|
ديوان الشاعر/عويد كسار (بحر القصيد)
|
|
|
|
|
|
|
بحر القصيد |
|
|
|
|
( قاف عنزه ) اهداء للشاعر/ منصور نايف الرويلي يــاحــر مثـلك نــادرين وقــلايــل قاف عنزه من فوق راس الطويله نرفع لــك البيضا بروس الـــنثايل صوت الفخر منصور عز القبيله من طنخة العليا على عز وايل برق السيوف اللامعات الصقيله مـــترفعٍ ماجـيت يــم الـهزايل من عادتك ياحر صيد الــجزيله شوق الهنوف اللي تقض الجدايل أم الـعيون الناعسات الكـحـيله أخت النقا بنت الشرف والحمايل اللي عـلى شانك تقض الجديله تحشم عــن اللي يبني البيت مـايل ماهــو عزاز القـــاع جرفٍ يهيـله لـو كــثرة الشعار تمــلا الطــوايـل ماعـاد شــكل الأمسيه مسـتطيله في مسـرح الشـعار سوّى الهوايل مــن بــؤرة الزلزال يــودي صــميله اللي مــدح بفــلان وفــلان عـايل واللي فصخ ثوب الحيا عن شليله وأصـل الشـعر تـاريخ فـــعل القبايــل ثــقــل الحـمول الكــايده مـن يـشيلـه يـــوم انها مابيـن صـايل وجـايل حـتى الحـجر ماعــاد يقدح بــليلـه الا مــع الــويلان شـبـت فــتـايـل من حافر كحيلان قــدح الـفتـيلــه أبـك انـت مثـلك نادريـن وقـــلايـل فــيـك اربعيـن مـن الشـبه مستحيله نرفـع لــك البيـضا بــروس الـــنثـايل قــاف عـنزه من فـوق راس الطويله بحر القصيد |
( طاحة اللوحه على الماء ) للســـفر قطعة عذاب ولاتــــعديت الشــــــمـال مــن ديـــار طريف حتى وقّــّفت بجبال سلمى والــفراغ اللي تركـــته بين طـــيات الســــؤال مـبهـم ٍحـد الأجابه ماأنجـرح بسيوف ثلـمى طاحت اللوحه على الماء واجمل الألوان سال ومرسم الريشه تبعثر عادة الألوان بالـماء كم لون ولون بالماء عكس صوره باالخيال وكم لون ولون بالماء عكس صوره حيل ظلمى الصباح اللي تنــفس بالمطر والغصـــن مال والزهور اللي تكلم عند صوت الريح بلمى شجرة العرجون تشرب من عطش موت الرمال ولنــقطع مسباح شاعر تنمحي مليون كلمى كل حر (ن) في جناحه وجهة الهجره شمال من عشق رجم الحماده مانزل بجبال سلمى بحر القصيد |
|
( مــضيفـــنا بالـــعـــز ) ســلام ياشيخ ٍ وعـــدنا ووفى مضـيفـنا بالعز حشمه لضّياف نـــارن لهبها وايــلي ماتــطفى من فطرته مخلوق مايقبل اجحاف كتــف ابـدوي ٍوالــخناجر تــقــفى فيه ايتداعا كــل عضو ٍ بالاطراف وكل شي الا السام طبه تـــوفــى يعني تموت بحشمتك مابك خلاف مااشرب كدر مي البحر لوتصفى وانا البحر والناس عطشى على القاف نصفي بحر والنصف الاخر بصفى وبين البحر والنهر برزخ ولاشاف ماشاف بعيون الغدر من تشفى وش الرجل من دون سلمه والاعراف زبن الدخيل الياانتخى من يضفى في غمد واحد مااجتمع عشرة اسياف الا انت واحـــد بس وفــى وكـفى سيفٍ به الويلان تفزع ولاتخاف فعله سبق قولة وعــدنا ووفــى بيتٍ لاابو سلطان يفرح بضياف بحر القصيد |
( طـــاح الـــغــلا ) طاح الغلا مسباح شاعر وبالساحه ماكنها الا سيف من دمعة الزيـر هي تركتي من دم وايل وبجراحه ياالله عسى ماجاك جرحي بتقصيـر ناسٍ تعيش الحب تهنى ومرتاحه وناسٍ تعيش الحب في ذمة الغيـر تلاعبت بيبان قلبك مــع اشـباحه حتى غدى مظـلم كما قاعة البيـر معزوفةٍ باالناي تبكي على مراحه فارغ مكانك ممتلا صبح وعصيـر ما شفت كيف الحر يزهق بلا اجناحه لا تسأل الصقار وش يــذبح الطيــر طــلع الشجر لاصـار مثـمر بتـفاحـه حقد الحجر والناس ما تحذف الخيــر بين الجنون وخيط شاعر ومسباحه وردوا على هداج راحوا مصاديـر محدن على الدنيا غدت عيشته راحه ولحـــدن بكا خيّه كــثر سالم الــزير هي تركتي من دم وايل وبجراحه ماللـغلا في ذمة الحب تكفــيـر بحر القصيد |
( عكس ظنك يالفرزدق ) صــاحبي ضيعت شعري غـافي ٍ بأبداع فـنـّك كـنـك أول من يهلهل بيت فصحى وانـت زيـــر وانت الاخطل وانت الاجزل وانت الاجمل يالمحنك عــكـس ظـنـك يالـفرزدق يـوم عــداها جــرير صاحبي وان كان حقدك فـسِّر الابيات عنـّك الرمد مــهمـا تكَــتـّل وش على عيون الضرير صاحبي ادخل على الله مرتبك ذليت منــك لاتسل سيوف غدرك واقلب السيف الشطير طاح ضرس العود مغرم شايب ٍمثلوم سنـّك طاح ضرس العقل يالله صك بالضرس الكبير بالغــزل تسعين عـام ولاهقيت البيض جنــّك عايش الجيليـن تــوّه راهــق الطــفل الــصغير كــم كسرن بالحـنايا منجبـر في عكس ظــنّك صعب أجـبّر بالحنايـا ضلع صـدرك يالكـسير مـن يلـوم البيض والله غارقات ٍوسط فنــّك من يلومك يالمهلــهل بالغـزل مادمت زير بحر القصيد |
( انا عزايه ماانجبر في عضيدي ) رحماك يامنشي مخايل حقوقه من بعد موت العود تحيي عروقه من كل صوب وصوب مزن ٍ تردم ملائكـه والريح بأمرك تسـوقــه ورحماك يامنشي صدوق المخايل حكم القدر والموت كل ٍ يذوقه عند الولي مكتوب في لوح الاقدار كم ساعةٍ من روح عمرك تبوقه طرقي على الدنيا والايام تمشي واليوم لامن راح يعلن نفوقه كم واحدن يجمع يبي ثروة المال والمال يفنى دون الاعمال سوقه وانا عزايه ماانجبر في عضيدي نصيبةٍ غـِزت على القبر فوقه يالــيتني ياخوك فــاقــد يميني والا طريح فراش رجله تعوقه والا بدوي راح عمره من النوق ماخذ صبوحه من زهاب وغبوقه له عزوتن ماخاف حنشل زمانه هجاد ليل ٍ واصبح بدون نوقه يسقيك من وبل السحابه مطرها من دمعي اللي يحرق العين موقه ويرحمك ربٍ مستوي فوق عرشه اللي رحم بالقاع ميت عروقه بحر القصيد |
( الطيب رجمٍ عالي ) خيلٍ حداها برجس تسعين وهو لحاله مطيريةٍ واتوصف شجاعة الخياله على غدير الموتى ياموردين اعداكم حمل الجمل من شاله يامحددين عقاله يابنت ريح الصبحى مابك ردى ياكحيله والطيب رجم ٍعالي والذيب من يرقاله من ورث ابوي وعمي والطيب عرق بدمي ولازلوا اللي قالو طيب الولد من خاله وان شفت منك طيبك وابغا اذكره واحكيبك مزبان رجل(ن) جالي ردوه يم عياله دهـامشه يكــفونه لاهيـجنوا من دونه قـصيرهم بالحشمه بيت الشعر يبناله وكان الردى في ضيفك لاتجرحه في سيفك تسوق ذودك كـله مااتـطالبه فـي ماله هيجنت لك بعهودي ماخون سلم جدودي حمل الجمل من شاله يامحددين عقاله يالدهمشي ماخونك يوم العرب يطرونك والشاعر اللي يبني قدر العرب منزاله بحر القصيد |
هذه المتواضعه اهداء لأخي واستاذي الشاعر/ متروك حاوي المضياني كم شاعرن مهضوم حقه بالاعلام وكم شاعرن في ساحة الشعر متروك متروك والله ونعم ياحـــظ الاقـــلام سعد القلم لاخط حرفك على البوك دورة خـيال افكار تصوير الاجرام وعرقٍ سرا بالدم يورث من آبوك ومن نجمي اللي يقتدي بك له اعوم ماضاع نجم ٍ يقتدي بك وشافوك حرفك جموح الخيل مايعرف لجام الا على يمناك طاوع وانا آخوك نظرة وحــش تفكير حنـــكه لقدام اوسع من الصدر الشمالي على ظنوك صرح ٍ تعلا فوق هامات الاهرام ماظاقت الاقال من وسعها دوك كتف الهرم وشلون ترقاه الاقزام مايجتمع بالناس حاسد ومبروك لو ينكسر ناب الافاعي بها سام وثوب الحقود اللي تغير على الشوك وبحر القصيد اللي جبر كسر الاقلام من مدرسة جزل القصايد لمتروك والشعر لو ينظام من جور الاعلام يبشر على يمناك في فزعة البوك بحر القصيد |
( ياالاطرق الهذال والله يالولاك) كانو هنا لا .لا. هنا كانو هناك ياكثرهم وقت الرخا بالعزاوي بيد الولي ياخوك ربك وداواك لوكان بيد الناس شفت البلاوي أرحمهم اللي طحت عنده وخلاك طفل(ن) بتر ساق الدهر بالخطاوي نذرن علي ماعاش راسي فلا انساك ياالاطرق الهذال يابن النداوي خذ فدوتك ياخوك خيي على عداك قبل الحضاره يوم دور الجلاوي في ساقة مضيان صبحى لعيناك تسمع صهيل خيولنا والحداوي كانو هنا. لا.لا هنا شفتك هناك في وجه بقعا والزمن والبلاوي ياالاطرق الهذال والله يالولاك مدفون راس الطيب جنب العزاوي بحر القصيد |
( صبح المشانق ) بالعون ماهو عون تـدري لهامـان لوكنت ياهامـان تفهـم لفرعون تبغى الحقيقة والحقيقة لهـا أكفـان ماتت مثل ماالناس فطـرة يموتـون متخبطن صابك من المس شيطـان أخرس ألم واحساس بلم بك جنـون محدن كثر شارون ظالـم وطغيـان عقله و قف والقلب ينبض يقولـون ولا الأسد لامات عايـش الـى الان صبح المشانق عيد عـزة يمـرون هاي الرجولة هاي بايـق وخـوان هو قالها والعلج واقـف ولاتهـون ودمع الفرات ودم دجلـه وطوفـان طارالعلـم تابـوت قالـوا يـردون حنا عرب والوضع مزري وننهـان وتبغى الحقيقه واعترفلك بها ضنون |
( حلم السنابل ) عادي ولاهو حلم عادي ومعقــول انه مثل تفسير حلــم السنـابل سبعة سنين عجاف مرت على طول والعمر صحراء واكثر الزهر ذابل يسقيك من برق(ن) لمع بأول الحول من مزنة(ن) غرآ بها الخير وابـل لو ينظم الشيطان عقد الفزع لول قوس(ن) رمى بأضغاث حابل ونابل على النعش والناس حامل ومحمول واللي قتل قابـيل راح ايتــهابل طيفك يجي بالحلم رؤيا لها حلول نبـغا لها تفسير يوم انتقـابل عادي ولاهو حلم عادي ومعقول تفسير سبع ابيات خضرٍ سنابل بحر القصيد |
هذه القصيده رد على الشاعر الذي يقول ان الكيف هو اساس الأبداع في كتابة القصيده ( جلد الافاعي طاش البحر والفكر طايش ومخموش وشلون اطنش مولع القاف جايش كان الفرج باالكيف عديت لك موش وقطَعت لك من سم روس الهوايش جلد الأفاعي طاح من سمها هوش حتى اينعت بزهور سود الحشايش ولا قطرت باالعين لك حامي رموش ولا قطرت ياكود تالي طشايـش حلم السجين اللي باالأقدار مطشوش والروح علق حلمها باالـدرايش جيش(ن) من المارينز ضحى بها بوش لـغـم وفـجر طـفلنا بـس عايش صامد مثل بغـداد متحمل جـيوش وعدل(ن) مثل صدام والحق طايش شحب الوجيه الخاينه خوت قروش اول وآخـر مقعــده بالـخشايش شاعر فكر مضروب خنتر ومغشوش وحلم السراب الياضموه العطايش وشاعر نثر يعني تبعثر ومهموش وشاعر على الهامش وشاعرتلايش وشاعر صنم تمثال شاعر ومنقوش وشاعر هرم مثلي لهلحين عايش شاعر نبط مجنون طيره ومربوش يصهل كما كحيلان حول الكدايش بحر القصيد |
( في مكان النجم ) مابـقى بالحـب كثر اللي بـقى عـل قـلبك مــن فـراقي يستريح ومن يـقول ان المفارق مو لـقى وكم لقيّـا سوّت الــفرقى صحيح ولو جمعتي حزن روحي والشقى مابـقى بدمــوع عـيني مايـطــيح شفت كـل اثنين بالــدنيا ارفـقى وكـل سر(ن) بالـغلا لازم يبيح ولـو رقـيتي كـثر قـدرك مـارقى فـي مكان النجم أو عنك يزيح ماشربتـك مـن هـمـاجـك للـنقى سيل غيم من المطر وديان شيح ولابـقى بالحب كــثر اللي بــقى ولابقالي غير اســـافــر وأستريح بحر القصيد |
( كن نجم الصبح خيّك بالرضاع ) القلم مجداف واوراقـي شــراع وكل موج من المشاعر لك غزير وخطوتي والليل حالك والضياع وانقطعت بليــل حالـك مايـنـير وعادة النجمات بارقها شعاع وعادة الارواح باوتار الضمير وعادة النجمات تهوى الارتفاع يوم طاح النجم هاوي بالغدير كن نجم الصبح خيّك بالرضاع بين خيط الـفجر والليل الاخــير وعادتي لاجيت يمك باندفاع احضنك من فوق موجات الاثير وكل نجمٍ ٍيقتدي بك يوم ضاع يوم شافك من على الدنيا تنير بحر القصيد |
( دودة القز ) سلك الحرير اللي شهر دودة القز لو مغزل الشعار حاك ونطاهم ولو عادة النمله تبي للشتاء رز وخيط العناكب جاب لقمة عشاهم وجنح البعوض اللي قضى ليلته از واز الظلام بجنح ليل(ن) غشاهم ماينبني بيت الطفيلي على عز في ذمة اللي ماطلع من خطاهم ماهوذهب والناس بعيونها خز ياكل حديد قلوبهم من صداهم حلم الفزع بأضغاث ليل الدجا فز حسبي على اللي باعهم ثم شراهم كثر اظفرك ماحاك جسمك ولاحز لو تطحن الشعار حب برحاهم ماجيت اببني بيت مع دودة القز مادام فعل الطيب بين رداهم بحر القصيد |
( وايـــليـــه ) يقول ابو كسار بأبياتٍ جزيله يــوم شـد البيت بلساني كـلام مرتكي ديوان شعري وأرتكي له وايــلـيـه يـوم شـديت الــحــزام شاعرن بلسان منطوق القبيله وارثٍ مـن شعـر جـدي كـم عــام بيرق الويلان في راس الطويله في مضيف العــز يهديكم سـلام يـومها برجال وخيولٍ اصــيلــه يـومها بسيوف ورمـاح وسهـام بالنحر والصدر مأنعرف انحبيله يوم ثــار غــبارهـا وسـط العـتام كم عــديمٍ حـط قــلبه بالــمليله وسط قـلبه نار تـقــدح بالـظلام وايــليـه يــا مـزبـّنـت الـدخـيـلـه وايــلـيـه مـن نصاكـم مـايـضـام قمت اسامر نجم ليلي واشتكيله ورحت اهيجن طول ليلي بالغرام من يلوم الزير سالم في قتيله اشهــد انـه عـنـد وايـل مايــلام وايلي وان مات شيخ وتنحنيله وتـنحـني روس المعاني للعظام بحر القصيد |
مناسبة القصيده كي لاتفهم ابياتها بتفسير خاطىء للتوضيح فقط ........ في احد الامسيات اجبرني احد الشعراء بتعديه على امجاد قبيلة عنزه علماً بأنه تبين عليه ملامح الالتزام كما افتى بتلك الامسيه وحرم شعر الغزل كما انني اول مره التقي معه بتلك الامسيه بدون ذكر الاسم لأنه لايمثل سوى نفسه ( فزعة عنوز ) تكفى بلشت وقلت تكفى ياابو روز وتكفى ياابن عبار وارجع لعناز وانت ادع لي ياشيخنا علك تفوز في خطبة الشيخ العمى دون عكاز لاشبعت قرود الشجر طشـّت الموز مفتي شعر ياهــيه بـارع بــالألغـاز لميتها في لحيتك كومة الجوز وحرمتها في لحية الشيخ برواز يامحرم ٍشعر الغزل والغزل لوز حـفظـني الـقرآن تكفى يابـن بـاز في ذمة اقواس السهر ماانت ملهوز ياشيخنا والوضع صامت وهزاز مايطلع جنون الدجل مصطة الهوز ياعــلها بعض اللحى ولـّعــة قــاز شعر ...... واهل ...... عدة رموز شفط الخوي من بينهم عود مزاز صخرت لك قيفان عن فزعة عنوز مــترفع ٍعــن لمـّة لحوج وحجــاز دام الكدش عند الأصايل بلا فوز يبقى الصخر نحت القوافي لعــناز بحر القصيد |
( جــنــون ) بين الجنون وبين عقلـي حكايـات أعظم مآسـي بالــزمـن تحتوينـي في رحلتي بين المخاليـق بسكـات عجزت اصادف بينهم نفس طينـي صدى جنوني صرخته يوم هو مات بكيت مـدري خـوف والا حنــينـي ودام الأمل في ظل غدرك متاهـات والحب ذكرى حطمت لـي سنــينـي وجارت علي بعد الصداقه عـداوات ماعاد تذرف دمعة اخلاص عيــنـي بين الوفاء واخلاص عمري مسافات انــا تغـــيـر منهـجـي وافضـحينـي ماللغدر في حـد عيـنـي نهــايـات يابنت انا المجنون وينـــك ووينـي انا أنانـي هـــاوي ٍحبـت الــــذات وانا جــنونـي خـوف الجـن فيـنـي انـا عـــدوك واللــيالـي طويـلات ياقدمــهـا اخــلاص بينــك وبيــنـي بحر القصيد |
( خيل مظمار ) يقـول أبـو كسَّـار منتـا بكـسـار ولاتّكسِّر اللي جبّـر الوقـت بكسـور جورَك جَِبرْ جَهَـرك ولا زِِِلـتْ جَبَّـار مجبور لك من جور جايِـر ومجبُـور ياظَالِمي ظِلمَـك ظََلَـمْ ظِلْـم ظمّـار بأظْلَم ظَلاَم الظِّلْـم والظِّلْـم مَثْبُـور من ظالمي ظَلَّمـت ظِلِّـي باالأسفـار مِسْتَسْفِرن بأسفار نوره على السـور يسري به السَّارِي على سِرْ سِمْسَـار للسامي اللي سَم واسمِه مـن النـور طاريه طاري لي على طـارف الطـار واطري له الياطار طيره مـن الطـور حضَّرتْ محضوري ومِحضِرْ به احضَار حاضِر حَضِير حضور من كل مَحْضُور وابديت من جِدِّي كما نَحـت بأحجـار لجل اللذي بي جـل جِلِّـه ومقهـور جَنْ الجنـون وجَـنْ جِنِّـي علـى آر جاني وجاوب جايـب(ن) جابَهـا أُوُر واخيل خيل(ن) خَلْخَلَتْ خيل مضمـار واخاف خبل(ن) خالي الراي والشـور قلبي قَلَبْ مِتقَلِّـب(ن) قَلْـب مِحتَـار مِتْقَلِّب(ن) قَلْبِـي علـى كِـلْ مَقـدور عادت على عويـد معاويـد الأقـدار عادي وأعـِدْ اعداي ِ عايد ومآسُور ياكــاسـري مَــكْسُـور منتـا بكـسَّـار ولا تَّكَسِّر الي جَبَّـر الوقـت بكسـور |
( قسمة زمن ) مادمت نبض القلب والروح والعين وانت الهوى للروح تطلع وترقى روحي اذا يهناك عني تروحين محدن على روحه رضى يقول فرقى تزعل علي وارضيك وازعل وترضين وارواحنا بالحب عطشى وغرقى آرد سراب الحب واشرب ولاشين واخيل برق ٍ بالسماء فوق برقى وجدي عليها مع حمام البساتين غصنٍ فقد مع غيبة الشمس ورقى لك صورةٍ بالعين بروزتها زين ياوافيه لو رحت غربٍ وشرقى قسمة زمن ماعاد تقبل على اثنين مثل البحر لون السماء حيل زرقى بحر القصيد kass_ar2009@hotmail. com |
( ونيس الليل ) ياونيس الليل قل لي ليه عن عيني تغيب توني بالعين شفتك دون خبرا البردويل منزلك بالطبق وأدري مأنحدر وسط الشعيب وانت أقرب من خيالي يوم أطالع لك وأخيل ولوعرفت اللي تشوفه كان كسّرت الصليب قبل أشيعك بجنازة كافرن ولا قتيل لين تنطق بالشهاده ياسفيه الجن طيب مؤمنٍ بالله واحد لاحشى ماله مثيل من قبل شمسك تغيب وتشرق الشمس بمغيب عقبها مافيه توبه لو عملت المستحيل ازعل ولافار دمي ماارتفع ياكود طيب سلسبيل الشعر فيني ذاك أعذب سلسبيل ياونيس الليل مثلي مأعتقد راسه يشيب من جنوني قمت أصدق فاقد العقل وهبيل عند نفسه يوم غنَا مثل صوت العندليب وعند نفسه كل خطوه تبتدي بألفين ميل ياعسى ذيك السحابه ماسقت دار الحبيب موحشه والليل مبطي مازبن فيه الدخيل والأكيد اني معاه ومحتمل شي ٍ رهيب والأكيد انه ركس بي وسط فرع ٍبالمسيل والأكيد انه يصوب للرجوم ولايصيب والأكيد اني مشيت ومنجم خلف الدليل والأكيد اني معاهم واقف ٍ كني غريب والأكيد انه تناثر جمرنا وسط الشليل ياونيس الليل شفته صاحبي وشلون ذيب صاحبي يوم اتضح لي مثل خبرا البردويل بحر القصيد |
قلت اسافر في عيونك السؤال اللي تحـيّر في عيونك وانت خابر واذكر الله في عيونك ماعرف معنى جوابي قلت أسافر في عيونك يوم أطالع لك واناظر وللسفر قطعة عذاب وخايف ٍلفقد صوابي دامي المجنون مبطي مفتكر والعقل ذاكر والمحبه تنطوي بي صفحة ٍبآخر كتابي ودام ليل الأمس قفى ماارتجي صحوات باكر وان صحى باكر معايه كل هاجوس ٍ سرابي والبدايه في عيونك موتي اللي بالمحاجر والثواني في عيونك مثل لحظات اغترابي والمسافه في عيونك كل مأقطعها تسافر والنهايه رمش عينك يوم سلهم وانتهابي ماانكسر بيت القصيده من بحر ديوان شاعر ورغم انف الشعر لبقى مثل نجم ٍ يقتدابي مؤمن ٍ بالحب سافر يشهد ان الرمش كافر وكانها ذنوبي عيونك ماأرتجي منها ثوابي والله أكبر ماتفائل غير بأصوات المنابر والله أكبر في عيونك ماعرف معنى جوابي بحر القصيد kass_ar2009@hotmail. com |
من خواطر خبرتي والزمان اللي يدور فاقدين الفكر الاول باقي (ن) طرايفه عالم الذره تحيـّر بأكتشاف الدينصور يرسم الصوره حقيقه والمشاعر زايفه نرفع النفس العفيفه مانحفـّر بالقبور الحظيظ اللي تعلا فوق ذيك النايفه بحر القصيد |
قال اللذي لا قال قوله تمركز= متمركزن مثل السماء بلا ركايز اسمه ابو كسار واسمه معزز= عز القصيد وعز من جاه عايز وقف على اطلال القصايد وانا اعتز= ماابغاك تمدحني ولاتقول فايز كم شاعرن بالقاف قام ايتنرفز= كنه على القيفان في روز رايز |
( دقـيـقـة صـمـت ) حالٍ مثل هالحال يرثى لها حال ياللأسف وشلون ماعدت شاعر حظي لهب جمره وفـ القطب الشمال برد ارتعش عفريت جن المشاعر ياصاحبي فك السلاسل والأقفال يالله تحرر من قــيود الخواطر واقرأ معي عم . وطه. والأنفال واسجد مع الآيات مؤمن وشاكر طفلٍ لبست العيد ضحكه للأطفال وأخذت اوزع للطفــوله تــذاكر وقف دقيقة صمت لرواح الأجيال لاتـندفن بأحلام ذيـك الــمقـابر والعب معي بالسيف طعنه وخيال يامعلم الأطفال طعن الخناجر والا ارمني في كورة الثلج واهتال لاجفت اقــلام العــطا بالــدفاتر ياصاحبي والشعر له فزعة رجال وأغص دمعه وانكتم بالحناجر كيف ازعلك والعشق فيني ولازال يعني معك مؤمن على يدين كافر بحر القصيد |
(ذيب الغرابه ) الله خلق والله فرق خلقة الناس وكل اربعين بخلق ربك تشابه الا انت واحد بس يامعرب الساس مالك شبه ياكود برق السحابه سعد القلم لاخط حرفك بقرطاس مابين صدر وعجز بيت الكتابه ماضاق صدر البيت من كتم الأنفاس ولاضاق عجز البيت يوم انتخابه يقطع سبع وديان في ليل الأدماس ذيبٍ عوى من فوق رجم الغرابه حط كفتك والكون كفـّه ومقياس يااعدل سؤالٍ حط ثقل الأجابه دق الزمن ليل الثواني والأجراس وعقرب ثواني ساعتي وش غدابه صحيح عرق القطع موجع ودساس ولو ماخلق مثلك عزيت القرابه |
( الببغاوات ) حلمك تغرد فـوق روس النوايـف حلمك تحلق فوق روس الطويـلات مادامك اللي مانت مسجون خايـف غـــرد وغـــرد عــــادة الببغـاوات اذا علي مـاراح مالـه حسايـف للدهر نكبه بس انا عشـت نكبـات مير أضحكيني ياليـال الطرايـف مهما تجي صكات بقعـا سلامـات لاكن غريبـه يازمـان النصايـف بالأرض سبع وسبعـةٍ بالسمـاوات ولازانت الا في عيـون الهدايـف نفس الخبل واسطورته والخرافـات واعجبك انا بمركاض عمك يانايف من مربط لجام الفرس للسريعـات وحده ولاكن من جنـون العفايـف ولا تركب الا الجامحات الأصيلات الوضع مزري وانت عارف وشايف والرعب دك بقلب خصمك ولابـات جت له من جنون العفايف طوايـف في لوح يطفو فوق موج المحيطات بحر القصيد |
| الساعة الآن 03:41 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010