مأبي حضور وللغلا مأبي عناد = مأبي وعُـود ولا سوالف مجانين
قلت الهجاء ماهو هجاء لعبة أعداد = شد المدى وأرخه على العسر واللين
عام وسنه والكون هجري وميلاد = الوقت فوضى وزحمة أموات حيين
الخارطه والأرض .. خانات وأمجاد = والبعـد يقرب بالحجج والبراهين
ماتوا بها الأجداد وأن عاشوا أحفاد = بين الرجا واليأس والغبن والبين
لـيـت الأماني حـقـقـت كل ميعـاد = مثل النفس والنبض بين الشرايين
( مال الغلا غير الغلا قــْربه وزاد = ومال المرايا غير الأشكال تدوين )
ماكل (كل) يساوي أهـداف وأبعاد = وماكل (كم) يراود النفس والعين
والله لو أغرّق وأعطش أصفار وأعداد = وأصير أعمى البوصله والمحبين
لا حلم . لا قسمه . ولا حزن وحـداد = الحلم واحد ؟ والاماني ملايين
هـجـن الحـياه وخـيلها .. أضـعـاف وشـداد = الموت راعي والعمر قاب قوسين
على المشبّه والمسمى للاجـداد = لا صيت . لا شهره . ولا ناس غالين
واللي لهم في خاطري كسر وأقياد = غابوا شهر ولا بعـد غابوا سنين
معي لهم بين المواسم والاعياد = يولد غلاهم ويتكــّـاثـر مظامين
هـذا قليل .. وللوفا جيت منقاد = ياكثر عـشاقي وقــّـل القريـبـيـن !!

أبى أنثر الونه على قوس الاوجاع = مسحوب وهجيني ولا فيه مكلوف
صرخة حـروفي بـعــّـثـرت حــدب الاضلاع = على الـورق صارت لك سطور وحـروف

ماكنـت أضمـك فـال وأقـرأ بـه كـفـوف = ماكنت أشيلك روح وأرمي لهـا أرواح
لو ماكرهت بوصفك الصارخ أوصوف = لـو ماعشقـت بجرحـك النـازف أجـراح
مـاوالله أنشـد عنـك خطـوه ولا شــوف = وأقصـد وأهيجـن لـك علـى كـل ملـواح
أصبحت فـي دنيـاك وأمسيتهـا ظـروف = الحـلـم جــف وبـــارق الـوســم مـــالاح
ضاع العمـر كلمـات والعاشـق حـروف = كيف آخذك وأعطيـك وأهديـك الافـراح
لـو بالغـلا والـشـوق والخـاطـر كـلـوف = ماجـيـت أردك للتـعـب وأنــت مـرتـاح
أمـا أذكـرك بالخيـر وأنـسـاك مـعـروف = والاّ أضحكك وأبكيك مسرى ومصبـاح
كـنـي مـثـل مجـنـون بالعـقـل مـكـتـوف = والاّ ضـريـرٍ بالعـصـا يمـسـك وطـــاح
بين أكتبك وأقراك وأرسمـك ملهـوف ؟ = لا ماهقيتـك حلـم فيـه الـزمـن راح