|
الميدان والدعوى عامه
سلام تسليمن حسين المعاني
يضفي على الجمهور قاصي وداني وين انت يالي حاضر في ثواني (والصبر زين وكل مطرود ملحوق) الله يجمل من يشيل ال قاف...يلعب معي وسمع انا شوره بنت الهوى ترقا على لاكتاف...ومن زارني لازم انا زوره |
صح الساااااااااانك ياهادي
طاروق كايف ونبي نحاول نلعب معك وعسانا نتوفق معك |
يامرحبا ترحيبة كلها كيف ترحيبة من قاصي القلب للضيف الله يجملنا ونبعد عن الحيف ( والصبر زين وكل مطرود ملحوق ) جينا ولي بين العرب ميقاف .... شايب وباقي مامضا دوره هادي كريم ويتبع الاعراف .... ياحي منهو ضايحن نوره |
متابع وبين الصفين اتنقل دمتو بود |
ابك البقى يلي تشوف المخايل ماقول غير النعم فعيال وايل احبهم بين العرب والقبايل (والصبر زين وكل مطرود ملحوق) ماني بضيف داخل المضياف...اعد نفسي بانين سوره لاصرت شايب ما على اخلاف...بزوجك عرجا ومكسوره |
طيب طيب الطيب يبقا للرجال الحشاما والنشمي يطرب للرجال النشاما واللي نصى قحطان لااا مايضاما ( والصبر زين وكل مطرود ملحوق ) الحمد للــــه دارنا مصياف .... بالطيب لأهل الطيب مذكوره وان كان هادي ناوي المشراف .... قلبه خضر ومجود الصوره |
مساء الخير للمبدعين
رغم ضعف اتصالي ودخولي من الجوال لم استطع الخروج الا بعد الرد اسماء تستحق المتابعه شكرا لهذا الفطاء والامتاع متابعه وصحة قلوبكم |
ياهلا وغلا يابوفارس متابعتك تشرح الصدر وموعدنا الليله انشاءالله لاني مضطر للخروج الان واللعب مع هادي له نكهه خاصه فهو شاعر جزل ورجل خلوق |
ماعليكم زود يابو عبدالله وحب احيي ابو فارس على متابعته.. |
ياتركي المضياف فيه الحلايا لا تحرمون امقدمين الهدايا والناس ضاهره بحسن النوايا (والصبر زين وكل مطرود ملحوق) من طيب اهلها زاهيه بوصاف...امشيده بلفين معموره معذور طماع الأجر لوطاف...يسعى وكل الناس مئجوره |
صحت السنتكم يامبدعين متابع معكم |
صح بدنك يابو بدر |
ياهلا وغلا يابوسلطان متابعتك شرف وتشيج يالغالي اخوي هادي تعيش يابعدي |
طيب طيب ياهادي الاوضاع عندي سليمه لاتحسب ان اخوك طقه قديمه والنيه الحسنه لها الف قيمه ( والصبر زين وكل مطرود ملحوق ) هادي بعينه ياعرب وش شاف .... والناس مضمونه ومخبوره كنه على الطرقه نوى المحراف .... بجوده ياناس مع زوره |
ماقول مخطي يارقيب الكتيبه حتى ولو تاخذ علينا ضريبه وما فهمت اقول هذي غريبه (والصبر زين وكل مطرود ملحوق) شاعرومتميز ولي اهداف...من ينصف الاعب وجمهوره اشوف مستشفى وشوف اسعاف...واشوفلي اموال محصوره |
صح الساانك
|
الجندي امبزوط وسبب قضيه
مكشوف لو يحسب علومه خفيه ارفع ملفه ياعريف السريه ( والصبر زين وكل مطرود ملحوق ) فـيـــه الحـكـم يحكـم يابوعراف .... يامـيــر حـاول تمسك الكوره وانصحك لا تلعب على الاطراف .... بعض الدروب اليوم محضوره |
طيب طيب صح السانك ياتركي اسعدني العب معك وصياغه المعاني اشهد انك جزل اوافي |
صح بدنك اخوي هادي وصح السانك على جزالة ابياتك تسلم يابعدي واللعب معك ياعلم الله انه طرب ماشاءالله عليك جزل وصدرك رحب بس اتعبت الشايب الله يهداك ههههههههههه واعذرني لو اخطيت تراني مزاح واللي مثل شرواك عرفه واللعب معه ينومس |
عملاقين شعر واخلاق
صح لسان الكل منكم طاروق كايف وجزل دمتم بخير |
| الساعة الآن 04:07 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010