شبكة المضايف الأدبية والثقافية

شبكة المضايف الأدبية والثقافية (https://mdyf.net/vb/index.php)
-   مضيف الشعر النبطي (https://mdyf.net/vb/forumdisplay.php?f=10)
-   -   انا من الضيق كني داخل انبوبه | تقدر على كتم احاسيسي ولا اقدرها (https://mdyf.net/vb/showthread.php?t=65362)

جمر الغضا 11-05-2022 10:49 PM

انا من الضيق كني داخل انبوبه | تقدر على كتم احاسيسي ولا اقدرها
 
أنا من الضيق كني داخل إنبوبه
تقدر على كتم أحاسيسي ولا أقدرها


ساكت ، و ضـايق عقب توديع رعبوبه
في كل ليله أرجّعها و أذاكرها


قصيدةً فوق سطح الشمس مكتوبه
نقّاد الإبداع ما تقدر تفسرها


جمالها ، معضلة فكريه ، إعجوبه
تزاوج أحلى نسل يعجز يكررها


كنـْها من الـ لا وجود فـ الأرض مصبوبه
تغار منها الأماكن .. بس تشكرها


عند العطورات مكروهه و مسبوبه
لأنها تعطّر عطرها .. ما يعطّرها


ما أعرست لأنها للغيم مخطوبه
لكن .. ولد عمهّا الانسان حاجرها


هي تنظر إن الزواج .. أشياء مسلوبه
ترجع بقوّة عزوم اللي يدوّرها


وهو يشوف الزواج .. أقدار مكتوبه
وإن المره عوره ، الرجال يسترها


بتروح له .. وسط ضحك الناس مغـصوبه
لكن عساه يتجنّب حس خاطرها


وإلا المحبّه ، ولوّ إيشقّق جيوبه
ما حبّـته لو يدللها و يسحرها


تحبني قبل ما تقرب من عيوبه
وأموت فيها من أولها إلى آخرها





جمر الغضا

جمر الغضا 15-05-2022 06:59 AM

شاعر خيال وداخله رووووووح انسان

القارظ العنزي 15-05-2022 09:56 AM

عز الله هذي الضيقة صحيح داخل انبوبة
يفرجها الله يالبناخي ما أجمل تصوير الشاعر
لحاله قالوها العراف قبلنا: ما يحس بالنار الا
رجل واطيها صح السانك ايها الفذ الراقي
الذي ارتقى لأجمل الجماليات من القوافي
والابيات الشاعر جمر الغضا دمت ودام عطاءك

جمر الغضا 15-05-2022 10:04 AM

اقتباس:

المشاركة الأصلية كتبت بواسطة القارظ العنزي (المشاركة 1187499)
عز الله هذي الضيقة صحيح داخل انبوبة
يفرجها الله يالبناخي ما أجمل تصوير الشاعر
لحاله قالوها العراف قبلنا: ما يحس بالنار الا
رجل واطيها صح السانك ايها الفذ الراقي
الذي ارتقى لأجمل الجماليات من القوافي
والابيات الشاعر جمر الغضا دمت ودام عطاءك




صح بدنك القارظ العنزي
الحب من اجمل انواع المرض
ولربما ان الجميع مر به

شرفني مرورك يالغالي

خيّال نجد 16-05-2022 03:09 AM

الله على الأبداع والروعة
صح لسانك يالجزل

جمر الغضا 21-05-2022 09:25 AM

صح بدنك

خيال نجد من القلب
��

كساب الطيب 22-05-2022 01:13 AM

صح لسانك ابها الرائع

جمر الغضا 02-06-2022 11:26 PM

صح بدنك

كساب الطيب لا عدمتك يابعد راسي

الاطرق بن بدر الهذال 03-06-2022 09:52 PM

صح لسانك مليار وتكرار

نص ابداعي واكثر من رائع

احساس انثى 03-06-2022 11:13 PM

صح بوحك ويعطيك العافيه شاعرنا
ابيات اكثر من رائعه راقت لي
بانتظار جديدك القادم بشوق
تحياتي لك
احساس انثى


الساعة الآن 04:39 PM.

Powered by vBulletin Version 3.8.7
Copyright ©2000 - 2024, Jelsoft Enterprises Ltd Coupotech
HêĽм √ 3.1 BY: ! ωαнαм ! © 2010