|
هذي الابيات رثاء بالشيخ / حامد بنيان السحالي
وأخوي / عبدالعزيز بطاح / رحمهم الله واسكنهم فسيح جناته وجميع اموات المسلمين ::::::::::::::::::::::::::::::: البارحه قامٍ يسوجن الافكار ساجٍ ولاجن وستلجن ودكن سر(ن) مسارالذيب في وسط الاقفار بين الهضاب المسمره وستلجن البارحه. كني على واهج النار ودموع عيني غصب ياصاحبي جن على ابوماجد حول الدمع مدرار تفتكن ادموع عيني وهلن مرحوم ياللي لك معزه ومقدار بين الرجال اللي لهم بالعرب فن ولد السحالي له مع الناس تذكار لياصعبة القاله وفيها تمعن يحلها ماهو عن الحل محتار حكيم في حل القضايا لياجن اثنين أبرثيهم ابجزلات الاشعار اللي غلاهم بالضماير تمكن عبدالعزيز أخوي ياضاف الاشبار سمح المحيا ودون ربعه ولاكن وحامد ابوماجد من الناس الاخيار شيخٍ علومه بالجزايل تباهن يجعل مسكنهم مع الناس الابرار في جنة دايم أنهاره تساقن اللي عليهم دمع الاعيان نثار اللي خذتهم سود الايام وقفن عبدالرزاق بطاح |
لو عزفنا الشعر ياعــود زريـابي
يقتدي وزنــه على لجـت اضلوعي ياتكيت الشعر مانغـلق البـابي لين جرْس أوزانها يرضي اسمـوعي مايجيـد الفلسفه غير فارابي عالم يحاضّر ثمـانين موضــوعي بيت مايحصل على قمة اعجابي اتركـه مادام مـا موقعـه نوعــي راكب اللي هدته هدة اعقابي نازلً للصيــد من راس مرفوعي مرقب ً روس اللحاليح واهضابي وان تنهض يرمي الخرب ويصـوعي ناصي له قرم من خيرت اصحابي موصلً له خـط بالكـف مطـبوعي ترقب المـرقاب وتصـوّر النابي ما دريت انك تسبب على ادمـوعي اتفطــن بالديّر وافقــد اعصابي في شمال المملكة ديرة اربوعـي جيهت الوديان حمـاد واشـعابي ولعت بالقلب من حبها اشموعي ابوخالد الطلوحي :::::::::::::::::: مرحبا وعداد ماخط بكتابي وياهلابك عد ماتولع اشموعي شاعرٍ شعرك جزيلن ولايعابي شعركم ياصاحبي يطرب اسموعي اشهد ان في قافكم زاد الاعجابي يوم شفت القاف بالجزل مطبوعي شاعرٍ دايم عن الجزل ماغابي ينسج الابداع مثني ومربوعي غاص في غبت بحرها ولاهابي جاب مرجانه ولولوه مشروعي ماسرقهن سرق من بعض الاجنابي وسمهن معروف ياطايل البوعي وعن ردود القاف مانغلق البابي ياعريب الساس والهزل منزوعي لو رقيت الرجم والقلب منصابي أتوجد والزمن لاعني لوعي بالحماد ومشينا بين الاشعابي وان قعدنا نعتلي راس مرفوعي ديرة البدوان بانين الاقطابي وجارهم ماهو عن الحق مرجوعي والزمن يالقرم لناس نهابي والزمن يالقرم مايرجع ارجوعي المطرفي |
لياضاق بالي قلت هات المفاتيح
وضربت درب ً سلوتي في مساره انحر ديار ارماح ذيك الصحاصيح ولا على الشملول ولا يساره لنا على البر المطرف مراويح ياما ازرق الجوال يغدي الاشاره غير ام سالم تزعج الصوت وتصيح مابه حساس ولا تشوف الاناره عرقً نمسي به وعرق ً مصابيح وعرق نتمشابه بعرف وشطاره نفرش بدو ما نزلوه المشافيح وسويت ما يغدي اعماسي حماره بريةً سقته يمين المفاليح ارجال لكن بالوصايف أنماره شبوا على الطولات مع هبت الريح واحدهم اصوك راس راعي سطاره لعدوهم سمً سقطري ذوابيح وصديقهم عده بقصر الاماره ليا بغيت الدرب قالوا تساميح حازوا مع الاخلاق طيب وجساره قبل صلاة الصبح ذكر وتسابيح وعقب الصلاه الكيف يطبخ ابهاره وسوالفً فيها شواهد وتلميح واسلوب راقي بالقصص والاثاره من سيرة الصادق حديثً وتوضيح بلسان رجلً دايم ً بالصداره ولا وقايع نجد فعل الطحاطيح اللي حمى التوحيد عقب اندثاره ولا حكم تزهي افواه النواصيح ولا الكرم والجود وقت اشتهاره ولا شعر مافيه هكعه وتجريح بعيد عن سب العرب والعياره ولا الهلايم في بلدهم مدابيح ما فات بيته غير ترضى الوزاره�� وختامها مني سلامً بتلويح كلً يقول القول حسب اقتداره وانكان بالقيفان هفوة وتصحيح انا الفقير اللي فقدت المهاره مفضي ابو خالد :::::::::::::::::::::: ياراكب اللي لامشا كنه الريح ولاكما حرٍ سريعٍ طياره يطوي صحاري نجد طي الطراريح ماغير شكمانه تقادح شراره فوقه غلامٍ ضارين للمراويح شبلن على ماقيل سواق طاره يمد من عرعر طلوع المصابيح للعاصمه خله ايواصل مساره تلفي ابوخالد على هبت الريح فنجال بن ولا ينقص أبهاره من روس قومٍ للمعادي ذوابيح من صلب وايل بالمواقف سعاره سلام ياحرٍ بعيد المشاويح يرقا على متن السحاب امهاره جذبني الطاروق من غير تلميح من شاعر دايم جزيل العباره اخذبي الهاجوس لفه وتلويح اما يمن البيب ولا يساره مع خوة ارجالاً اقرومٍ مفاليح بوجيههم تلقى سمو وقاره فيهم طناخة راس ماهم مشافيح من طيبهم ماحسبو للخساره ناخذ مع البيدا بعيد المساريح والراي مابين الرجال استشاره توافقو بالري من بعد توضيح فيهم على قطع الصحاري جساره ناوين دارٍ ماوطوها السواريح ارضٍ قفر تطفي عن القلب ناره قبل ثلاث ايام جتها مرواويح مزناً من الغربي غزيره مطاره تلقا الخباري من مطرهن مطافيح والعشب بين من بعيدٍ خضاره فج الخلا يشفي أكبودٍ مجاريح وش عاد لو قالو تطاير أغباره ماسمع ولو قالو رضمها صلافيح عندي اتساوي مدعين الحضاره عبدالرزاق المطرفي |
هاض الهجوس وحركه ريح الاشجار
في ديرةً تسحرك طيبت أجواها ارض الحماد ومدهل لحص الاوبار ومن ضاق صدره يالسنافي نصاها ديرة ولع ياتي لها كل صقار لقفا سموم القيض وبرد هواها شرقي من الزمله من السوح ويسار ومن زبر منقوله والابتر وراها يازين وسط افياضها شبة النار لايابعد ناسٍ قليلٍ حلاها وصلحت فنجالٍ على كيف ماصار تصعب على ولد الردي ماشراها وخوت ارجالاً بالمواقيف حضار روس الرجال اللي يذري ذراها ديارٍ لنا نمشي بها سر وجهار وطرق نظر عيني بواسع فضاها ديرة بني ويل هل المجد والكار وديانهم معروفةً في أسماها هذي الابيات قلتها بعد مادجنا في الحماد غرب عرعر يم وديان عنزه وبعد مادجنا بفياض الحماد طرت علي هذي الخاطره المتواضعه عبدالرزاق المطرفي |
عديت رجمٍ ماكرٍ للقرانيس
عليه كفان المخالب تحومي صلف الهبايب مودعاتن متاريس عليه من جور الليالي ارسومي بين عليه من السنين المعابيس من التعريه بانت عليه الثلومي يامارقوه ارجال بدون عواسيس يتلون براقٍ وغيمه ردومي والسيل بين مضربه له دواحيس مضراب سيله مودعلك عقومي بين الابيض والمرا مرتع العيس اللي لها قلب المولع يهومي |
هب النسيم ودندن الفكر للقيل
وجتنا من السبق ابكارً همــايم زرفالها بالماد يجري تقل سيل بنات تاسـع طاويات الخـرايم كاش نقول ولا نبي فيه تعديل ما هو تفطن كاتبين الحــلايم بالصدر لجن مثل صوت المخاليل طبعن بصدري مثل طبع القسايم يالمطرفي ولعت بالدرب قنديل واخذت من شعرك كبار الغنايم بالنظم ولا كايفات المواويل تحذف على مثلك اجداد العمايم ضيعت كل الوقت بالحط والشيل يفوت يومي ما ضبطت النظايم الوقت هو الوقت من غير تبديل واللي تغــير بالرجاااال العـزايم اول مجالسهم مثل شاطي النيل ببيوت ما تفقل عن الضيف دايم جلساتهم بالصبح ولا مع الليل تلقى المقهوي بالمعاميل قايم والخير واجد كل جيل بثر جيل كلً عليه من اثر جـده رسـايم النافله للي يحب التنافيل وسوق المراجل بين بايع وسايم ابو خالد ::::::::::::: حييت يامرسل جزيل التماثيل ياشاعرٍ في بحر الابداع عايم ياللي اتذلل عاصي القاف تذليل مافيك حيله ياقوي العزايم شفت البكار النادرات المواحيل اللي عليهن من طرفكم وسايم ارحب يابوخالد على البن والهيل ياشوق من قرنه على المتن نايم وان كان تنشد عن طرات التعاليل وسوالفٍ فيها اعلوم وغنايم راحت يابوخالد مراح الهماليل مع الرجال الطيبين القدايم اللي سوالفهم بعيده عن الميل وخويهم دايم براس السنايم وسوالفٍ فيها اشهود ودواليل ويابعدهم عن الردى والظلايم ولا زمنا اليوم يانافل الجيل قامت تعلا فيه روس الهلايم ياالله يامنزل تبارك مع الفيل يارب عفوك من لهيب السمايم والمعذره وان كان بالقول تقليل ورجى السموحه يالرجال الفهايم مجاراه متواضعه جداً لخوي ابوخالد عبدالرزاق المطرفي |
ارعد شمال المملكه بالهماليل
والسيل يطمر فوق عال العدايم استرسل الهاجوس فيضٍ من النيل وقام يتساقا وزرق الموج عايم سرابي الهاجوس مع أخر اليل وقامت تسوقه من شمال النسايم يالولدعي وين السمر والتعاليل وين السوالف والقصص والعلايم وين العلوم اللي عليها الدواليل علوم الرجال المسملات العظايم اللي سوالفهم عن الهجن والخيل وعن الكرم والطيب وهل والغنايم وعن جارهم اتذلل الخصم تذليل يبطي ولا شاف النكد والندايم واليوم شفت الناس يانافل الجيل بالعولمه ضاعة سلوم القدايم خربت اسلوم الناس يانافل الجيل الا القليل اللي على السلم قايم عبدالرزاق المطرفي |
ياصاحبي قلبي من الوقت مجروح
ماغير أسلي خاطري بالقصايد أخذت لي مع منهج الشعر لي شوح وختار من جزل الفرايد فرايد فرايد(ن) ماقالهن كل سلتوح وطوقت جزل المفرده بالقلايد نمشي علن ماهمنا كل نابوح ومانخاوي الا طيبين العوايد مالي بخوت بارد الوجه مصلوح ابعد مشاحي عن عفون البدايد لو كنت وحدي جالس بعالي الوح أخير من خوت خطات الهرايد شفي مع الوديان والوضع مسموح وخوت ارجالاً بالصعايب سنايد بول طلوع اسهيل وبروقه اتلوح يطرب وميض البرق وصوت الرعايد برضٍ قفر ماطبها كل ساروح ماغير أم سالم تهل النشايد نبعد عن اللي هرجهم يتعب الروح ماعندهم غير الردى والنكايد عبد الرزاق المطرفي حي الكلام وحي من سطر البوح نظم القريحـه من ابيوتً جـدايد ابيات فيها من عنا الوقت مشروح وانا صويب الجنب مـاني محـايـد لا تشتكي للي من الهم مـذبوح ليا ضاق باله شاف مثلك ســـنايد يابو شريف الوقت درسني النوح اجـاوب القمـري بروس الجـرايد اللي يغـني فجت النور بالـدوح ليـا زان نـوم مكبرين الوســايد اونس بعيـني تقـل سـم ذرنوح من اربع الجـدران شفـت النكايـد الخـوة الزينه تقل شيك مفتـوح اخـتر رفيقك مـن وســاع البنـايد قبل عمود الصبح يشع بالضـوح اركـب على اللي يقطعـن البعـايد جيب ًيموح البر في تايره مـوح يطـير لولا ماســـكاته حــــدايد مر المحطـه قبل للبر مـا تروح و عـب التوانك لـين يتـرع زوايـد تقفد العزبة ولا تصير مشفوح واختر معك دندون راعي عوايد واختر مكانك بين سهلً ولحلوح بس الحـرار لجـال راسـه تعـايد وابحص مكان النار في حاجر السوح وهـات الــدلال وخـل نارك وقايـد اصبر على الدله ياما تكـثر الفـوح قـدوعها من تمر اشيقـر نضـــايـد ابعد عن اللي شوفهم ياخذ الروح اهــل النقــيلي ماوراهـم فــوايـد ابو خالـــــ مفضي الطلوحي ـــد |
حي البيوت اللي بها جزل الامثال
من شاعر جزل القوافي بدله أسترسل الهاجوس موال موال والهجس حضر والروابع شكله وعانيت أقالبهن على أيمين وشمال يالين طاب الكيف ثم أستوله نبغى نشيد بصاحبٍ سمح الاقبال هايل عسى. كل المعفنه فدله هايل على اسمه هايلٍ ذرب الافعال يفرح ليامنك لفيت لمحله ماهو من اللي سكر الباب بقفال والطيب بمحياه مبطي أجبله له منزل دايم على راس ماطال أفروع الابيض دايمٍ مدهلله مشورعٍ بيته للجواد مدهال بمخيمٍ لاجيت له ما تمله أبيات متواضعه بالأخ/ هايل فاضل المطرفي |
أسهيل بان وقربت سحب الامطار
وربك ليامنه مورها ومرها الله كريم ويرسل الغيم مدرار سيلٍ يعم أسهولها مع وعرها عقب المطر سج القدام بين الاقفار وباليل شب النار وقرب سمرها وحضر معاميلك على واهج النار في ليلةً يالقرم ساطع قمرها من بعدها تاخذ من الكيف مقدار من يد شغمومٍ لربعه حكرها في مجلسٍ فيه الاوليد حضار وساع البنايد جعلتا مانخسرها ومن بينهم يازين ترديد الاشعار وقوافين يالقرم يعجب بحرها وخوت نشاما كنهم صفت أحرار رجالٍ على الفزعات كلٍ ذكرها اخوك/ عبدالرزاق المطرفي |
مبداي بسم الله في كل حال
ونعوذ من شر النفوس وخوافيها ياهاجس الشعر حضر ماعاد فيها مجال لياقامت الشعار تنظم قوافيها لبيت دعوة الداعي من ربوع الشمال بعد المسافه ياوسيع العرف نطويها لجل شيخٍ دعانا جينا نحث الرحال ايه شيخ قومٍ على العليا خطاويها سلام يابن يالعواجي ياكريم السبال شيخ قومٍ تفاخر في عزاويها هذا محمد عريب الجد طيب فال شيخ قومٍ أتنومس في عطاويها مايقدر جهود الرجال الا الرجال اللي تشرف بالصعايب نخاويها كرمتم من يستحق ولا عليها اجدال كرمتم شيخٍ أفعال الطيب حاويها يستاهل التكريم شافي والفعال جبال من روس قومٍ ماتخيب هقاويها ايه شافي ياقلت شافي والحمول ثقال يشيل صعبات الحمول وبلاويها شافي ولد فاحس والفعال فعال سيرة كرم من قديم الوقت هاويها ربعه صقور الصيد ماتصيد الا الجزال طحاطيح الرجال اللي ابعادن غزاويها من صلب وايل هل الفزعه والفعال جلال أيه عنزه هل الفزعه مزبنتٍ جلاويها |
كتبت ابياتٍ وفيها الجزل منهلي
ابيات شعرٍ وصح لسان طارقها طرقت طرقٍ أحروفه حيل جازلي من يوم جزل القوافي بان بارقها في ساحت الشعر والقيفان تنهلي وشعارنا لاحضرو ترهب بيارقها عزالله اني من هذا الوقت منعلي والناس قفت مع الموضه زوارقها هذا زمانٍ ياهل العرف منحلي وياكثر ناسٍ أشوف الوقت حارقها عطوني الراي ترى الحال من سلي وهواجس الراس تغربي وشرقها ابيات للمجاراه عبدالرزاق المطرفي |
يامرحبابك عد خط الصحيفه
وعداد ماذعذع هبوب الشمالي بالوايلي راع العلوم الظريفه من روس قومٍ يحتمون التوالي ربعك أطلوح العز ماهم لفيفه عدوهم يرحع من العقل خالي وجموعهم مثل الجبال المنيفه ولادعه عون الرفيق الموالي وعدوهم يشرب من الغبن كيفه وصد يقهم يشرب قراحٍ أزلالي ولادعه يوم السنين الكليفه ذراء الضعيف وللقريب الموالي مدحت ربعي بالعوم الطيفه من طيب ذاتك يابعيد المدالي ربعي وربعك بالمواقف عنيفه عدوهم منهم يصيبه أجفالي أخيولهم بالارض تسمع رجيفه وسيوفهم تلمع أحدادٍ أسلالي فيك الكرم والطيب أفضل وضيفه يالنادر اللي بالتواضع مثالي |
صدقت ياناظم جزيلات الاشعار
تطقف زهر نوار ارضٍ أمريفه والمدح يزهونه طويلين الاشبار اللي يشيلون الحمول الكليفه اللي لهم في ماقف العز تذكار اهل الفعال الطيبه والشريفه روس الرجالي اللي لهم بالكرم كار اهل الصدور والواسعه والنظيفه والحر يضرب بالمخالب لياغار صيده سمين ولايصيد الضعيفه أعجبني الطاروق ياواف الاشبار وحبيت أجاريكم بنفس الوصيفه عبدالرزاق المطرفي |
لقيت بعض اعلومكم بالتعاليل
حمض الرجال ليانسوه الهلايم سوالفً يطرب لها كل حلحيل اعلومً لدسمين الشوارب تلايــم اخبار واعلوم الرجال الزلازيل أجداد ولا مسملاتً قدايــم تذكر شواهدها عليها دواليل شواهدً مثل النجوم النعـايم يطرب عليها متعبين المعاميل اللي احفظوها من ضياع العلايم يوم الحياه اظروف صعبه وتنكيل ارواحـهم راحت وراهــا قسايم احيوا تراثً عقبوه المشاكيل عساه يبقى بأوسط الكتب دايم يالمطرفي نبغى وكاله وتوكيل عسى على المجلس تهب النسايم اقرا على المجلس تبارك وتنزيل ماني عن الصولات يالقـرم صـايم ما تنفع الشعار كـثر التهـاليل يبن عليهم يكتمن العسايم اللي يذلل كايد البيت تذليل هو ليه عنها يابيض الوجه شايم بيتً يقلل قيمه الشعر تقليل وبيتً يحيّر يالقلوب الفهـايم المزن رودم قبل ما يطلعله اسهيل يبي يطم الدار وبله غشايم يامن ينايي ترى درج يمكم سيل ياهل البيوت مكوسرين العدايم ابو خالد ������������ :::::::::::::::::::::::::::::: حييت يامرسل جزيل التماثيل ياشاعرٍ في بحر الابداع عايم ياللي اتذلل عاصي القاف تذليل مافيك حيله ياقوي العزايم شفت البكار النادرات المواحيل اللي عليهن من طرفكم وسايم ارحب يابوخال على البن والهيل ياشوق من قرنه على المتن نايم وان كان تنشد عن طرات التعاليل وسوالفٍ فيها اعلوم وغنايم راحت يابوخالد مراح الهماليل مع الرجال الطيبين القدايم اللي سوالفهم بعيده عن الميل وخويهم دايم براس السنايم وسوالفٍ فيها اشهود ودواليل ويابعدهم عن الردى والظلايم ولا زمنا اليوم يانافل الجيل قامت تعلا فيه روس الهلايم ياالله يامنزل تبارك مع الفيل يارب عفوك من لهيب السمايم والمعذره وان كان بالقول تقليل ورجى السموحه يالرجال الفهايم رد متواضع على الشاعر / مفضي علي الطلوحي ابوخالد عبدالرزاق المطرفي |
يالمطرفي يارفيق الخير مني سلام
سلام يرقى سما من فوق نجم الجدي وبعد التحيه وزود القدر والاحترام كيف انت يالصاحب الغالي سمي ولدي بشر رفيقك عن أوضاعك عساها تمام يالوافي اللي عسى يفداك راس الردي لو الليالي اشغلتنا عن بعض بالزحام غصن الغلا والموده يارفيقي ندي القدر بالصدر باقي يارفيع المقام وحفظ الوفا بالصدور الوافيه مايغدي وانا ترى وضعي بخير وعلى مايرام اجاهد النفس وابذل بالحياه جهدي أنور جالي ::::::::::::::::::::::::::: أسناد ورد :::::::::::: بك البقا ياوسيع العرف عال المقام ترا الوفا والصداقه بيننا ما تغدي انشهد انك وفي ولا يبله كلام لك التحيات والتقدير وانت سندي أسمك يكفي كما نورٍ يفج الظلام ياقالو انور ابن جالي فداه الردي ياالله عسى احوالكم يالقرم دايم تمام ويرزقكم اللي خلق خلقه وله تسجدي وانا تراني اعدك يابن وايل حزام ودنياك مادامت لصدام وبنه عدي وختامها يازميل الخير مني سلام لك التحيات والتقدير يالاجودي عبدالرزاق المطرفي |
أنشهد انك للجزيلات عشاق
حرٍ مخاليبه أسوات الاخله حرٍ وكفه لبرق الريش شلاق يلحق الطاير والموقع يدله شافي ابن فاحس على الطيب سباق كم واحدٍ من غيهب السجن شله وليانخيته ثم وقف على ساق أبشر بعزك والمواقف جبله من روس قومٍ له تواريخ وعماق من صلب وايل كالجبال المطله عدوهم من ضربهم طاح ونعاق يبغى المطامع والطمع ماحصله اجمل. تحيه للمطاليق تنساق مع خالص التقدير يرفق سجله عبدالرزاق المطرفي |
اباغني وكتب ابيات أجدادي
كل طرقٍ لابدينا به نجيبه والشعر مع العرب له أمتدادي من اعصورٍ فايته كلٍ دريبه من قبل الاسلام لين الدين سادي والشعر معروف وبحوره عجيبه مرحبا ياصاحبي والقاف بادي ليابديت القاف بالحيل اعتنيبه أشهد انك صاحبي حلو المبادي من رجال اهل اصدورن رحيبه من رجالٍ بالمواقيف الشدادي مادخل في صفهم خطو الزريبه دون حق الجار يروون الهنادي يحتمونه بالمواقيف الصعيبه يابوصالح هذي أفعال الجدادي وعادت العربان ماتحب الغليبه بعض ناسك شغلهم بس أنتقادي نقدهم لناس وفعالٍ مريبه بالمجالس يزعجونك بالدوادي هرجهم مغلوط وهروجٍ معيبه بالمجالس شفتهم شين وكادي صارو شيوخ العرب قدرٍ وهيبه قصدهم ياصاحبي خبث ونكادي مصيبة بالمجتمع أكبر مصيبه وماكسبو مع العرب غير السوادي الردى عاداتهم ماهي غريبه عبدالرزاق المطرفي |
ياكثرهم وقت الفضاوه قريبين
تقول ذولا بالصعايب ذيابه ولاحتجتهم في ساعةً ضرفها شين كلٍ تخلا عنك وأقفت أركابه راحو هلا الوقفات شيالت الدين عن الصديق اللي زمانه سطابه لاشاف من صكات بقعا عناوين والهجس والهاجوس شد وسرابه جوله على صوت النداء مستعدين اهل الكرم والطيب واهل المهابه الله يرحمهم معي قولو أمين اللي لهم وقفات مع كل لابه عبدالرزاق المطرفي |
ياكاتب الشعر تكفى تضبط اطروقه
بعض البشر ياوسيع العرف نقاده أتعب ابنظم القوافي لو غلا سوقه ووشتر من الجزل ترى الناس نشاده الشعر مثل الصباح انبات أشروقه وليا نظمنا القوافي جتك منقاده مثل السحايب ليا ناضت به أبروقه يطرب لميع البروق وصوت رعاده ياشاعرٍ يعجب الشعار في ذوقه ياشاعرٍ حبكت القيفان لك عاده فنجال كيفٍ على ابوخالد انسوقه اللي على الطيب دايم يقدح زناده شاعر يجيد الابداع وجزل منطوقه يختار جزل القوافي دوم برياده عبدالرزاق المطرفي |
هاذي القصيده من الشاعر صالح راكان الى الشاعر عبدالرزاق المطرفي
يقول ابن راكان ياكثر وناتي الفين ونه بالضماير امقسمها ياسيدي انصحك لاتسوي سواتي يامكسر كوره والارنب منومها نقشت نقش الصفا وأرسم بياتي ابيات شعرن من ضميري أبرسمها مصايب تعدي ومصا يبن تاتي تبني عماره والكوارث تهدمها الحيه اللي منطويةً سبع طياتي ياعم افرك لا تنوشك براطمها كثر التجارب علمتني وجياتي القوم وخذت والهدايف تحيزمها دقيت دقات الزمرد على بياتي مثل المزون اللي تضاحك مقادمها ياعم لو ضيقتك مثل ضيقاتي شيال سلم والكواكب تليمها ولج قلبي لج القطا والقطا فاتي هب الهبوب وقام يجمع تنمنمها يازين شعري بتوقيعي وبصماتي اربع مخاطر عن لاتوخذ اباسمها ::::::::::::::::::::::::::::::: رد متواضع على استاذي الكبير الشاعر المخضرم/ صالح بن راكان الرميزان —————————————- حييت يامرسل جزيلات الابياتي ابيات شعرٍ على كيفك امنظمها ابيات شعرك يابوبدر غنياتي تعسف ابيوتك على الجزله وتأسمها يامنبع الشعر والجزلات بالذاتي ابيات شعرك عن الهزلات حاشمها انت المحيط الاطلسي دون شكاتي تنثر امواجك على الشاطي وترسمها شاعر ولك بساحت الشعر صولاتي وقصيدتك في جزيل القاف خاتمها ان كان اجروحك يابوبدر كثيراتي انا اجروحٍ بصدري كيف الاملمها العمر رحله والليالي سريعاتي والاماني عجاج الوقت حطمها كتمت في صدري عن الناس اهاتي اضحك وجامل والعبرات كاتمها ياضاق صدري سجيت الرجل بسكاتي ونصيت لي ديرةً تنعش نسايمها وخوت مثل شرواك ياطيب الذاتي ورزاق ربك على خلقه امقسمها عبدالرزاق المطرفي |
البارحه ماهملج الجفن بمراح
كني مريضٍ والعرب مادروبه اسهر توال اليل يالين الاصباح والنار يحرق بالضماير شبوبه ودنياك مابين الخساير والارباح دنيا العنا يالقرم هذي لعوبه حتى الحمام اللي على الغصن قد ناح صارت عليه من اليالي اعقوبه كم ابلجٍ من جور الايام قد طاح عقب المعزه غير الوقت ثوبه ودنياه صارت كلها اشباح بشباح ولاعاد يعرف وين يمة اذهوبه كنه صويب القوم مطعون برماح برضٍ خلا يكوي نسايم هبوبه الارض جردا تذهل العقل ياصاح والحال من كل النواحي صعوبه ارضٍ محل يطرق بها صلف الارياح حتى المطر يالقرم شح بصبوبه وشرحت لك عن واقع الحال بيضاح هذي هي الدنيا وهذي اسلوبه عبدالرزاق المطرفي |
يامرحبا وعداد مالاحت ابروق
وعداد ماهبت نسايم هبوبه قريت طاروقٍ ماهو بي طاروق من شاعرٍ جزل المعاني اسلوبه ذكرتنا بالحب ياطيب الذوق والحب يامشكاي تتعب ادروبه كم واحدٍ من سبة البيض محروق حب العذارى للخلايق اعقوبه كم عاشقٍ عدى على راس شاهوق سبة غزالٍ بالمحبه لعوبه بيح كنينه بالهواء شوف مخلوق رعبوبةً تذبح جماله اعجوبه مالوم من قلبه تحرق على الشوق على حبيبه قام يشعط ابثوبه عبدالرزاق المطرفي |
ياشوق لاترسل علينا مراسيل
اهل المحبه من الهواء ماستراحت ولعت لك بالقلب عدة قناديل لاشك ماصنت العلاقه وطاحت وفتحت لك بيبان قلبٍ مقافيل هجرتنا ومع طول الايام راحت واليوم مالي غير جر المواويل ونظر أبروقٍ بالسما يوم لاحت عبدالرزاق المطرفي |
وين الرجال اللي تحب التعاليل
في مجلسٍ ما فيه قيلٍ وقالا بين الدلال وبين بدع التماثيل يسري بنا ليل الهنا بالجزلا راحوا وباقي ذكرهم كنه سهيل أهل الكرم.. والجاه.. والاعتدالا تلقى لديهم للنشاما مداهيل ماهمّهم بالوقت جمع الريالا ما عندهم غير الوفا والتهاليل وبالصدر ترحيبٍ يزيح الثقالا تغير مسار الوقت يانافل الجيل ومن واقع الايام صار استحالا تلاشت طروق الوفا والمواويل وراحت سوالفنا سراب وخيالا راحو هل النخوات ذباحت الحيل وقل الذي يصبر على كل حالا نبذه عن الماضي ولافيه تعديل شد الزمان اللي قديمٍ وشالا يسري بنا مسرى بروقٍ مشاعيل في ليلةٍ طابـت بـذكر الرجالا عبدالرزاق الطرفي |
يامحمد بن رفيع ياشبه الاشقر
حرٍ على جول الحباري مصيبه وليا عثى بالجول لريش طشر ومضراب كفه بالحباري عجيبه من بعدها كتبت قافٍ مسطر وختر لك جزل الحروف الرحيبه يا زين شبّ النار في هادي البر والسيل يدرج في محاني شعيبه في ليلةٍ يضحك بها وجه الأقمر نوره على الرمضا حكايا غريبه تعللتٍ تجلي عن الخاطر المر والهّم عن جوّ السعادة أغديبه بين النشاما والوفا بينهم سر ومحبتٍ بين النشاما عجيبه ريح النفل والروض بالخير بشّر وشوف الغدير يزيل نفسٍ كئيبه عبدالرزاق المطرفي |
يا ناشدٍ عن قمة العز والدين
احذر تبيع الأخره بالزهيدة الدين ساسٍ والعباد المصلين هم صفوة الدنيا ارجالٍ سديده لا يسرقك وقتك مثل رمشة العين ونفسك عن الطاعات دايم بعيدة ازرع لباكرى اورود وايضا رياحين في ليلةٍ ترجي بها ما تريده والرزق عند اللي خلقنا من طين الواحد المعبود راع العقيده لاتضيع الفرصه ترا الخلق ماشين تطوي بنا الايام طي الجريدة عبدالرزاق المطرفي |
يادارنا اللي عـزّها يطـلع سـنود
تحت البيارق والسيوف الصقيلة يا مهبط الوحي المطهر ومشهود بالحـق والدين الحـنيف وفـضيله يابلادنا يحميك ربي من الكود وعن الفتن موقعك راس الطويله في ظل حكامٍ لهم فخر ماكود سيفٍ يقص أهل النفوس الرزيله آل السـعود اللي لهم فعل وعهود حـكّامنا أهـل العـزوم الـثـقـيـلة سـلمان عـزّ الدار والراي محمود قـرمٍ عـلى الـعـدوان نـار وفتيله ومحمد اللي صـار للمـجد مـورود رؤيـة طـموحه والفعايل دليـلة ولي عـهدٍ يـثـني العـلم بالـجـود يـبـني كـيان المـمـلكة كـل لـيـلة ياذروت الامجاد والطيب والجود وانت الفخر في كل يومٍ وليله حنا اسيوفك بالمواثيق وشهود يالصارم اللي ماتعذر صقيله تحت الأمر وان ثار بالارض بارود ناطا على الجمره ونشف الغليله وشعب السعودي بالشدايد لـهم زود فـوق الوفا والـطيب راعي جـميلة أهل الـمواقف والـفخـر مـاله حـدود دروع الوطن وقت الأمور المهيله مـن دون حـدّ الـدار ملحٍ وبارود والروح تـرخص والـمـعـاني جـزيـلة عبدالرزاق المطرفي |
لا تستمع لهروج بعض الدراويش
بعض البشر ماعاد نفهم لحنها عفون الرجال مدورين الشوابيش اللي تشكل بالمجالس لحنها وسع مفاهيمك وخل التفاتيش والكلمة العوجا تجنّب عفنها خلك سما لا تلتفت للخفافيش والنفس عن بعض المهابيل صنها لوكل من ضايقك بكثر الوشاويش نفسك على ماقيل يكثر شطنها أبعد مشاح النفس عن لجت الغيش عفناً ونفسه مايقدر ثمنها من عاند القزمان لحقه طواويش ناس توريك النكد من عفنها خل الخمام لسافيات النواتيش وبعد جنابك لاتقرب وطنها ناسٍ تعيش بزخرف القول تغشيش عوج السوالف طبعها مع وهنها لا تبتلش في شلتٍ كلها طيش ابعد مراويحك وقطع رسنها سج الخلا مالك ومال الدراويش في ديرةٍ ماكل رجلٍ سكنها عبدالرزاق المطرفي |
يا زين سج القدم مع جوها الماطر
في خايعٍ ما وطاه الإنس من مده نفسي تـروق وتزيـن وتبهج الحاضر لا شفت سوح الحماد وداعبـه نده وريـح النفل والخـزامى كنه العاطر يبري جروح الضمير ويلحقه وده ماعاد لي في ضجيج العالم الشاطر عن كل ضيقـة بصدر العبد مرتده عزالله ان الحماد يوسع الخاطر وترتاح نفسٍ من الايام من لده يا حي صوتٍ يزيح الهم ويـجـاهر يهدي على الروح من نبع الوفا ورده ريح النفل لا انتشر في جونا الـباهر يسوى مـلايين من جـزره الى مـده سج القـدم بالفياض وعـشبها النـاضر تـبري لـهيب الـعنا وتبدد الـشده من عاف ضوضاءنا والعالم الشـاطر يلقى بفجوج لخلا مايبيح به سده |
صح لسانك الشاعر الجزل
ديوان رائع |
| الساعة الآن 05:52 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010