^

^

^

جيتك وياخذني لك شعور وأحساس = دافع غلا ماهو شعـور ازدواجـي
وبنيت لك بالحب قصرٍ على سـاس = وعيشتني بالحلم في بـرج عاجـي
وتوجتني باغلى الجواهر والالمـاس = حتى مزاجك متفـق مـع مزاجـي
وسكبت لك عذب الاحاسيس بالكاس = واسقيتني مـر العـذاب الهماجـي
رحت وتركت الهم يربى بالانفـاس= ودعتني والضحـك وّدع احجاجـي
وعيشتني فى ضيقة الصدرواليـاس = وطفيّت فى وجهى فتيلـة سراجـي
كنت الامان اللي توارى بالادمـاس = واسدل خيوطه هالظـلام المفاجـي
عشتك بحلم الليل وأصبح بالافـلاس = حظوظ ياحظـي كفايـه احراجـي
عمري قضى حرمان وسنينه اتعاس = وسكون ليلـه عبرتـي وختلاجـي
ورجعت وجروحي تشمّت بها الناس =وكسر الخواطر مثل كسر الزجاجي
من كسرة الخاطر أجر وألف لا باس = مافيـه ضيـق إلا وراه انفراجـي
يسلـي احزانـي ليامـر هوجـاس = حزنٍ قريته في قصيد العواجـي

الشاعره/ عنود الشيباني

صح لسانك نزف راقي وجزاله مابعدها جزاله سحابة ماطره من الابداع

تقبلي مروري المتواضع وبأنتضار القادم من روائعك