|
"يا خالنا يا الطنقرة يا بياع اخته بالمره"
السالفه وما فيها فيه واحد ماله إلا اخت وحده ويغليها مايشوف ولا يرى غيرها وهو متزوج ولكن مانقص غلا اخته عنده عقب مااعرس لان ابوه وامه توفوا وهم صغار ومن طلع على الدنيا وهو مايشوف الا وخيته وكبر غلاها مع الايام لكن زوجته ماهوب عاجبها اللي يصير تغار ليه زوجها يغلي اخته وهي مجحوده وبدت تفكر وشلون تزحلق اخته ويفضى لها الجو مع زوجها جتها فرصه على طبق من ذهب واستغلتها راح زوجها للحج وبقت هي واخته وقامت تفكر وش تسوي في اخته قالت لها ومسويتن فيها ملامح بريئه وهي ام الخبث واللعانه قالتها لها انتي تحبين اخوتس وتغلينه صح قالت ايييه والله مالي في هالدنيا غيره لو اذبح عمري على شانه ولا يمسه البلا قالت طيب ابلعي بيضتينولا تقرشينهن لو ان انكسر وهي بفمتس بيصير بـ اخوتس بلا وكانها سقطت في بطنتس امورتس طيبه ويرجع لتس سالم من الحج اخوتسس ولا به الا العافييه ((الخبيثه جايبتن لها بيضة حيّه وبيضة غراب وبلعتهن المسيكينه وبقن في بطنها ))) وعقب فتره البيض كل ماله يكبر في بطنها :( رجع اخوها من الحج وجته مرته وقالت تعااال مادريت وش صار شفت هالملعونه وش سوت فضحتنا وسودت وجهك قال وش فيه قالت اختك حامل قال اعقبببببببببببببببببببي يالخاسيه اختي ماتسوي هالسوايا قالت انا اقولك قال وش هي ؟ قالت خلها تفليك بالقايله واذا قالت لك ذبحتنا الشمس توديك للضلال واذا راحت للضلال قالت ذبحنا البرد خلنا نروح للشميسه قال والحكمه ؟ قالت توحم ولا تداني لا الضلال ولا الشمس اخوها دارت بها الدواير وضاقت به الوسيعه وراح لها كما الريح يبي يتوكد من السالفه وهو يدعي يالله عساها ماتكون صدز وراحوا وصار اللي قالت له زوجته صدز درى ان اخته حامل : وجلس هو وزوجته يفكرون وش لون يتخلصون منها ويقلعون مداها باللي هي به قالت له ان خليناها هنا كبر بطنها وجابت لنا الفضيحه لكن اذبحها وفكنا من شرها الدلخ صدق وقال مالها الا تسذا موتتها حلال راح يم اخته وجلس عندها وهو مبتسم << وجه اللي به بلا ويرقع قال ماودتس نروح نقنص ؟؟ وهي كـ عادتها ماترد له طلب قالت يالبيه نروح للي تبي وراحوا للبر وهو ناوين ذبحها وهم بالطريق ويتذكر سوالف قبل هو وياها وشلون تربوا جميع والايام اللي راحت وهو معها ووصية ابوه وصار شريط ينعاد في دماغه << جعله الفضخ :وهو ناوي انه يذبحها ليا نامت انكسر خاطره عليها وقال اجدعها ابرك من ذبحها ويوم حل عليهم الليل نامت البنت وهي شكت بالوضع حست ان اخوها ناوين عليها نيتن شينه ويوم ناموا وهي تربط شماغه برجلها على شان مايسري ويخليها النذل قليل المروه يوم شاف ان البنت نامت وهو يقطع شماغه وينحاش ويخليها لحاله بالبراري حسبي الله عليه قامت البنت واتلفت تدور اخوها يااخوي وينك ياشقيقي ياعضيدي وتشوف رجلها الا الشماغ مقطوع وتقوم تبتسي وتصيح واحسافه ليه انا وش سويت لك ياوخيي :( سنعت نفسها البنت واعتاشت منا ومنا دبرت نفسها ومرت الايام عليها وولدت وجابت حيـّــه و غــــراب الحيّــه دايم حولها وتلفلف عندها تحميها ولا يقرب احد حولها امها قامت تفح عليه ارحم من اخوها والغـراب يصيد لها من الارانب والطيور ويجيب لاأمه ((( واششششششششيب عيني ياسبحان الله ))) وبقت مع عيالها ماخلوها الحيه حولها والغراب يدور لها اكل كبر الغراب وحست انه يعتمد عليه يعني رجال في وقتنا قالت ياوليدي رح دور خالك وهذا شماغه شم ريحته ودوره << من الوفا الشماغ ماقطته شايلته قال ابشششششري اجيبه لتس اللحين احووم منا ومنا لين القااااااااااااااه الغراب كل ماشاف له احد نزل له وقام يحوم عليه يشم ريحته هو خاله ولا لا ويلقى اكا الرجال يذبح له خروف ويقرب له ويشم الا والله هذي ريحة خاله قليل الخاتمه وينتف من شعره ويوم راح خاله ويغر الشماغ بالدم على شان يتبعه خاله ويتبع اثر الدم وشين الحلايا ماتبع الغراب راح لربعه ويقول فيه غراب يحوم علي ولا ادري وش قصته وصار الغراب كل يوم يحوم حولهم ورجع لاامه قال يمه لقيته لكن شكله مهوب يمي ساحبن علي مايرد والاشارات مانفعت وش السواة غريت الشماغ بالدم قلت يمكن تبعني وهو ولا هو هنا نتفت من شوشته وقلت يمكن يفهم لكن سطل مايدري وين الله قاطه قالت شف ياوليدي خذ هالبيت وليا شفته قلها له اغديه يفهم قال سمي ياخــــــــــــالنـــــــــــــا ياالطنـــــقــــره ,, يابيــــــــّــــــاع اختـــــــــــه بالمــــــــــره الطنقره = زلابه راح خاله لربعه وقالهم يالربع السالفة كذا وكذا وش الدبره علموني وش يبي مني هالغراب اللي متولجني قالوا ليا شفته اتبعه واغديك تفهم هذا يبي منك شئ وشيّن كايد لكن الحقه وشف وش السالفه وجا الغراب وقام يحوم على راس خاله تبعه خاله وقام يمشي وراه لين وصلوا مغـاره لقى حيــّــه عند باب المغــاره ويوم شافته الحيــه وهي تلتف عليه تبي تـاكله طلعت ام الحيــّـه قالت سعيده سعيده هذا خالتس وانا امتسسعيده << الحيــّهتركته الحيــّــه وقامت تفح من الفرررحه والغراب فوق المغاااره يحوم من الوناسه خالهم رجع اخـوها طاح حنكه من كثر ماهو فاقن خشته من هول الصدمهوتعلمه السالفه كلها ودرى انا اخته مضلووووووومه << وش عقبه يالتسلب . قال وانا اخوتس والله لااخذ حقتس راجعن لتس عندي شغيله مبطي لازم اني انهيها بروح اخلصها واجيتس وراح لزوجته الا تغسل شعرها وتطالع فيه قالت هلا هلا قلط بزيّن لك القهوه قال انا اللي ابي ابل تسبدي بها جيبيها بس ويوم جابت القهوه وهو يكبها على النار ويثور قال ياتسلببببببببببه تتهمين اختي بشرفها وفرقتينا وخليتها بالبر كله منتس لكن ان كان فيه احد يستاهل الذبح هو انتي قال علميني وش سويتي بها ؟؟؟ قالت له السالفه انها عطتها بيضة حيـّه وبيضة غراب على شان يكبر بطنها وتظن انها حامل وتذبحها لانك تغليها اكثر مني قال الموت اللي يغليتس قال خذيها وانا ولد ابوي وذبح مرته ورجع لااخته ورجعت ايامهم الاوله وقال ياخوتس اذبحي عيالتس وانا اكفيتس عنهم قالت معصي هذولا اللي عزوني وحموني بغيابك رضخ اخوها للامر الواقع وعاش اخوها وهي وسعيّده والغراب وعاشوا عيشه هنيّه |
ربي يسعدك غاليتي على ايرادك للقصة
جد فيها من الواقع الكثير وخاصة الظلم والكيد لاحرمنا الله من جديدك وابداعك ودي ووردي لك |
يعطيك العافيه عزيزتي ع القصه ذكرتيني بسوالف جداتنآ لنآ ودِ |
اقتباس:
المشاركة الأصلية كتبت بواسطة د بسمة امل http://mdyf.net/vb/mdyf2011/buttons/viewpost.gif ربي يسعدك غاليتي على ايرادك للقصة جد فيها من الواقع الكثير وخاصة الظلم والكيد لاحرمنا الله من جديدك وابداعك ودي ووردي لك ويسعدك ربي اختي د بسمة امل وياكثر الظلم والكيد نسأل الله السلامة والابداع بمرورك المشرق لك شكري وتقديري |
اقتباس:
المشاركة الأصلية كتبت بواسطة هنوف الجعفري http://mdyf.net/vb/mdyf2011/buttons/viewpost.gif يعطيك العافيه عزيزتي ع القصه ذكرتيني بسوالف جداتنآ لنآ ودِ ويعافيك ربي اختي هنوف الجعفري يا حلات سوالف جداتنا الله يرحم جدتي وجدات المسلمين من راحن راحت البركه معاهن والوناسه مشكورة عزيزتي على روعة مرورك لك ودي وتقديري |
بنت الكحيــــــــــــــــلا .... ربي يسعدكــ ويسلمكـــ دائماً مواضيعكـ من أروع إلى أروع .... تقديري .
|
بنت الكحيــــــــــــــــلا .... ربي يسعدكــ ويسلمكـــ دائماً مواضيعكـ من أروع إلى أروع .... تقديري .
|
ويسعدك ربي اخوي محمد الاميلس
والروعه تكتمل بمرورك الكريم لك شكري وتقديري |
بارك الله فيك موضوع مفيد
تشرفت بالمرور عليه والجميل الذي يفيد ويستفيد غالي بن حليس ورزقي على الله |
وفيك بارك الله اخوي غالي بن حليس
مشكور على المرور الكريم لك كل التقدير |
الف شكر على طرحك الراقي المميز تحيه وتقدير لك |
اقتباس:
وفيك بارك الله اخوي غالي بن حليس والجمال بمرورك الكريم لك شكري وتقديري |
اقتباس:
العفو اخوي ذيب المضايف الشكر لك انت على مرور الراقي والمميز لك تحياتي وتقديري |
كانت تقصها لنا الوالده طول الله بـ عمرها .. لكن ماعمري كملتها للآخر .. > بـ سابع نومه الوريع ههههه .. الف شكر لك بنت الكحيلا على الايراد الجميل .. ود ِ~ |
لا والله انا كنت اسمعها للأخر العفو اخوي عويد الهذال الشكر لك انت على مرورك الكريم لك تحياتي وتقديري |
عافاك الله على طرحك الجميل اسعدك الله ووفقك لما يحب ويرضى لك ودي |
ويعافيك ربي اخوي عفات انور
والله يسعدك على مرورك الكريم لك شكري وتقديري |
الله يعافيك على الموضوع المفيد ويجزاك عنا كل خير الشكر والإمتنان لك |
ويعافيك ربي اخوي العندليب وتسلم على مرورك الكريم لك شكري وتقديري |
تسلم اياديك على الطرح الجميل عافاك الله ودي لك |
.
. يع‘ـطيكـً الع‘ـآفيــه‘ ع ـآلطرح‘ ـآلقيم‘ لآخ‘ـلآ ولآع‘ـدم‘ يـآرب ودٍ ‘ ~ http://dc02.arabsh.com/i/00315/84bsh9p8xwz8.gif |
اقتباس:
ومشكور على مرورك الطيب لك كل التقدير |
الله يعافيك اختي شموخ وايليه
ومشكورة على مرورك المشرق لك شكري وتقديري |
:)
بنت الكحيلا الله يعطيك العافيه على الطرح الجميل تسلم أياديك وجزيل الشكر لك تقديري |
الله يعافيك اخوي ابو سلطان وتسلم على مرورك الكريم لك شكري وتقديري |
تسلم يمناك على الموضوع يسلم ذوقك الجميل في الإختيار جزيت خيراً في الدارين |
اقتباس:
الله يسلمك ويعافيك اخوي شمالي حر ويجزاك ربي خير على مرورك الكريم لك شكري وتقديري |
جزاك الله خيراً يعطيك العافيةعلى الموضوع القيم والجميل وًٍدًٍيًٍ......لًًًٍٍٍكًًًٍ...... |
اقتباس:
ويجزاك ربي كل خير اخوي كساب الطيب وتسلم على مرورك الكريم لك شكري وتقديري |
يعطيكـ العـآفيهـ ع الطرحـ الرائعـ
لاعدمناااكـ |
ويعافيك ربي على المرورالجميل ميثاء |
الف شكر على طرحك الراقي المميز والمفيد
تحيه وتقدير لك |
الف شكر لكم على مروركم الطيب تحياتي وتقديري لكم جميعاً |
طرح رائع ومميز
الله يعطيك العافية |
شكرا جزيلا وبارك الله فيك ويعطيك العافية على الموضوع ..
|
الف شكر لكم على مروركم الطيب تحياتي وتقديري لكم جميعاً |
تسلم اياديك على جمال الطرح الرااقي
ودي لك وتقديري |
تسلم اخي عاشق الورد الله يعطيك العافية على مرورك الكريم لك شكري وتقديري |
ههههههههههه اما عيشه هنيه يرحم والديك من وين لقطتي هالحجاوه الله يقلع ابليسك اتخيلك جده بعصابه واحفادك حواليك ينتظرون النهايه. ،،،،، الله يسعد قلبك يارب ويعطيك العافية لاتحرمينا جديدك المميز
تقبلي مروري وتقديري |
عافاك الله ورعاك شكراً لك من الأعماق على الموضوع النافع |
| الساعة الآن 11:46 AM. |
Powered by vBulletin Version 3.8.7
Copyright ©2000 - 2026, Jelsoft Enterprises Ltd
Coupotech
HêĽм √ 3.1 BY: ! ωαнαм ! © 2010