الرائع زايد الدغماني لله درك على هذا الابداع المستمر=
من عيوني دموع الشوق عيت تـروح=كل رمـش ٍ لعينـك يالغـلا ملمسـا
كل ضلع ٍ بصـدري ياغلاتـي ينـوح=بـه ثمانيـن نايـح للغـلا يحمسـا
وبه ثمانين دله مـن غلاكـي تفـوح=للخطاطيـر تدعـي وليلهـا مدمسـا
أكتم انفاس صدري ونبض قلبي فضوح=صاح صيحة مودع وأحسبـه يهمسـا
صاح يا دآآآر حاتم يا دواة الجـروح=أسعد الله جبالـك كـل صبـح ومسـا

الحب سوى في حشى خافقي طوق=وكلام واجد بس صعبه أقوله
ماعاد باقى با الصدر غير معلوق=يفتّر قلبي طول الايام حوله

اللي على بالي ماني بناسيه=واللي بقلبي لوخفيته أقوله
أحساس ياخذني معه دون تنبيه=وبـ احساس أنسى كل من كان حوله
هذاك غير ولاعلى الغير تشبيه=ولكل أسم(ن) في مقامه أصوله

ياصاحبي مد البحر جاوز الشط=الموج عالي والمواني تهاوت
والبوصله ماعاد تشر على خط=كل اتجاهات الوسيعه تساوت
والعالم اصبح للأسف حيل م ن ح ط=دام الذيابه والحصاني تخاوت

سلم وأعرافي /./ سلم وأعرافي =حب الغضي ملموم بسلم وأعرافي
بالوعد تافي /./ بالوعد تافي = حياك ربي وإنت بالوعد تافي

ياما قضينا با السهر والتعاليل=أحلا الليالي ياحبيبي قضينا
وياما حكينا في هوانا التفاصيل =ومهما حكينا كننا ماحكينا
ايام سّهرنا بها الجدي واسهيل=ايام ماكان الهوى مهتوينا
ياغاليه لاتفتحين الفناجيل=حنا ابتدينا با الغلا وانتهينا

يــارب وفــق كــل مـن يرتجــونـــــك =
=انت الكــــريم وكــل خـلقـك برجـواك
عــبدك يــنام وما ينامــن عـــيونــــك =
=عليم سبحـــانك ولا شـي يخـفــــاك
يـــارب انا طـالـبك لـطفـك وعــــونـك =
=تلطف بحال اللي سجد يطلب رضـاك
يـــارب ماابغى فـزعة الخلــق دونـك =
=انت العـزيز اللــي كـريم بعـطـايـــاك

للحـزن دمعه والفرح فيه دمعه=
=الله يبعد عنك دمعات الأحزان

عساك دايم في سعاده وجمعه=
=مع الأهل واللي لهم بالغلا شان

يارب تحفظ شوف عينه وسمعه=
=وتضفي عليه لباس صحه بالأبدان

دمتم ودام تواصلكم العطر=
نارك بصدري شبت ضلوع صدري=لاتقول بدري يابعد حـال حالـي
أدري وتدري والمخاليـق تـدري=بصدرك وصدري هاجس الهم طالي
ياهاجسي والهم فوقـي وحـدري=وخلفي وأمامي ومن يمين وشمالـي
وش لون اقول بدر المحبين بـدري=وأنا شمالي وهـم صـدري شمالـي

ياالاآدمي اليا كبرت وتعليت=أربط بداياتك بسلك النهايه
وعن المبادي لابتعدت وتخليت=تأكد انك صرت اتفه حكايه

موضوع رائع ابو فارس

ابدمح زلة المخطي و اداوي كل تكشيره
....................... ولامن الفضاء ضاق برحابه قلت ياباري

لك أعترف وابصم بعشر الأصابع=أنك تجيد ادوار فن الخداعي
قدمتلك حب(ن) من القلب نابع=من صادق الاحساس ماهوصناعي
وتركتني واصبحت للغير تابع=عفت العسل واغراك سم الأفاعي
مااقبل لقب ثاني وثالث ورابع=ولاأسمي المعروف يصبح رباعي

ماكل روحن ينوجد مثلها روح=ولاكل حياً ينفقد بعد ماراح
ياعناد عقبك كلي احزان واجروح=ودمعي على فرقاك ياصاحبي طاح
ياجعل قبرك نور واجنان واصروح=من شان به ياطيب الذكر ترتاح

"الحزن"و"ضروف الزمن" و"الليالي"=و"هموم صدري" و"السهر" و"المدامع"
و"العين" و"دموع الغلا" و "الغوالي"=و"البعد" و"جروح البشر" و"المواجع"
و"الشعر" و"الشاعر" و"طرق الخيالي"=و"الحب" و"الخافق" و"حسن المسامع"
و"البوك" و"اقلامي" و"كل ماطرالي"=و"الحي" و "انواره على كل شارع"
و"الورد" و"البستان" و"الما الزلالي"=و"الطير" و"اغصان الشجر" و"المزارع"
لاغبت ياحضرة "سمو المعالي"=اشوفها تهتز حزن و ""تصارع""

اذبحـيـنـــي دام أنـــا لك تسليات ودلعنه=وانثريني بين رمش الحب وشفاه الغرام
والخـفــوق اللي بكـفــــك لايهمك اطعنه=والله إنــه مايجـيـك من الخفوق اية ملام

ابرسمك بين الحروف بقصيده = يامن جعلت احروف شعري قلايد
فيك المحاسن ياحبيبي فريده=والله فريده فيك حتى القصايد
لامن سألني بيت شعري بفيده=انك حياة وروح وأعيوووووون زايد

كسبت بي اجر بهالموضوع كل ماحضرو تلبسّو هالصفحه

عرقٍ سرى بالدم يورث من آبوك
ورث الشعر من دم جدي أقربا

ادخل على المجنون لايفتح البوك
والله لجـل عـناز ماقـول تهـبا

لمحة بصر وجنون شعري يجيبوك
عرشك مثل بلقيس في دولة سبأ

رفعتها من شان ربع(ن)يعرفوك
وكف الشعر مقطوع للسارق غبا

مربى الشمال وعز منهم يربوك
وطير السعد ماحام في ساحل ظبا

ليلة البارح بخيله وموعدها بخيل =فى رجاء موعد والايام شحت بالوعد
شحت بعذب اللما قبل ساعات الرحيل=ليلة ٍ بقدومها ماتبشر بالسعد
أسهرتني وسهرت راعى الطرف الكحيل=مارقدت وساهي الطرف مثلي مارقد

يا خي مدام انه وجودي في حياتك يضايقك=الباب ياسع له جمل يطلع ولو انه عما
مع السلامه وفكتن لي من ملاوي طرايقك=مايطيح من النجوم اخف واريح للسما

والله يلو بعض الحكي مانكنه ...
..//.. إلا تجيك علوم وعلوم وعلوم

ما للشقا ياكود كظم الأعنه ...
..//.. والحكي ماغيّر ولا رد مقسوم

والصبر في ميلات الأيام سنّه ...
..//.. ومن السما ياكثر ماطاحت إنجوم

جرحي وياهب الهوى غصب أونّه ...
..//.. أسكت ليا لعلع ونيني ولا ألوم

أشرب وجع دمعي ومجبور أمنّه ....
..//.. عن فرحة الشامت قبل فرحة اللوم

ياقف على شاطي عيوني كأنه ....
..//.. متغرّبٍ حدّه زمانه على قوم

سلمى علامك ياجعل مالك الوالي=سلمى لياليك شانت واتعبت حالي
الله يصبّرعليك القلب ياسلمى=لوّن صبره نفذ ماعاد به تالي
ياكثر مالي هقاوي با البشر خابت=وياكثر ماطاحت الشرهه على غالي
عجزت للقى رفيق صادقٍ وافي=اصدق ماشفت بحياتي خوة اضلالي

أبيـك والله العظيـم ومستـحـي=بغيت اصارحك بشعوري واستحيت
خايف اقول انـي احبـك تنتحـي=واندم على سؤ النتيجـه ماحييـت

ماهو صحيح ان كل مطرود ملحوق=كم لي سنه وانا اطـرده مالحقتـه
لاهو بالارض ولاذكر باالسماء فوق=ولاهو مع اللي ضروس بقعا سحقته
لو..... له بديلاً ينوجد داخل السوق=شريت لي حضـاً جديد او سرقته

من خواطر خبرتي والزمان اللي يدور=فاقدين الفكر الأول مابقى طرايفه
عالم الذره تحيـّر بأكتشاف الدينصور=يرسم الصوره حقيقه والمشاعر زايفه
نرفع النفس العفيفه مانحفـّر بالقبور=الحظيظ اللي تعلا فوق ذيك النايفه

طير السعد عن موطني ابعد الحوم=ومن الفرح محكوم اني مجرّد !
ياصاحبي فارقت خلي ومحروم=لو شفت ضحكاتي مع الطرح والرّد !
ولاظن في حب الشرف حد مليوم=وأصبر هلى حكي الجهل والسمرّد

حاولت انسى حبهم ماتناسيت=ماالقى بديل اللي كوى القلب حرّه
فلانه مناة الروح لامن تمنيت=وقلب(ن) عشقها 1000 لله دره
اقولها واقسم لها بخالق البيت =أني عليها بالعتاب أتشره
وان كان جا تفكيرها عكس مااطريت=لامحي غلاها وماأبي منه ذره .

زايد مساء الخير
خذ عندكـ ..
ياليت تزينها لأني حاولت وباءت جميع المحاولات بالفشل والفشل الذريع ..

هنا جيت بشموخ عيال وايل=اباقف واستعد واعطي تحيه
وابسرج بالغلا كل الاصايل=لربعي شمَّخ الروس الوفيه
وانا لو بافتخر بين القبايل=تكفي عزوتي لي وايليه
انا تركي من كبار الحمايل=بني وايل هل العز الابيه

الرجل لاهزته ريح الحميا=لايدور كسرها يبغا ذراها
ياعسا رجلٍ عن الفزعات عيا=ينحرم من شيبته ولاضناها

أبي أسأل اللي يسرق الحِس وشلون=عينه تنـام وتقبـل النـوم عينـه
حتى اللذي من بين الالحاد مدفـون=ماعاد يسلم مـن خفايـف ايدينـه
ما انتم بشر ما انتم خلايق تحسون=اقلوبكم ماتت ولاهي فطينـه
بكره نـدم ممـا فعلتـوه تبكـون=لاصار أقـرب ماتشوفـون طينـه

.
.
كم سقت عمري ما احتري قول : ممنون
واقول في نفسي ترى العـــمر فـــــــاني
/
وان قصّروا قــلت المــخاليـــق يخـــــطون ..
إلــــــــين شــفت العــشر عـــادت ثماني !!
/
ومــن عـــقب مـــاني بالمــــواقيف مـــبخون
كــــل ٍ عـــلى هــــامش حـــياته رماني !!!
.
.