وش حل القضيه يازميلي جبت لك كل المواري أبي منك الراي ياشوق الا بنيه خابرك يالقرم لاجتني طواري وقفتك ياصاحبي ماهي خفيه عبدالرزاق المطرفي |
يابوبدر قلبي تقل فيه عراط
دابن عمى يالقرم للقلب عاروط ومن قال أنا ياخوك للوقت محتاط والوقت دايم للمخاليق زاروط والموت لا حدر على الروح قشاط والموت سيف وللمخاليق قاشوط والموت له سكره بها الروح تنماط والدم ماله بالشرايين ناقوط وتنشف عروقٍ الجسم من كل الانماط وجثتك تلقا له من الناس رابوط وعقب الحياه الا تحنط تحناط والجسم ياتيله من الدود لاقوط عبدالرزاق المطرفي |
قم يانديبي شغل الجيب مشكور
توه على التمرين لونه سماوي من عندنا حرك على فجت النور وفلل تنوكه من محطات ضاوي عليه من يوصل جوابي على الفور لبوونيس الحر نسل النداوي جاني جوابك يابعد كل مثبور يالنادر الطيب بعيد الهقاوي نسل الرجال مزبنت كل مخطور لاشاف من ظيم الليالي بلاوي جعافره بالمجد ماضيلهم دور من صلب وايل مبعدين الخطاوي قصيرهم يحشم عن الظلم والجور في راس عيطا من نصاهم جلاوي من دور أخو نمشه مع حجاب مذكور وفعالهم لليوم مع كل راوي ماينمحي فعلٍ مع الناس مخبور هذا كلام الصح ماهو هقاوي صابورهم يسطي على كل طابور وعدوهم تكثر عليه البلاوي وياصاحبي ماني من الحب مقهور يالوايلي ماله بقلبي ملاوي لاشك هذا الدور يالعن ابوالدور عز الذليل وصار فيها نداوي وشوف ناسٍ حدها الوقت بحدور أهل الكرم والطيب وهل النخاوي هبيت ياذا الدور وش أنت محقور ياللي على الاجواد فيك البلاوي كم واحدٍ همه سطح مشت الزور يبغى الجزايل مار ماهو أبقاوي من قل ماله مايبادونه الشور ولوكان جده من أكبار الدهاوي هذا مردي لك ياوافي الشور وأنا على جزل المعاني رهاوي وبشرك أني مكيف ومسرور وأنا حمدالله ماعلينا دعاوي عبدالرزاق المطرفي |
مرحبا وعداد نجومٍ ساريات
وياهلابك عد سحابٍ أمديم يازميلي وأبشر بقولٍ ثبات من صديقٍ مايقول الا السليم لو يضيق الوقت من اربع جهات أناخوك ولاتظام وتستظيم كانها بالمال ياشوق البنات وقفتي لك وقفت الزير العديم يوم قال كليب لخوه الوصات ماترك جساس في داره يقيم وكان قصدك هالزمن مابه حلات وضعنا ياخوك ماهو مستديم ضاعة أسلوم العرب مناشتات وبعض الاريامن البشر رايٍ عقيم لو بديت الرياي قالو فبركات وأنا قول العقل بالجسم السليم النصحيه قبل تشرا بلقحات ولاكن دور اليوم قليل الحليم يارفيقي جاك مردود الابيات وستبيحك عذر يالحر الهميم يالله يارحمن ياخير الصفات منزل القراءن بكتابٍ حكيم تنصر الاسلام وتلم الشتات يارحيمٍ مالنا غيرك رحيم محيي الاموات من بعد الممات بقدرتك يامحيي العظم الرميم وصلاة ربي عد بذرات النبات على رسولٍ جاء بالنور العظيم مجاراتي للاخ أنورجالي العبدلي ابوعبدالرزاق أخوك عبدالرزاق المطرفي |
قريت خطك يازبون الونيات
يالولدعي ياشوق ضاف الكمومي ربعك هل الردات والخيل عجلات وعدوهم في مثبره مايقومي ولادعه يروون حد الرهيفات من صلب وايل بالمواقف قرومي أخيولهم دون العشاير أمغيرات في ساعتٍ فيها المنايا تحومي أنتم لكم في ماقف العز وقفات في ساعتٍ وغراب بقعاء يحومي أنتم هل الامجاد مابه أمراوات من صلب وايل قاطعين الخرومي وصلاة ربي عد نجم السماوات وعداد دورات القمر والنجومي اخي الغالي عبدالله سعيد الخالدي العنزي تقبل ردي المتواضع أخوك /عبدالرزاق المطرفي |
بسم الله الرحمن الرحيم
يا المطرفي حييت في كل اﻻوقات اعداد من صام الشهر والقيامي واعداد من صلى افروض الصﻻوات واعداد من طاف الحرم بالحرامي ربعك لهم بالطيب والفعل وقفات يوم اﻻمن معدوم مابه نظامي فكوا اشياه الجار في ماضين فات موقف شريف وجارهم ما يظامي عبدالله سعيد الخالدي |
شفت الغزال اللي حرق قلب مغليه
ماهو أمداريني ولاهو بياوي عنيد في طبعه ولاحدٍ أبقاويه ومالي جدى غير الدعاء والرجاوي وأنا طلبت الله من العين يحميه والله يجيره من جميع الدعاوي هذا الذي من بدت الناس هاويه والله يجيره من جميع البلاوي ياشيب عيني يوم أسمع حكاويه والمشكله أن الحبيب نحاوي عبدالرزاق المطرفي |
عدية مرقابٍ على الكيف مرصوف
يرقاه من ونات قلبه دفنها ياتيه من لفه من الوقت عاصوف وأركا على كبد المشقى أشطنها وعدا على المرقاب في راس مشنوف عمردٍ وعيون غيري فتنها رجمٍ طويل ويكشف الارض لشوف يكشف عواليها ويكشف. طمنها ماكر حرار ومخلب الحر معكوف ولاشاف جزلات الحباري طعنها بس السراب يجيك طوفٍ وراء طوف حتى الحزوم اللي بعيده حظنها يالوايلي قلبي من الوقت ملهوف ماهو على غرون عيوني فتنها لاشك قلبي من عنا الوقت متلوف من شوف ناس ماعرفنا لحنها ياخوك دورٍ ما لقينا له أوصوف من راحت البدوان وقفا زمنها عبدالرزاق المطرفي يالــمــطــرفــي تــراك بالـهـــــم مــردوف اهـــمـــومـــنــا تـــرا تــشـــابـــــــه لــحــــنــهـــا يــامـــا رقــيـت بـتــلــة تــبــرح الـشــــوف الــي بـهــــا الـشــيهان تــبـنــي ســكــنـهـــا قلبي عــلــى نــط المــراقـيـب ملـهـــوف اقـضـيبـهــا ســـاعــــات مــاضيق مــنـهـــا الحمدلله لا مــجـــــاعـــــــــه ولاخـــــــوف وارزاقـــــنـــا ربٍ خــــلـــقــــنـــا ظـــمـــنـــهـــا لاشــك هـــمٍ صـــار للـنـفــس مـــالـــــوف جيوشه تهاجمـني وانا ازريت عنهــا قـوافــل الافـــكار بــالـــــوان وصـــنـــوف مــــازال صندوق الـحــشــا محـتـظنـهــا هواجسٍ صارت على الــحال ذايوف ومــن صــحــتــي دفـعت غـالـي ثمـنهــا طـالـب ونـيـس الـعـنــزي |
حنا بني وايل أبعاد المراميس
عون الضعيف مزبنين الجلاوي حنا هل الهدات فروخ القرانيس صبيان وايل مبعدين الهقاوي صبيان وايل محرقين المحاميس أهل المكارم شاربين القهاوي زحول الرجال اللي تحب النواميس من صلب وايل مبعدين الخطاوي حنا هل الامجاد ملعون ابوبليس وعدونا. تكثر عليه النعاوي بيات متواضعه بعنزه عبدالرزاق المطرفي |
سلقا وليامن قلت سلقا تشاويت
لو الطعون بداخل القلب تبراء ياعز يالسلقا ليامن تعزويت أهل المواقف يوم الايام غبراء هذي حقايق مابها قول ياليت أيه الحقايق والتواريخ تقراء وشيوخنا في مقدم القوم ماخطيت وعدونا في حربنا ما يتجراء من صلب وايل بالفعايل لهم صيت والسيف. من غمده لزوم أيتعراء خمس الجموع أن كان فيهم تهقويت كانك طلبت الخمس تاتيك عشراء عبدالرزاق المطرفي |
لو العرب تسمع أهروج الملا قيف
ماكان صارت للجاويد بصمه ولولى عقال العرب والعواريف ماكان يترك راعي الخصم خصمه لولى تدخل طيبين المحاريف ماكان ياخذ راعي القسم قسمه هاذي حقايق مابها أي تحريف والحق مايصلح مع الناس كتمه من طبعنا نبعد عن العيب والحيف وحنا لبعضنا يافتى الجود لحمه أنا خوي الطيبين المزاهيف اللي لهم عند الاجاويد حشمه عبدالرزاق المطرفي |
من المساجلات بيني وبين عبدالرزاق المطرفي
هات القلم وحضرلي البوك ياسعود سجل وأنا أبي أمليك جزل القوافي سﻻم ياحرا على الطيب محمود سمح المحيا وبالعهد دوم وافي الصاحب اللي دوم بالبال موجود وعساه دايم بالفرح والعوافي ياطالب ابن ونيس ياراعي الجود يالوايلي ياعل مابك اخﻻفي يالوايلي تراك بالبال موجود ولولى المعزه ما كتبنا القوافي ،،،،،،،،،،،،،،،،،،،،،،،،،،،،،،،،،،،،،،،،،،،،، وردتني هذه الابيات من الاخ العزيز والشاعر الفذ عبدالرزاق بن بطاح المطرفي العنزي ورديت عليه حيث قلت هات القلم والبوك واكتب لناردود رداً على مرسل جزيل القوافي لاهومدارينا ولاراجياً فود غير الوفالاُنه جزيلاًووافي حياك ربي عد ماذعذع النود ومحرّك النسناس عودالمشافي تحيةً عطرتهابفاخر العود والمسك والريحان لهاغلافي وسلامااحلامن لبن مصغرالذود قطافة الزملوق بقفرالفيافي نهديه ابن بطاح ويستاهل الزود يالمطرفي جعلك بستروعوافي مطارفه ياماكر العز والجود ياسترهن ون جدعن الغدافي الى جا نهارا فيه حاوي مردود وخيلا مقابيلا وخيلا مقافي والشلف بالايمان والظدمظدود وكلا نهارالكون فعله ايشافي انتم هل العشوى لكم فعل مشهود يوم السيوف ويوم طعن الشلافي سطامة العيال في ساعة الكود حماية التالي بحد الرهافي شياه النفيشي علمهن علم ماكود علمن مؤكد ماعليه اختلافي شعر/ طالب ونيس السلمي العنزي ………………………… .. رد الشاعر عبدالرزاق بن بطاح المطرفي أهلاهلا وعداد ماحنت ارعود وعداد نجم في سمانا أيشافي ياصاحبي خذ مني القاف مردود ياشوق من قرنه على المتن زافي بنت الشيوخ مزبنت كل مضهود ﻻصار مابين الجموع التفافي ربعك هل الفزعات حمايت الذود سلمات مافيهم جبان أيخافي يومنها بالرمح والسيف ممدود عدوهم يمشي على الشوك حافي وانتم لكم عدن من الطيب مارود وقول الحقايق ماعليه أختﻻفي وانتم فعايلكم كماشامخ الطود وهرج بليا فعل يسما خرافي هذي حقايق مابها شك وجحود والخط يالوﻻ النظر مايشافي وﻻينجحد فعل مع الناس مشهود مابجحدونه غير ناس أضعافي يومنها مابين طارد ومطرود كلن كسب وخذ من الحق وافي مانضلم اﻻجود والعلم مردود وﻻ ظنتي يخفا على الناس خافي ودنياك مادامت البرجس وصاهود وﻻكنهم مرو أبذيك الشعافي وﻻكنهم ركبو على شمخ القود وﻻكنهم ركبو أمهارآ أخفافي وهديك فنحال من الكف ممدود ياصاحب دايم على العهد وافي |
يجرح قلبي كل ماحل طاريك
ولامن تذكرت السنين الخوالي يوم أتذكر كيف شكلك وحاكيك وسوالفك ليه وحلو القبالي وكل شي أبدارنا يذكرن فيك ويذكروني فيك حتى أعيالي لا والله الا كليومٍ وأنا أبكيك ياتاج راسي ياعريب الخوالي يارب أنا طالبك ويارب راجيك أنك تحطه بالجنان العوالي |
هاض الهجوس وحركه ريح الازهار
وقطفت من جزل المعاني عبيره وأنا على بدع التماثيل بيطار اللي على بعض الاوادم عسيره وغصنا أبحور الشعر من كل الاقطار نغوص غبات البحور الخطيره نبدع لياقلنا جزيلات الاشعار وجاريت شعارٍ أكبارٍ شهيره ومن بعدها حييت ياواف الاشبار ردن على اللي خصنا بتعبيره وش ذكرك يالقرم في ماض الاحرار أهل المكارم والوجيه السفيره أهل البيوت اللي بها الكيف يندار والجار عن ظيم الليالي تجيره راحت سوالفهم تواريخ وذكار ولاكنهم داجو بشبه الجزيره ولاكنهم ركبو على قب الامهار ولاكنهم وردو على كل ديره ولاكنهم مرو على ذيك الاديار أهل الفعايل والسيوف الشطيره وعدوهم من شوفهم غير ينهار لا شاف دقلات السبايا مغيره وصلاة ربي عد ماطايرٍ طار على رسولاً سيرته خير سيره عبدالرزاق المطرفي |
| الساعة الآن 05:52 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010