|
ديوان الشاعر/ عبدالرزاق بطاح المطرفي
|
بآدره طيـب من قلب كبيـر
سنكون فالقرب بإذن الله تحيتي لكـ ي عظيم |
فتشت بالقاموس في كل الأقطار=ولقيت وايل فوق عالي قمرها ربع(ن) لهم في هامة المجد تذكار=مكتوب من مي الذهب من سطرها ربعي بني وايل هل المجد والكار=افعالهم بالمجد كلن ذكرها ربعي بني وايل بعيدين الاذكار=وفعولهم لليوم محدن طمرها واذوادهم ترعى زماليق الاقفار=تسرح ديار الخوف محدن قهرها وافعالهم تذكر بنجد(ن) وسنجار=والفرس دكوها وداسوا خطرها وصديقهم يلقى معزه ومقدار=وعدوهم يشرب خبايث كدرها وبشر مع جلاس لاشبت النار=صديق عينك مايطيح بنحرها عدوهم يشرب قراطيع الامرار=لاقام ينثر بالمعارك حمرها من صلب وايل بالمعارك لهم كار=وافعالهم بالطيب محدن نكرها وصلاة ربي عد مابالسما طار=على رسول الله سيد بشرها |
اكبر خساره موت نايف وسلطان=عمدان نجد الشامخات الكبيره الله يعين الشعب من كثر الأحزان=تواردن بالقلب مثل السعيره نعزي ابو متعب ومشعل وسلمان=اسيوف نجد اللامعات الشطيره انتم حمات الدين ذربين الايمان=وانتم ذرانا بالآمور الخطيره يالله يارحمن ياعالي الشان=تحمي بلدنا من النفوس الحقيره |
زلزال سوري هزت اركان بشار=وضاقت به الافاق عقب اتساعه دارت على الطاغي دواليب الاقدار=نجمه طمن بالقاع عقب ارتفاعه ماينفعك لوكان فزّعت الاشرار=واصبحت وحدك ياخبيث الصناعه قاموا يدكونك صواريم الاحرار=وصار الاسد اليوم ضمن الضباعه صكوبه اسباعٍ يدوسون الاخطار=شباب سوري يهتوون الشجاعه ياالله بنصرا(ن) منك ياوال الاقدار=يظفي على روس العوالي اشراعه وصلاة ربي عد ما بالسماء طار=على رسول الله راع الشفاعه |
الشعرفن وذوق وحساس وشعور= ولاكل من قال القصيده حكرها وبعض القصايد مالها بالشعردور= والي كتب بعض القصايد دمرها والشعرمن بعض المخاليق مخطور= مستشعره بعض البشرمن قهرها والي كتب له بيت والبيت مكسور= قصيدته من كل جيهه كسرها والشعرديوان العرب شي مخبور= خلد تواريخ العرب من دررها يامنتدى الويلان مشكورمشكور= بسم عنزه نرقى بعالي قمرها وصلاة ربي عـد ماشعشع النور= على رسول الله سيد بشرها |
لاتشتكي الهم لوكنت مقهور=ربك غفور ورحمة الله كبيره اقنع على المقسوم واصبر على الجور=اخيرمن مد الوجيهه الحقيره وافطن ترى دنياك دولابها يدور=يمكن يزين الوقت وتصير خيره والمجلس اللي فيه نامس ودبور=والنمل عنده مودعله حضيره انفض شليلك ما انت بالنمل مجبور=وانحر مجاليس الرجال السفيره اللي مجالسهم بها الطيب مذكور=وفنجال بنن والقهوجي يديره ولا الردي من خلقت الناس مثبور=لا نافعن نفسه ولامنه ذيره يقول ابن حثلين والقول مخبور=والهرج يكفي صامله عن كثيره وصلاة ربي عد ما يطلع النور=على رسولا سيرته خير سيره |
|
اخي واستاذي الغالي عويد كسارالعنزي بحر القصيد\ شكري وتقديري لك على ماقمت به وبيض الله وجهك وجزاك الله خير اخي\تقبل مني اجمل تحيه ومليون يدبل مليون شكر لك اخوك\ابوشريف |
اقتباس:
اهلا اختي تسعدني متابعتك ومرورك الرائع |
هذاردي على احدى الاصدقاء يقول في قصيدته
-------------------------------------------- بديت بلي اوساعن افجاجه ربن رحيم ويزبنه كل محتاج ولاضاقت الدنياقضى كل حاجه هوالوحيداللي له الناس تحتاج ودنياك هذي ما تميز خراجه احيان تضحك لك وحيان تنعاج الله من فكرن تكدر مزاجه عياء يجيه لنوم خلاه مسهاج وقريت انا بيوتن على قاف اجه من ابوشريف اللي مثل عدهداج يسلم لسانك ماتجيك العواجه شاعرعلم لايبعدكل هراج ياشوق من قرنه على المتن ماجه خرس العيون وخدها تقل لعاج الله على دار الحماد وزراجه وناخذ بها سجه مع الربع منهاج --------------------------- الشاعر\عايدالمطرفي\ابوسالم ---------------------------- وانارديت عليه في هذي الابيات ------------------------- حييت يلي ما تقول السماجه تستاهل الفنجال ونلبسك تاج تاج الفخرماهوبتاج الغواجه شاعرومتمكن مثل عدهداج عايدابوسالم من الطيب تاجه حرا تعلا فوق صلفات لامواج وان كان صدرك ضاق عندي علاجه بواد المرى كنك على ساحل العاج يم الحماداللي اوساعن افجاجه ونط الرجوم العاليه مثل الابراج تشفي اجروح القلب وهذا اعلاجه ولا البلد ما فيه ياغيرالازعاج الشاعر\عبدالرزاق بطاح المطرفي |
هذي القصيده ردي على الشاعرالكبير\صالح ابن راكان الرميزان العنزي\ هويتوجد على البدو وانالاتحضرني قصيدتة ولاكن انارديت عليه في هذي الابيات وقول فيها ------------------------------------------------------------------------------ البارحه بالقلب مثل المسامير وهواجسن من كل يمه تلوعه الله على اللي يبعدن المشاوير جيوبن على قطع الصحاري بتوعه ونبعدعن لج البلد والزوامير يم الحماداللي علاجن فروعه ونط الرجوم العاليات المشاهير تبري جروح القلب من كل لوعه قفوهل البل والسلف والمظاهير وراحتبهم جرد السنين القطوعه واليوم بدوك بسوق لاسهم هوامير ولاخايلوبرقن بعيدن لموعه وياحن قلبي حن خلجن على ظير وردن على عدن قليله انجوعه ساجن وماجن ثم كتن محادير كتن شعيبن مالقنبه رتوعه ومن المحل مودع بخده مصاخير نطلب من الرحمن يخضرافروعه الشاعر\عبدالرزاق المطرفي العنزي |
الف شكر يابو كسار على افتتاح الديوان يستاهل شاعرنا القدير عبدالرزاق المطرفي وألف مبروك تم تركيب بنر الديوان http://im17.gulfup.com/WIe01.gif |
أخي الشاعر القدير \ الشيخ\ الاطرق أبن بدر الهذال الموقر
السلام عليكم ورحمة الله وبركاته وبعد يعجز السان عن التعبير بماقمت به بشان ديواني الشعري شكري وتقديري لك وأنت دايم حريص على الارتقى بالمنتدى الى اعلا مستوياته الشعريه والثقافيه وتحفيز الشعراء بمايليق بالمنتدى وسمعته وهو يمثل بوجه عام عنزه عامه و تمنا من الله أن يوفقك و يبقيك لنا ذخر واطال الله في عمرك وتقبل من أخوك\ عبدالرزاق المطرفي أجل القدير و الاحترام لشخصك الكريم وأنت شرفت ديواني الله يحفظك ويرعاك و أعذرني لا أن يخونني التعبير ما أقو ل الا شكرآ شكرآ لك على أضافت ديواني مع دواوين الشعراء وبيض الله وجهك ياتاج راسي ويامحزمي ------------------------------------------------------------------------------- ارجو أن تقبل مني هالبيتين هديه مني لك وأنت تستاهل أكثر طال عمرك ------------------------------------------------------------------------------- ماهي غريبه فعل عريب الانساب ولاهي غريبه فـعل واف الخـصايل أنتم بني عمي قريبين وصحاب وأنـتـم أشيـوخ مـن قديـم الوايل أفــعــالكم تـدري بـه كل الاجــناب يـــوم أنـهــا مـابـيـن صايل وجـايـل مـن دون زيـنات اللــبن عـوج الارقـاب مــا تــشربــون البـن والــحــق مـا يل تقبل أجمل تحيات\ أخوك \ عبدالزاق المطرفي والمعذره عن التقصير |
|
بيض الله وجهك ياابو كسار والله يعطيك العافيه
أنت اخ وغالي والله يجزاك الف خير على اضافت هذي القصيده و لك كل الاحترام والتقدير اخ وعزيز طال عمرك |
صح لسانك اخي النجديه مرت من هنا |
أختي القديره\نجديه مرورك شرف لي وصح الله أبدانك وبيض الله وجهك على مرورك لديواني تقبلي مني أجمل تحيه وتقدير لك |
|
اسعد الله اوقاتك وعمّر حياتك بالطاعه والأيمان الف صح لسانك على القصائد المميزة وردة بنفسج لروحك الطاهرة |
إختي القديره/ فاطمه
شكروتقديرمني لك على مرورك ليواني وهذا ش ر ف ل ي إطال الله في عمرك و إس ع د الله إ ي م ك وت ق ب ل ي إ جمل تحيه وودلاينتهي |
( اهداء لك ياابوشريف ) وانت اللذي ماانظام رجلاً مخاويك=ولاضاع منهو يقتدي بك دليله من رجم لاهه قمت اخيلك واراعيك=بعين ابدويٍ كل برقٍ يخيله وريح الشمال اللي تسوقك لمغليك=غيمٍ من المنشا تراكم ثقيله بأول طلوع الوسم وكّدت اراضيك=قاع الحماد ومنزلك بالطويله وكر الحرار اللي عليها قوافيك=تشهد بأنك ماتصيد الهزيله ياراعي العشوا وفزعة بنيخيك=ان كل بيتٍ منك يسوى قبيله ولافيه بيتٍ ينكتب لك وياتيك=الا رجع لي يفتخر بالجزيله وانت بغنا عن مدحي اللي يجي فيك=والطيب يذكر والمواقف كفيله بحر القصيد~ |
رائع ومميز
الله يعطيك العافية |
مروركريم أخي الغضنفر
شرفتني في مرورك العطر تحياتي لك |
تبي الهواء حزم الجلاميد وطريف=وذيك الفياض اللي يذعذع هواها شمال من جابي بذيك الاطاريف=من تلعت أمضله اليا خشم لاها ذيك الفياض المربعات المصاييف=يجلن عن النفس العليله بلاها لايابعد مجلس خطات الهذاليف=اللي عن الطولات تقصر أخطاها مجلاسهم يحرف الكبد تحريف=ويركي على الكبد الغثيثه غثاها ياالله نظفهم عن الارض تنظيف=وعـز الرجـال الـلي يـذري ذراهـا اللي مجالسهم بها حامي الكيف=وسوالـــفـــآ يـطـربـلهـا مـن بغـاها زحول الرجال اللي تحب التكاليف=اللي عن الهزلات تحشم الحاها ودلالـهــم مثل البـطـاط المهاديف=فـنـجـالـهـن طـب الـكبـود وشفاها ويـاأبـو غـازي مـالـنـا بـالـهـذالـيـف=عــفــون الرجال اللي قليلن حـلاها ولا أنـــت حـرآ مـاكــره بـالـمـشاريـف=نــسل الــرجـال الـلـي بـعيـدآ مـداهــا وصــلاة ربـي عـد مــايـطـلـع الــطـيـف=وعــد الـنـجـوم الساريـه في سمـاهـا الشاعر/ عبدالرزاق بطاح المطرفي |
هديتك تاجن على الراس ياخوي
وأنا عتبرها منك أغﻻ هديه صح الله لسانك ياابوكسار هد يتك وسام على الصدر |
هذي الابيات مجاراتي لشاعر
الكبير والمحامي القانوني الاخ سعود فهد الحريري العنزي اقول فيها يامرحبا وعداد ماهل همال وعداد ماتمشي طوابير وصفوف وعداد ماترسل محطات الارسال وعداد ماتكتب على اللوح بحروف بالشاعر اللي قام في نظم الامثال والقاف مايعصاه ياتيه معسوف ياسعود مبدع دوم ياطيب الفال سيفٍ من الويلان من جملة اسيوف ربعك هل الفزعات ذربين الافعال عدوهم في ساحت الحرب مكتوف ولادعه غاراتهم يوم تنهال أفعالهم عند المعارك بها نوف عاداتهم لاقامة الخيل تجتال والياعصف في تالي القوم عاصوف ويلان والويلان مبطي ولازال سطر لهم تاريخ الاجداد بحروف واليوم حنا بخير ياطيب الفال في ظل حكامٍ بها الطيب معروف والمعذره عن التقصير يامحزمي أخوك عبدالرزاق المطرفي |
لويطول الوقت ويامه تدور
ماشكينا جور أيام السنين والقناعه كنز تبقى ماتبور من صبر يالقرم له ربٍ يعين وضيفنا محشوم ماهو بمحقور نكرم الضيفان بالجزل السمين ماملكنا مال ولاجملة قصور مالكين العز والعلم الثمين مابنايالقرم جاهل ومغرور نحمد المعبود رب العالمين عبدالرزاق المطرفي |
سليم كسارالمضياني العنزي
يصف بها ربيع الشمال أي عرعر وليكم بعض أبيات من قصيدة الشاعروهويقول ------------------------------------- يامحلا ربيعنا بالشمالي اللي رزقهابالمطربول أسهيل والعشب غطاء عاليات الجبالي وديانها وتلاعها والمساهيل وفيها ختلط كشاتها والحلالي ومنين ماناظرت شفت الازاويل ---------------------- والقصيده أطول من ذالك وأناجاريته بهذي الابيات ----------------------- يامرحبا وعداد وبل الخيالي وعداد سيل -ن- روحنبه مظاليل على شمال المملكه بحتمالي والبرق يقدح والرعد له هلاهيل الياما نحدر السيل مع كل جالي واللي بوجهه مخطر-ن- شاله السيل وعقب المطر والعشب نبته هبالي بفروع حامر غاديله دحاميل ورف القطاء من كل صوب أجوالي كنه يغني بالفيافي مواويل وعرعرالياربع ربيعه خيالي تسوا بلد زي لامسي يالعواذيل يالوايلي ماعاد فيها مجالي جهزلنا العزبه وحط المعاميل نبي فياض-ن - نبتهن له ظلالي وريح النفل يشفي كبود-ن-معاليل ياحلوشب النار وصفر الدلالي وخوت مثل شرواك هي المحاصيل من روس قوم بالسنين الهزالي عون الضعيف وينطحون المقابيل ربعك هل الصبحا أبعاد المدالي سلقا الياركب الرشاء بالمحاحيل وصلاة ربي عدوبل الخيالي وعداد ما رتل كتابه بترتيل والسلام |
سبحان من يحي العظام الرميمه
و سبحان من يعلم ولا نعلم الغيب وسبحان رب الكون محيي هشيمه في قدرته خلا الصحاري معاشيب وسبحان من ينشي من الغرب غيمه يسق الثراء من عقب حر الواهيب و سبحان رزاق البشر من نعيمه والذيب يلقى عيشته بالمراقيب والطير بالمخلاب يلقى الغنيمه والله صخر له قوي المخاليب يالادمي دنياك هذي عقيمه تدور دورات الرحا والدواليب دنياك مادامت اللناس حكيمه راحت بهم سود الليال المحاديب راحت بناس بالصعايب كريمه أهبي يادنيا العنا والتعاجيب وراحت شيوخ بالمعارك عديمه عون الظعيف وينطحون المغاليب وأنجاء نهار فيه ثور عسيمه لافرعن بيض العذارى الرعابيب كم فارس من دون ربعه صريمه وفعايله خوف من العار والعيب وصلاة ربي عدطشات ديمه وعداد ماتطلعه به الشمس وتغيب على الرسول اللي رضع من حليمه شفيع الامه يوم كشف المكاتيب والسلام للجميع وكل عام وأنتم بألف خير عبدالرزاق المطرفي |
ياصاحبي عساك مبسوط وبخير
عطني علومك جعل مابك أخلافي قدرك يابوخالد ترى عندنا غير يبقى غلاكم بالظلوع النحافي سطرت لك قافي من الفكر تسطير مادام عندي جوهر الفكر صافي من هاجسٍ يكفخ كما كفخت الطير صيده سمين ولايصيد الضعافي لعيون محمد نصخرالقاف تصخير نعسف لكم جزل القوافي عسافي لنك معي وافي ولافيك تقصير أنا أشهدنك يافتى الجود وافي ياشبه حراً والمخالب شناكير والخرب لاشافه يصيبه ارجافي أبيض نحر مابرقعوه الصقاقير نادر وحش ماطب رجله أكتافي شره الياشاف الحباري مخامير ومخالبه مثل السيوف الرهافي هذا شبيهك ياخوي المناعير ياشوق من قرنه على المتن زافي يالوايلي لاقفى سموم المعاصير نبي الحماد ويم ذيك الفيافي الصيد والمقناصر وملاعب الطير وخوت مثل شرواك يالقرم كافي نبي أنتفضاء يابعيد المشاوير والعمر يجري واليالي مقافي وصلاة ربي عد ماطار من طير وعداد من يمشي على الارض حافي عبدالرزاق بطاح المطرفي |
صلح لي الفنجال وزود به الهيل
والياجهز صبه وعطني قدوعي من دلة تلمع كما لمعت أسهيل فنجالها يشفي جميع الصدوعي وعقب المهيل عدل القاف تعديل ولع على جزل القوافي شموعي البارحه جني أجنون وهرافيل والقاف ياتيني على كل نوعي يالمطرفي جنك أحروفي زرافيل يالشاعرالمبدع وخيرة أربوعي لفرحان ابن ضبعان ولع قناديل المطرفي من دون ربعه جزوعي يالوايلي دنيا العنا والبهاذيل شين على الاسلام شفته يروعي مابين تفجيرٍ ومابين تنكيل ولا وين حنا في عماها نسوعي حنا بلانا من بعضنا مهابيل اللي على بلاده يدور الفزوعي شف العراق وسوريا شين أيهيل تلعب بهم شلات شيعي وشوعي ياالله يامنزل تبارك مع الفيل ياواحدٍ يرجع لك الامر طوعي يارب تحمينا بقدرك عن الميل ياخالقٍ وديانها والفروعي وصلاة ربي عد رش الهماليل وعداد ماحجة المكه أجموعي عبدالرزاق المطرفي |
هذي القصيده مهداء. الي الشيخ/محمدرمضان العواجي
سﻻم يابن العواجي لك يساق السﻻم من شاعر لجل قدرك بالوفاء ساقها أهديك جزل المعاني يالشجاع الهمام حيثك من اللي يعيش الطيب بعماقها ياشبه حر تعﻻ فوق حد الغمام ﻻشاف جزله لك الله قص معﻻقها ﻻنك من أخوان نمشه محتمين الجهام يوم العرب يالعواجي توخذ أنياقها أيه أنت شيخ مكانك دايمن باﻻمام والشمس ماتنحجب في ساعةأشراقها من روس قوم تروم الموت وقت الزحام تموت في عزها ماتوطي أعناقها فعلك وطيبك أينومس يارفيع المقام والناس تحمد بطيب النفس وخﻻقها علمك ينومس يابن وايل وﻻبه كﻻم مزنة وفاء في سماء الويﻻن براقها أيه أنت شيخ معرب من خوال وعمام شيخ قومٍ تعز الجار بشناقها عبدالرزاق بطاح المطرفي |
بسم الله الرحمن الرحيم
يا المطرفي حييت في كل اﻻوقات اعداد من صام الشهر والقيامي واعداد من صلى افروض الصﻻوات واعداد من طاف الحرم بالحرامي ربعك لهم بالطيب والفعل وقفات يوم اﻻمن معدوم مابه نظامي فكوا اشياه الجار في ماضين فات موقف شريف وجارهم ما يظامي عبدالله سعيد الخالدي بعد ان تم تعديل الخطاء |
قريت خطك يازبون الونيات
يالولدعي ياشوق ضاف الكمومي ربعك هل الردات والخيل عجلات وعدوهم في مثبره مايقومي ولادعه يروون حد الرهيفات من صلب وايل بالمواقف قرومي أخيولهم دون العشاير أمغيرات في ساعتٍ فيها المنايا تحومي أنتم لكم في ماقف العز وقفات في ساعتٍ وغراب بقعاء يحومي أنتم هل الامجاد مابه أمراوات من صلب وايل قاطعين الخرومي وصلاة ربي عد نجم السماوات وعداد دورات القمر والنجومي اخي الغالي عبدالله سعيد الخالدي العنزي تقبل ردي المتواضع مع أختلاف القافيه في شطر العجز أخوك /عبدالرزاق المطرفي |
مرحبا وعداد نجومٍ ساريات
وياهلابك عد سحابٍ أمديم يازميلي وأبشر بقولٍ ثبات من صديقٍ مايقول الا السليم لو يضيق الوقت من اربع جهات أناخوك ولاتظام وتستظيم كانها بالمال ياشوق البنات وقفتي لك وقفت الزير العديم يوم قال كليب لخوه الوصات ماترك جساس في داره يقيم وكان قصدك هالزمن مابه حلات وضعنا ياخوك ماهو مستديم ضاعة أسلوم العرب مناشتات وبعض الاريامن البشر رايٍ عقيم لو بديت الرياي قالو فبركات وأنا قول العقل بالجسم السليم النصحيه قبل تشرا بلقحات ولاكن دور اليوم قليل الحليم يارفيقي جاك مردود الابيات وستبيحك عذر يالحر الهميم يالله يارحمن ياخير الصفات منزل القراءن بكتابٍ حكيم تنصر الاسلام وتلم الشتات يارحيمٍ مالنا غيرك رحيم محيي الاموات من بعد الممات بقدرتك يامحيي العظم الرميم وصلاة ربي عد بذرات النبات على رسولٍ جاء بالنور العظيم مجاراتي للاخ أنورجالي العبدلي ابوعبدالرزاق أخوك ابوشريف |
سلام يالويلان دايم شواميخ
مثل البحر مابين جزره ومده تاريخهم محفوظ بين التواريخ عيال وايل معتلين الاشده فوق المهار مطيرات الصلابيخ لاغارو الويلان مع مجرهده ناطا على راس العدو بالمناويخ خيلٍ مكاميناً وخيلٍ نهده والشعر همز ولمز من غير تلطيخ وبابٍ يجيك من المهابيل سده عبدالرزاق المطرفي |
قم يانديبي شغل الجيب مشكور
توه على التمرين لونه سماوي من عندنا حرك على فجت النور وفلل تنوكه من محطات ضاوي عليه من يوصل جوابي على الفور لبوونيس الحر نسل النداوي جاني جوابك يابعد كل مثبور يالنادر الطيب بعيد الهقاوي نسل الرجال مزبنت كل مخطور لاشاف من ظيم الليالي بلاوي جعافره بالمجد ماضيلهم دور من صلب وايل مبعدين الخطاوي قصيرهم يحشم عن الظلم والجور في راس عيطا من نصاهم جلاوي من دور أخو نمشه مع حجاب مذكور وفعالهم لليوم مع كل راوي ماينمحي فعلٍ مع الناس مخبور هذا كلام الصح ماهو هقاوي صابورهم يسطي على كل طابور وعدوهم تكثر عليه البلاوي وياصاحبي ماني من الحب مقهور يالوايلي ماله بقلبي ملاوي لاشك هذا الدور يالعن ابوالدور عز الذليل وصار فيها نداوي وشوف ناسٍ حدها الوقت بحدور أهل الكرم والطيب وهل النخاوي هبيت ياذا الدور وش أنت محقور ياللي على الاجواد فيك البلاوي كم واحدٍ همه سطح مشت الزور يبغى الجزايل مار ماهو أبقاوي من قل ماله مايبادونه الشور ولوكان جده من أكبار الدهاوي هذا مردي لك ياوافي الشور وأنا على جزل المعاني رهاوي وبشرك أني مكيف ومسرور وأنا حمدالله ماعلينا دعاوي عبدالرزاق المطرفي |
اشهد انه زادني فخر وشرف
ابو يوسف ياجعل عمره طويل مرحبابه يوم جاني من طرف العواجي اللي مثله مايميل جده كل فارس عنه ينحرف من يدينه مانرمى السيف الصقيل وابو يوسف والله معرفته ترف مطرفي و لابته تصهل صهيل الكرم و الطيب فيهم ينعرف وايلي"ن معدنه معدن اصيل والجزايل،للي مثله،تنصرف من بناخي بالشعر ماله مثيل اهدإء للاخ الشاعر / عبدالرزاق المطرفي من اخيه الشاعر/ سعود الطويلعي |
مرحبا وعداد براقٍ يرف
من مغيب الشمس لبروقه نخيل وسمي البراق وسيله مانحرف لبوتركي نرسل القاف الجزيل وايلين بالفعايل ينعرف لاحتما الميقاف ولع بالفتيل والعواجي شيخ ولشيخه شرف محتمين الابل مع بيضا نثيل يوم ضرب السيف والدم أنذرف والعدو من ضربهم دمه يسيل وابوتركي لانخيته ونحرف من طناخت راس وحميٍ تهيل وربعه اللي بالمواقف تنعرف مادخل في صفهم رجلٍ ذليل وهذا ردي للاخ سعود الطويلعي عبدالرزاق المطرفي |
| الساعة الآن 05:07 PM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010