سجلوا دخولكم في بيت قصيد من الشعر النبطي ..
 

أرفع مقامي عن المتردية والنطيحه
وما أصافح اليد اللي تخون العشيره


الشاعر / فرج البلاز

فكره جميله وممتعه
يعطيك العافيه خيو فرج
وهي أول مشاركه مني تعبر فعليا عن حالتي اليوم

عيدو العربان وحــنا ..صايمين
عيا هلال العيد يظهرفي سمانا

بنت الجبل

يالعيد خبرني عن وصل الأحباب
عقب البطى والبعد زاد الغيابي

العيد باكر والهوى حيل غلاب
وجملة مشاعر تشتكي من عذابي

الشاعر/ فرج البلاز

ياعيد وين الي على البال يطري
مـرت سنين وما يفــارق خـيالي

سنين وغلاته بالشرايين تــسري
ولاني عنه لو طـول البعد سالي

بنت الجبل

الله عليك وصح لسانك يا بنت الجبل على الأبداع الجميل


بأنتظار تفاعل الجميع

:)

جيت أبهنيكم من بعـد.. الصــيام
ياجــعل عيدك مبارك ...ياغـلاتـي

لو كثرو العواذل فيــك.... المـلام
تبقى الغالي عندي يافرحة حياتي

بنت الجبل

مدري كيف الناس تصبر.. بالبعاد
وكيف يسلى القلب وتنام العيون

وربي في بعدك أحس اني بحداد
يعتليني الهم وآهات .... الشجون

يا عزوتي وش ي اخبارك
قلي وش الذيب وعلومه
يا عزوتي عيدك مبارك
مفطر ومثلي وصل صومه
يا عزوتي ودي نشارك
لكن جيراني بهم شومة
صاموا وانا صمت يا مبارك
غصب وانا النفس مكلومة
لو الامر ثاري وثارك
شفت الشياطين مرجومة
مير البلا ما بها معارك
جارك ما ودك له بلومه
والفتوى جتنا صم بدارك
فتوى كريمة ومختومة
خلك مع الناس ثم شارك
لا تنفرد والعرب كومة

بنت الجبل عيدنا واحد
لو الاعاريب مختلفة
هات الحلوات بالكاغد
هدية العيد يالترفة
تعالو يمي ولا تباعد
واشرح لكم باقي الطرفة
الوضع صعب ولا يساعد
كلن معيد وسط جرفه
شفت العرب شرهم قاعد
تفرقت ما لها حرفة
اهلالها صار متباعد
والكل معيد حسب صرفه

اوووه هي شاعرنا القارظ نور الموضوع
صح لسانك
البارحه المغرب وانا. قاعد
أناظر الهلال من .. الشرفه

عسى بريق ضو ..... شارد
ينورلي زوايا ....... الغرفه

تلسكوب العلماء ..ماساعد
ولاحد شاف للهلال.صرفه

بخار فنجاني ..... يتصاعد
واحسه يناظرني... بطرفه

المهم جانا القرار .... واعد
والكل عيد حسب ...ظرفه

صح السانك بنت الجبل وكل عام وانت بالف خير وصحة وسلامة

صحت السنتكم تريليوووووون
وسلمت أناملكم الذهبية على ما خطت من حروف
وكلمات تكتب بماء الذهب

من زود شوقي فز قلبي يحييك
ماغير اسمك يخطر على ... بالي

لو قلت انا مشتاق تراني اعنيك
ولاني عنك ياهوى البال .سالي

يا بنت انا في قلبي احساس واحساس
حس اليتيم اللي فقد ريحة أمه
دمعه يسيل ولا درا بحالته ناس
يبكي الحنون ويشتكي صلف عمه

قمت آتمشى بعد ماخاطري ضاق
يم البحر .. اشكي لموجه همومي


هموماً عليها النجم ضاوي ماطاق
من كبرها فارق .. عن العين نومي

... بقلمي ...

على طاري الغرام الي لعب في خافبي اليا ذاب
تضج الااااه في صدري فكل روحه وكل جيه

اعيش بديرتي واهلي واحس ان الوجوه غراب
واحس اني بعد فرقاك اعيش فصحراء منفيه

عيدك مبارك يا من شكى وقته وضاق
قبلك شكينا للبحر والنجومي
صبرك على همك وانتظر رب الارزاق
يفرج همومك الولي .....مع همومي

ياما نصحتك تدخل الحب بقياس
قبلك دخلت الحب أنا وعشت همه


الحب له اسلوب يا صاحبي وساس
واما أنت ودك بس من الزين ضمه

وي وي وي
هاذ شاعر الحنين كمان هون
ياهلا وغلا وصح لسانك

يا ليالي العيد هلي وانثري سحر السعاده
في سما انيس الروح الي به الفضاء ضاق

ويا طيور الفرح غني غلاته بقلبي عباده
وغردي ترى عيون عليها الحزن .. مالاق

جتني رساله . وفي الرساله إفاده
تقول وينك .. قلبي بالحيل مشتاق


ما نال قلبي . . من هواكم مراده
يا مالك ن روحي .. وللقلب خفاق

انا هوايه دوم مع حمر الاطعاس
مع زمة البدوان ......... زمة زمة
مع الذي ما شفت مثله بالانفاس
ريح البختري والنفل ريح .ضمه

خابرك يا القارظ .. كما طير قرناس
تحوم ثم تنزل . . وصيدك . . تخمه


الظاهر إللي . . لوعك ظبي مكناس
أدعج .. كحيل العين . وخفيف دمه

المشكلة يالضاوي رفيقي من الناس
غالي وعند البيض .... ما فيه ذمة
عينه على اللي خدها تقل قرطاس
تقل ما له غير الخطايف ...... مهمة

كتبت حروفي من شوق وإحساس
حد اشتياقي بها واصل...... القمة

وصفت بها عشق روحي.. لقرناس
كريم ويرعى بقلب صاحبه... ذمه

مالاق الغلا على غيره من .. الناس
وارث ن الطيب من خاله ....وعمه

عليل قلبي ولا حد داري بشكواي
والحزن مشعل بعروقي .. حرايق

من غياب صاحب هو داي ودواي
من ورد الشوق له بقلبي .حدايق

صاحبي الليل بغيابك... شقا
وفي حظورك كل مافيني طرب


انتظرتك احلم بساعة....... لقا
عايش اناوقلبي في حالة شغب

حطمت قلبي . ويش بقى عاد ترجيه
شكراً مجمل . . وكثر الله . . خيرك


ما عاد بقى شيً . . من الدنيا ابغيه
إلا .. عوض ربي . . يعوضني غيرك

كم بعتني مره واناجيت ...شاريك
وارخص الدمع واقول فدوه لعينه

واليوم هاذ القلب ماعاد ...يبغيك
ولا عاد لأجل عين تكرم .. مدينه

هي كمان شاعرنا العذب
عبدالعزيز الوادي
نور الموضوع
صح لسانك

نزف حرفي على اوراقي في نقا
والقلم بعد الكسل عاد ...وكتب

وباح بكل مابصدري وما.... بقا
وسطر الحنين عذب في. عذب

الصب قالو . . تعرفه . . من عيونه
واصدق كلام الحب . كلمات العيون


الشوق وارف .. وأنبتت بي غصونه
ماقلت أحبك .. بس أنا فيك مفتون

صحت السنتكم
فكرة ممتازة ومتصفح ممتع

كشفتك وكل شيئ باين
خنتي الحب وماصنتي

تقولين . . الزمن خاين
وأكبر خائنه . . إنتي

مساء الخير يا خل سبى روحي. باشجانه
ترا ياصاحبي قيفاني في وصلك عذوبتها

علام حرفي اليوم مايوصف. شعور
مدري غياب الملهم والا القلم غدار

كتبت لاكن البوح حسيت به قصور
المعذره ياصحبتي يانخبة .. الشعار